Tshivenda 1998 (VEN98)
101

Khosi i fulufhedzeaho i no ṱoḓa vhalanda vha fulufhedzeaho

Phisalema ya Dafita.

Khosi i fulufhedzeaho

1011

101:1-8
Ps. 72:1-4,12-14
Tsha ndi imbe lwa vhuthu hau na khaṱhulo mbuya;

tsha ndi u imbele, Muṋe washu!

2Ndi ḓo ḓilonda nda tshila vhutshilo vhu sa solisei.

Yowee, u ḓo nndalela lini?

Ndi ḓo tshilisana na vha muṱa wanga ndí na luvalo lwo ṱambaho.

3Ndi nga si vhuye nda konḓelela zwo vhifhaho;

zwiito zwa vhane vha gunea zwi nga si nnambatele.

4Ndi ḓo ḓiilisa vhuvhi nda furalela vhadziavhufhura.

Vhalanda vha fulufhedzeaho

5Mudziatshisolo ndi ḓo mu vala mulomo,

a si tsha dovha;

wa u ḓihudza na u ḓiḓivha a thi nga mu konḓeleli.

6Ndi ḓo konana na vhane vha fulufhedzea,

nda dzula navho;

a sa solisei u ḓo vha mulanda wanga.

7Ane a fhura ha nga dzuli muṱani wanga,

ane a shanda mafhungo a nga si dzule hune nda mu vhona.

8Misi yoṱhe ḽi tshi tsha

ndi ḓo tupula vhavhi vhoṱhe shangoni; ndi sudzulusa vhavhi vhoṱhe

muḓini wa Muṋe washu.