Tshivenda 1998 (VEN98)
1

Pfunzo ya ino bugu

11

1:1
1 Mah. 1:9-12
Iyi ndi mirero ya Solomoni, ṅwana wa Dafita, khosi ya Israele.

2I funza muthu vhuṱali, ya mu laya, a ṱalukanya maipfi a vha re na nḓivho. 3Ndi nyeletshedzo i no funza muthu u tshila nga vhuronwane, e kwae, a tshi ita zwi re zwone, a si na vhufhura, 4mushaanzhele a vha na nzhele, muṱhannga a vha na nḓivho na vhusedzi. 5Na munna wa vhuṱali nga a thetshelese a engedze nḓivho yawe, wa ṱhalukanyo a wane vhutsila, 6a konou ṱalukanya zwine vhaṱali vha amba: mirero yavho, na zwiga, na dzithai.

U laya vhaṱhannga

7

1:7
Mir. 2:4-5
9:10
15:33
Dot. 4:10Jobo 28:28
Ps. 111:10
Mufunzi 12:13
U ofha Mudzimu ndi tshone tshisima tsha vhuṱali;

matsilu ndi one a no nyadza vhuṱali na u laiwa.

8

1:8
Mir. 4:2
6:20
10:1
23:22
30:17Ek. 20:12
Ṅwananga,

thetshelesa khotsi au a tshi u laya,

u si hane mme au a tshi u funza.

9Ndi tshone tshiala tshi tondaho ṱhoho yau,

ndi hone vhulungu vhu nakisaho mukulo wau.

10Ṅwananga,

arali vhavhi vha tshi u kunga,

u songo tenda.

11Arali vha tshi ri,

“Nga ri yo lalela vhathu ri vha ponde,

ri sokou phuthuma a sa huvhadzi muthu;

12nga ri tou nga lufu,

ri vha mile vha tshi kha ḓi tshila,

vha godimele tshaloni vhá songo lwala!

13Ri ḓo wana lupfumo lwa tshakha-tshakha,

ra ḓadza nnḓu dzashu ngalwo.

14Ita madeṅwa na riṋe,

ri kovhekane tshelede!”

15Ṅwananga,

u songo tshimbila navho,

u songo longa mulenzhe wau nḓilani yavho;

16milenzhe yavho i gidimela vhuvhini,

vha gidimela u shulula malofha.

17Tshenzhela unga tshiṋoni

tshine muthu a tshi rea tsho mu sedza.

18Havha vhathu vha lalela malofha a vhone vhaṋe;

khunḓa i ḓo fasha muvei.

19

1:19
Jobo 8:13
Hoho ndi hone vhuyo ha vhane vha bindula nga vhuvemu;

ulwo lupfumo lu vha ḽa ṱhoho.

Vhuṱali vhu tshi vhidzelela

20

1:20-21
Mir. 8:1-3
9:3
Vhuṱali vhu khou vhidzelela vhú gondoni,

21vhu ṱavha mukosi ho ḓalaho vhathu,

vhu amba vhu mafhoroni a miḓi, vhu ri,

22“Inwi ni si na nzhele,

ni ḓo shaya nzhele u swika lini?

Vhanyefuli vha ḓo nyefula u swika lini?

Matsilu a ḓo vhenga nḓivho u swika lini?

23Thetshelesani ndi tshi ni kaidza,

ndi hone ndi tshi ḓo ni eletshedza,

nda ni shululela zwa mbiluni yanga.

24

1:24
Yes. 65:2,12
Jer. 25:1-7
Ndo ni vhidza na lamba u nthetshelesa,

nda ni vhidza nga tshanḓa

na si zwi dzhiele nzhele.

25A no ngo londa nyeletshedzo dzanga,

ndi tshi ni kaidza na si tende.

26Ndi zwone,

ní khomboni ndi ḓo ni sea-vho,

ni tshi welwa nga nyofho nda ni holedza.

27Musi zwi ofhisaho zwi tshi ni wela unga ḓumbu,

khombo i tshi ni swiela unga tshiḓumbumukwe,

vhuṱungu na phanzi zwi tshi ni tsikeledza,

28

1:28
Jer. 11:11
Am. 8:11-12
Mika 3:4
ndi hone ni tshi ḓo nṱavhela mukosi nda si aravhe,

na nṱoḓa nga maṱo matswuku na si nngwane.

29Hufha no vhenga nḓivho,

na si nange u ofha Muṋe washu.

30A no ngo thetshelesa nyeletshedzo dzanga,

no nyadza ndi tshi ni kaidza.

31

1:31
Yes. 3:10-11
Ndi zwine na ḓo kaṋa zwe na zwala,

na fura vhufhura haṋu.

32Vha si na nzhele

vha konyolela matanda nḓevheni,

vha fa ngazwo,

matsilu a vhulawa nga u ḓiḓivha havho.

33Huno, a no nthetshelesa u ḓo tshila nga mulalo,

a sa dinwi nga tshithu,

a sa ofhi khombo.”