Tshivenda 1998 (VEN98)
11

111

11:1
Mir. 16:11
Dot. 25:13-16
Mir. 20:10,23
Liv. 19:35-36Mika 6:10-12
Luk. 6:38
Tshikalo

tshi no kala zwi si zwone

tshi nengisa Muṋe washu; tsho teaho tshi a mu takadza.

2U ḓihudza hu tevhelwa nga ṱhoni;

tsha muṱali ndi u ḓiṱukufhadza.

3U sa solisea ha vha si na vhufhura hu a vha endedza;

vha sa fulufhedzei vha ḓo fela nḓila dzavho dza magombikwa.

4

11:4
Mir. 10:2
Tsef. 1:18
Esek. 7:19
Lupfumo a lu farisi tshithu

musi wa khaṱhulo;

u thetshelesa Mudzimu hu tshidza lufuni.

5U fulufhedzea ha a sa solisei hu mu onyolosela nḓila dzawe,

ngeno muvhi a tshi fashwa nga vhuvhi hawe.

6Vhuvhuya ha vha si na vhufhura vhu a vha tshidza,

ngeno vha sa fulufhedzei vha tshi fashwa

nga nyemulo dzavho.

7Zwe muvhi a zwi fulufhela, a tshi fa zwi lovha nae;

maanḓa e a ḓitika ngao ndi mahandana.

8

11:8
Mir. 21:18
A thetshelesaho Mudzimu u lamukiswa khomboni,

ya wela muvhi.

9

11:9
Mir. 10:21
A no nyadza Mudzimu u vhulaha vhaṅwe nga mulomo wawe,

ngeno a thetshelesaho Mudzimu a tshi vha ponyokisa nga nḓivho yawe.

10

11:10
Mir. 28:12
Musi muvhuya zwi tshi mu nakela,

muḓi u huvha mihuvho;

vhavhi vha tshi lovha hu pfala mifhululu.

11Muḓi u wana mashudu nga vha si na vhufhura,

wa fhaṱwa;

mulomo wa muvhi wone u pwasha muḓi.

12A no sasaladza vhaṅwe ha na ṱhalukanyo;

munna wa ṱhalukanyo u a fhumula.

13

11:13
Mir. 20:19
Liv. 19:16
Esek. 22:9
Wa zwitshele ha vhudzwi tshiphiri;

ane a fulufhedzea u a tshi vhulunga.

14

11:14
Yes. 1:26
Lushaka lu a wa nga u shaya nyeletshedzo,

hone ho andaho vhaeletshedzi lu dzula lwo kunda.

15

11:15
Mir. 6:1-5
Arali wa ḓivhofha u lifhela muṅwe mulandu une a nga u ita,

u ḓo ḓisola;

ane a lamba u ḓidzhenisa khazwo o ḓirula.

16Musadzi u huliselwa vhulenda,

hone vhalevhi vha zuwa lupfumo fhedzi.

17Munna wa vhuthu u a vhuelwa;

wa tshiṱuhu u ḓiṱoḓela mafhanza.

18

11:18
Hos. 10:12
Muvhi u a bindula zwa fhufha;

a no zwala mbeu ya vhuvhuya ha nga kundwi u pfufhiwa.

19A sa tseki kha u ita zwi re zwone u ḓo tshila;

ane a omelela kha vhuvhi u ḓo fa.

20Muṋe washu u vhenga vha mbilu ya vhufhura;

u takalela vha sa solisei.

21Ḓivhani uri:

muvhi ha nga kundwi u lifhedzwa;

vhana vha vhavhuya vhone vha ḓo wanala vha si na mulandu.

22Musadzi wa lunako a si na ṱhalukanyo,

u nga tshiṅina tsha musuku tshi ningoni ya nguluvhe.

23

11:23
Mir. 10:28
11:4
A thetshelesaho Mudzimu u ḓo wana zwivhuya zwine a zwi lila;

muvhi ene o lindela ṱhamu fhedzi.

24

11:24-25
Ps. 112:9
2 Korint. 9:6-9
Mapakulile u ḓi pfuma a tshi ya;

a no dzima na zwo fanelaho vhaṅwe

ene u ḓi shaya a tshi ya.

25A si na vhutshivha u ḓo pfuma;

a no dzimula ḓora ḽa vhaṅwe,

na ḽawe ḽi ḓo dzimulwa-vho.

26Ane a hana na mavhele, vhathu vha a mu teketela;

hu shudufhadzwa ane a tenda u a rengisa.

27Ane a ḓidinela u ita zwivhuya u ḓo takalelwa;

tshilila-u-vhona-khombo tshi ḓo i vhona.

28

11:28
Mir. 15:6Ps. 1:3
52:7-8
Jer. 17:8
Ane a ḓitika nga lupfumo lwawe u ḓo wa;

ane a fulufhedzea zwi ḓo mu nakela,

a nga ṱari ḽidala ḽi titimaho.

29A sa londoli muṱa wawe

u ḓo sala na muya;

tsilu ḽi ḓo vha phuli ya muṱali.

30

11:30
Mat. 4:19
Mitshelo ya ane a thetshelesa Mudzimu i a tshidza;

muṱali u kona u tswa mbilu dza vhathu.

31

11:31
1 Pit. 4:17
Arali na muvhuya a tshi wana zwo mu fanelaho fhano fhasi,

kha muvhi na mutshinyi zwi ḓo tou ngani?