Tshivenda 1998 (VEN98)
12

121

12:1
Mir. 13:1
15:12
A funaho u laiwa u funa nḓivho;

a sa funi u kaidzwa ndi maphuu.

2Muthu muvhuya u takadza Muṋe washu;

mudzia-vhukwila ene u ḓo laṱwa.

3

12:3
Mir. 10:30
Ps. 1:3-4
Vhuvhi a vhu khwaṱhisi muthu;

vhavhuya vha nga si tupulwe.

4

12:4
Mir. 31:10-12,23
Musadzi wavhuḓi ndi tshiala tsha munna wawe;

a no ita zwi shonisaho ndi ṱhahala.

5A thetshelesaho Mudzimu u ṱoḓa zwi sa solisei;

maano a muvhi ndi a vhufhura.

6

12:6
Mir. 10:21
Zwiambo zwa muvhi ndi zwa u lalela vhathu na u fhaladza malofha;

maipfi a a si na vhufhura one ndi a u tshidza vhathu.

7

12:7
Mir. 10:24-25
12:3
14:11
Vhavhi vha ḓo tekulwa vha si tsha vha hone;

nnḓu ya a thetshelesaho Mudzimu i ḓo sala yo ima.

8

12:8
1 Sam. 25:3,33
Muthu u khoḓelwa ṱhalukanyo yawe;

o thanyelaho dubo u a nyadziwa.

9Ndi khwiṋe u pfi mushai u na phuli,

u fhira u ḓiita muḓivhalea u si na tshine wa ḽa.

10

12:10
Ek. 20:10
23:4-5,12
Dot. 22:6-7
25:4
Jonasi 4:11
A no thetshelesa Mudzimu u londola tshifuwo tshawe;

muvhi ene u na tshiṱuhu.

11

12:11
Mir. 27:23-27
28:19
A limaho tsimu yawe u ḓo ḽa a laṱa;

a no tevhela zwi sa ḓivhalei ene ha na ṱhalukanyo.

12Muvhi u tama zwo wanalaho nga vhuvemu,

hone mitshelo i fulwa nga a thetshelesaho Mudzimu.

13

12:13
Mat. 12:36-37
Muvhi u fashwa nga nyambo yawe mmbi;

a thetshelesaho Mudzimu ene u tinya khombo.

14

12:14
Mir. 13:2
Yes. 3:10-11
Muthu u ḽa zwivhuya zwe a wana nga u amba;

u pfufhiwa nga zwe a zwi shumela.

15Tsilu ḽi vhona nḓila ye ḽa i fara i yone-yone;

muṱali u thetshelesa nyeletshedzo.

16

12:16
Mir. 29:11
Zwine zwa dina tsilu a zwi lengi u vhonala;

wa vhuṱali u kanda mupfa a tshi u vhona.

17

12:17
Mir. 14:5,25
Ṱhanzi ya ngoho i tikedza khaṱhulo mbuya,

ya mazwifhi yone i ṱuṱuwedza vhufhura.

18

12:18
Ps. 57:4
Maipfi a veveru a runga unga pfumo;

lulimi lwa muṱali lu a fhodza.

19

12:19
Mir. 19:5
Ngoho i ḓo ima lini na lini;

mazwifhi ha yi thambo.

20Vhufhura ho fhaṱela mbiluni dza vha no luka vhunwa;

vha nyeletshedzo dzi ḓisaho mulalo vha dzula vho takala.

21

12:21
Rom. 8:28
Gen. 50:20
A no thetshelesa Mudzimu ha na mafhanza;

vhavhi vha dzula vhe khomboni.

22Muṋe washu u nyala mulomo wa mazwifhi;

u takalela vha no fulufhedzea.

23Muthu wa maano u dzumba nḓivho yawe;

tsilu ḽi anḓadza vhutsilu haḽo.

24Mushumi wa biko u ḓo vhusa;

vhubva vhu guma nga vhupuli.

25

12:25
Mir. 16:24
14:30
18:14
U ḽa mbilu lu lemedza muthu;

ipfi ḽavhuḓi ḽi a mu khuthadza.

26A thetshelesaho Mudzimu a tshi konana na muthu u ranga u sedza,

hone nḓila ya vhavhi i a vha xedza.

27Mubva u shaya na phukha ya u gotsha;

mushumi wa biko u wana lupfumopfumo.

28U thetshelesa Mudzimu ndi yone nḓila i isaho vhutshiloni;

nḓila yeneyo a i na lufu.

13

131

13:1
Mir. 1:812:1
Ṅwana wa vhuṱali u a thetshelesa khotsi awe a tshi mu laya;

mudzia-u-kola ha pfi u kaidzwa.

2

13:2
Mir. 12:14
Muthu u ḽa zwivhuya zwe a wana nga u amba;

wa vhufhura u tshila nga vhuvemu.

3

13:3
Mir. 10:14,1921:23
U fara lulimi ndi u vhulunga vhutshilo;

u amba u sa londi ndi u ḓilozwa.

4Mubva u tama tshithu a si tshi wane;

mushumi wa biko u fushwa nga zwinzhi.

5Ane a thetshelesa Mudzimu u vhenga mazwifhi;

muvhi ene u ita zwi shonisaho a niwa nga ṱhoni.

6

13:6
Mir. 11:3-9
Muthu a sa solisei u londolwa nga vhuvhuya hawe;

muvhi u tekulwa nga vhuvhi hawe.

7Hu na ane a ḓiita mupfumi ngeno a si na tshawe,

muṅwe a ḓiita mushai e na lupfumo luhulu.

8Lupfumo lwa mupfumi lu nga vha tshipfumelo tshawe;

mushai ene ha londi u shushedzwa.

9

13:9
Jobo 18:5-6
Tshedza tsha a thetshelesaho Mudzimu tshi tou penya;

luvhone lwa muvhi lwone lu a dzima.

10U ḓihudza hu vusa nndwa;

ane a tenda u eletshedzwa u na vhuṱali.

11

13:11
Mir. 28:20
Lupfumo lune wa sokou lu wana a lu lengi u fhalala;

ane a kuvhanganya nga zwiṱuku u andisa lupfumo lwawe.

12

13:12
Mir. 12:25
Wa kundwa u wana zwe wa zwi lavhelela zwi lwadza mbilu;

zwine wa zwi tama zwa khunyelela zwi u ṋea vhutshilo.

13Tshilamba-u-vhudzwa ndi tshilila-u-vhona;

ane a tenda u laiwa u ḓo pfufhiwa.

14

13:14
Mir. 10:11
14:27
Pfunzo ya muṱali ndi tshisima tsha vhutshilo;

i humisa muthu o livha zwikwekweni zwa lufu.

15Hu takalelwa a na ṱhalukanyo;

vha sa fulufhedzei vho fara i isaho lufuni.

16

13:16
Mir. 12:23
15:2
Wa vhuronwane u ita zwithu nga vhusedzi;

veveru ḽone ḽi anḓadza vhutsilu haḽo.

17Muḓinḓa muvhi u wedza vhathu khomboni;

a fulufhedzeaho ene u a vha fhodza.

18

13:18
Mir. 1:20-33
Ane a nyadza u laiwa, u vha mushai, a shona;

ane a thetshelesa a tshi kaidzwa, ene u a huliswa.

19

13:19
Yes. 53:11, hone Ps. 106:15 na Mufunzi 2:10-11
Muthu a wana zwine a zwi tama u rudza mbilu;

tsilu ḽone a ḽi funi u furalela vhuvhi.

20A tshimbilaho na vhaṱali u a ṱalifha;

a konanaho na matsilu u a tsilufhala.

21

13:21
Mir. 3:33
Vhatshinyi khombo a i vha humeli;

vha thetshelesaho Mudzimu vha pfufhiwa nga zwivhuya.

22

13:22
Mir. 28:8
Mufunzi 2:26
Muvhuya u siela vhana vha vhana vhawe ifa;

lupfumo lwa mutshinyi lwone lu khokhelwa vha thetshelesaho Mudzimu.

23Mukhatho wa mushai u nga bveledza zwiḽiwa zwinzhi,

hone ha sa vha na mulayo u a kumbwa.

24

13:24
Mir. 15:519:18
19:2922:15
23:13-14
29:15,17
Heb. 12:5-11
A sa rwiho ṅwana wawe u a mu vhenga;

ane a mu funa u mu laṱisa a tshee nga hawe.

25

13:25
Mir. 10:3
A thetshelesaho Mudzimu u ḽa a fura;

thumbu ya muvhi yone i ṱwa na nḓala.

14

141

14:1
Mir. 31:10-31
Muḓi u fhaṱwa nga vhuṱali ha musadzi;

musadzi wa tsilu ene u a u thutha.

2A si na vhufhura u ofha Muṋe washu;

wa nḓila dza magombikwa ene u a mu nyadza.

3Zwiambo zwa tsilu zwi ḽi rwisa muṱana,

hone milomo ya muṱali i a mu tsireledza.

4Hu si na phulu a hu na tshinyalelo ya zwiḽiwa zwadzo,

hone mavhele manzhi a ḓiswa

nga nungo dza phulu.

5Ṱhanzi i fulufhedzeaho a i zwifhi;

ya mazwifhi yone i shulula mazwifhi fhedzi.

6

14:6
1 Joh. 2:27
Jobo 28:28
Munyefuli u ṱoḓa vhuṱali,

he vhutoto;

wa ṱhalukanyo a zwi mu konḓeli u wana nḓivho.

7Tinya tsilu,

ḽi nga si u funze tshithu.

8Vhuṱali ha wa vhuronwane vhu mu sumbedza nḓila;

tshidzingindi tshi fhurwa nga vhutsilu hatsho.

9Tsilu ḽi nyadza u pfumelwa;

vha si na vhufhura vha a takalelana.

10Mbilu i ḓivha vhuṱungu hayo,

na dakalo ḽayo a i kovhekani na muṅwe.

11

14:11
Mir. 3:3312:7
Nnḓu ya muvhi i ḓo pwashekanywa;

ya a si na vhufhura i ḓo shudufhadzwa.

12

14:12
Mir. 12:15
15:19
13:14
Mat. 7:13
Hu na nḓila ine muthu a vhona i yone-yone,

ya fhedza nga u mu isa lufuni.

13

14:13
Luk. 6:21,25
Joh. 16:20-22
Naho muthu a tshi sea,

mbilu i nga kha ḓi vha yo ṱungufhala;

dakalo ḽi nga ḓi fhedza nga u ṱungufhala.

14

14:14
Gal. 6:7
O pambuwaho nḓilani ya Mudzimu u ḓo kaṋa zwe a zwala;

na muvhuya u ḓo pfufhelwa zwivhuya zwawe.

15Tshilendele ndi tendele;

wa vhuronwane u sedza hune a ya.

16Wa vhuṱali u na vhusedzi;

u furalela vhuvhi;

tsilu a ḽi londi,

ḽi wela zwithu nga nṱha.

17

14:17
Mir. 15:18
19:19
22:24
29:22
Wa mbilwana u ita zwa vhutsilu;

wa vhumbulu u ḓivhengisa nga vhathu.

18Mukovhe wa a si na maano ndi vhutsilu;

tshiala tsha wa vhuronwane ndi nḓivho.

19Vhaitazwivhi vha losha vhavhuya;

vhavhi vha luvha khoroni dza vha no thetshelesa Mudzimu.

20

14:20
Mir. 10:15
19:4,6-7
18:11
Mushai u sandwa na nga vhadzulelani vhawe;

mupfumi ene u na khonani nnzhi.

21

14:21
Mir. 14:31
17:5
22:9
Jobo 31:13-23
Mat. 5:7
U nyadza muṅwe ndi u tshinya;

u itela mushai vhuthu ndi one mashudu.

22Kani vha no tanda ḽi sa fukwi a vha khou xela?

Vha no langana zwivhuya a vha nga shandukelwi, vha ḓo funwa.

23Mushumi wa biko u a vhuelwa;

a no sokou amba nga mulomo fhedzi u ḓo shaya.

24Muṱali u ḓo ambadzwa tshiala tsha lupfumo;

tsilu ḽo kungela vhutsilu fhedzi.

25Ṱhanzi ya ngoho i tshidza vhathu;

ine ya zwifha ndi tshifheṱi.

26

14:26
Mir. 18:10
14:26-27
Mir. 10:11
10:27Joh. 4:14
7:38
Ane a ofha Muṋe washu

o wana vhushavhelo ho khwaṱhaho;

na vhana vhawe ḽi ḓo vha bako ḽavho.

27

14:27
Mir. 13:14
U ofha Muṋe washu

ndi tshone tshisima tsha vhutshilo,

hu tinyisa muthu zwikwekwe zwa lufu.

28Khosi ndi khosi nga vhathu;

muvhusi a shaya vhalanda u a lovha.

29

14:29
Mir. 16:32
19:11
Ane a si fhele mbilu u na ṱhalukanyo khulu;

wa mbilwana u ṱana vhutsilu.

30

14:30
Mir. 12:25
17:22
Mbilu yo rulaho i ṋea muvhili vhutshilo;

vivho ḽone ndi ṱhahala.

31

14:31
Mir. 14:2119:1722:2
28:8
Jobo 31:15-23
Jak. 3:9
1 Joh. 3:17-18
Mat. 25:40
Ane a kandeledza vhashai u nyadza Muvhumbi wavho;

u itela vhaheḓana vhuthu ndi u hulisa Mudzimu.

32

14:32
Mir. 23:18
Ps. 31:5
Muvhi u wiswa nga vhuvhi hawe;

wa u thetshelesa Mudzimu u wana vhushavhelo

naho hu tshi fiwa.

33A na ṱhalukanyo ha ḓisumbedzi;

tsilu ḽone ḽi a ḓiṱana.

34U thetshelesa Mudzimu hu hudza lushaka;

vhutshinyi vhu lu ḓisela samba.

35Mukoma ane a shuma nga vhuṱali u takadza khosi;

a no ita zwi shonisaho u a i sinyusa.