Tshivenda 1998 (VEN98)
16

Mudzimu ndi Ene dakalo ḽanga

Luimbo lwa Dafita.

Mulanda a fulufhedzeaho wa Muṋe washu

161Mudzimu nndondole,

ndi khuda nga Iwe.

2

16:2
Ps. 73:25
Zwililo 3:24
Hos. 2:17
Ndi amba na Muṋe washu nda ri,

“Muṋe wanga ndi Iwe;

a thi tshee na tshiṅwe tshivhuya,

ndi Iwe u woṱhe.”

3Hone midzimu yo ḓalaho fhano shangoni,

ye na nṋe nda vha ndi tshi i takalela,

ndi vho i vhudza ndi ri:

4Vhane vha gidima murahu hayo vha ḓiovhela khombo nnzhi;

vha tshi phasa nga malofha a zwiṱhavhelo

nṋe ndi ḓo sendela kule,

madzina a midzimu yavho ha nga pfali mulomoni wanga.

5

16:5-6
Josh. 18:10
Num. 18:20
Gen. 15:1
Muṋe washu ndi Ene mukovhe wanga u mpfushaho,

zwo nndivhaho zwi bva ha Iwe.

6Mukovhe we wa nṅwatela lu tou vha ludzula,

ifa ḽanga ḽo naka hani!

Muṋe a fulufhedzeaho

7Ndi renda Muṋe washu Mulayi wanga,

na vhukati ha vhusiku luvalo lu a nnyeletshedza.

8

16:8-11
Mish. 2:25-28
Muṋe washu ha ṱuwi mbiluni yanga,

thi tseki, u na nṋe.

9Ndi zwine mbilu yanga ya takala,

muya wanga wa fhululedza,

vhukuma ndi ḓo dzula ndo khuda.

10

16:10-11
Ps. 30:3Dan. 12:2
U nga si nndaṱe

nda milwa nga lufu,

nṋe mulanda wau a fulufhedzeaho

u nga si tende ndi tshi dzhena tshaloni.

11U ntsumbedza nḓila ya vhutshilo;

ndí na Iwe, ndi hone ndo fushea,

zwine wa mpha zwi dzula zwi tshi ntakadza.