Tshivenda 1998 (VEN98)
16

U vuwa ha Yesu

(Mat. 28:1-8; Luk. 24:1-12; Joh. 20:1-10)

161Sabatha yó no fhira,Sabatha i fhela musi ḓuvha ḽi tshi kovhela nga Mugivhela. Maria Magadalina na Salume na Maria mme a Jakopo vha renga mishonga ya u ḓodza tshitumbu tsha Yesu. 2Nga Swondaha nga matshelonitsheloni, ḓuvha ḽi tshi kha ḓi tou bva u bvisa mulomo, vha ya tshaloni. 3Vhe nḓilani vha amba nga tshavho vha ri, “Nṋa ane a nga ri kungulusela tombo ḽa bva mulomoni wa tshalo ndi nnyi?” 4Ndi uri ḽo vha ḽi tombo ḽihulwane nga maanḓa. Musi vha tshi sedza vha vhona tombo ḽo no ḓi kunguluswa. 5Vha tshi dzhena ngomu tshaloni vha vhona muṱhannga o dzula thungo ya tshauḽa tshavho o ambara phuraphura tshena; vha akhamala. 6

16:6
Mar. 8:31
Uyo muṱhannga a ri, “Ni songo akhamala. A thi ri ni khou ṱoḓa Yesu wa Nazaretha we a vhambiwa tshifhambanoni? Ha tsheeho fhano; o vuwa. A ni vhoni na afho he a vha o ladzwa hone? 7
16:7
Mar. 14:28
Mish. 1:3
13:31
1 Korint. 15:5
Iyani ni yo ḓivhadza vhafunziwa haya mafhungo, na ene Pitrosi, ni vha vhudze ni ri, ‘Yesu o ni ranga phanḓa, o ya Galelia, ni ḓo ṱangana nae henengei unga o ni vhudza!’ ” 8U pfa zwenezwo ha mbo ḓi vha u bva tshaloni nga u gidima vha tshi tou tetemela nga nyofho. Aya mafhungo vha si ende vha tshi a vhudza muthu, ngauri vho vha vha tshi kha ḓi ofha.

[Ṱhanzi nnzhi-nnzhi dza kale-kale dzi ri Bugu ya Markosi i guma henefha, hone hu kha ḓi vha na dziṅwe ṱhanzi dzi re na tshipiḓa hetshi tshi tevhelaho.]

Maṅwe magumo a kale a bugu

Yesu a tshi ḓisumbedza Maria Magadalina

(Mat. 28:9-10; Joh. 20:11-18)

[ 9

16:9
Luk. 8:2
16:9-10
Mat. 28:9-10
Joh. 20:14-18
Musi Yesu o no vuwa vhafuni nga Swondaha, hu tshee nga matshelonitsheloni, a thoma u ḓisumbedza Maria Magadalina, uḽa we a vhuya a pandela thuṅwa dza 7 dza Saṱhane khae. 10
16:10-11
Luk. 24:9-11
U bva henefho Maria a yo vhudza vhaḽa vhe vha vha vha tshi tshimbila na Yesu, a wana vho ṱungufhala vha tshi khou lila. 11Vha tshi pfa a tshi ri Yesu u a tshila na uri Maria o mu vhona, vha si vhuye vha tenda.

Yesu a tshi vhonwa nga vhafunziwa vhavhili

(Luk. 24:13-35)

12

16:12-13
Luk. 24:13-35
Zwo no ralo Yesu a ḓisumbedza vhaṅwe vhafunziwa vhavhili tshivhumbeo tshawe tshó shanduka. Vhone vho vha vhe nḓilani vha tshi khou bva Jerusalema. 13Ndi hone vhafunziwa avho vha tshi huma vha yo vhudza vhaṅwe, hone vhone vha si tende.

Yesu a tshi vhonwa nga vhafunziwa vha 11

(Mat. 28:16-20; Luk. 24:36-49; Joh. 20:19-23; Mish. 1:6-8)

14

16:14
1 Korint. 15:5
16:14-16
Luk. 24:36-49
Joh. 20:19-23
Lwa u fhedzisela Yesu a dovha a ḓisumbedza vhafunziwa vha 11 vha tshi khou ḽa. A vha kaidza u sa tenda havho na u omisa havho dziṱhoho lwe vha vhuya vha hanedza na vhe vha tou mu vhona uri o vuwa vhafuni. 15
16:15-16
Mat. 28:19
A amba navho a ri, “Iyani mashangoni oṱhe ni yo ḓivhadza mafhungo maḓifha kha zwivhumbwa zwoṱhe. 16
16:16
Mish. 2:38
Ane a a tenda a lovhedzwa u ḓo tshidzwa. Ane a si a tende u ḓo laṱwa. 17
16:17
Luk. 10:17
Mish. 8:7
16:18
19:11
Vhane vha mpfulufhela vha ḓo vha na maḓembe haya: Vha ḓo pandela thuṅwa dza Saṱhane nga dzina ḽanga; vha ḓo amba nga nyambo dzisili; 18
16:18
Luk. 10:19
Mish. 28:3-6
naho vha doba maṋowa kana vha ḽa tshiganame a vha nga fi; na vhalwadze vha ḓo fhola musi vha tshi vha vhea zwanḓa.”

Yesu a tshi gonya ṱaḓulu

(Luk. 24:50-53; Mish. 1:9-11)

19

16:19
Luk. 24:50-51
Mish. 1:9
Mat. 22:44
Musi Yesu Muṋe washu o no fhedza u amba navho, a takulelwa ṱaḓulu a ya a dzula thungo ya tshanḓa tshauḽa tsha Mudzimu vha vhusa vhoṱhe. 20
16:20
Heb. 2:4
Vhafunziwa vhawe vha ya u anḓadza ipfi ḽawe thungo dzoṱhe, Muṋe washu a vha navho hoṱhe he vha ya a tshi vha ṋea maanḓa a u ita maḓembe a u khwaṱhisa ipfi ḽawe.]Hu kha ḓi vha na maṅwe mafhelelo a kalenyana a re na vese mbili dza 9 na 10 dzi no katela hedzi dza 9 – 20, dzine dzi si vhe hone kha ṱhanzi dziḽa dza u thoma.