Tshivenda 1998 (VEN98)
102

Thabelo ya mutovholwa a lwalaho a tshi elelwa u fulufhedzea ha Mudzimu

Thabelo ya muheḓana o kuleaho nungo a tshi shululela Muṋe washu tshililo tsha mbiluni yawe.

Tshililo

1021Muṋe washu, ipfa thabelo yanga;

ngavhe mukosi wanga u tshi swika ha Iwe!

2

102:2
Ps. 31:2
69:17
143:7
U songo mpfuralela musi wa khombo;

nḓevhe yau nga i nthetshelese ndi tshi vhidzelela,

ṱavhanya u mphindula.

3Maḓuvha anga a nyamalala

unga vhutsi;

muvhili wanga u tou duga,

4mbilu yanga yo oma,

yo puta unga hatsi;

ndi ita na u hangwa u ḽa.

5Ndo tou sala ndi lwatsi,

nga u ṱavha mukosi ndi tshi gomela.

6Ndi nga tshikwitha phangani,

gwitha matumbani,

7a thi fari khofhe;

ndi nga tshiṋoni tsho salaho tshi tshoṱhe

tshiuludzani tsha nnḓu.

8Maswina anga a nkolela ḓuvha ḽoṱhe;

vha teketelana nga dzina ḽanga.

9Zwiḽiwa zwanga ndi milora;

tshine nda nwa ndi tshi vanga na miṱodzi,

10nga ṅwambo wa mbiti dzau dzi ofhisaho.

Wo nndoba wa mposa kule.

11Vhutshilo hanga vhu nga mirunzi ya nga madekwana

i sa lengi u milwa nga vhusiku;

ndi puta unga hatsi.

Tshifhinga tsha u khathutshelwa ha Tsioni

12Hone Iwe Muṋe washu

wo dzula kha khuluṋoni lini na lini,

mirafho na mirafho a i u hangwi.

13

102:13-14
Yes. 64:8-10
U ḓo takuwa wa khathutshela Tsioni;

ndi tshone tshifhinga tshine wa ḓo u pfela vhuṱungu;

tshifhinga tsho tiwaho tsho swika.

14Riṋe vhalanda vhau ri kha ḓi funa matombo awo,

ri tshi vhona matumba awo ri a ṱungufhala.

15

102:15
Ps. 96:7-10
Tshakha dzi ḓo ofha dzina ḽau,

Muṋe washu,

mahosi oṱhe a ḽifhasi a ḓo tata vhugala hau,

16

102:16
Ps. 147:2
nga u vhona Muṋe washu o vusa Tsioni,

e bvelele e kha lupenyo lwawe.

17Ha nga nyadzi khumbelo dza vho ṱangulwaho,

u ḓo pfa thabelo dzavho.

18Hezwo nga zwi ṅwalelwe murafho u kha ḓi ḓaho,

uri lushaka luswa lwa Muṋe washu lu mu rende lu ri,

19

102:19-20
Ps. 9:12Yes. 57:15
61:1-3
“Muṋe washu o sedza fhasi e hukhethwa ngei nṱha,

a vhona ḽifhasi e ṱaḓulu,

20a pfa zwigomelo zwa mathubwa,

a vhofholola vho haṱulelwaho lufu.”

21Ndi zwine dzina ḽa Muṋe washu ḽa ḓo ḓivhadzwa Tsioni,

a rendwa Jerusalema,

22musi dzitshakha na mivhuso vha tshi kuvhanganela

u luvha Muṋe washu.

Zwoṱhe zwi a lovha, Mudzimu a ḓi sala

23O mmvunḓa nungo ndi tshi kha ḓi vha nga hanga,

a fhungudza maḓuvha anga.

24Ndi zwine ndi tshi amba nae nda ri,

“Yawee, Mudzimu wanga,

u songo nṱuwisa ndi sa athu kalaha;

hufha Iwe u tshi tshila lini na lini.

25

102:25-27
Ps. 90:2
Yes. 51:6
Heb. 1:10-12
“Ḽifhasi wo ḽi tea kale-kale;

ḽiṱaḓulu ndi mushumo wa zwanḓa zwau.

26Zwone zwi ḓo lovha,

Iwe wa ḓi sala;

zwoṱhe zwi ḓo ṱahala unga nguvho,

wa bvula wa laṱa;

27hone Iwe u ḓi dzula wo ralo,

miṅwaha yau a i gumi.

28Vhana vhashu vha ḓo tshila nga mulalo,

na vhaḓuhulu vhavho vha ḓo tsireledzwa nga Iwe.”