Tshivenda 1998 (VEN98)
142

Thabelo ya mutovholwa

Thabelo, tshirendo tsha Dafita tshe a sika zwiḽa e bakoni.

1421

142 (ṱhoho):
Ps. 57 (ṱhoho)!
Ndi vhidzelela Muṋe washu

nda tou ṱavha mukosi, nda ri,

“Muṋe washu, nkhathutshele!”

2Ndi tou mu ṱanzela zwa mbiluni yanga,

nda mu vhudza zwi nndinaho.

3Ndi tshi kulekana nungo,

ndi Iwe u no ḓivha zwoṱhe zwine nda ṱangana nazwo:

Vho nthetshela zwikwekwe nḓilani yanga.

4Lavhelesa kha tshauḽa tshanga u vhone:

A hu na a nndondaho,

a thi na vhuyo, thi na mulondoli.

5Ndi lilela Iwe Muṋe washu, ndi ri,

ndi Iwe vhushavhelo hanga,

u mukovhe wanga shangoni ḽa vha tshilaho.

6Thetshelesa tshililo tshanga,

ndo hanganea tshoṱhe;

nndamukise kha vha ntovholaho,

vha a nkunda.

7

142:7
Ps. 22:22
Mmvise dzhele,

ndi kone u renda dzina ḽau;

ndi hone vha fulufhedzeaho vha tshi ḓo nndalela vhoṱhe,

vha tshi vhona vhuthu he wa nnyitela.