Tshivenda 1998 (VEN98)
126

Dakalo ḽa mathubwa o humelaho hayani

Luimbo lwa lwendoni ho livhiwa Jerusalema.

U elelwa ḓuvha ḽa u vhofhololwa

1261

126:1-3
Esra 1 – 3
126:1-4
Ps. 85:1-7
Musi Muṋe washu

o humisela mathubwa Tsioni,

ro pfa zwi tshi nga muloro.

2Ro vha ro ḓala maseo na mapwapwalala,

ri tshi fhululedza.

Ndi hone tshakha dzi tshi ri,

“Yahavee o vha itela zwihulu.”

3Vhukumakuma Muṋe washu o ri itela zwihulu;

ro takala lwa u takala.

U humbela u dovha u vhofhololwa

4

126:4
Neh. 1:2-3
Muṋe washu, dovha u ri humisele shangoni ḽashu,

zwi nge milambwana Phangani ya tshipembe.

5

126:5-6
Mat. 5:4
Joh. 16:20
Nzumb. 21:4
Vhane vha zwala vha tshi lila,

vha ḓo kaṋa vha tshi fhululedza.

6Ane a bva a tshi lila,

ó hwala mbeu a tshi yo zwala,

u ḓo vhuya a tshi fhululedza,

ó hwala zwe a kaṋa.

127

Mishumo ya mahandana na zwifhiwa zwa Muṋe washu

Luimbo lwa Solomoni lwe a sikela vho faraho lwendo ho livhiwa Jerusalema.

U sokou ḓinetisa

1271

127:1-2
Mir. 10:22
Dot. 8:17-18
Mat. 6:25-34
Nnḓu arali i sa fhaṱwi nga Muṋe washu,

vhafhaṱi a vha na tshine vha ita.

Muḓi arali u sa lindwi nga Muṋe washu,

mulindi a tshi lala o ruḓa maṱo

u sokou ḓinetisa.

2U tshi bubela mushumoni,

wa kovhedza ḓuvha,

wa ḽa tsha biko,

a zwi u farisi tshithu;

Muṋe ashu u fusha vhane a vha funa vhó ḓilalela!

Zwifhiwa zwa Muṋe washu

3

127:3
Ps. 128:3
Vhana ndi tshifhiwa tshi bvaho ha Muṋe washu,

mbebo ndi pfufho.

4Vhana vhane muthu a vha sika a tshee muswa,

vha nga misevhe yo farwaho nga muhali.

5

127:5
Ps. 1:1
U na mashudu ane mukutu wawe wa dzula wo ḓala yone!

A tshi imedzana na maswina tshifhingoni,

ha nga shoni.

128

U thetshelesa Muṋe washu hu na pfufho

Luimbo lwa lwendoni ho livhiwa Jerusalema.

Mashudu a muthu a pfaho Mudzimu

1281

128:1-2
Ps. 1:1
128:1-4
Ps. 25:12-13
Wa mashudu ndi ane a ofha Muṋe washu,

a tshimbila nḓilani dzawe.

2U ḓo ḽa zwe zwanḓa zwawe zwa shuma;

u na mashudu,

zwi ḓo mu nakela.

Mashudu a muṱa u pfaho Mudzimu

3Musadzi wau u ḓo nga munḓirivhe wo aṋwaho muṱani wau;

vhana vhau vha ḓo nga maḓadzwane a muolivi

o mona na ḓafula.

4Ndi one mashudu a munna a ofhaho Muṋe washu.

Mashudu a Jerusalema

5

128:5
Ps. 134:3
Muṋe washu u ḓo u shudufhadza e Tsioni,

wa vhona Jerusalema u tshi tondiwa

maḓuvha oṱhe a vhutshilo hau,

6wa vhona na vhana vha vhana vhau.

Mulalo u vhe na Israele!