Tshivenda 1998 (VEN98)
2

U edza Khristo kha u ḓiṱukufhadza hawe

21Hufha vhuthihi haṋu na Khristo vhu tshi ni khwaṱhisa, hufha ni tshi ṱuṱuwedzwa nga lufuno, hufha no konanywa nga Muya Mukhethwa,Kana: “vhuthihi vhu bvaho ha Muya Mukhethwa,” hufha ni na tshilidzi na khathutshelo, 2khunyeledzani-ha dakalo ḽanga nga u dzula ni tshi anḓana: lufuno lu luthihi, mbilu i nthihi, muhumbulo u muthihi, 3

2:3b
Rom. 12:10
hu si vhe na ane a tshi ita tshithu a itwa nga tseḓa kana nga u ḓihudza. Ni ḓiṱukufhadze, muṅwe na muṅwe a ḓivhone e muṱuku kha vhaṅwe. 4
2:4
Rom. 15:1-2
Fungelelani u itela vhaṅwe zwivhuya, u si londe zwau fhedzi.

5

2:5
Mat. 11:29
Ivhani vha muya u no nga uḽa wa Khristo Yesu.

6

2:6
Joh. 1:1-2
17:5
5:18
10:33
Kol. 2:9
Heb. 1:3
Zwine Mudzimu a vha zwone, na Ene o vha e zwenezwo,

u lingana hawe na Mudzimu ho vha hu si u tou zwi vhanga.

7

2:7
Yes. 53:3
2 Korint. 8:9
Mat. 20:28
O tou bvula vhugala hawe

a vho vha zwenezwo zwine phuli ya vha zwone,

a tou fana na muthu.

Huno musi o no vha na tshivhumbeo tsha muthu

8

2:8
Mat. 26:39-64
Joh. 10:18
a dovha a ḓiṱukufhadza,

a thetshelesa Mudzimu zwe a vhuya a tenda u fa,

a fa lufu lwa tshifhambano.

9

2:9
Mat. 28:18
Joh. 10:17
Ef. 1:21
Ndi zwe Mudzimu a mu vhea kha tshiimo tsha nṱha-nṱha,

a mu ṋea dzina ḽi fhiraho madzina oṱhe,

10

2:10
Nzumb. 5:11-14
uri magona oṱhe a gwadamele Yesu –

a vha ngei ṱaḓulu na vha fhano fhasi na vha re fhasi ha mavu,

11

2:11
Rom. 14:9,11
ndimi dzoṱhe dzi bvumele,

dzi ri Yesu Khristo

ndi Muṋe wa zwoṱhe,

Mudzimu a rendwe ngazwo.

Ni tshedza tsha shango

12Zwino-ha vhafunwa, musi ndi na inwi ngeo no vha ni tshi ḓi mpfa. Ndi zwone, dzulani ni tshi ḓi mpfa naho ndi ngeno, u fhira na musi ndi ngeo. Ndi ri inwi vhaṋe isani phanḓa mushumo wa u tshidzwa haṋu, ni ralo nga nyofho na khuliso, 13

2:13
Ef. 2:10
1 Korint. 4:7
15:10
ngauri ndi Mudzimu ane a zwi shuma kha inwi. Hu u funa u ita zwe Mudzimu a dzudzanya, hu u zwi khunyeledza, ndi Ene Mudzimu ane a ni konisa.

14Zwoṱhe ni zwi ite ni sa gunguli ni sa ṅaṅi, 15

2:15
Mat. 5:14-16,44-48
1 Pit. 2:12
uri ni vhonale ni si na mulandu no ṱamba, ni vhana vha Mudzimu vha sa solisei henefho shangoni ḽa phaṱhi dzi sa ḓivhalekani. Henefho ni vha vhonetshele, ni nge ṋaledzi lutomboni, 16
2:16
2 Korint. 1:14
ni vha ḓisele ipfi ḽa vhutshilo. Na ralo ndi hone ndi tshi ḓo kona u zuwa nga ḓuvha ḽine Khristo a vhuya, nda wanala ndi songo sokou tshinya tshifhinga nga u ḓinetisa lwa mahandana. 17Lutendo lwaṋu lu nga nduvho i ṋekedzwaho Mudzimu. Huno naho malofha anga a tshi nga tevhulelwa Mudzimu a ḓadzisa yeneyo nduvho ndi a zwi takalela, nda takala na inwi noṱhe. 18Zwenezwo na inwi ni songo vhilaela; takalani na nṋe.

Timoti na Ephafrodithosi

19

2:19
Mish. 16:1
Ndi fulufhela uri arali Muṋe washu Yesu a tshi zwi funa a thi nga lengi u ruma Timoti ngeo uri ndi kone u pfa uri ni vuwa hani, ndi rudze mbilu. 20Kha vhoṱhe vhane nda vha navho fhano ndi ene fhedzi ane a ni swela mbilu; 21
2:21
2 Tim. 4:10,16
vhaṅwe vhoṱhe a vha londi zwa Yesu Khristo vha londa zwavho fhedzi. 22
2:22
1 Korint. 4:17
1 Tim. 1:2
2 Tim. 1:2
Hone ene noṱhe ni a zwi ḓivha uri u fulufhedzea hani. Kha nṋe ene u tou nga ṅwananga ane a farisana na khotsi awe vha tshi shumela mafhungo maḓifha. 23Zwenezwo ndi tshi vhona uri milandu yanga hei i tshimbila hani ndi ḓo mbo ḓi mu ruma ngeo. 24Ndi fulufhela uri arali Muṋe washu a tshi zwi funa, na nṋe ndi ḓo tevhela hu si kale.

25

2:25
Filip. 4:18
A vha e hoyu Ephafrodithosi wa hashu, mushumi nga nṋe, ḽiswole nga nṋe we na mu ruma ngeno uri a ntikedze kha zwine nda lila, ndi vhona i pfanelo ndi tshi mu vhofholola a humele ngeo, 26ngauri o no ḓi ni ṱuvha noṱhe nahone u vho ḽa mbilu nge na pfa uri o vha a sa ḓiphiṋi. 27Nangoho o lwala lwe a ṱoḓou fa; hone Mudzimu o mu khathutshela mbilu. A ho ngo vha u khathutshela ene fhedzi, ho vha hu u khathutshela na nṋe, uri vhuṱungu hanga vhu si khokhane. 28Zwenezwo ndi ḓo mbo ḓi ri a humele ngeo nga u ṱavhanya uri ni mu vhone mbilu dzaṋu dzi rule, na nṋe ndi si tsha ḽesa mbilu. 29Ndi zwone, mu ṱanganedzeni nga dakalo vhunga noṱhe, inwi na ene, ni vha Muṋe washu. Vhathu vho raloho vho fanela u huliswa. 30
2:30
Rom. 16:4
O ḓiṅala lwe zwa vha zwi tshi nga kha ḓi itea uri a fe a tshi fela mushumo wa Khristo. O ḓiṅala tshoṱhe nga u ḓa a mpfarisa nga zwe inwi na kundwa u zwi ita nge na vha ni siho tsini.

3

Nḓila ya ngoho ya u pfumedzanywa na Mudzimu

31

3:1
Filip. 4:4
Rom. 12:12
Zwino vha hashu, ndi ri takalani nge na vha vha Muṋe washu. A thi na gonobva ndi tshi ḓi ni ṅwalela zwenezwiḽa zwe nda ranga u ni ṅwalela, tenda zwa ni khwaṱhisa.

2

3:2a
Yes. 56:10
Thanyelani dziḽa mmbwa,

vhaḽa vhadzia-u-tshinyekanya zwithu,

vhadzia-u-tshetshekanya mivhili.

3

3:3
Rom. 2:29
Kol. 2:11
Joh. 4:23-24
A si vhone vho fumbaho lwa ngoho havhaḽa, vho fumbaho lwa ngoho ndi riṋe vhane ra shumela Mudzimu nga maanḓa a Muya wawe ra zuwa Khristo Yesu, ri sa ḓitiki nga hezwo zwa u fumbisa muvhili zwawo, 4naho nṋe ndi tshi nga kona-vho u ḓitika nga zwa u fumba ha muvhili. Hafhu arali hu na muṅwe ane a ḓifhima uri a nga kona u ḓitika nga hezwo zwa u fumba ha muvhili, nṋe hone a nga si mphire. 5
3:5
2 Korint. 11:22
Rom. 11:1
Mish. 23:6
26:5
Hufha nṋe ndo fumba ndi tshi tou vha na vhege nthihi. Hufha ndi Muisraele wa davhi ḽa Benyamini. Ndi tou vha ene Muheberu na tsie dzawe.Sedzani kha 2 Korint. 12:22. Ri tshi ḓa kha mafhungo a u vhulunga Mulayo ni songo tsha amba, nṋe ndi tou vha Mufarisei. 6
3:6
Gal. 1:13-14
Mish. 8:3
9:1-2
Ndo vha ndi tshi tou vha tshifhungu, nda vhuya nda tovhola na tshivhidzo. Arali muthu a tshi nga pfi muvhuya nga u tevhedza Mulayo, ndele makone i sa solisei o vha e nṋe.

7Hone tshee nda vha wa Khristo hezwo zwoṱhe zwe nda vha ndi tshi vhuelwa ngazwo ndi vho vhona i tshinyalelo fhedzi. 8

3:8
Ps. 73:25
Joh. 17:3
Nahone zwi si izwo fhedzi, ndi vho vhona zwoṱhe-zwoṱhe zwi sa vhuisi tshithu arali ndi tshi zwi vhambedza na mashudu aya a fhiraho zwoṱhe a u ḓivha Khristo Yesu Muṋe wanga. Tshee nda mu ḓivha ndi vho vhona zwoṱhe zwi sa vhuisi tshithu, e mathukhwi fhedzi, tenda ndo vhuelwa nga Khristo, 9
3:9
Rom. 10:3,5
1:17
3:21-22
nda vha muthihi nae. A thi pfi muvhuya nge nda vhulunga Mulayo, ndi pfi muvhuya nge nda fulufhela Khristo, ndi vhuvhuya vhu no bva kha Mudzimu nga lutendo. 10
3:10
Filip. 1:20
Rom. 6:4
Ef. 1:19-20
Tshililelwa tshanga ndi tshithihi fhedzi: ndi u ḓivha Khristo na maanḓa a u vuwa hawe vhafuni, na u kovhekana nae maṱhupho awe nda fana nae a tshi fa, 11ndi tshi lusa uri na nṋe ndi vuswe vhafuni ndi tshile.

Mbambe ya Mukhriste

12A si uri ndo no zwi kona, a si uri ndo no vha muthu o khunyelelaho; tshi re hone ndi tou fungelela nda hovhelela nda nga ndi sa zwi fara, vhunga na nṋe Khristo Yesu o mpfara. 13Vha hashu, a thi ḓifhimi uri ndo no ḓi gavha kale tshiphuga hetsho lini. Tshine nda ita ndi u hangwa zwi re murahu nda hovhelela zwa phanḓa. 14

3:14
Luk. 9:62
1 Korint. 9:24,26
Ndi gidima ndo tou oma ndo livha phanḓa hune mbambe ya guma hone uri ndi wane tshiphuga. Tshiphuga itsho ndi u wana zwa ngei ṱaḓulu zwe Mudzimu a ri vhidzela zwone nga Khristo Yesu.

15Riṋe vhe ra aluwa muyani ra vhina kha ri vhe na muhumbulo wonoyo. Huno arali hu na huṅwe hune na zwi vhona nga iṅwe nḓila, na henefho Mudzimu u ḓo ni dzumbululela zwi re zwone; 16tenda ra kandela phanḓa ri kha zwenezwiḽa zwe ra swika khazwo.

17

3:17
Filip. 4:9
1 Korint. 4:16
11:1
Vha hashu, kandani vhuṱalani hanga noṱhe. Vhunga riṋe ro ni sumbedza vhuṱala, edzisani vhane vha kanda vhuṱalani honoho. 18
3:18
Filip. 1:15-16
Haya mafhungo ane nda ṱoḓa u ni vhudza ndi kanzhi ndi tshi ḓi ni vhudza, zwino ndi dovha u ni vhudza ndi tshi rothisa miṱodzi ndi ri: hu na vhanzhi vhane nga kutshilele kwavho vha vho vha one maswina a tshifhambano tsha Khristo. 19
3:19b
Rom. 16:18
3:19c
Kol. 3:2
Vhenevho vha ḓo fhedza vho lovha tshoṱhe, ngauri vha dzhia thumbu vha i ita mudzimu wavho, vha ḓihudza nga zwine zwa shonisa, vha londa zwa shango fhedzi.

20

3:20
Ef. 2:6
Kol. 3:1
A vha riṋe ri vhadzulapo vha makoleni; ri dzula ro lavhelela Mutshidzi washu Muṋe washu Yesu Khristo a tshi ḓo vhuya a tshi bva henengei. 21
3:21
1 Korint. 15:43,48,49
Rom. 8:29
1 Joh. 3:2
Ndi hone a tshi ḓo shandukisa mivhili yashu heino i nyadzeaho ya fana na wawe wa vhugala. U ḓo zwi ita nga maanḓa awe a luvhisaho zwoṱhe.

4

41

4:1a
Filip. 1:8
1 Thes. 2:19
4:1b
Filip. 1:27
Zwino-ha vha hashu, ndi ni funa hani, ndo ni ṱuvha hani, ni ntakadza hani; tshiala tshanga ndi inwi. Zwenezwo-ha vhafunwa, imani no khwaṱha ni vha Muṋe washu.

Dzindayo

2

4:2
Filip. 2:2
Inwi Iodia na Sintike, ndi khou ni kwengweledza ndi ri: anḓanani nga tshaṋu vhunga noṱhe ni vha Muṋe washu. 3
4:3
Ek. 32:32
Ps. 69:28
Dan. 12:1Luk. 10:20
Nzumb. 20:12
22:19
Na inwi mushumi nga nṋe“Mushumi nga nṋe” kana: “Sizigosi”. a fulufhedzeaho, ndi ni humbela uri ni farise vhasadzi havho. Vho ḓidina vhe na nṋe na Klementsi na vhaṅwe vhashumisani na riṋe ri tshi anḓadza mafhungo maḓifha. Avho madzina avho a buguni yo ṅwalwaho maḽaifa a vhutshilo.

4

4:4
Filip. 3:1
Vhunga ni vha Muṋe washu ndi ri: dzulani no takala! Ndi a dovha nda tou khwaṱhisa nda ri: takalani nandi! 5
4:5
Gal. 5:22
Jak. 3:17
Vhathu vhoṱhe kha vha ni vhone ni na vhuthu. Muṋe washu u ḓo swika hu si kale. 6
4:6
Mat. 6:25
Hu songo vha na tshithu na tshithihi tshine tsha ni ḽisa mbilu; zwoṱhe zwine na lila ni vhudze Mudzimu nga thabelo, ni sa hangwi u livhuha. 7
4:7
Yes. 26:3
Mulalo wa Mudzimu u sa ṱalukanywi nga muthu u ḓo linda mbilu dzaṋu na mihumbulo yaṋu uri ni dzule ni vha Khristo Yesu.

8Vha hashu, tsho salaho ndi ri: mihumbulo yaṋu kha i livhe kha zwi re zwa ngoho fhedzi na kha zwi re na tshileme na kha zwo teaho na kha zwi si tshika na kha zwi tamisaho na kha zwi khoḓeaho – zwoṱhe zwi no nga sa hezwo, zwo fanelaho na zwi takadzaho fhedzi. 9

4:9
Filip. 3:17
Ni tevhedze zwoṱhe zwe nda ni funza na ndaela dze nda ni siela na zwoṱhe zwe na mpfa ndi tshi amba na zwe na mmbona ndi tshi ita. Ndi hone Mudzimu Ṋemulalo a tshi ḓo vha na inwi.

U livhuha zwifhiwa zwi bvaho kha Vhafilipi

10

4:10
2 Korint. 11:9
Muṋe washu o takadza hani mbilu yanga ndi tshi vho vhona zwino ni tshi vusulusa u nndondola. U ralo a si uri no vha ni sa nndondi lini, no vha ni tshi tou shaya tshifhinga tsha u zwi ita. 11
4:11
1 Tim. 6:6
Hafhu ndi tshi ralo a si uri ndi khou shaya lini; nṋe ndo no ḓiḓowedza u fushea nga zwine nda vha nazwo. 12Hu vhushai, hu u vha na zwinzhi-zwinzhi, zwoṱhe ndo zwi ḓowela. Ndo no kwangwala kha zwoṱhe: hu u ḽa nda fura, hu u ṱwa na nḓala, hu u wana zwinzhi lwa u tou kalula, hu u shaya, 13
4:13
Joh. 15:5
2 Korint. 12:9
Muṋe washu u mpha maanḓa nda kona zwoṱhe hezwo. 14Naho zwo ralo no ita zwone na mpfarisa kha vhuleme hanga.

15

4:15
Filip. 1:5
Inwi vhaṋe Vhafilipi ni tou zwi ḓivha zwavhuḓi uri hezwiḽa ndi tshi kha ḓi tou thoma u ḓivhadza mafhungo maḓifha, ndo ri u bva ngeo Makedonia hu si vhe na tshiṅwe tshivhidzo tshe tsha ntikedza; ndi inwi fhedzi vhe na vha ni tshi ntikedza kha mbuelo yanga na tshinyalelo yanga. 16
4:16
Mish. 17:1
Zwiḽa ndi Thesalonika ndi tshi shaya no mpfarisa na ḓi dovha. 17A si uri ndi takadzwa nga zwifhiwa lini, tshine tsha ntakadza ndi u vhona mitshelo hei, ngauri yone i dovha u pfumisa inwi. 18
4:18
Filip. 2:25
Zwino vhuṱanzi ha zwoṱhe zwe na nṋea asuho: zwo lifha mulandu zwa dovha zwa sala. Tshee Ephafrodithosi a nnḓisela zwifhiwa zwaṋu ndo no vha na zwinzhi; zwi nga nduvho yo fhiswaho i nukhelelaho i takadzaho Mudzimu. 19
4:19b
2 Korint. 9:8
Lupfumo lune Mudzimu wanga a ri ṋea nga Khristo Yesu a lu gumi; u ḓo ni ṋea zwoṱhe zwine na lila lwa u tou pfuka ndinganyo. 20
4:20
Rom. 16:27
Vhugala ndi ha Ene Mudzimu Khotsi ashu lini na lini. Amen.

Nyonesano

21Inwi vhakhethwa vha Mudzimu nga Khristo Yesu ndi ri ni vhe hone noṱhe. Vhakhriste vhane nda vha navho fhano na vhone vha ri ni vhe hone. 22

4:22
Filip. 1:13
Litshani ndi tou ri vhakhethwa vhoṱhe vha Mudzimu ngeno vha ri ni vhe hone, zwihuluhulu avha vha dzulaho pfamoni ya Khisara.

23

4:23
Rom. 16:20
Ngavhe Muṋe washu Yesu Khristo a tshi tonda mimuya yaṋu noṱhe nga vhuthu nandi!