Tshivenda 1998 (VEN98)
5

Yesu a tshi pandela thuṅwa nnzhi dza Saṱhane kha muthu

(Mat. 8:28-34; Luk. 8:26-39)

51Zwo no ralo vha wetshela seli ha Dzivha ḽa Galelia, vho livha shangoni ḽa Vhagerasini. 2Yesu a tshi tou bva tshikepeni ha ḓa munna a na thuṅwa dza Saṱhane a tshi bva zwaloni. 3Hayani hawe ho vha ho no vha henefho zwaloni. Ho vha hu si tshee na we a vha a tshi nga kona u dzula o mu vhofha nga dzitsimbi, 4ngauri lwo vha lwo no vha lunzhi vha tshi mu vhofha milenzhe na zwanḓa nga dzitsimbi, ene a fhedza nga u ṱhukhukanya idzo tsimbi, dza milenzheni a tshi dzi kandekanya. O vha e na maanḓa lwe ha vha hu si na ane a nga mu kona. 5O vha a tshi tendeleka zwaloni na zwikwarani vhusiku na masiari, a tshi zhamba a tshi ḓitshetshekanya nga matombo.

6Musi a tshi vhona Yesu a tshee kulenyana, a mu gidimela a ḓa a mu gwadamela 7

5:7
Mar. 1:243:11
a tshi khou ṱavha mukosi muhulu a tshi ri, “Iwe Yesu, Murwa wa Mudzimu wa ṱaḓuluṱaḓulu! U ṱoḓani kha nṋe? Nga Mudzimu, u songo ntshengedza!” 8A tshi ralo Yesu o vha a tshi vho ri thuṅwa dzi bve khae. 9Ndi hone Yesu a tshi mu vhudzisa a ri, “Ni pfi nnyi?” Uyo munna a fhindula a ri, “Ndi pfi Mmbi, ngauri ri tou vha vhanzhi-vhanzhi!” 10A ḓi isa phanḓa a tshi kwengweledza Yesu uri a si pandele thuṅwa idzo shangoni iḽo.

11Henefho tsini-tsini ho vha hu na sambi ḽihuluhulu ḽa nguluvhe dzi tshi khou fundudza-fundudza bamani. 12Thuṅwa dza humbela Yesu dza ri, “Kha ri thathelwe zwashu afho nguluvheni, ri tendelwe u dzhena khadzo.” 13Yesu a dzi tendela, dza mbo ḓi bva kha uyo munna dza dzhena kha nguluvhe. Zwi tshi ralo idzo nguluvhe dzoṱhe dza mbo ḓi gidimela luwani dza wela dzivhani, ha vha u nwela khothe. Sambi iḽo ḽo vha ḽi tshi nga swika 2 000.

14Vhalisa vhadzo vha shavha, vha yo anḓadza mafhungo ayo muḓini na mivhunduni ya henefho. Vhathu vha bva u yo vhona zwo iteaho. 15Vha tshi swika ha Yesu vha vhona uyo munna we a vha e na thuṅwa nnzhi o dzula henefho nae o no ambara zwiambaro, nahone o no vha muthu-muthu; vhoṱhe vha farwa nga nyofho. 16Vhe vha zwi vhona vha hanelela vhathu zwe zwa itea kha uyo munna we a vha e na thuṅwa, na zwe zwa itea kha nguluvhe. 17Ndi hone vha tshi rabeledza Yesu uri a ṱuwe shangoni ḽavho.

18Yesu a tshi vho dzhena tshikepeni uyo munna we a vha e na thuṅwa a mu humbela a ri, “Ndo vha ndi tshi ri ndi nga ṱuwa-vho navho!”

19Hone Yesu a si mu tendele, a tou mu vhudza a ri, “Humelani kha vha haṋu, ni vha vhudze zwoṱhe zwe Muṋe washu a ni tonda na uri o ni itela tshilidzi tshingafhani.” 20Zwi tshi ralo uyo munna a ṱuwa, a buḓekanya shango ḽi no pfi Miḓi-ya-fumi a tshi enda a tshi ḓivhadza vhathu zwe Yesu a mu itela, vhoṱhe vhe vha zwi pfa vha kanuka.

Ṅwananyana wa Jairosi, na musadzi we a kwama nguvho ya Yesu

(Mat. 9:18-26; Luk. 8:40-56)

21Yesu a dovha a wetshela seli na luḽa wa dzivha, khunzikhunzini yaḽo, ha ḓa vhathu vhanzhi-vhanzhi. 22Henefho ha ḓa muṅwe muhulwane wa sinagogo we a vha a tshi pfi Jairosi, a ri u vhona Yesu a mu gwadamela 23a mu humbela nga zwanḓa zwivhili a ri, “Ṅwananyana wanga u khou lwala lune u fa na u tshila tsha vha tshithu tshithihi. Ndi khou tou vha humbela uri vha ḓe vha mu vhee zwanḓa a fhole, a si fe!” 24Yesu a mbo ḓi takuwa a ṱuwa nae. Na vhaṅwe vhathu vhanzhi-vhanzhi vha ṱuwa nae vha tshi tou mu pwanyeledza thungo dzoṱhe.

25

5:25
Liv. 15:25-27
Zwino ho vha hu na muṅwe musadzi we a vha o no fhedza miṅwaha ya 12 e na vhulwadze ha u ṱamba a sa gumi. 26O vha o no tambula nga u ṱanganya dziṅanga ha sokou vha u tambisa tshelede yawe yoṱhe, a sa vhuyi a vha khwiṋe, vhulwadze vhu tshi ḓi hulela vhu tshi ya. 27
5:27
Mat. 14:36Luk. 6:19
O vha o pfa a Yesu. Ndi hone a tshi ḓa khae nga murahu a tshi tou vhanyuludza vhathu, a kwama nguvho yawe 28a tshi ri, “Naho nda nga tou kwama nguvho yawe ndi ḓo fhola.” 29U bva ha malofha ha mbo ḓi kaṱuwa na zwenezwo, a tou ḓipfa na ene muṋe uri o fhola. 30Yesu a ri u pfa uri maanḓa awe o bva a shuma zwiṅwe, a rembuluwa henefho vhukati ha gogo a vhudzisa a ri, “Ndi nnyi we a kwama nguvho yanga?” 31Ndi hone vhafunziwa vhawe vha tshi mu fhindula vha ri, “Hufha vha tshi khou zwi vhona uri vho tangiwa nga vhathu vhanzhi-vhanzhi, vha kha ḓi vhuya vha vhudziselani uri vho kwamiwa nga nnyi?” 32Hone Yesu a ḓi sedza thungo dzoṱhe uri a vhone we a mu kwama. 33Musadzi a tshi vhona zwo iteaho khae a ḓa phanḓa ha Yesu a tshi tou tetemela nga nyofho, a gwadama a mu vhudza ngoho yo ḓalaho. 34
5:34
Mar. 10:52
Yesu a amba nae a ri, “Ṅwananga, fulufhelo ḽaṋu ḽo ni fhodza, tshimbilani zwaṋu no rudza mbilu, ni dzule no takala.”

35Musi Yesu a tshi kha ḓi ralo ha mbo ḓi swika vhaḓinḓa vha bvaho muḓini wa Jairosi, vha amba nae vha ri, “Ṅwananyana wavho o no ḓi ri sia; vha kha ḓi ṱolou dinelani Vhafunzi?” 36Yesu a sa vhuye a ḓidinaDziṅwe ṱhanzi dza kale dzi ri, “Yesu a tshi pfa ...” nga zwe vha vha vha tshi khou amba, a amba na Jairosi a ri, “Vha songo ofha tshithu, tshavho nga hu vhe u fulufhela Mudzimu.” 37A tshi fhirela phanḓa a si tende vhathu vhaṅwe vha tshi ṱuwa nae, a ṱuwa na Pitrosi na Jakopo na murathu wawe Johanisi fhedzi. 38Vha tshi swika muḓini wa Jairosi Yesu a wana ho sokou vuwa bonyongo, vhaṅwe vha tshi khou zhamba, vhaṅwe vha tshi ṱavha mikosi.Kha hu sedzwe kha Mat. 9:23. 39

5:39
Joh. 11:11
Yesu a dzhena nḓuni a ri, “Ndi bonyongo ḽani-ha iḽi? Ni khou lilelani? Hufha ṅwana uyu a songo fa o tou eḓela.” 40Vha thoma u mu sea, Ene a mbo ḓi vha thathela nnḓa vhoṱhe, a vhidza khotsi a ṅwana na mme a ṅwana khathihi na vhafunziwa vhawe vhararu, vha dzhena he ṅwana a vha o lala hone. 41
5:41
Luk. 7:14
Mar. 1:31
9:27
A mu fara nga tshanḓa a ri, “Talitha kumi!” – zwine zwa amba uri, “Musidzana, ndi ri vuwani!” 42A mbo ḓi vuwa na zwenezwo a thoma u tshimbila-tshimbila. O vha e musidzana wa miṅwaha ya 12. Vhathu vha tshi zwi vhona vha akhamala. 43
5:43
Mar. 7:36
Yesu a vha laya o tou khwaṱhisa uri vha si vhuye vha zwi vhudza muthu, a konou ri, “Nga a fhiwe zwiḽiwa.”