Tshivenda 1998 (VEN98)
26

261

26:1
Mir. 19:10
Tsilu a ḽo ngo tewa nga khuliso,

ḽa huliswa zwi nga mahaḓa a tshi wa tshilimo,

zwi nga mvula ya muḓaphondo.

2

26:2
Num. 23:8
2 Sam. 16:11
Ṱhatshile a i ḽi muthu a si na mulandu;

i fhira unga ṱhongola i tshi fhufha,

i nga ṱhambamaḓi i sa kavhi.

3

26:3
Mir. 19:29
Tsha bere ndi tshimebi,

tsha donngi ndi dziḓomo,

tsha muṱana wa tsilu ndi mbuno.

4

26:4
2 Mah. 18:36
2 Korint. 12:11
U songo fhindula tsilu u tshi tevhedza vhutsilu haḽo,

u sa ḓo nga ḽone.

5

26:5
Mat. 16:1-4
Fhindula tsilu nga ḽo fanelaho vhutsilu haḽo,

ḽi sa ḓo vhona unga ḽo ṱalifha.

6

26:6
Mir. 25:13
U laedza danana mafhungo

ndi u ḓitumula milenzhe,

ndi u ḓiṱoḓela mafhanza.

7Veveru ḽi tshi bula murero,

zwi nga mulenzhe wa tshihole u nembelelaho.

8U hulisa tsilu

zwi nga u vhofhelela tombo kha gatho, ḽa nambatela.

9Vavhi ḽi tshi bula murero,

zwi nga tshidakwa tsho vaiwa tshanḓa nga mupfa tshi sa pfi tshithu.

10Ane a thola tsilu kana mufhiri wa nḓila,

u nga mupfuli a no sokou pfula a sa sedzi.

11

26:11
2 Pit. 2:22
Heb. 6:4-8
Tsilu ḽi ṱolou dzeula vhutsilu haḽo,

unga mmbwa i tshi ri u ṱanza maṱanza ya dovha ya ḽa.

12

26:12
Mir. 28:2629:20
1 Korint. 3:18
8:2
Ane a ḓiita muṱali

u ḓo fhirwa na nga tsilu.

13

26:13-16
Mir. 22:13
Mubva u ri,

“Afho nḓilani hu na ndau;

mikotoni hu na ḽivhanda ḽi pondaho!”

14Mubva u vhumbuluwa mmbeteni unga vothi ḽi tshi vula

ḽi tshi valela.

15

26:15
=
Mubva a longa tshanḓa tshidongoni,

u bvafha na u tshi humisela mulomoni.

16Mubva u vhona unga o ṱalifha

u fhira vhanna vhaṱanu na vhavhili vhane vha fhindula zwavhuḓi.

17A no sokou dzhenelela nndwani i si yawe,

u nga muthu a no ri u vhona mmbwa

i tshi khou ḓifhirela nga nḓila, a i fara nga nḓevhe.

18-19Muthu a no ri u fhura muṅwe a ri,

“Ndo vha ndi tshi khou swaswa!” u nga mpengo

a no sokou posa misevhe i dugaho, i vhulahaho.

20

26:20
Mir. 22:10
Ha sa vha na khuni,

mulilo u a dzima;

ha sa vha na zwitshele,

phambano dzi a fhela.

21Muthu wa luambo u vusa nndwa,

u nga muthu a tshi shela malasha masimbeni,

zwi nga u khuṱhedza mulilo.

22

26:22
=
Maipfi a zwitshele a nga kugaku kwa u ḓifha;

a tsela ngomu-ngomu thumbuni.

23Muthu wa nyambo yavhuḓi a re na mbilu mmbi,

u nga khali ya gamba yo fhomiwaho nga phomo i penyaho unga ngilasi.

24

26:24-26
Mir. 6:12-15
Ps. 28:3
Muthu wa vengo

u a ḓikhakhisa nga nyambo yawe;

mbiluni yawe hone o dzumba vhufhura.

25Nangwe haṋwani hawe hu tshi ḓifha

u songo mu tenda;

mbilu yawe yo ḓala zwi nengisaho.

26Vhuvhi hawe vhu nga ḓi vha ho dzumbama nga vhuhwavho;

vhu ḓo vhuya ha dzumbululwa ha vhonwa nga vhoṱhe.

27

26:27
Ps. 7:15Mir. 28:10
Khunḓa i ḓo fasha muvei;

tombo ḽi ḓo zhaka mukungulusi.

28

26:28
Mir. 27:6
Lulimi lwa mazwifhi lu vhenga mubaiwa;

muhoi ndi mulozwi.