Tshivenda 1998 (VEN98)
26

U vhaliwa ha vhathu ha vhuvhili

261

26:1-51
Num. 1:1-46
Musi dwadze ḽo no fhira, Muṋe washu a amba na Mushe na Eliasara ṅwana wa tshifhe Aroni a ri, 2“Vhalani vhathu zwi tshi ya nga miṱa ya vhathu vhoṱhe vha Israele, ni vhale vhanna vhoṱhe u bva kha miṅwaha ya 20 vho teaho u bva pfumo.” 3-4Mushe na Eliasara vha ita zwe Muṋe washu a amba, vha kuvhanganya vhanna vhoṱhe vha miṅwaha yeneyo. Vha kuvhangana magovhani a Muaba tsini ha mulambo wa Jorodani ho livhanaho na Jerikho.

Vhaisraele vho pfuluwaho Egipita ngevhano:

5Vha tsinde ḽa Rubeni tanzhe ḽa Jakopo ndi: mitupo ya Hanokho na Phalu 6na Esromu na Kharami. 7Vhanna vha mitupo heyo vho vha vhe 43 730. 8Vha lutsinga lwa Phalu vho vha vhe Eliaba 9

26:9-10
Num. 16:1-35
na vhana vhawe Nemuele na Dathani na Abiramu: (Havho ndi Dathani na Abiramu vhaḽa vhe vha khethwa nga vhathu, vha nyadza Mushe na Aroni, vha ḓibaḓekanya na vho imaho na Kora zwiḽa vha tshi shandukela Muṋe washu, 10mavu a vulea a vha mila, vha fa na Kora na vhane vha ima nae zwiḽa mulilo u tshi fhisa vhanna vha 250 vha fhela, vha vha tshiga tsha u kaidza vhathu. 11Hone vhana vha Kora vha si swe.)

12Vha tsinde ḽa Simioni ndi: mitupo ya Nemuele na Jamini na Jakhini 13na Zera na Saulo. 14Vhanna vha mitupo heyo vho vha vhe 22 200.

15Vha tsinde ḽa Gadi ndi: mitupo ya Tsefoni na Hagai na Shuni 16na Ozini na Eri 17na Arodi na Areli. 18Vhanna vha mitupo heyo vho vha vhe 40 500.

19-21

26:19-21
Gen. 38:1-10
Vha tsinde ḽa Juda ndi: mitupo ya Shela na Pheretse na Zera na Esromu na Hamuli. (Vhaṅwe vhana vhavhili vha Juda, Eri na Onani, vho fela shangoni ḽa Kanana.) 22Vhanna vha mitupo heyo vho vha vhe 76 500.

23Vha tsinde ḽa Isakhara ndi: mitupo ya Thola na Phua 24na Jashubu na Shimironi. 25Vhanna vha mitupo heyo vho vha vhe 64 300.

26Vha tsinde ḽa Zebuloni ndi: mitupo ya Serede na Eloni na Jahaliele. 27Vhanna vha mitupo heyo vho vha vhe 60 500.

28Josefa o vha e na vhana vhavhili vha vhatuka, ndi Manase na Efraimi.

29Vha tsinde ḽa Manase ngevhano: Makhiri ṅwana wa Manase o vha e khotsi a Giliadi. 30Vhana vha Giliadi ndi vha mitupo ya Iezere na Heleke 31na Asriele na Shikheme 32na Shemida na Hefere. 33

26:33
Num. 27:1-11
Tselofihadi ṅwana wa Hefere o vha a si na ṅwana wa mutuka, o vha e na vhananyana fhedzi, vho vha vha tshi pfi Mahala na Nua na Hogola na Milikha na Thiritsa. 34Vhanna vha mitupo heyo vho vha vhe 52 700.

35Vha tsinde ḽa Efraimi ndi: mitupo ya Shuthela na Bekhere na Thahani. 36Mutupo wa Erani ndi vha lutsinga lwa Shuthela. 37Vhanna vha mitupo heyo ndi 32 500.

Havho ndi vhone vha mitupo ya lutsinga lwa Josefa.

38Vha tsinde ḽa Benyamini ndi: mitupo ya Bela na Ashibele na Ahiramu 39na Shefufamu na Hufamu. 40Mitupo ya Aridi na Naamani ndi vha lutsinga lwa Bela. 41Vhanna vha mitupo heyo vho vha vhe 45 600.

42Vhanna vha tsinde ḽa Dani ndi mutupo wa Shuhamu, 43vhe 64 400.

44Vha tsinde ḽa Ashere ndi: mitupo ya Jimina na Jishivi na Beria. 45Mitupo ya Hebere na Malakhiele ndi vha lutsinga lwa Beria. 46Ashere o vha e na ṅwananyana we a vha a tshi pfi Sera. 47Vhanna vha mitupo heyo vho vha vhe 53 400.

48Vha tsinde ḽa Nafuthali ndi: mitupo ya Jahatsiele na Guni, 49na Jetsere na Shileme. 50Vhanna vha mitupo heyo vho vha vhe 45 400.

51Vhanna vhoṱhe vha Vhaisraele vho ṱangana vho vha vhe 601 730.

52

26:52-56
Num. 33:53-54
34:13
Josh. 14:1-2
Muṋe washu a amba na Mushe a ri, 53“Vha kovhele shango ḽi vhe ḽavho zwi tshi ya nga tshivhalo tshavho. 54-56U kovhekanye shango nga u ita madeṅwa, tsinde ḽine ḽa vha na vhathu vhanzhi ḽi wane shango ḽihulwane, tsinde ḽine ḽa vha na vhathu vha si gathi ḽi wane shango ḽiṱuku.”

57

26:57-62
Num. 3:14-39
Vha tsinde ḽa Livi vho vha vhe mitupo ya Gerisoni na Kehathi na Mirari. 58
26:58-61
Liv. 10:1-2
Vha lutsinga lwavho vho vha vha tshi angaredza na mitupo ya Libini na Hebroni na Mahali na Mushi na Kora. Kehathi o vha e khotsi a Amuramu, 59we a vha o dzea Jokhebede muḓuhulu wa Livi, we a bebwa Egipita. Jokhebede a bebela Amuramu vhatukana vhavhili, Aroni na Mushe, na khaladzi avho Miriamu. 60Aroni o vha e na vhana vhaṋa vha vhatuka, ndi Nadaba na Abihu na Eliasara na Ithamara. 61Nadaba na Abihu vho fa musi vha tshi ṋekedza Muṋe washu mulilo u si mukhethwa. 62Vhalivi vha tshinnani vhe vha vha vhe na ṅwedzi muthihi na u fhira afho vho vha vhe 23 000. Vhone vho ṅwalelwa thungo, a vho ngo ṱanganywa na vhaṅwe Vhaisraele, nge vha vha vha songo wana mukovhe kha ḽa Israele.

63Vha mitupo yoṱhe heyo vho ṅwalwa nga Mushe na Eliasara musi vha tshi vhala vhathu magovhani a Muaba tsini ha mulambo wa Jorodani u livhana na Jerikho. 64Ho vha hu si tshee na munna na muthihi we a vha a tshi kha ḓi tshila kha vhe vha ṅwalwa nga Mushe na Aroni musi vha tshi vhala vhathu lwa u thoma phangani ya Sinai. 65Muṋe washu o vha o amba uri vhoṱhe vha ḓo fela phangani, ha sala Khalebe ṅwana wa Jefune, na Joshua ṅwana wa Nunu fhedzi.

27

Vhana vha Tselofihadi

271

27:1-11
Num. 26:33
36:1-12
Ho vha hu na vhananyana vha Tselofihadi ṅwana wa Hefere, ṅwana wa Giliadi, ṅwana wa Makhiri, ṅwana wa Manase, ṅwana wa Josefa. Ndi Mahala na Nua na Hogola na Milikha na Thiritsa. Vhone vho ḓa 2vha ima phanḓa ha Mushe na tshifhe Eliasara na vharangaphanḓa na vhathu vhoṱhe muṋangoni wa dennde ya u ṱangana na Muṋe washu vha ri, 3
27:3
Num. 14:29
16:1-34
“Khotsi ashu vho fela sogani vha si sie na mutuka na muthihi. Vhone vho vha vha sa imi na Kora a tshi shandukela Muṋe washu, vho fa nga mulandu wa vhutshinyi havho vhone vhaṋe. 4Dzina ḽa khotsi ashu ḽo fanela uri ḽi si tsha vhidzwa vhukati ha Vhaisraele nge vha tou fa vha si na vhana vha vhatuka naa? Nga vha ri kovhele-vho shango hune ha vha na mashaka a khotsi ashu.”

5

27:5-6
Num. 9:8
Mushe a swikisa mafhungo avho ha Muṋe washu, 6Muṋe washu a mu vhudza a ri, 7“Zwe vhananyana vha Tselofihadi vha humbela ndi zwone, vha kovhele shango hune ha vha na mashaka a khotsi avho. Litsha ifa ḽa khotsi avho ḽi tshi vha ḽavho. 8Vhudza Vhaisraele uri arali munna a fa a si sie ṅwana wa mutuka, ṅwananyana wawe o ḓi fanela u vha muḽaifa. 9Arali a si na ṅwananyana, ḽi waniwa nga vharathu vhawe. 10Arali a si na vharathu ḽi waniwa nga vhokhotsimunene wawe. 11Arali a si na vharathu kana vhokhotsimunene, ḽi waniwa nga shaka ḽawe ḽa tsini, ḽa vha ḽawe. Vhaisraele vha zwi sedze zwi mulayo, sa zwe Nṋe Yahavee nda u laya.”

Joshua a tshi khethiwa uri a ime vhuimoni ha Mushe

(Dot. 31:1-8)

12

27:12-14
Dot. 3:23-27
32:48-52
34:1-5
Muṋe washu a vhudza Mushe a ri, “Gonya thavha ya Abarimu u vhone shango ḽine nda khou ṋea Vhaisraele. 13
27:13
Num. 20:22-29
Hu ḓo ri musi wo no ḽi vhona wa konou fa, unga mukomana wau Aroni, 14
27:14
Num. 20:1-13
ngauri noṱhe vhuvhili haṋu no nyadza ndayo yanga musi ni phangani ya Tsini. Zwiḽa vhathu vhoṱhe vha tshi nngungulela vhe Miriba, a no ngo vha sumbedza maanḓa anga makhethwa.” (Miriba ndi tshisima tshi re Kadeshe sogani ḽa Tsini.)

15Mushe a rabela a ri, 16

27:16-17
Num. 16:22
“Mudzimu Muṋe washu, Iwe tshisima tsha vhutshilo hoṱhe, a u nangi munna ane a nga kona u vha murangaphanḓa wa vhathu havha naa, 17
27:17
1 Mah. 22:17
Esek. 34:5-6
Mat. 9:36
ane a kona u vha tshimbidza o vha ranga phanḓa, uri vhathu vhau vha si nge vhathu vha si na mulisa?”

18

27:18
Num. 13:3-15,16
Ek. 24:13
Dot. 3:28
31:3
34:9
Muṋe washu a fhindula Mushe a ri, “Dzhia Joshua ṅwana wa Nunu, munna a na Muya wanga, u vhee zwanḓa zwau ṱhohoni yawe. 19Mu imise phanḓa ha tshifhe Eliasara na vhathu vhoṱhe, henefho phanḓa havho vhoṱhe u ḓivhadze uri ndi ene a no ḓo sala o ima vhuimoni hau. 20
27:20-21
Ek. 28:301 Sam. 14:36-46
28:6
Iwe u mu kumedze maanḓa au uri vhathu vhoṱhe vha Israele vha mu thetshelese. 21U ḓo ḓitika nga tshifhe Eliasara; onoyo u ḓo ḓivha nga madeṅwa makhethwa zwine nda zwi funa, a endedza Joshua na vhathu vhoṱhe vha Israele mafhungoni avho oṱhe.” 22
27:22-23
Dot. 31:7-8,23
Mushe a ita zwe Muṋe washu a mu laya. A imisa Joshua phanḓa ha tshifhe Eliasara na vhathu vhoṱhe, 23a vhea Joshua zwanḓa nga he Muṋe washu a mu laya, a ḓivhadza uri ndi ene a no ḓo ima vhuimoni hawe.

28

Nduvho dzi no ḓi ṋekedzwa

(Ek. 29:38-46)

281

28:1-8
Ek. 29:38-46
Muṋe washu a vhudza Mushe 2uri a laye Vhaisraele uri vha ṋekedze Mudzimu nduvho dza zwiḽiwa, i vhe nduvho i nukhelelaho ine ya mu takadza, i ṋekedzwe nga zwifhinga zwo vhewaho.

3Nduvho dza zwiḽiwa dzine dza fanela u ṋekedzwa Muṋe washu ngedzi: nduvho yo fhiswaho ya nga misi ndi thuthana mbili dza ṅwaha muthihi dzi si na luvhadzi. 4Thuthana ya u thoma i ṋekedzwe nga matsheloni, ya vhuvhili i ṋekedzwe nga madekwana, 5iṅwe na iṅwe i ṋekedzwe na nduvho ya thoro ya vhukhopfu ha khilogiramu nthihi, ho vangiwa ḽitha nthihi ya mapfura avhuḓivhuḓi a muolivi. 6Heyo ndi nduvho ya misi yoṱhe ine ya tou fhiswa tshoṱhe, ndi ye ya ranga u ṋekedzwa thavhani ya Sinai ya vha nduvho ya zwiḽiwa, nduvho i nukhelelaho i takadzaho Yahavee. 7Nduvho ya waini ine ya ṋekedzwa na thuthana ya u ranga, ndi ḽitha nthihi ya waini i tshi tou tevhulelwa fhasi u mona na aḽiṱari. 8Nga madekwana hu ṋekedzwe thuthana ya vhuvhili nga maitele a no fana na a nduvho ya matsheloni, khathihi na nduvho yayo ya waini. Na yone ndi nduvho ya zwiḽiwa, nduvho i nukhelelaho i takadzaho Yahavee.

Nduvho i no ṋekedzwa nga Sabatha

9

28:9-10
Esek. 46:4-5
Nga ḓuvha ḽa Sabatha hu ṋekedzwe thuthana mbili dza ṅwaha muthihi dzi si na luvhadzi na khilogiramu mbili dza vhukhopfu dzo vangiwaho mapfura a muolivi i vhe nduvho ya thoro, hu ṋekedzwe na nduvho ya waini. 10Nduvho heyo yo fhiswaho yo fanela u ṋekedzwa nga Sabatha iṅwe na iṅwe, i ingiwe kha nduvho ya misi yoṱhe ine ya ṋekedzwa na nduvho yayo ya waini.

Nduvho ine ya ṋekedzwa nga ḓuvha ḽa u ranga ḽa ṅwedzi

11

28:11-15
Esek. 46:6-7
Mathomoni a ṅwedzi muṅwe na muṅwe Yahavee a ṋekedzwe nduvho i fhiswaho: mbohwana mbili na thutha nthihi na thuthana ṱhanu na mbili dza ṅwaha muthihi, dzoṱhe dzi vhe dzi si na luvhadzi. 12Nduvho ya thoro hu ṋekedzwa vhukhopfu ho vangiwaho mapfura a muolivi: mboho iṅwe na iṅwe i ṋekedzwe na vhukhopfu ha khilogiramu tharu; thutha i ṋekedzwe na vhukhopfu ha khilogiramu mbili; 13thuthana iṅwe na iṅwe i ṋekedzwe na vhukhopfu ha khilogiramu nthihi. Nduvho hedzo dzi fhiswaho ndi nduvho dza zwiḽiwa, nduvho i nukhelelaho i takadzaho Muṋe washu. 14Nduvho ya waini yo teaho ndi ḽitha mbili dza waini dzine dza ṋekedzwa na mboho iṅwe na iṅwe, thutha i ṋekedzwe na ḽitha nthihi na hafu dza waini, thuthana nthihi i ṋekedzwe na ḽitha nthihi ya waini. Heyo ndi ndayo ya nduvho i fhiswaho ine ya ṋekedzwa nga ḓuvha ḽa u ranga ḽa ṅwedzi muṅwe na muṅwe ṅwaha woṱhe. 15Nduvho i fhiswaho ya misi yoṱhe na nduvho yayo ya waini i ingiwe nga nduvho ya mbokoṱo i vhe nduvho ya tshipfumelo.

Nduvho dzine dza ṋekedzwa vhuṱamboni ha Vhurotho vhu si na mbilisa

(Liv. 23:5-14)

16

28:16
Ek. 12:1-14
Vhuṱambo ha Paseka ha u hulisa Yahavee vhu itwe nga ḓuvha ḽa 14 ḽa ṅwedzi wa u ranga. 17
28:17
Ek. 12:15-20
Nga ḓuvha ḽa 15 hu thoma vhuṱambo ha Vhurotho vhu si na mbilisa ha fhedza maḓuvha maṱanu na mavhili, maḓuvha eneo hu ḽiwe vhurotho vhu si na mbilisa. 18Nga ḓuvha ḽa u ranga ḽa vhuṱambo uho ni kuvhangane ni luvhe, hu songo shumiwa na mushumo na muthihi. 19Hu ṋekedzwe Yahavee tshiṱhavhelo tshi fhiswaho tshi vhe nduvho ya zwiḽiwa: mbohwana mbili na thutha nthihi na thuthana ṱhanu na mbili dza ṅwaha muthihi dzi si na luvhadzi. 20Hu ṋekedzwe nduvho ya thoro yo tewaho ya vhukhopfu ho vangiwaho mapfura a muolivi: mboho iṅwe na iṅwe i ṋekedzwe na vhukhopfu ha khilogiramu tharu, thutha i ṋekedzwe na vhukhopfu ha khilogiramu mbili, 21thuthana iṅwe na iṅwe i ṋekedzwe na vhukhopfu ha khilogiramu nthihi. 22Hu ṋekedzwe na mbokoṱo nthihi i vhe nduvho ya tshipfumelo, ngauralo hu ḓo vha ho itwa maitele a u ni pfumelela. 23Hezwo zwi ṋekedzwe zwi tshi ingiwa kha nduvho dzi fhiswaho dza misi yoṱhe dza matsheloni. 24Ngauralo hu ṋekedzwe Yahavee nduvho ya zwiḽiwa hu vhuye hu fhele maḓuvha maṱanu na mavhili, iyo ndi nduvho ine ya nukhelela i no mu takadza. Hezwo zwi ṋekedzwe zwi tshi ingiwa kha nduvho ya misi yoṱhe i fhiswaho na nduvho ya waini. 25Nga ḓuvha ḽa vhuṱanu na vhuvhili ni kuvhangane ni luvhe, ni songo shuma mushumo na muthihi.

Nduvho dzine dza ṋekedzwa vhuṱamboni ha Khaṋo

(Liv. 23:15-22)

26Musi no fhedza vhege ṱhanu na mbili nó ḽa Paseka, nga ḓuvha ḽa u ranga ḽa vhuṱambo ha Khaṋo,Ek. 23:16a! Ndi hone Vhuṱambo ha Pentekoste. musi ni tshi ṋekedza Muṋe washu nduvho ya mavhele maswa, ni kuvhangane ni luvhe, ni songo shuma na mushumo na muthihi. 27Ṋekedzani nduvho i fhiswaho i vhe nduvho i nukhelelaho ine ya takadza Muṋe washu: mbohwana mbili na thutha nthihi na thuthana ṱhanu na mbili dza ṅwaha muthihi, dzoṱhe dzi vhe dzi si na luvhadzi. 28Ni ṋekedze nduvho ya thoro yo tewaho ya vhukhopfu ho vangiwaho mapfura a muolivi: mboho iṅwe na iṅwe i ṋekedzwe na vhukhopfu ha khilogiramu tharu, thutha i ṋekedzwe na vhukhopfu ha khilogiramu mbili, 29thuthana iṅwe na iṅwe i ṋekedzwe na vhukhopfu ha khilogiramu nthihi. 30Ni ṋekedze na mbokoṱo nthihi i vhe nduvho ya tshipfumelo. 31Ni ṋekedze hezwo na nduvho ya zwiḽiwa zwi tshi ingiwa kha nduvho i fhiswaho ya misi yoṱhe na nduvho ya thoro. Zwifuwo zwoṱhe zwi ṋekedzwe zwi si na luvhadzi.