Tshivenda 1998 (VEN98)
7

Milayo ya vhomakhulukuku

(Mat. 15:1-9)

71Vhaṅwe vhaḓivhi vha Mulayo vha bvaho Jerusalema, na Vhafarisei, vha kuvhanganela Yesu; 2

7:2-4
Mat. 23:25Luk. 11:38-39
Kol. 2:21-22
vha vhona vhafunziwa vhawe vha tshi khou ḽa zwiḽiwa vha songo ṱamba zwanḓa – ndi uri vho vha vha songo ṱamba nga maitele a vhomakhulukuku.

3Ndi uri Majuda vhoṱhe, zwihulu vhone Vhafarisei, vho vha vha tshi tevhedza zwidayo zwa vhomakhulukuku wavho; a vha koni u ḽa arali vha songo ṱamba zwanḓa nga nḓila yazwo, 4nahone a vha ḽi tshiḽiwa tshi bvaho makete arali tshi songo ranga u ṱanzwiwa.Kana: “arali vha songo ranga u ṱamba”. Hu tshee na zwiṅwe zwidayo zwinzhi zwa vhomakhulukuku wavho zwine vha zwi tevhedza, sa kuṱanzwele kwa zwinwelo na kwa dzikhali na kwa dzigeḓela na kwa mimbete.Dziṅwe ṱhanzi dza kale a dzi buli mimbete.

5Ndi hone Vhafarisei na vhaḓivhi vha Mulayo vha tshi vhudzisa Yesu vha ri, “Ndi mini vhafunziwa vhavho vha sa tevhedzi ndayo dza vhomakhulukuku washu, vha tshi ḽa vha songo ṱamba?” 6

7:6-7
Yes. 29:13
Yesu a vha fhindula a ri, “Ṋowa dzenedzi! Yesaya ha ni zwifheleli a tshi ni porofita unga ho ṅwalwa ha pfi,

“ ‘Mudzimu u ri:

Havha vhathu vha nkhulisa nga milomo fhedzi,

hone mbilu dzavho dzi siho kha Nṋe.

7Na u nthabela a zwi vha farisi tshithu,

ngauri vha tshi funza zwidayo zwa vhathu,

vha ri ndi Mulayo wa Mudzimu!’

8“Na inwi ni ralo: ni litsha Mulayo wa Mudzimu, na fara zwidayo zwa vhathu.”

9A tshi isa phanḓa a ri, “A ni koni zwone u laṱa Mulayo wa Mudzimu uri ni kone u nambatela zwidayo zwaṋu! 10

7:10
Ek. 20:12
21:17
Liv. 20:9
Mir. 20:20
Hufha Mushe o laya a ri, ‘Hulisa khotsi au na mme au,’ a dovha a ri, ‘Ane a sema khotsi kana mme tshawe ndi u vhulawa.’ 11Hone inwi ni tshi funza ni ri arali muthu e na tshithu tshine a nga kona u vhavhalela khotsi awe kana mme awe ngatsho, hone a ri, ‘Hei ndi korobani,’ (ndi uri: Ndi nduvho ya Mudzimu), 12onoyo muthu a ni tsha mu tendela u vhavhalela khotsi awe kana mme awe.Ndi uri zwidayo zwa Vhafarisei zwi tendela muthu u tinya pfanelo ya u vhavhalela vhabebi nga u vha vhudza wa ri, “Zwe nda vha ndi tshi ḓo vha vhavhalela ngazwo ndi zwa Mudzimu.” Nga hu sedzwe Num. 30:2. 13Ndi hone u laṱa ipfi ḽa Mudzimu, ni tshi laya vhathu uri vha tevhedze zwidayo zwa vhomakhulukuku waṋu. Hu tshee na zwiṅwe zwidayo zwinzhi zwi no nga zwenezwo.”

Zwithu zwine zwa kumadza muthu

(Mat. 15:10-20)

14Yesu a dovha a vhidza vhathu a ri, “Noṱhe thetshelesani zwine nda amba uri ni kone u ṱalukanya! 15

7:15
Mat. 15:11
A hu na na tshithu tshine muthu a ri o tshi ḽa tsha mu kumadza. Tshine tsha mu kumadza ndi tshine tsha bva khae. [ 16A na nḓevhe kha a pfe!]”Dziṅwe ṱhanzi dza kale-kale a dzi na vese iyi.

17A sia vhathu nnḓa a dzhena nḓuni; vhafunziwa vhawe vha tevhela vha mu vhudzisa nga tshiḽa tshifanyiso. 18Yesu a ri, “Matsina na inwi a ni koni u ṱalukanya? A ni zwi ṱalukanyi naa uri tshine tsha dzhena nga mulomo a tshi koni u kumadza muthu, 19

7:19
Rom. 14:14
hufha tshi sa yi mbiluni, tshi tshi ya thumbuni, tsha dovha tsha bva nga nḓila yatsho.” (A tshi ralo o vha a tshi amba uri zwiḽiwa zwoṱhe zwi nga ḓi ḽiwa.)

20

7:20-21
Gen. 6:5
8:21
Jer. 17:9
A tshi isa phanḓa a ri, “Zwi bvaho kha muthu ndi zwone zwine zwa kumadza muthu, 21
7:21-22
Gal. 5:19-21
ngauri mbiluni ya muthu ndi hone hune ha bva mihumbulo mivhi ine ya ḓisa vhufevhi, na vhufobvu, na vhupondi, 22na vhupombwe ha tshakha-tshakha, na nyemulo, na vhuvhi hoṱhe, na vhufhura, na vhuvhuḓu, na vivho, na u nyefula vhaṅwe, na u ḓihudza, na hone vhutsilu. 23Hezwi zwithu zwivhi zwoṱhe zwi bvaho mbiluni ndi zwone zwi kumadzaho.”

Fulufhelo ḽa musadzi wa Mukanana

(Mat. 15:21-28)

24Ndi hone Yesu a tshi takuwa a livha thungo dza Tiro, a dzhena nḓuni uri hu si vhe na ane a ḓivha uri u henefho, hone vhathu vha ḓi fhedza vho zwi ḓivha. 25Muṅwe musadzi we a vha e na ṅwanyana o dzhenwaho nga thuṅwa ya Saṱhane a tshi pfa hu tshi pfi Yesu u henefho, a mbo ḓi ḓa a gwadama phanḓa hawe. 26Uyo musadzi o vha e si Mujuda, o vha e Mufinikia wa Siria. A humbela Yesu uri a pandele thuṅwa kha ṅwana wawe. 27

7:27
Rom. 1:162:9-11
Mish. 3:26
13:46
Yesu a tshi fhindula a ri, “A zwo ngo fanela ri tshi dzhia zwiḽiwa zwa vhana ra ṋea zwibwanana vhana vha sa athu fura.” 28Uyo musadzi a fhindula a ri, “Muṋe wanga, hufha na zwibwanana zwi re fhasi ha ṱafula zwi tshi ḓi ḽa-vho matshakatshaka o wiswaho nga vhana.” 29Yesu a ri, “Ni amba zwone. Iyani zwaṋu hayani, thuṅwa yo bva kha ṅwana waṋu.” 30Ene a tshi swika hayani a wana ṅwana wawe o eḓela mmbeteni, nangoho thuṅwa yo bva.

Yesu a tshi fhodza dzinganḓevhe ḽa mbevhevhe

31

7:31-37
Yes. 35:5-6
Yesu a mbo ṱuwa shangoni ḽa Tiro, a buḓekanya ḽa Sidoni o livha Dzivhani ḽa Galelia, a fhira nga shangoni ḽa Miḓi-ya-fumi. 32Vhaṅwe vhathu vha mu ḓisela dzinganḓevhe ḽa mbevhevhe vha humbela uri Yesu a mu vhee zwanḓa. 33
7:33
Mar. 8:23
Yesu a mbo mu vhidzela thungo, a dzhenisa minwe yawe nḓevheni dza uyo munna, a pfela mare kha munwe a ṋanga lulimi lwawe ngawo. 34A lilala, a fhihamelwa a ri, “Efata,” zwine zwa amba uri, “Nḓevhe dzaṋu kha dzi vulee!”

35Nḓevhe dza uyo munna dza mbo ḓi thoma u pfa, na lulimi lwawe lwa vhofholowa, a thoma u amba zwavhuḓi. 36

7:36a
Mar. 1:43-44
5:43
Mat. 8:4
9:30
12:16
Mar. 9:9
7:36b
Mar. 1:45
Mat. 9:31
Luk. 5:15
Yesu a vha laya vhoṱhe uri vha si zwi vhudze muthu, u ralo ha tou vha u vha vhudza uri vha zwi anḓadze hoṱhe-hoṱhe. 37
7:37
Gen. 1:31
Yes. 35:5-6
Vhoṱhe vhe vha zwi pfa vha akhamala zwihulu vha ri, “Vhonani, zwoṱhe zwine a ita zwi a naka. Madzinganḓevhe u ita uri a pfe; mbevhevhe u ita uri dzi ambe.”