Tshivenda 1998 (VEN98)
105

Mudzimu o khunyeledza zwe a fulufhedzisa Abrahamu

(1 Koron. 16:8-22)

U humbula maḓembe a Mudzimu

1051

105:1
Ps. 96:3
Livhuhani Muṋe washu,

mu rabeleni,

ḓivhadzani dzitshakha mishumo yawe!

2Mu imbeleni,

mu rendeni nga dziphisalema,

aneani mishumo yawe i kanukisaho!

3Zuwani dzina ḽawe ḽikhethwa;

mbilu dza vhane vha mu ṱoḓa nga dzi takale.

4

105:4
Ps. 27:8
Ṱoḓani Muṋe washu, u na maanḓa,

lusani u dzula nae misi yoṱhe.

5Elelwani maḓembe e a ita,

na zwiga zwawe,

na zwe a amba a tshi haṱula,

6inwi vhaḓuhulu vha Abrahamu mulanda wawe,

vhana vha Jakopo munangiwa wawe.

7Ndi Ene Mudzimu Muṋe washu,

muvhuso wawe u ṱanganya ḽifhasi.

Shango ḽo fulufhedziswaho

8

105:8
Dot. 7:9
Ek. 20:6
Ha hangwi mulanga wawe na kathihi,

zwe a fulufhedzisa zwi dzula zwo ralo,

ha vhuya ha fhira mirafho ya zwigidi.

9

105:9
Gen. 15:18
26:3
Ndi mulanga we a vhofha na Abrahamu,

a fulufhedzisa Isaka nga muano,

10

105:10-11
Gen. 28:13-14
a zwi khwaṱhisa a zwi ita mulayo misi ya Jakopo,

wa vha mulanga wa lini na lini we a vhofha na Israele,

11a tshi ri,

“Inwi ndi ḓo ni ṋea shango ḽa Kanana,

ḽa vha ifa ḽaṋu ḽe nda ni kovhela.”

Hu tshi tsireledzwa vhomakhulukuku

12Zwiḽa vha tshi kha ḓi vha vhathu vha si gathi,

vhe vhaṱuku sa muroho,

vhe vhatsinda shangoni ḽeneḽo,

13

105:13-15
Gen. 12:10-20
20:1-7
vho tendeleka na dzitshakha,

vha mona na mivhuso,

14a si tende na muthihi a tshi vha kandeledza,

a kaidza mahosi a tshi itela vhone,

15a ri, “Ni songo kwama vhe nda vha shululela Muya wanga,

ni songo huvhadza vhaporofita vhanga.”

Josefa a tshi zhaka nḓila

16

105:16-22
Gen. 37
O wisa nḓala shangoni,

vha gotsha ḓula.

17O vha o no ḓi rangisa Josefa phanḓa,

a rengiswa a vha phuli.

18

105:18-19a
Gen. 40:9-22
Vho mu vhofha milenzhe nga dzigeḓane,

vha mu tshipa mukulo nga tsimbi,

19ha vhuya ha itea zwe a porofita,

ipfi ḽa Muṋe washu ḽa sumba uri o ima ngohoni.

20Khosi yo ri a vhofhololwe,

a vhofhololwa nga muvhusi wa dzitshakha,

21a mu ita mukoma wa nnḓu yawe,

a langa thundu yawe yoṱhe,

22vhakoma vhawe a vha langa nga hune a funa,

a funza vhahulwane vhuṱali.

Vhaisraele vhe Egipita

23

105:23
Gen. 47:5-7
Zwenezwo na Vhaisraele vha pfulutshela Egipita,

Jakopo a vha ṱhunḓu shangoni ḽa Hamu.

24

105:24-26
Ek. 1 – 3

Muṋe washu a andisa vhathu vhawe,

vha anda u fhira maswina avho;

25a vhuya a shandula mbilu dzavho,

vha vhenga vhathu vhawe,

vha itela vhalanda vhawe vhukwila.

Mushe na madambudzo

26Ndi hone a tshi ruma Mushe muḓinḓa wawe,

na Aroni we a mu nanga,

27

105:27-38
Ek. 7 – 12

vha sumbedza Vhaegipita zwiga

nga maḓembe e a amba,

vha ita zwimangadzo shangoni ḽa Hamu:

28A ḓisa swiswi,

shango ḽa swifhala ḽe nzwii,

vhone vha si vhuye vha tenda zwe a amba;

29a shandukisa maḓi a vha malofha,

khovhe dzavho dza fa;

30shango ḽavho ḽa ḓala zwiḓula,

dza dzhena na pfamoni dza musanda;

31a amba,

ha ḓa guma ḽa phuvhe,

na vhunyunyu, ha ḓadza shango;

32a vha nisela tshifhango,

a ḓisa phenyo dza vhonetshela shango ḽoṱhe;

33a moḓisa minḓirivhe na mihuyu yavho,

miri ya shango ḽavho a i vunḓekanya;

34a amba ha wa magerere,

ha ḓa vhuukhula vhu si na mbalo,

35dza ḽa miri yoṱhe ya shango,

dza fhedza khaṋo yavho;

36a fhedza nga u vhulaha matanzhe oṱhe shangoni ḽavho,

yone mitshelo ya u ranga ya vhaṱhannga vhavho.

Mupfuluwo

37

105:37
Ek. 12:35-36
O vhofholola Vhaisraele,

vha pfuluwa vho hwala siliva na musuku,

hu si vhe na tsaleli na nthihi;

38Vhaegipita vha takalela u ṱuwa havho nge vha vha vha tshi vha ofhesa.

39

105:39
Ek. 14:20
13:21
Muṋe washu a vha tsireledza nga gole,

vhusiku a vha vhonetshela nga mulilo.

40

105:40
Ek. 16:13-15
Vha mu humbela a vha ḓisela dzikhwali,

a vha fusha nga vhuswa vhu bvaho ṱaḓulu;

41

105:41
Ek. 17:3-6
a fhandula tombo, maḓi a gubunyea,

ha ela mulambo phangani.

42

105:42
Ps. 105:9
A elelwa mulanga wawe mukhethwa

we a vhofha na Abrahamu mulanda wawe.

Shango ḽe vha fulufhedziswa

43O endedza vhathu vhawe nga dakalo,

vhanangiwa vhawe vha enda vha tshi fhululedza.

44

105:44
Josh. 24:11-13
A vha ṋea mashango a dzitshakha,

vha vha maḽaifa a zwe vhaṅwe vha zwi bvela biko.

45Hezwo o zwi itela uri vha nambatele ndaela dzawe,

vha vhulunge milayo yawe.

Haleluya,

nga hu rendwe Muṋe washu!