NUMERI 1

₁Nga ḓuvha ḽa u ranga ḽa ṅwedzi wa vhuvhili wa ṅwaha wa vhuvhili Vhaisraele vhó pfuluwa Egipita, Muṋe washu a amba na Mushe henefho phangani ya Sinai, denndeni ya u ṱangana na Mudzimu, a ri, ₂“Iwe na Aroni ni vhale Vhaisraele nga mitupo na miṱa. Ni ṅwale mutevhe wa madzina a vhanna vhoṱhe ₃u thoma kha vha miṅwaha ya 20, vho teaho u bva pfumo. Ni vha vhale ni tshi tevhedza gomane dzavho. ₄Tsinde ḽiṅwe na ḽiṅwe ḽi vhe na munna muthihi ane a ni farisa. Onoyo a vhe muhulwane wa mutupo wawe. ₅Madzina a vhanna vhane vha ḓo ni farisa ngea:

₁₆Ndi vhone vhanna vho nangwaho kha tshivhidzo, vharangaphanḓa vha matsinde a vhomakhulukuku. Ndi vhone vhahulwane vha matsinde a Vhaisraele.

₁₇Mushe na Aroni vha dzhia vhanna avho vhe vha nangiwa, ₁₈vha vhidza vhathu vhoṱhe vha kuvhangana nga ḓuvha ḽa u ranga ḽa ṅwedzi wa vhuvhili, vhathu vhoṱhe vha ṅwaliwa zwi tshi ya nga matsinde na miṱa yavho, ha ṅwaliwa madzina a vhanna vhoṱhe u thoma kha vha miṅwaha ya 20, ₁₉nga he Muṋe washu a laya Mushe. Mushe o tou ralo a tshi vha vhala phangani ya Sinai. _20-46Vhanna vhoṱhe u thoma kha vha miṅwaha ya 20, vhe vha vha vho tea u bva pfumo, vho ṅwalisa madzina nga tsinde na muṱa, ha thomiwa nga tsinde ḽa Rubeni tanzhe ḽa Jakopo. Vhó ṱangana vhoṱhe ngevha:

₄₇Vhalivi vhone a vho ngo ṅwaliwa na maṅwe matsinde, ₄₈nge Muṋe washu a vha o vhudza Mushe a ri, ₄₉“Musi u tshi vhala vhanna vho teaho u bva pfumo, u songo vha ṱanganya na tsinde ḽa Livi. ₅₀Vhalivi vhone u vha vhetshele u sedza zwa dennde ya mbulungelo ya mulanga na thundu dzayo dzoṱhe. Vha ḓo i hwala na thundu dzayo, vha shuma ngomu hayo, vha ṱoka mishasha yavho u mona nayo. ₅₁Musi ni tshi ṱokolola mishasha yaṋu ni tshi fhirela phanḓa, Vhalivi vha ḓo akhulula dennde, vha dovha vha i akha hoṱhe-hoṱhe hune na ḓo ṱoka mishasha yaṋu. Muthu a si Mulivi ane a vhuya a sendela tsini ha iyo dennde nga a vhulawe. ₅₂Vhaṅwe Vhaisraele vha ṱoke mishasha yavho, tshigwada nga tshigwada, munna muṅwe na muṅwe e na vha tsinde ḽawe, e kha khethekanyo yawe. ₅₃Hone Vhalivi vha ṱoke mishasha yavho u mona na dennde uri vha i linde, hu songo vhuya ha sendela muthu tsini hayo a ntsinyusa nda vhulaha vhathu vha Israele.”

₅₄Ndi hone Vhaisraele vha tshi ita zwoṱhe zwe Muṋe washu a laya Mushe.