Tshivenda 1998 (VEN98)
23

6

231Arali u tshi ḽa na muvhusi, ḓivha uri u na nnyi.

2Arali u khusha, ḓidzime;

3u songo tamesa madzanga awe,

a nga vha e mureo.

7

4

23:4-5
Mir. 28:2215:27
30:7-9
1 Tim. 6:6-11,17-19
U songo ḓinetisa u tshi ṱoḓa u pfuma;

ivha na vhuṱali, zwi litshe;

5u tshi tou maṱo hasha kha lupfumo,

lu ḓo vha lwo fhalala;

a lu lengi u fhufha, lu nga goni ḽi tshi fhufhela makoleni.

8

6

23:6
Ps. 141:4
U songo yo ḽa zwiḽiwa zwa muthu wa vhutshivha,

u songo tama madzanga awe;

7ene u dzula a tshi khou elekanya

mutengo wazwo.

U ri, “Iḽa u nwe!”

ngeno mbilu yawe i sa u takaleli.

8U ḓo ṱanza zwigaku zwe wa zwi ḽa,

wa vha wo tshinya maipfi au avhuḓi.

9

9U songo amba u tshi pfiwa nga tsilu,

ḽi sa ḓo nyadza vhuṱali ha maipfi au.

10

10

23:10-11
Mir. 22:2822:22-2315:25
Liv. 25:25
Jer. 50:34
U songo sudzulusa mikano ya kale,

kana wa dzhena tsimuni ya tsiwana;

11Mulamuleli wavho u na maanḓa,

u ḓo vha sengela mulandu ha kundwa iwe.

11

12U tshi laiwa u kolongonye nḓevhe,

u thetshelese maipfi a nḓivho.

12

13

23:13
Mir. 13:24
U songo litsha u laya ṅwana wau;

u mu rwa nga ṱhamu a si u mu vhulaha.

14

23:14
1 Korint. 5:4-5
Mu laṱise nga ṱhamu,

ndi hone wo mu tshidza lufuni.

13

15Ṅwananga, arali wa ṱalifha,

na nṋe mbilu yanga i ḓo takala.

16Ndi ḓo takala hani

u tshi vho kona u amba zwi re zwone!

14

17

23:17
Mir. 3:31Ps. 37:1,8
Mbilu yau i songo emula zwa vhatshinyi,

tshau nga hu vhe u ofha Muṋe washu,

18

23:18
Mir. 14:32
24:14
ndi hone zwa matshelo zwi tshi ḓo u nakela,

zwe wa zwi lavhelela u nga si kundwe u zwi wana.

15

19Ṅwananga, thetshelesa u ṱalifhe,

mbilu yau i si pambuwe nḓilani ya ngoho.

20

23:20-21
Mir. 23:29-3520:121:17
19:15
U songo ḓowelana na vha no nwesa waini,

na phangwa dzi ḽesaho ṋama.

21Zwidakwa na phangwa vha ḓo vha vhashai,

vhudakwa vhu ambadza muthu madzanganda.

16

22

23:22
Mir. 1:8
23:22-25
Ek. 20:12Mir. 30:17
Thetshelesa khotsi au, vho u beba,

mme au vhó no kegula u songo vha nyadza.

23

23:23
Mir. 4:5-7
Renga ngoho,

u songo tsha i rengisa;

renga vhuṱali, na ndayo, na ṱhalukanyo.

24

23:24
Mir. 10:1
Khotsi a a no thetshelesa Mudzimu u a pembela;

o bebaho ṅwana wa vhuṱali u a takala.

25

23:25
Mir. 17:25
Iwe takadza khotsi au na mme au,

mme au vho u bebaho vha pembele.

17

Vhupombwe

26

23:26-28
Ek. 20:14
Ṅwananga, mphe mbilu yau,

takalela u kanda vhuṱalani hanga.

27

23:27
Mir. 22:14
Musadzi wa phombwe ndi khunḓa,

musadzi a si wau ndi mulindi musekene.

28U u lalela unga ḽivemu,

a andisa vhanna vha sa fulufhedzei.

18

Vhudakwa

29

23:29-35
Mir. 20:1Ef. 5:18Yes. 5:11,22
Mat. 24:49
Luk. 21:34
Rom. 13:13
A no ṱolou ṱavha mukosi ndi nnyi?

A re na tshigomelo ndi nnyi?

A na muvhango ndi nnyi?

A no ḽa mbilu ndi nnyi?

A na philipise ndi nnyi?

A na maṱo o tswukaho ndi nnyi?

30Ndi vhane vha lala vha tshi nwa;

ndi vhane vha enda vha tshi thetshela waini yo vangiwaho.

31U songo ṱalela waini yo tswuka,

i tshi khou fhufhuma tshinweloni,

i tshi tsa zwavhuḓi!

32I fhedza nga u luma unga ṋowa,

i na vhuṱungu vhu no nga ha vuluvulu.

33Maṱo au a ḓo vhona zwi siho,

wa elekanya zwi sa ḓivhalei.

34U ḓo nga muthu o lalaho vhukati ha lwanzhe,

wa nga wo lala nṱha ha seila ya tshikepe,

35wa ri, “Vho nthwa ndi si huvhale,

vho nndikita nda si zwi pfe!

Ndi ḓo vuwa lini nda dovha nda nwa?”

24

19

241

24:1
Mir. 3:31
U songo tama vhutshilo ha vhavhi,

u songo konana navho.

2Mbilu dzavho dzi luka vhunwa,

vha amba zwa u levha fhedzi.

20

3

24:3-4
Mir. 14:1
Vhuṱali vhu fhaṱa nnḓu,

ṱhalukanyo ya i khwaṱhisa,

4nḓivho yone ya i ḓadza,

ya ḓala zwo nakaho zwi sa sokou wanala.

21

5

24:5
Mufunzi 7:19
Muṱali u na maanḓa mahulu;

nḓivho yawe i engedza nungo dzawe.

6

24:6
Mir. 11:14
20:18
Zwenezwo u tshi bva pfumo,

ranga u ṱoḓa nyeletshedzo;

u tshi ḓo kunda,

u ṱoḓa vhaeletshedzi vhanzhi.

22

7

24:7
Ps. 10:5
Vhuṱali tsilu ḽi nga si vhu hovhelele,

khoroni ha na tshine a amba.

23

8Ane a ṱolou luka vhunwa u ḓo fhedza nga u pfi mulukavhunwa.

9Zwine vhutsilu ha tanda ndi vhutshinyi fhedzi;

munyefuli u vhengwa nga vhathu vhoṱhe.

24

10Wa timatima musi wa khombo,

nungo dzau dzi a fhungudzea.

25

11Lamukisa

vha no khou khwikhwidzelwa lufuni;

humisa vha no khou pepeleka vha tshi yo vhulawa nandi!

12

24:12
Mir. 21:2
Ps. 62:12
Arali wa ri, “Huno izwo ro vha ri sa zwi ḓivhi,”

kani ane a sedza mbilu ha zwi vhoni?

A no londola vhutshilo hau ha zwi ḓivhi kani?

Ha nga pfufhi muṅwe na muṅwe a tshi tevhedza zwe a ita naa?

26

13Ṅwananga, iḽa ṋotshi,

ndi dzavhuḓi,

mutoli u a ḓifha.

14

24:14
Mir. 23:18
Ḓivha uri na vhuṱali vhu a u ḓifhela;

wa vhu wana,

zwa matshelo zwi ḓo u nakela,

zwe wa zwi lavhelela a u nga kundwi u zwi wana.

27

15

24:15-16
Ps. 10:9-10
Ek. 20:17
Ps. 37:24
Jobo 5:19
U songo nga muvhi wa lalela nnḓu ya a thetshelesaho Mudzimu;

u songo ṱangula muḓi wawe;

16nangwe a wa kaṱanu-na-kavhili,

u ḓo dovha a vuwa;

vhavhi vhone vha ḓo wa vha si tsha vuwa.

28

17

24:17-18
Mir. 17:5
Jobo 31:29
Rom. 12:20
11:18-21
Swina ḽau ḽa wa,

u songo ri, “Koṱo!”

A khukhulwa u songo fhululedza,

18Muṋe washu a sa ḓo ri u zwi vhona a u sola,

a vho ḓo litsha u mu sinyutshela.

29

19

24:19-20
Mir. 23:17-18
Ps. 37:1-2,8-10,35-36
73:2-3,17-20
92:8
1:1-6
24:19
Mir. 3:31
U songo dinalea nga ṅwambo wa vhaitazwivhi,

u songo tama vhutshilo ha vhavhi;

20

24:20
Mir. 3:33
muvhi zwa matshelo ha nga zwi vhoni;

a no nyadza Mudzimu, luvhone lwawe lu ḓo dziṅwa.

30

21

24:21
Rom. 13:4
1 Pit. 2:17
Ṅwananga,

ofha Muṋe washu na khosi,

u songo konana na mavhanga;

22vhone vha ḓo lovha kathihi fhedzi:

ndi nnyi a no ḓivha

uri Mudzimu na khosi vha ḓo vha lozwa hani?

Miṅwe mirero ya vhaṱali

23

24:23-25
Mir. 17:1528:21
Dot. 1:17
16:17
Vhaṱali vho dovha vha ri:

U haṱula nga tshiṱalula a si zwavhuḓi;

24ane a vhuya a vhudza a re na mulandu, a ri,

“A u na mulandu” –

u ḓo teketelwa nga vhathu vhoṱhe,

a vhengwa nga dzitshakha;

25hone vhane muthu o khakha vha mu vhona mulandu,

zwi ḓo vha nakela,

vha ḓo vha na mashudu manzhi.

26A no fhindula zwa ngoho ndi khonani yone-yone.

27Ranga u fhedza mishumo yau,

u lime masimu au,

u konou fhaṱa nnḓu.

28

24:28
Mir. 19:56:16,19
Dot. 19:18-21
U songo ṋea vhuṱanzi vhune ha laṱa a si na mulandu,

kana ha u piringanya mafhungo.

29

24:29
Mir. 20:22Rangap. 15:11
Mir. 24:12
U songo ri,

“Ndi ḓo mu ita zwe a nnyita,

ndi ḓo mu lifhedza zwe a ita.”

30

24:30-34
Mir. 6:6-11
Ndo vhuya nda tshimbila,

nda fhira nga tsimuni ya mubva,

tsimuni ya minḓirivhe ya munna a si na ṱhalukanyo,

31nda wana yo mela mipfa hoṱhe-hoṱhe,

mavu a sa vhonali nga tsheṋe,

mutsheṱo wo wa,

32nda ri u zwi sedza nda elekanya,

nda wana pfunzo kha zwe nda vhona:

33Khofhenyana nandi!

Ndi tou zhambu kathihi!

Ndi ḓikuvhatedze ndi awelenyana!

34Ndi hone vhushai vhu tshi ḓo u zhongondedza

unga ḽivemu ḽi na thonga,

u shaya ha u ḓela unga muhali o kungela zwihali.

25

Miṅwe mirero ya Solomoni

251

25:1
Mir. 1:110:1
2 Mah. 18:1-8
Hei ndi mirero ya Solomoni ye ya kuvhanganywa nga vhakoma vha Hiskia khosi ya Juda. I ri:

2

25:2
Mir. 16:1030:4
Dot. 29:29
1 Mah. 3:9
8:12
Mufunzi 8:16-17
Yes. 55:8-9
Rom. 11:33
Mudzimu u rendelwa u dzumba mafhungo,

mahosi a khoḓelwa u ṱoḓisesa mafhungo.

3Mbilu ya khosi a i ṱolei,

yo ṱanḓavhuwa unga maṱaḓulu,

ya tsisa unga lwanzhe.

4Ha bviswa malambelo kha siliva hu sala zwine mufuli a fula;

5

25:5
Mir. 16:12Yes. 1:22-23
ha bviswa vhavhi hune khosi ya vha hone,

ndi hone khuluṋoni yawe i tshi ḓo tikwa

nga khaṱhulo mbuya.

6U songo ḓihudza maṱoni a khosi,

u songo vhanga vhudzulo vhukati ha vhahulwane;

7

25:7
Luk. 14:7-11
Jak. 3:13
ndi khwiṋe muthu a tshi tou pfi,

“Kha vha ḓe ngeno phanḓa!”

u fhira u ṱukufhadzwa

nga u pfi a sendelele a mu fhiraho.

8Zwe wa zwi vhona nga maṱo au

u songo ṱavhanya u zwi hwelela khoroni;

zwino arali muṅwe a u shonisa u ḓo fhedza nga u itani?

9Arali u na nndwa na muthu u songo dzumbulula

tshiphiri tsha muṅwe,

10a sa ḓo ri u zwi pfa a u shonisa,

wa ḓi dzula na phungo mmbi.

11

25:11
Mir. 15:13
Ipfi ḽo teaho nga tshifhinga tsho teaho

ḽi nga maapula a musuku o vhewa kha mudzio wa siliva.

12

25:12
Mir. 1:9
Muṱali a tshi kaidza tshi na nḓevhe zwi nga tshiṅina tsha musuku

na geḓane ya musuku.

13Muḓinḓa a fulufhedzeaho

u netulusa mbilu dza vhaṋe vhawe

unga mukumbi ḽi tshi fhisa.Tshiheberu tshi ri, “murotho wa mahaḓa musi vha tshi kaṋa”, ngauri kha ḽa Israele hu kaṋiwa tshilimo, hu tshi fhisa.

14Muthu a no ṱongisa dzimpho dzine a si tsha ṋea muthu,

u nga makole na muya u sa ḓisi mvula.

15Wa luvhelela muvhusi u sa fheli mbilu,

a nga vhuya a tenda;

lulimi lwa vhulenda lu vunḓa shambo.

16

25:16
Mir. 25:27
Wa wana mutoli itou ḽa wo eḓanaho;

wa ḽesa u ḓo ṱanza.

17U songo dalesa nḓuni ya khonani yau,

u sa ḓo mu netisa a vho u vhenga.

18

25:18
Mir. 14:519:5
Muthu ane a ṱanzilela mazwifhi,

ndi thonga, ndi pfumo,

ndi musevhe wo ṱuṱulwaho.

19U ḓitika nga muthu a sa fulufhedzei musi wa khombo,

zwi nga ḽiṋo ḽo sinaho,

zwi nga mulenzhe wa tshihole.

20

25:20
Rom. 12:15
U imbela muthu nyimbo dza dakalo ó vhaisala mbiluni,

zwi nga muthu a tshi bvula tshiambaro musi wa phepho,

zwi nga u phupha mbonzhe nga muṋo.Hafha ho tevhedzwa Tshigiriki. Tshiheberu tshi ri, “zwi nga viniga yo shelwa kha soda”.

21

25:21-22
Rom. 12:20-21
Arali swina ḽau ḽi na nḓala,

ḽi fhe zwiḽiwa ḽi ḽe:

arali o farwa nga ḓora,

mu fhe maḓi a nwe,

22ndi hone a tshi ḓo sala o tou niwa nga ṱhoni,

Muṋe washu a ḓo konou u pfufha.

23Zwitshele zwi sinyusa vhathu,

unga muya wa devhula u tshi ḓisa mvula.

24

25:24
Mir. 21:919:13
Ndi khwiṋe u dzula ṱhangani ya nnḓu

u fhira u dzula nḓuni na musadzi wa luambo.

25

25:25
Mir. 15:30
1 Thes. 3:5-8
2 Korint. 7:5-7
Mafhungo a takadzaho a tshi bva shangoni ḽa kule,

a nga maḓi a tshi rothodza mikulo yo omaho.

26

25:26
Yes. 51:12-13
Jer. 1:17-19
A no thetshelesa Mudzimu a vhuya a tenda u xedzwa nga muvhi,

zwi nga tshisima tsho dzikuwaho,

zwi nga bidzi i re na mashika.

27U huliseswa zwi nga u ḽesa mutoli.

28

25:28
Mir. 29:11
16:32
Munna a sa koni u ḓilanga

u nga muḓi wa mitsheṱo yo pwashiwaho.