Tshivenda 1998 (VEN98)
145

U renda Mudzimu mutondi

Phisalema ya Dafita ya u renda Mudzimu.

Thendo

1451Mudzimu wanga, Khosi yanga,

ndi ḓo ḓivhadza vhuhulu hau,

nda u livhuha lini na lini;

2ndi ḓo u livhuha misi yoṱhe,

nda renda dzina ḽau lini na lini.

3Muṋe washu ndi muhulwane,

thendo khulu yo mu fanela,

vhuhulu hawe a vhu ṱalukanyei.

4

145:4
Ps. 78:4
Mishumo yau i ḓo rendwa nga mirafho na mirafho,

vha ḓo ḓivhadza mishumo yau mihulu.

5Ndi ḓo dzula ndi tshi elekanya vhugala hau,

na vhurena, na lupenyo,

na maḓembe e wa ita.

6Vhathu vha ḓo ḓivhadza maḓembe au a maanḓa, a ofhisaho,

nṋe nda ḓivhadza vhuhulu hau.

7Vha ḓo pembelela vhuthu hau vhuhulu,

nṋe nda fhululedza u fulufhedzea hau.

Mudzimu wa tshilidzi

8

145:8
Ek. 34:6
Muṋe washu u na tshilidzi na khathutshelo,

ha ṱavhanyi u sinyuwa,

lufuno lwawe ndi luhulu, a lu dzinginyei.

9Muṋe washu u tonda vhoṱhe,

vhoṱhe vhe a vha vhumba u vha pfela vhuṱungu.

Khosi ya lini na lini

10Muṋe washu, zwisikwa zwau zwoṱhe zwi a u renda,

vhalanda vhau vha fulufhedzeaho vha a u livhuha.

11Vha ḓivhadza vhurena ha muvhuso wau,

vha amba nga mishumo yau mihulu,

12u ḓivhadza vhathu mishumo yau ya maanḓa,

na vhugala ha vhurena ha muvhuso wau.

13

145:13
Ps. 47:5-9
Vhuhosi hau a vhu fheli,

muvhuso wau a u gumi,

u ḓi ima ha fhira mirafho na mirafho.

Muvhavhaleli

14

145:14
Ps. 9:12
Muṋe washu u tika vhane vha khou wa,

a vusa vho kandeledzwaho.

15

145:15-16
Ps. 104:27-28
Maṱo a vhoṱhe o sedza Iwe,

u vha ṋea zwiḽiwa nga tshifhinga tsho teaho;

16u putulula tshanḓa tshau nga mbilu tshena,

wa fusha zwoṱhe zwi tshilaho.

17Muṋe washu u a fulufhedzea kha zwoṱhe zwine a ita,

vhuthu hawe vhu vhonala kha mishumo yawe yoṱhe.

18

145:18
Dot. 4:7
Yes. 58:6-9
Muṋe washu u tsini ha vhoṱhe vhane vha mu rabela,

vhane vha mu rabela vhe ngohoni;

19

145:19
Mir. 10:24
vhane vha mu ofha u vha ṋea zwine vha lila;

u pfa na mukosi wavho a vha tshidza.

20

145:20
Ps. 1:1-6
Muṋe washu u londola vhane vha mu funa,

vhavhi vhone u a vha lozwa.

21Mulomo wanga u ḓo renda Muṋe washu,

vhathu vhoṱhe

nga vha rende dzina ḽawe ḽikhethwa,

lini na lini.

146

Mudzimu Musikazwoṱhe a fulufhedzeaho

Thendo vhutshilo hoṱhe

1461Haleluya,

nga hu rendwe Muṋe washu!

Kha ndi rende Muṋe washu.

2Ndi ḓo renda Muṋe washu ndi tshi kha ḓi tshila;

ndi ḓo renda Mudzimu nga nyimbo ndi tshi kha ḓi vha hone.

U sa fulufhedzea ha muthu

3

146:3-5
Ps. 118:7-9
Jer. 17:5-8
U songo fulufhela vhavhusi,

ndi vhathu zwavho, a vha tshidzi;

4muya wavho u tshi pfuluwa vha humela mavuni,

ha mbo ḓi vha u pfuvha ha maano avho.

Vhuhulu ha Muṋe washu na vhuthu hawe

5

146:5
Ps. 1:1
Wa mashudu ndi uyo a no ḓitika nga Mudzimu wa Jakopo,

a lavhelela Muṋe washu Mudzimu wawe,

6o sikaho ḽiṱaḓulu na ḽifhasi,

na lwanzhe na zwoṱhe zwi re khazwo;

u fulufhedzea hawe a hu shanduki.

7

146:7-9
Ps. 9:12
U sengela vho kandeledzwaho,

vha na nḓala a vha fusha;

Muṋe washu u vhofholola zwivhoxwa.

8Muṋe washu u bonyolosa mabofu,

Muṋe washu u vusa vho waho,

Muṋe washu u funa vha fulufhedzeaho,

9Muṋe washu u londola dziṱhunḓu,

u tika tshilikadzi na tsiwana,

nḓila dza vhavhi dzone u a dzi piringanya.

Muvhuso u sa gumi

10Muṋe washu u ḓo vhusa lini na lini,

Mudzimu wau, iwe Tsioni,

ndi wa mirafho yoṱhe.

Haleluya,

nga hu rendwe Muṋe washu!

147

U renda Mudzimu Musiki na Mutshidzi

Muṋe washu Muvhofhololi

1471Haleluya,

nga hu rendwe Muṋe washu!

Ndi zwavhuḓi hani

u renda Mudzimu washu nga nyimbo!

Zwi takadza hani! O tewa nga thendo.

2

147:2
Yes. 44:26-28
43:5-7
Muṋe washu u fhaṱa Jerusalema;

u kuvhanganya Vhaisraele vho balanganaho.

3U fhodza vha mbilu dzi vhavhaho,

a pomba mbonzhe dzavho.

4

147:4
Yes. 40:25-26
U vhea tshivhalo tsha ṋaledzi,

iṅwe na iṅwe a i rina dzina.

5Muṋe washu ndi muhulwane,

maanḓa awe ha konei,

ṱhalukanyo yawe a i gumi.

6

147:6
Ps. 146:7-9
Luk. 1:52
Muṋe washu u vusa vho kandekanywaho,

vhavhi vhone u vha posa fhasi.

Muṋe washu Mulondoli

7Livhuhani Muṋe washu nga nyimbo;

Mudzimu washu mu rendeni nga mbila.

8U pila lutombo nga makole,

ḽifhasi a ḽi nisela mvula,

mivhunduni a medza hatsi.

9

147:9
Ps. 104:27-28
U ṋea dziphukha zwiḽiwa zwadzo,

na mafhondo a mahunguvhu a tshi lila.

10

147:10-11
Ps. 20:7
Maanḓa a bere a si one ane a mu takadza,

na vhuhali ha vhahali a si hone vhune a vhu takalela;

11Muṋe washu u takadzwa nga vhane vha mu ofha,

vhane vha fulufhela lufuno lwawe lu sa dzinginyei.

Muṋe washu Muvhei wa mulayo

12Iwe Jerusalema, renda Muṋe washu,

iwe Tsioni, renda Mudzimu wau!

13Ndi Ene a no khwaṱhisa tswinga dzau,

a shudufhadza vhana vhau.

14U ladza shango masakhani au,

a u fusha nga mavhele avhuḓi.

15

147:15
Ps. 33:9
U vhetshela ḽifhasi mulayo;

zwine a amba zwi mbo ḓi itea.

16

147:16-18
Jobo 38:22-30
U nisa gabugu ya tshena unga muḓali,

a hashekanya mahaḓa a nga milora,

17a nisa tshifhango tsha nga thombwana;

ndi nnyi ane a nga konḓelela phepho yawe?

18A dovha a tou amba fhedzi zwa mbo ḓi ṋoka,

a fhungisa mimuya yawe ha ela maḓi.

19

147:19-20
Dot. 4:5-8
O dzumbululela Jakopo ipfi ḽawe,

a ḓivhadza Israele pfanelo dze a vhofha.

20Hezwo ha athu zwi itela dziṅwe tshakha,

dzone a dzi ḓivhi milayo yawe.

Haleluya,

nga hu rendwe Muṋe washu!