Tshivenda 1998 (VEN98)
18

U livhuha Mudzimu we a kunda maswina a Dafita

(2 Sam. 22:1-51)

Phisalema ya Dafita mukoma wa Muṋe washu ye a sikela malogwane. Luimbo holu o lu imbela Muṋe washu musi o mu ponyokisa zwanḓani zwa maswina awe oṱhe na zwanḓani zwa Saulo.

Muṋe washu ndi vhushavhelo

181Ndi u funa hani Muṋe washu,

maanḓa anga ndi Iwe.

2

18:2
Ps. 31:2
61:2-3
71:1,3
91:2
144:2
Muṋe washu ndi vhukhudo hanga,

ndi dzhavhelo ḽanga,

ndi Mutshidzi wanga, Mudzimu wanga,

bako ḽanga, Ene ane nda khuda ngae,

ndi Ene tshiṱangu tshanga,

pfumo ḽi nndwelaho,

hone vhushavhelo hanga luwani.

3Muṋe washu ndi ḓi mu vhidzelela ndó welwa nga maswina,

a ntshidza, nga hu khoḓwe Ene.

Dafita a tshi lamukiswa

4

18:4-6
Ps. 116:3-4
30:3
Ndo vha ndo tandedzwa nga mambule a lufu,

ndó khakhedzwa nga tshirulu tsha ndozwo.

5Ndo vha ndo tandedzwa nga mambule a vhudzulavhafu,

ndó livhana na milavhu ya lufu,

6nda ḓi vhidzelela Muṋe washu ndo khakhedzwa,

Mudzimu wanga nda mu ṱavhela mukosi,

Ene a pfa ipfi ḽanga e pfamoni yawe,

mukosi wanga wa swika nḓevheni dzawe.

7

18:7
Ps. 99:1
Zwenezwo shango ḽa dzinginyea ḽa tetemela,

miteo ya dzithavha ya tseka-tseka,

ya dzinginyea ó sinyuwa;

8

18:8
Ek. 19:18
ningoni dzawe ha duba vhutsi,

mulomoni ha bva khavhu dza vhuhali,

a pfela masimbe a mulilo fhasi;

9

18:9-16
Ps. 144:5-7
lutombo a lu peta a tsela fhasi,

swiswi ḽitswu-ḽitswu ḽí fhasi ha ṋayo dzawe;

10

18:10
Ek. 25:18-22
Esek. 1:22-28
a fhufha ó namela mukherube,

a tengama nga phapha dza muya,

11a dzhia swiswi a fuka ḽone,

thumba yawe e makole matswu a mvula,

12

18:12-14
Ps. 77:17-18
phanḓa hawe he vhenge,

makole awe a shulula tshifhango na masimbe,

13Muṋe washu a ritha mubvumo ṱaḓulu he ngindii,

Waṱaḓuluṱaḓulu a mbo ṱahisa ipfi ḽawe

ha shuluwa tshifhango na masimbe a mulilo,

14a posa misevhe yawe a vha balanganya,

a thathabisa nḓadzi dzawe vha shavha vhó ḓaḓa.

15

18:15
Ps. 77:16
Yes. 51:9-10
Zwenezwo miedzi ya lwanzhe ya sala nnḓa

miteo ya ḽifhasi ya sala khagala u tshi vha kaidza Iwe Muṋe washu,

hu tshi tita muya u bvaho ningoni dzau.

16

18:16
Ps. 32:6
40:2
Muṋe washu a onyolosa tshanḓa e ngei ṱaḓulu,

a ntakula a nṋula mikumbelani,

17a nndamukisa zwanḓani zwa swina ḽanga ḽa maanḓa

na vha mmbengaho,

ngauri nṋe ndo vha ndi nga si vha kone.

18Vho nnzhongondedza ndó welwa nga zwo vhifhaho,

hone nda tou fa Muṋe washu,

19Ene a nṋula vhukati havho.

O ntshidza ngauri u a mpfuna.

Muṋe washu u a fulufhedzea

20

18:20-24
Ps. 51:1-5
Muṋe washu o mpfufha

nga zwo fanelaho a no fulufhedzea,

a nṋea zwo fanelaho a si na mulandu,

21ngauri ndo tevhedza nḓila dza Muṋe washu,

a tho ngo tenda vhuvhi vhu tshi mphandekanya

na Mudzimu wanga.

22Milayo yawe yoṱhe a i ṱuwi mbiluni yanga,

zwe a laya a tho ngo zwi sendedza kule;

23Ene muṋe o vhona ndi sa solisei,

tshanga ho ḓi vha u ofha u khakha.

24Ndi zwe Muṋe washu a mpfufha

nga zwo fanelaho a no fulufhedzea,

nge a vhona ndi si na mulandu.

25Vha vhuthu Iwe u ḓi vha itela-vho vhuthu;

a sa solisei u mu pfufha nga zwi sa solisei;

26vha mbilu dzo ṱambaho

vha wana na Iwe u na mbilu tshena,

hone vhadziavhumbulu vha wana u swina.

27

18:27
Ps. 9:12Luk. 1:52
Iwe u tshidza vha ḓiṱukufhadzaho,

wa ṱukufhadza vha u ḓihudza.

28

18:28
Ps. 36:9
Muṋe washu,

ndi Iwe une wa ntshidza,

zwa nga wo mpfungela luvhone wa pandela swiswi ḽo ntibaho,

Iwe Mudzimu wanga.

29Ndí na Iwe ndi wela mmbi nga pfumo,

ndí na Mudzimu wanga ndi fhufha mitsheṱo.

U kunda nga maanḓa a Mudzimu

30Ndi Ene Mudzimu a sa khakhi,

ḽine a amba ḽi ḓi wanala ḽi ngoho.

Ndi Ene tshiṱangu

tsha vhoṱhe vhane vha khuda ngae.

31

18:31
Yes. 44:8
Ps. 18:2
Nṋa hone Mudzimu ndi nnyi arali e si Ene Muṋe washu?

Bako ḽa vhudzumbamo hashu ndi nnyi

arali e si Mudzimu washu?

32Ndi Ene Mudzimu we a nnyambadza nungo,

nda tshimbila ndi sa khukhulwi.

33U mpha luvhilo lwa phala,

na nṱha ha thavha a thi khukhulwi.

34Zwanḓa zwanga u zwi gudisa nndwa,

zwa khwaṱha nda akha vhura ha tsimbi tswuku.

35U tshidzwa nga Iwe ndi tshone tshiṱangu tshanga,

u ntika nga tshanḓa tshau tsha maanḓa,

wo nṋea vhuhulwane nga vhuthu hau.

36Ṋayo dzanga wo dzi ṋea vhukando,

nda sa redzemuwe.

37Maswina anga ndo a pandamedza nda a fara,

nda sa vha humele vha sa athu fhela vhoṱhe.

38Ndo vha sukekanya vha si tsha vuwa,

nda vha kandekanya nga ṋayo dzanga.

39Wo mpha maanḓa a u dzhena nndwa,

maswina anga wa a susumedza nga fhasi ha ṋayo dzanga.

40Wo ita uri maswina anga a mphe zwitiko,

nda fhedza vhoṱhe vhe vha vha vha tshi mmbenga.

41Vho ṱavha mukosi vha shaya mulamuleli,

vha vhidzelela Muṋe washu a si vha aravhe,

42nda vha phusukanya sa buse ḽi hwalwaho nga ḓumbu,

nda vha kudza nnḓa vha nga lurofhe nḓilani.

43

18:43-45
Ps. 2:8-9
Iwe wo nndamukisa vhathu vha tshi mmvutshela,

wa mmbumba yone ṱhoho ya dzitshakha,

nda luvhiwa na nga vhane ndi si vha ḓivhe.

44Vho ri u pfa bvumo ḽanga vha mbo ḓi ḓa vha luvha,

vhatsinda vha ḓa vha khotha,

45

18:45
Mika 7:17
vha kulea miraḓo,

vha bva mitsheṱoni yavho vha tshi tou khura nga nyofho.

Kha hu rendwe Muṋe washu!

46

18:46
Ps. 18:2
Muṋe washu u a tshila!

Kha hu rendwe Ene bako ḽanga ḽa u khuda,

nga hu huliswe Ene Mudzimu a ntshidzaho,

47Ene we a mpha maanḓa a u ḓilifhedzela,

dzitshakha a dzi ita vhalanda vhanga,

48a nndamukisa zwanḓani zwa vha mmbengaho.

Ee, ndi Iwe we wa nṋea vhuhulwane nda fhira maswina anga,

vhalevhi vha tshi mmvutshela wa ntshidza.

49

18:49
Ps. 108:3
Rom. 15:9
Muṋe washu,

ndi zwine nda ḓo u renda vhukati ha dzitshakha,

ndi ḓo renda dzina ḽau nga luimbo.

50

18:50
Ps. 20:6
2 Sam. 7:16
Khosi ye wa i ta wa i sumbedza lufuno lu sa dzinginyei,

ya kunda maswina tshoṱhe –

ene Dafita na vhaḓuhulu vhawe,

zwino na lini na lini.