Tshivenda 1998 (VEN98)
12

Tshifanyiso tsha vhahiri vha tsimu ya minḓirivhe

(Mat. 21:33-46; Luk. 20:9-19)

121

12:1
Yes. 5:1-2
Ps. 80:8
Jer. 2:21
Ndi hone Yesu a tshi thoma u amba navho nga zwifanyiso a ri, “Ho vhuya ha vha na muṅwe munna we a lima minḓirivhe, a fhaṱa luhura lwa mutsheṱo, a bwa na dindi ḽa bonḓelo, a fhaṱa na ḓingo ḽilapfu ḽa u linda tsimu. O no ralo a hirisa iyo tsimu, ene a pfulutshela kha ḽiṅwe shango. 2Musi tshifhinga tsha u fula nḓirivhe tshi tshi swika, muṋe wa tsimu a ruma mushumi kha vhalimi uri a yo mu dzhiela mukovhe wawe. 3Vhahiri vhone vha fara uyo muḓinḓa, vha mu likita, vha fhedza nga u mu pandela a huma fhedzi. 4Muṋe wa tsimu a ruma muḓinḓa wa vhuvhili. Na ene vhalimi vha mu kovhola, vha ita na u tamba ngae. 5
12:5
Mish. 7:52
A tshi ruma wa vhuraru vha mu vhulaha. Na vhanzhi vhe vha tevhela vha ḓi vha ita zwenezwo, vhaṅwe vha tshi vha rwa, vhaṅwe vha tshi tou vha vhulaha, 6
12:6
Mar. 1:11
ha vhuya ha sala ṅwana wawe muthihi fhedzi wa mutuka, ene mufunwa. A fhedza nga u ruma onoyo ṅwana ha vhalimi, nge a ri, ‘Ndi vhona uri ṅwananga vha ḓo mu teledza.’ 7Hone avho vhalimi vha amba nga tshavho vha ri, ‘Hoyu ndi ene muḽaifa. Iḓani ri mu vhulahe; ndi hone tsimu iyi i tshi ḓo vha ifa ḽashu!’ 8
12:8
Heb. 13:12
Vha mu fara vha mu vhulaha, tshitumbu tshawe vha tshi kudza nnḓa ha tsimu ya minḓirivhe.”

9Yesu a vha vhudzisa a ri, “Zwino muṋe wa tsimu u ḓo itani? Ha nga ḓo ḓa a vha vhulaha, iyo tsimu a i ṋea vhaṅwe vhalimi naa? 10

12:10-11
Ps. 118:22-23
Mish. 4:11
Yes. 28:16
Rom. 9:33
1 Pit. 2:4
Kani a ni athu vhala fhaḽa hune ha pfi,

“ ‘Tombo ḽe ḽa laṱwa nga vhafhaṱi ḽa pfi a ḽi na mushumo,

ḽo vha ḽone thikho ya tshifhaṱo.

11Hezwo zwo itwa nga Muṋe washu;

vhonani uri zwi kanukisa hani!’ ”

12

12:12
Mar. 11:18
Vharangaphanḓa vha Majuda nga u ḓivha uri itshi tshifanyiso tshi amba vhone vha vho ṱoḓa nḓila ya u fara Yesu, hone nge vha ofha gogo ḽa vhathu vha mu litsha o ralo vha ṱuwa.

U thela muthelo wa Khisara wa Vharoma(ṱhoho): Khisara a zwi ambi dzina ḽa muthu; zwi tou amba khosi khulu ya Vharoma.

(Mat. 22:15-22; Luk. 20:20-26)

13Ha mbo ruṅwa vhaṅwe Vhafarisei na vhaṅwe vha ḽihoro ḽa Herude uri vha ye ha Yesu vha mu fashe nga zwine a amba. 14Vha swika khae vha ri, “Vhafunzi, ri a zwi ḓivha uri vhone vha munna a fulufhedzeaho; vha tshi amba a vha thomi u sedza uri hu na nnyi; a vha ṱaluli muthu; tshavho ndi u funza nḓila yone-yone ine Mudzimu a funa vhathu vha tshi tshila ngayo. Kha vha ri vhudze-vho: Nṋa zwo tendelwa u thela muthelo wa Khisara naa? Ro fanela u thela kana a ro ngo fanela naa?” 15Yesu a tshi zwi vhona uri hu khou itwa vhukwila a fhindula a ri, “Ni nndingelani? Edzonu ḓisa sheleniNga Tshigiriki hu pfi “denarion”; sedzani kha 6:37. ndi i vhone.” 16Vho no i ḓisa a vhudzisa a ri, “Nṋa iyi ṱhoho na dzina iḽi ndi zwa nnyi?” Vhone vha tshi fhindula vha ri, “Ndi zwa Khisara.” 17

12:17
Rom. 13:7
1 Tim. 2:1-2
Tit. 3:1
1 Pit. 2:13-15
Ndi hone Yesu a tshi ri, “Ahaa, Khisara mu ṋeeni zwi re zwawe, na Mudzimu ni mu ṋee zwi re zwawe.” A tshi ralo vha kanuka.

Vhasadukei na u vuwa ha vhafu

(Mat. 22:23-33; Luk. 20:27-40)

18

12:18
Mish. 4:1-2
23:6-8
Ha dovha ha ḓa Vhasadukei ha Yesu – ndi vhaḽa vha no ri u vuwa ha vhafu a huho – vha ri, 19
12:19
Dot. 25:5-6
Gen. 38:8
“Vhafunzi, Mushe o ri siela mulayo une wa ri, ‘Arali munna a tshi fa a sia musadzi wawe a sa athu vha na ṅwana, murathu wawe u fanela u mu dzhia uri a bebele mukomana.’ 20Zwino ho vhuya ha vha na vhaṅwe vhaṱhannga vhaṱanu na vhavhili, vhana vha munna. Wa tanzhe a dzea hone a fa a sa athu vha na ṅwana; 21iyo tshilikadzi a dzhiwa nga a mu tevhelaho, na ene a ḓi fa a si na ṅwana. Na kha wa vhuraru zwa ḓi ralo, 22zwa ḓi vha wela-vho; vhoṱhe vhuṱanu na vhuvhili havho vha dzhia onoyo musadzi, vha fhedza nga u fa vha si na vhana. Tshilikadzi iyo na yone ya fhedza nga u fa. 23Zwino-ha musi vhafu vhoṱhe vha tshi vuwa nga ḓuvha ḽa u vuwa ha vhafu, u ḓo vha musadzi wa nnyi? Hufha vhoṱhe vhuṱanu na vhuvhili havho o vha musadzi wavho!”

24Yesu a vha fhindula a ri, “Nṋa no tou xela tshingafhani! Hone na tsho ni xedzaho ni a tshi ḓivha naa? Ndi uri hu Maṅwalo a ni a ḓivhi, hu maanḓa a Mudzimu a ni a ḓivhi, 25ngauri musi vhafu vha tshi vuwa vha ḓo nga vharuṅwa vha ngei ṱaḓulu; zwa u dzea na u dzewa a zwi nga vhi hone. 26

12:26
Ek. 3:2,6
Kha zwa u vuwa ha vhafu ndi ri: A ni athu vhuya na vhala fhaḽa Buguni ya Mushe hune ha amba nga tshiṱaka tshi tshi duga? Ndi ralo nge henefho ha vha hone he ha ṅwalwa upfi, ‘Mudzimu o vhudza Mushe a ri: Ndi Nṋe Mudzimu wa Abrahamu, Mudzimu wa Isaka, Mudzimu wa Jakopo.’ 27Zwino hufha Mudzimu e si Mudzimu wa vho faho, e wa vha tshilaho.Yesu a tshi ralo o vha a tshi amba uri ndi tsumbedzo ya uri Abrahamu na Isaka na Jakopo vha khou tshila naho vho fa. Ni a zwi vhona-ha uri no tou xela tshoṱhe!”

Mulayo muhulwane kha yoṱhe

(Mat. 22:34-40; Luk. 10:25-28)

28Henefho ho vha hu na muḓivhi wa Mulayo we a vha o ḓi thetshelesa zwiḽa Yesu a tshi khou amba na Vhasadukei. A tshi vhona uri Yesu o fhindula Vhasadukei zwavhuḓi, ene a ḓa-vho na yawe mbudziso a ri, “Nṋa mulayo u fhiraho yoṱhe ndi ufhio?” 29

12:29-30
Dot. 6:4-5
Yesu a fhindula a ri, “Une wa fhira yoṱhe khoyu: ‘Thetshelesa Israele: Muṋe washu Mudzimu ndi Muṋe washu e eṱhe. 30Funa Mudzimu Muṋe wau nga mbilu yau yoṱhe, nga zwoṱhe zwine wa vha zwone, nga ṱhalukanyo yau yoṱhe, nga maanḓa au oṱhe!’ 31
12:31
Liv. 19:18
Mat. 22:391 Tim. 1:5
Une wa tevhela asuyu: ‘Funa muṅwe unga iwe muṋe.’ A hu tshee na muṅwe mulayo une wa fhira yenei mivhili.” 32
12:32
Dot. 4:35
Yes. 45:21
Luk. 20:39
Muḓivhi wa Mulayo a ri, “Izwo zwi a pfala Vhafunzi! Vho amba zwone vha tshi ri, ‘Mudzimu ndi muthihi, a hu na muṅwe.’ 33
12:33
1 Sam. 15:22
Hos. 6:6
Mir. 21:3
Yes. 1:10-20
Zwenezwo-ha muthu u fanela u funa Mudzimu nga mbilu yawe yoṱhe, na nga ṱhalukanyo yawe yoṱhe, na nga maanḓa awe oṱhe, nahone u fanela u funa vhaṅwe unga ene muṋe. U tevhedza heyo milayo mivhili zwi fhira u ḓisa zwiṱhavhelo zwa u fhiswa na u ṋekedza Mudzimu nduvho.” 34Yesu a tshi vhona uri o fhindula tshihulwane a mu vhudza a ri, “Hu tshee ho tou salanyana uri ni dzhene muvhusoni wa Mudzimu.” Ho ri u itea zwenezwo ha sa tsha dovha ha vha na we a vhuya a linga u vhudzisa Yesu mbudziso.

Mesia a nga vha muḓuhulu wa Dafita naa?

(Mat. 22:41-46; Luk. 20:41-44)

35

12:35-37
Mat. 20:30-31
Musi Yesu a tshi khou funza thembeleni a vhudzisa a ri, “Nṋa vhaḓivhi vha Mulayo vha amba mini vha tshi ri Mesia u ḓo vha muḓuhulu wa Dafita? 36
12:36
Ps. 110:1
Mat. 22:44
Hufha Dafita o amba o ḓala Muya Mukhethwa a ri,

“ ‘Muṋe wa vhoṱhe o amba na Muṋe wanga a ri:

Dzula hafha thungo ya tshauḽa tshanga ri vhuse roṱhe,

ndi vhuye ndi ite maswina au vhukando ha milenzhe yau.’

37“Asizwo-ha, zwi nga ḓa hani uri Mesia a vhe muḓuhulu wa Dafita? Hufha Dafita ene muṋe a tshi mu amba a tshi tou ri ‘Muṋe wanga.’ ”

Yesu a tshi ri hu thanyelwe vhaḓivhi vha Maṅwalo

(Mat. 23:1-36; Luk. 20:45-47)

Vhathu vhanzhi-vhanzhi vho vha vha tshi khou ḓiphiṋa nga u thetshelesa Yesu. 38

12:38-39
*Luk. 11:43
A tshi khou vha funza a ri, “Ni thanyele vhaḓivhi vha Mulayo, vhane vha funesa u tshimbila vho ambara phuraphura, na u loshiwa vanḓani, 39vhadzia-u-nanga zwidzulo zwa phanḓa sinagogoni na vhuṱamboni. 40Vha lapfisa thabelo dzavho vha tshi itela u vhonwa nga vhathu, ngeno vha tshi ḽa thundu dza dzitshilikadzi vha fhedza. Ṱhamu ine vha ḓo i wana a i nga vhavhi zwone!”

Tshifhiwa tsha tshilikadzi

(Luk. 21:1-4)

41

12:41
2 Mah. 12:10
Yesu a dzula thembeleni, tsini ha bogisi ḽa zwifhiwa, a tshi khou lavhelesa vhathu vha tshi khou longa tshelede dzavho. Ha ḓa vhanzhi vho pfumaho vha longa tshelede nnzhi. 42Ha swika na muthu wa tshilikadzi we a vha e mushai vhukuma; onoyo a longa-vho masente mavhili. 43Ndi hone Yesu a tshi vhidza vhafunziwa vhawe a vha vhudza a ri, “Thetshelesani ndi ni vhudze: Tshilikadzi iyi yo bvisa u fhira vhoṱhe. 44
12:44
2 Korint. 8:3,12
Ndi uri vhaḽa vho ṱusa kha lupfumo lwavho, hu uri ene o bvisa zwoṱhe zwe a vha e nazwo – zwenezwo zwiṱukuṱuku zwe a vha a tshi ḓo ḽa.”