Tshivenda 1998 (VEN98)
2

Vhuṱali ndi lupfumo na tsireledzo

21Ṅwananga,

arali wa pfa maipfi anga,

wa vhulunga ndaela dzanga,

2nḓevhe dzau dza thetshelesa vhuṱali,

mbilu yau ya ṱalukanya –

3ndi ngoho,

arali wa vhidzelela nḓivho,

wa huwelela ṱhalukanyo,

4

2:4
Mir. 3:14-15
2:4-5
Mir. 1:7
wa i ṱoḓa unga siliva,

wa i ṱoḓisesa unga lupfumo lwo dzumbwaho,

5ndi hone u tshi ḓo ṱalukanya

uri u ofha Muṋe washu zwi amba mini,

wa vhona uri u ḓivha Mudzimu ndi mini.

6

2:6
1 Mah. 5:9-10
Mufunzi 2:26
Dan. 1:18-20
2:21-23
Vhuṱali ndi mpho ya Muṋe washu,

nḓivho na ṱhalukanyo

zwi bva mulomoni wawe.

7Vha si na vhufhura

u ḓo ita uri zwi vha nakele,

ndi Ene tshiṱangu

tsha vho faraho nḓila i sa solisei.

8U linda nḓila

dza vha no ita zwi re zwone,

a tsireledza vhalanda vhawe

vha fulufhedzeaho.

9Arali wa nthetshelesa,

ndi hone u tshi ḓo ḓivha u ita zwi re zwone,

zwi sa khakhi, zwi sa solisei.

10Ndi hone vhuṱali vhu tshi ḓo dzhena mbiluni yau,

wa pfa nḓivho i tshi u ḓifhela.

11Vhuronwane vhu ḓo u tsireledza,

ṱhalukanyo ya u londola.

12Vhuṱali vhu ḓo u pambusa nḓilani mmbi, wa fhambana na vha nyambo dza u thutha,

13vhane vha pambuwa kha nḓila yo lugaho,

vha fara i yaho swiswini,

14vha takalela u ita zwivhi,

vha ḓikhoḓa nga nyambo mmbi dza u thutha,

15vhathu vha nḓila dza magombikwa, vho bvaho nḓilani.

16

2:16-19
Mir. 5:3-6
Ndi hone u tshi ḓo kona u tinya musadzi wa phombwe,

ane a u fhura nga lulimi lwa u ḓifha,

hone e wa muṅwe,

17ó ṱala munna we a mu vhinga

a tshee nga hawe,

a hangwa mulanga

we a vhofha na Mudzimu wawe;

18

2:18
Mir. 9:18
u mbwandamela lufuni

hune ha ḓo vha hone nnḓu yawe,

nḓila dzawe dzi livha hu no dzula vho faho.

19Vhane vha mu dalela a vha tsha vhuya,

a vha tsha vhona nḓila i yaho vhutshiloni.

20Zwenezwo tshimbila nḓilani ya vhavhuya,

u nambatele ya vha fulufhedzeaho;

21

2:21
Ps. 37:9,11
Mat. 5:5
2:21-22
Mir. 3:33
vha si na vhufhura vha ḓo kovhelwa shango,

vha sa solisei vha ḓo sala khaḽo.

22Vhavhi vhone vha ḓo swielwa shangoni,

vha vhufhura vha ḓo tupulwa khaḽo.

3

Vhuṱali vhu ita uri u takalelwe nga Mudzimu na vhathu

31

3:1-2
Ek. 20:12
Mir. 4:4,10
7:1-3
9:11
10:27Dot. 30:16
Ṅwananga,

u songo hangwa pfunzo yanga,

mbilu yau nga i vhulunge ndayo dzanga;

2zwi ḓo engedza vhutshilo hau

wa tshila miṅwaha minzhi,

wa ḓi vha na mashudu.

3

3:3-4
Luk. 2:52
Dzula u tshi funa vhathu u tshi fulufhedzea;

hezwo itou zwi kungela mukuloni wau;

zwi ṅwale mbiluni yau,

4

3:4
1 Sam. 2:26
Luk. 2:52
ndi hone u tshi ḓo vha na phungo mbuya,

wa takalelwa nga Mudzimu na vhathu.

5Fulufhela Mudzimu nga mbilu yoṱhe,

u songo ḓitika nga nḓivho yau.

6U tshi ita tshithu, ranga u humbula Ene;

u ḓo u onyolosela dzinḓila.

7

3:7
Mufunzi 12:13
Yes. 5:21
Rom. 1:22
U songo vhona unga wo ṱalifha;

ofha Muṋe washu u ile vhuvhi,

8ndi hone muvhili wau u tshi ḓo takala,

wa pfa u na nungo.

9

3:9
Ek. 23:19
Hulisa Muṋe washu nga lupfumo lwau,

na nga zwiranzhe zwa khaṋo yau,

10ndi hone zwiṱaṱari zwau zwi tshi ḓo ḓala

zwa tou wa muwa,

nkho dzau dza tou balea nga waini.

11

3:11-12
2 Sam. 7:14-15
Jobo 5:17-19
Heb. 12:5-6
Nzumb. 3:19
Ṅwananga, u songo nyadza ndayo dza Muṋe washu,

a tshi u kaidza u songo zwi sanda;

12Muṋe washu u kaidza vhane a vha funa,

unga khotsi a tshi kaidza vhana vhane a vha takalela.

Vhuṱali a vhu sokou wanala

13U na mashudu munna ane a wana vhuṱali,

ane a kona u ṱalukanya;

14

3:14-15
Mir. 2:4
8:10-11
16:16
Jobo 28:15-19
o pfuma u fhira a re na siliva,

u bindula u fhira a re na musuku.

15Vhuṱali vhu fhira nungu dza mutengo muhulu;

zwine muthu a zwi tama,

na tshithihi a tshiho tshi no vhambedzwa naho.

16Ho puta ndalamo kha tshauḽa,

kha tshamonde ho puta lupfumo na khuliso.

17Vhu u ṋea vhutshilo vhu takadzaho,

wa ḓi dzula u na mulalo;

18

3:18
Gen. 2:8-9
vhane vha vhu kuvhatedza vha vhona vhu muri u ṋeaho vhutshilo;

vha na mashudu vhane vha vhu nambatela.

19

3:19-20
Mir. 8:22-31
Vhuṱali ndi he Muṋe washu a sika ḽifhasi ngaho,

ḽiṱaḓulu a ḽi adza nga ṱhalukanyo,

20a fhandekanya mativha nga nḓivho yawe,

makole a rothisa ṅwando.

21Ṅwananga, dzula wo dzivhuluwa,

u vhe na vhuronwane;

zwenezwo zwi songo u ponyoka,

22zwi ḓo u ṋea vhutshilo,

zwa nakisa mukulo wau,

23wa tshimbila u sa ofhi tshithu,

mulenzhe wau wa si khukhulwe.

24

3:24
Ps. 4:8
Wó lala a u nga ofhi tshithu,

wó eḓela u ḓo pfa u tshi ḓiphiṋa.

25U songo ofha khombo dza tshihaḓu,

kana phanzi dzine dza wela vhavhi;

26Muṋe washu u ḓo vha Ene fulufhelo ḽau,

u ḓo tsireledza mulenzhe wau u si fashwe.

U tshilisana nga mulalo

27U songo shaisa vhaṅwe zwivhuya zwo vha fanelaho arali zwi zwanḓani zwau.

28U songo ri u na tshithu henefho,

wa vhudza muṅwe wa ri, “Tshimbila,

u vhuye matshelo, ndi ḓo u ṋea.”

29U songo lukela muṅwe vhunwa,

ngeno a tshi u fulufhela.

30U songo sokou pomoka muthu á songo u khakhela.

31

3:31
Mir. 23:17-18
24:1,19-20
U songo tama vhutshilo ha ḽivemu,

u songo vhuya wa edzisa zwiito zwawe;

32

3:32
Mir. 15:8-9
Ps. 25:14
Muṋe washu u nyala phaṱhi;

vha si na vhufhura a somolana navho zwa haṋwani.

33

3:33
Mir. 2:21-22
13:21
14:11
24:20
1 Sam. 2:9
Jobo 20:4-19
Yes. 3:10-11
Muṋe washu u teketela nnḓu ya muvhi,

ya muvhuya a i shudufhadza.

34

3:34
Jak. 4:6
1 Pit. 5:5
U goḓa vhagoḓi;

vha ḓiṱukufhadzaho a vha itela vhuthu.

35Pfufho ya vhaṱali ndi khuliso;

matsilu one a ḓo niwa nga ṱhoni.

4

Vhuṱali, lwone lupfumopfumo

41Inwi vhana,

thetshelesani ndayo dza khotsi,

ni kolongonye nḓevhe uri ni wane ṱhalukanyo;

2ndi ni ṋea ndayo dzavhuḓi,

ni songo furalela pfunzo yanga.

3Zwiḽa ndi tshee mutukana

muṱani wa khotsi anga,

ndi tshi kha ḓi vha mutete,

ndi tshee ṅwana muthihi fhedzi wa mme anga,

4

4:4
Mir. 3:1-2
khotsi anga vho mpfunza vha ri,

“Mbilu yau nga i nambatele maipfi anga,

vhulunga ndayo dzanga,

ndi hone u tshi ḓo tshila.

5Wana vhuṱali, wana ṱhalukanyo;

u songo hangwa zwine nda amba,

u songo zwi nyadza.

6U songo furalela vhuṱali,

vhu ḓo u tsireledza;

vhu fune, vhu ḓo u londola.

7

4:7
Mir. 23:23
Mat. 13:43-46
Tshi no fhira zwoṱhe ndi vhuṱali;

vhona uri u vhu wane,

renga ṱhalukanyo nga zwoṱhe zwine wa vha nazwo.

8Vhu vhone vhu tshi lilelwa,

ndi hone vhu tshi ḓo u hulisa ha u gagamisa;

arali wa vhu kuvhatedza vhu ḓo u tonda;

9vhu ḓo u ambadza tshiala ṱhohoni,

ha u ṋea khare ya vhugala.”

Vhuṱali, yone nḓila i sa ofhisi

10

4:10
Mir. 3:1-2
Ṅwananga, thetshelesa u ṱanganedze maipfi anga,

ndi hone u tshi ḓo lalama.

11Ndi ḓo u funza nḓila ya vhuṱali,

nda u endedza kha nḓilatswititi.

12U tshi tshimbila a u nga kundwi,

u tshi gidima a u nga khukhulwi.

13Nambatela ndayo dzi si u ṱutshele,

dzi londole, dzi ḓo u ṋea vhutshilo.

14

4:14
Ps. 1:1
U songo kanda nḓilani ya vhavhi,

kana wa fara ya vho furalelaho Mudzimu.

15I tinye, u si tshimbile khayo,

pambuwa khayo u i fhire.

16Vhone a vha lali vha songo tshinya,

a vha fari khofhe

vha sa athu bidigamisa muthu.

17Vhuvhi ndi tshone tshiḽiwa tshavho,

vhupondi ndi yone waini yavho.

18Nḓila ya vha no fulufhedzea yone

i nga tshedza tsha maḓautsha,

tshine tsha ḓi penya tshi tshi ya

u swika masiari tshivhangalala.

19

4:19
Jer. 23:12
Hone nḓila ya vhavhi i nga swiswi ḽihulu,

a vha ḓivhi tshine tsha vha khukhula.

Vhuṱali, hone muṋei wa vhutshilo

20Ṅwananga, kolongonya nḓevhe u pfe maipfi anga,

u tshingamisele nḓevhe kha zwine nda amba.

21Maipfi anga a songo u ponyoka, a vhulunge mbiluni yau;

22

4:22
1 Tim. 4:8
ane a a wana, a mu ṋea vhutshilo,

na muvhili wawe wa takala woṱhe.

23

4:23
Mar. 7:15-23
Luk. 6:45
Tshihulwane tshi no fhira zwoṱhe,

linda mbilu yau,

ndi yone i no vhumba vhutshilo hau.

24Nyambo dza vhumbulu

dzi songo pfala mulomoni wau,

zwiambo zwa vhufhura nga zwi vhe kule na iwe.

25Maṱo au nga a sedze phanḓa,

u ṱalele zwi re phanḓa hau.

26Dzula wo dzudzanya nga vhuronwane zwine wa ita,

ndi hone zwoṱhe zwi tshi ḓo u nakela.

27U songo pambutshela kha tshauḽa kana tsha monde,

tinya vhuvhi hoṱhe.