Tshivenda 1998 (VEN98)
3

U lovha ha Ninive, muḓi wa tshiṱuhu

31U ḓo zwi vhona wonoyo muḓi

une wa shulula malofha,

wo ḓalaho mazwifhi,

u no ṱangula vhathu,

u sa shayi dzikhuvhabvu!

2Edzonu pfa thyoko-thyoko ya zwimebi!

Milinga i ḽa fhasi,

bere dzi a gada,

gariki dza nndwa dzi a tshina-tshina!

3

3:3
Nzumb. 17:1-2
Vhanameli vha dzibere vho thoma nndwa,

mapanga ndi vhuvhaivhai,

mafumo a a penya!

Khuvhabvu dzo anda,

vhafu vho khokhana,

zwitumbu a zwi na mbalo,

fhasi a hu tsha kandea nga zwitumbu.

4

3:4
Yes. 47:3
Zwoṱhe zwo vhangwa nga nyemulo

dza phombwe ya vhuhwavho,

ene makone wa manditi,

we a kunga dzitshakha nga vhupombwe hawe

a dzi ita phuli,

a fasha vhathu nga madambi awe.

5

3:5
Esek. 16:39
23:10
Muṋe washu Mulangazwoṱhe u ri,

“Ndi khou lwa na iwe,

ndi ḓo pengula musisi wau

wa tiba tshifhaṱuwo tshau.

Tshakha dzi ḓo u vhonela,

mivhuso ya vhona bunyu ḽau.

6Ndi ḓo u fhoma tshika,

nda u shonisa, nda u ita ṱano.

7

3:7
Jer. 46:25-26
Esek. 30:14-16
Vhoṱhe vhane vha u vhona vha ḓo u shavha vha ri,

‘Ninive wo phusukana, ndi nnyi ane a ḓo u lilela?

Ane a nga u fhumudza ndi mu wanafhi?’ ”

8

3:8
Esek. 30:5
Kani u fhira Thebese u re tsini ha Nile,

muḓi wo tangwaho nga maḓi?

Wone wo vha wo tsireledzwa nga mulambo,

maḓi o vha e one mutsheṱo wawo.

9

3:9
Juele 3:3
Hos. 10:14
Mmbi dzawo ndi vhathu vha si na vhukono.

Kushu na Egipita,

Phuthi na Libia o vha e khonani dzawo.

10Naho zwo ralo vhathu vhawo vho hwalwa

vha iswa vhuthubwani.

Tshetshe dzavho dzo devhiwa mafhandeni oṱhe a mikoto,

vhaḓivhalea vhawo vho itelwa madeṅwa,

vhahulwane vhawo vhoṱhe vho vhoxwa nga dzigeḓane.

11

3:11
Jer. 25:15
Na iwe u ḓo nwa khavho ya mbiti dza Yahavee

wa tou kambiwa,

u ḓo yo dzumbama,

u ḓo ṱoḓa vhushavhelo uri u shavhe maswina au.

12

3:12
Jer. 51:30
Miḓi yau ya mitsheṱo yoṱhe i nga mihuyu,

vhahali ndi mahuyu a zwiranzhe o vhibvaho;

musi i tshi dzinginyiswa mahuyu a wela mulomoni wa muḽi.

13Edzou sedza mmbi dzau,

maswina a tshi sendela vhathu vha nga vhasadzi!

Khoro dza shango ḽau dzo vulelwa maswina au,

mulilo wa fhisa tswinga dzadzo.

14

3:14
Juele 1:4
Ika maḓi a musi wo govhelwa,

khwaṱhisa mitsheṱo yau!

Suka vumba, suka matope,

vhumba zwidina!

15

3:15
Yes. 47:15
Henefho u ḓo fhiswa nga mulilo;

u ḓo ḽiwa nga pfumo.

U ḓo swielwa unga mavhele a tshi ḽiwa nga nzie,

maswina au o anda unga magerere.

16Wo andisa mbalo ya vhashavhi vhau,

vha vhuya vha fhira ṋaledzi dza lutomboni,

hone nzie dzi ri u ḓuvhudza dza fhufha.

17

3:17
2 Mah. 19:35
1 Mah. 22:17
Vhalindi vhau vha nga nzie,

magota au a nga lutsinga lwa magerere

ane a kavha mutsheṱoni musi wa phepho,

hone ḓuvha ḽi tshi ṱavha dzi a fhufha,

ha si vhe na a no ḓivha he dza ya.

18Vhu ngafhi zwino vhudzulo

ha khosi ya Ashuru mulisa wau,

he ha vha hu tshi dzula vhahulwane vhau?

Vhahali vhau vho balangana na dzithavha,

a hu na ane a vha kuvhanganya.

19A hu na tshine tsha nga fhodza mbonzhe dzau,

fuvhalo ḽau ḽi isa lufuni.

Vhoṱhe vhane vha pfa zwo u welaho vha ḓo vhanda zwanḓa

vha tshi takalela u lozwiwa hau.

Ndi nnyi a songo pfaho vhuṱungu ha tshiṱuhu tshau tshi sa gumi?