Tshivenda 1998 (VEN98)
103

Luimbo lwa u renda lufuno lwa Mudzimu lu sa tseki

Phisalema ya Dafita.

Thendo

1031

103:1-2
Ps. 22:22-25
28:6-7
57:7-10
71:19-24
86:12-13
92:1-5
107:8,15,21,31
118:1136
138:1-3
145:1-9
Kha ndi rende Muṋe washu

nga mbilu yanga yoṱhe,

ndi khoḓe dzina ḽawe ḽikhethwa

nga zwoṱhe zwine nda vha zwone.

2Kha ndi rende Muṋe washu nga mbilu yanga yoṱhe,

ndi si hangwe zwivhuya zwoṱhe zwe a nnyitela.

3

103:3
Ps. 32:1-2
U nkhangwela milandu yanga yoṱhe,

a fhodza maṱungu anga oṱhe.

4

103:4
Ps. 30:3
U ntshidza ndó ingamela tshalo;

lufuno lwawe lu sa dzinginyei,

na tshilidzi,

ndi tshone tshiala tshanga.

5

103:5
Yes. 40:31
U mpfusha nga zwivhuya,

nda pfa ndo humela hanani,

ndi na nungo dzi no nga dza goni ḽi tshi fhufha.

Khotsi wa vhuthu wa vhana vha sa ḓivhalei

6

103:6-7
Ek. 3:7-10
Muṋe washu u lwela vhoṱhe vha kandeledzwaho,

vha tshi hwelelwa a vha sengela.

7O ḓivhadza Mushe zwe a vha o dzudzanya,

a sumbedza Vhaisraele mishumo yawe.

8

103:8
Ek. 34:6
Muṋe washu u na khathutshelo na tshilidzi,

ha fheli mbilu,

lufuno lwawe ndi luhulu,

a lu dzinginyei;

9

103:9
Yes. 57:16
ha dzuli a tshi sengisa vhathu,

ha sinyuwi tshoṱhe;

10ri tshi khakha ha ri rwi nga ṱhamu yo eḓanaho vhutshinyi hashu,

ha vhili milandu yashu.

11Vhane vha mu ofha u vha funa nga lufuno luhulu,

lwo hula unga lutombo lu nṱha-nṱha ha shango.

12Vhutshinyi hashu u vhu sudzulusela kule na riṋe,

zwa nga vhubvaḓuvha vhu kule na vhukovhela.

13Muṋe washu u khathutshela vhane vha mu ofha,

unga khotsi a tshi khathutshela vhana.

14

103:14
Ps. 90:3
U ḓivha tsiko yashu,

ha hangwi uri ri buse.

Muthu u a lovha, ngeno lufuno lwa Mudzimu lu sa tseki

15

103:15-17
Yes. 40:6-8
A vha muthu,

vhutshilo hawe vhu nga hatsi;

u aluwa unga dzuvha tsimuni,

16muya wa ḽi vhudzula ḽi a fa,

he ḽa vha ḽi hone ha hangwiwa.

17Vhane vha ofha Muṋe washu u vha funa

nga lufuno lu sa dzinginyei lini na lini,

a lwela na vhana vha vhana vhavho;

18ndi vhane vha si pfuke mulanga wawe,

vha ita zwine milayo yawe ya vha laya.

Thendo dza tsiko yoṱhe

19

103:19
Ps. 47:5-9
Muṋe washu o imisa khuluṋoni yawe ḽiṱaḓulu,

muvhuso wawe u vhusa vhoṱhe.

20

103:20-21
Ps. 29:1-2
Rendani Muṋe washu,

inwi vharuṅwa vhawe,

inwi vhahali vha maanḓa ni itaho zwine a amba,

inwi ni mu thetshelesaho!

21Rendani Muṋe washu,

inwi mara awe oṱhe a ḽiṱaḓulu,

inwi vhaḓinḓa vhawe vha itaho zwine a funa!

22Rendani Muṋe washu,

inwi zwisikwa zwawe zwoṱhe,

hoṱhe-hoṱhe hune a vhusa.

Na nṋe kha ndi rende Muṋe washu nga mbilu yanga yoṱhe!