Tshivenda 1998 (VEN98)
144

Thabelo ya khosi i tshi livhuha Muṋe washu

Phisalema ya Dafita.

Ramaanḓa Mudzimu wa vha shayaho nungo

1441Nga hu rendwe Muṋe washu,

Ene bako ḽanga!

Ndi Ene a gudisaho zwanḓa zwanga u lwa,

a funza minwe yanga u fara mafumo.

2

144:2
Ps. 18:22:8
Muṋe washu,

ndi Iwe Mutsireledzi wanga a fulufhedzeaho,

vhudzumbamo hanga, Mutshidzi wanga,

tshiṱangu tshanga, vhukhudo hanga;

ndi Iwe u no ita uri vhathu vhanga vha nnduvhe.

3

144:3
Ps. 8:4
Muṋe washu,

nṋa muthu u tou vha mini

u tshi vhuya wa mu sedza-vho?

Mubebwa-nga-muthu u tou vha mini

u tshi vhuya wa mu humbula-vho?

4

144:4
Ps. 39:4-6
Muthu u nga mufemo,

maḓuvha awe a fhira unga murunzi.

Muṋe washu Mulamuleli

5

144:5-7
Ps. 18:9-16
Muṋe washu,

tsisa makole au u tsele fhasi,

kwama dzithavha dzi dube vhutsi.

6Balanganya maswina nga phenyo dzau,

posa misevhe yau u vha shakulise.

7Onyolosa tshanḓa tshau u ngeo ṱaḓulu,

u ntshidze ndi si kumbiwe nga muḓalo wa maḓi,

u nndamukise zwanḓani zwa vhatsinda;

8

144:8,11
Ps. 55:21
Esek. 17:18-19
milomo yavho i amba mazwifhi,

naho vha tshi ana vha anela mazwifhi.

9

144:9
Ps. 96:1
Mudzimu,

ndi ḓo u imbela luimbo luswa,

ndi ḓo u lidzela haripa ya thale dza fumi.

10

144:10
Ps. 18:50
2 Sam. 7:1
Ndi Iwe u no ita uri mahosi a kunde;

u lamukisa nṋe Dafita mukoma wau.

11Nndamukise kha pfumo ḽa vhuhali,

u ntshidze zwanḓani zwa vhatsinda;

milomo yavho i amba mazwifhi,

naho vha tshi ana vha anela mazwifhi.

Mulalo

12Ngavhe vhatuka vhashu u bva hanani havho

vha tshi nga zwimela zwi no aluwa zwo khwaṱha;

vhasidzana vhashu vha nga phuphu dza guḓani

dzo vhaḓelwaho u ṱama pfamo.

13Ngavhe zwiṱaṱari zwashu zwi tshi ḓala,

zwa wa muwa nga mbeu ya tshakha-tshakha;

nngu dzashu mafuloni ashu

dza dzwala zwigidi na mahumi a zwigidi,

14kholomo dzashu dza vha na maḓamu,

hu si vhe na swina ḽi no ri tshoṱhela kana ḽa ri thuba,

magondoni ashu hu si pfale zwililo.

15

144:15
Ps. 1:1
Vha na mashudu vha no nga vhenevho.

Lu na mashudu lushaka

lune Mudzimu walwo a vha Muṋe washu.