Tshivenda 1998 (VEN98)
1

Pfunzo ya Johanisi Mulovhedzi

(Mat. 3:1-12; Luk. 3:1-18; Joh. 1:19-28)

11

1:1
Mar. 15:39
Haya ndi mafhungo maḓifha a Yesu Khristo Murwa wa Mudzimu.Dziṅwe ṱhanzi dza kale a dzi buli uri “Murwa wa Mudzimu”.

2

1:2
Heb. 2:3
O thoma nga he zwa ṅwalwa buguni ya muporofita Yesaya hu tshi pfi,

“Muḓinḓa wanga ngoyu-ha;

ndi khou mu ruma phanḓa hau

uri a u lugisele nḓila.

3

1:3
Mal. 3:1
Yes. 40:3
Ndi a huwelelaho sogani.

U ri, ‘Lugiselani Muṋe washu nḓila,

i tou tswititi, i tshimbilee.’ ”

4Ndi zwe Johanisi Mulovhedzi a ḓa sogani a tshi ḓivhadza mafhungo a Mudzimu a uri vhathu vha laṱe vhuvhi havho vha lovhedzwe, Mudzimu a vha hangwele vhutshinyi havho. 5Shango ḽoṱhe ḽa Judia na muḓi woṱhe wa Jerusalema wa ya u mu thetshelesa, vha bula vhutshinyi havho, a konou vha lovhedza mulamboni wa Jorodani.

6

1:6
2 Mah. 1:8
Johanisi o vha o ambara nguvho ya vhukuse ha gamela, khunduni o i vhofha nga bannda ya mukumba, zwiḽiwa zwawe zwi nzie na ṋotshi dza ḓaka. 7
1:7
Mish. 13:25
A vha vhudza a ri, “Hu si kale hu ḓo ḓa ane a mphira kule, lune ndi si vhuye nda fanela na u kotama nda vhofholola navhula dzawe. 8
1:8
Mish. 1:5
2:4
11:15
19:4
Nṋe ndi ni lovhedza nga maḓi, hone Ene u ḓo ni lovhedza nga Muya Mukhethwa.”

U lovhedzwa na u lingwa ha Yesu

(Mat. 3:13 – 4:11; Luk. 3:21-22; 4:1-13)

9Misi iyo Yesu a ṱuwa Nazaretha, shangoni ḽa Galelia, a yo lovhedzwa nga Johanisi mulamboni wa Jorodani. 10

1:10
Yes. 64:1
Musi Yesu a tshi bva maḓini, kathihi fhedzi a vhona lutombo lu tshi fhanduwa, Muya Mukhethwa a tshi khou tsela khae e kha tshivhumbeo tsha ḽiivha. 11
1:11
Mat. 3:17Mar. 9:7
Ha pfala ipfi ḽi bvaho ṱaḓulu ḽi tshi ri, “U Murwa wanga muthihi fhedzi, u a ntakadza.”

12Muya a mbo ḓi mu hwala a mu isa sogani. 13

1:13
Ek. 24:18
1 Mah. 19:8
Henengei a fhedza maḓuvha a 40 e vhukati ha zwivhanda, Saṱhane a tshi khou mu linga. Zwo no ralo ha ḓa vharuṅwa vha mu shumela.

Yesu a tshi vhidza vharei vha khovhe vhaṋa

(Mat. 4:12-22; Luk. 4:14-15; 5:1-11)

14Musi Johanisi o no hoṋelwa dzhele Yesu a ya Galelia u ḓivhadza mafhungo maḓifha a Mudzimu 15

1:15
Gal. 4:4
a ri, “Tshifhinga ndi tshone, ni ḓo ṱuwa ni tshi vhuswa nga Mudzimu. Laṱani-ha vhuvhi haṋu ni tende mafhungo maḓifha.”

16Huno Yesu a tshi khou tshimbila khunzikhunzini ya Dzivha ḽa Galelia, a vhona vharei vha khovhe vhavhili, Simoni na murathu wawe Andrisi, vha tshi khou rea khovhe nga mambule; 17a amba navho a ri, “Iḓani ni vhe vhafunziwa vhanga, ndi ni funze u vha vhafashi vha vhathu.” 18

1:18
Mat. 8:21-22
Vhone vha ṱutshela mambule avho na zwenezwo, vha vha vhafunziwa vhawe.

19A tshi fhirela phanḓa, a wana Jakopo ṅwana wa Zebedia e na Johanisi murathu wawe, hu hone vha tshi khou dzudzanya mambule avho tshikepeni tshavho. 20

1:20
Mat. 8:21-22
Yesu a vha vhidza, vha mbo ḓi sia khotsi avho na vhashumi tshikepeni vha vha vhafunziwa vhawe.

Munna we a vha e na thuṅwa ya Saṱhane

(Luk. 4:31-37)

21

1:21
Mat. 4:13,23
Vha swika muḓini wa Kapernaumi. Nga Sabatha Yesu a dzhena sinagogoni a funza. 22
1:22
Mat. 7:28-29
Vhathu vha kanuka pfunzo yawe, ngauri o vha a sa funzi sa vhaḓivhi vha Mulayo, a tshi tou pfala e Ene Muṋe wa mafhungo.

23Zwenezwo muṅwe munna we a vha e na thuṅwa ya Saṱhane, a ṱavha mukosi a ri, 24

1:24
Mar. 3:11Mat. 8:29
1:24-25
Mar. 9:26
“U ṱoḓani fhano Iwe Yesu wa Nazaretha? Kani-ha ndi hone wo ḓa u ri lozwa? Iwe ndi a u ḓivha: U muḓinḓa mukhethwa wa Mudzimu.” 25Yesu a i kaidza a ri, “Fhumula iwe, u bve kha hoyu muthu!” 26Iyo thuṅwa ya khwiḓukanya uyo munna, ya ṱavha mukosi muhulu ha mbo ḓi vha u bva hayo. 27Zwa akhamadza vhathu vhoṱhe lwe vha thoma u vhudzisana vha ri, “Nṋa ndi mini izwi? Kani ndi yone pfunzo ntswa i no tou vha na maanḓa mangafha? Henefha hune a kaidza na thuṅwa dza mu pfa!” 28Zwi tshi ralo bvumo ḽa Yesu ḽa mbo ḓi pfala hoṱhe-hoṱhe shangoni ḽa Galelia.

Yesu a tshi fhodza vhathu vhanzhi

(Mat. 8:14-17; Luk. 4:38-41)

29U bva henefho sinagogoni ha vha u ya hayani ha Simoni na Andrisi vhe na Jakopo na Johanisi. 30Makhulutshisadzi wa Simoni vho vha vho rwelwa fhasi nga biso, muvhili woṱhe u tshi tou duga. Yesu a mbo vhudzwa eneo mafhungo. 31

1:31
Mar. 5:41-42
A ya a mu fara nga tshanḓa a mu vusa, a mbo ḓi fhola a vha bikela.

32Nga madekwana ḽi tshi vho swifhala, vha ḓisa vhalwadze vhoṱhe ha Yesu, na vha na thuṅwa dza Saṱhane. 33Muḓi woṱhe wa kuvhangana muṱani wonoyo. 34

1:34
Mar. 3:12
Yesu a fhodza vhanzhi vha malwadze o fhambanaho, a pandela na thuṅwa nnzhi kha vhathu. Huno vhunga dzo vha dzi tshi ḓivha uri ndi Ene nnyi, ho ngo vhuya a dzi tendela dzi tshi zwi bula.

Yesu a tshi funza shangoni ḽa Galelia

(Luk. 4:42-44)

35

1:35
Luk. 5:16
Nga matshelo Yesu a fhinduwa hu tshee vhusiku a yo rabela sogani. 36Simoni na vhaḽa vhaṅwe vha bva vha yo mu ṱoḓa. 37Vha tshi mu wana vha ri, “Vhathu vhoṱhe vha khou vha lila.” 38Yesu a mbo ri, “Hafhu ri kha ḓi ḓo dzhena na kha miṅwe miḓi henefhano, ndi vha ḓivhadze-vho mafhungo maḓifha, vhunga ndo ḓela zwone.”

39Ndi zwe Yesu a ṱanganya ḽoṱhe ḽa Galelia, a tshi ri u funza sinagogoni, a dovha a pandela na thuṅwa dza Saṱhane.

Yesu a tshi fhodza muthu a lwalaho lukanda

(Mat. 8:1-4; Luk. 5:12-16)

40Ha ḓa munna khae a lwalaho vhulwadze ha lukanda vhu kumadzaho; onoyo a gwadama a mu losha a ri, “Muṋe wanga, hufha vhe na maanḓa a u mphodza; a thi fhodzwi-vho?” 41Yesu a mu pfela vhuṱungu,Dziṅwe ṱhanzi dza kale dzi ri, “Yesu a dinalea”. a isa tshanḓa tshawe a mu kwama a ri, “Na zwino, fholani zwaṋu.” 42A mbo ḓi fhola na zwenezwo, a sala o tou swoto. 43

1:43
Mar. 3:12
7:36
Yesu a mu pandela a tshi amba o tou halifha a ri, 44
1:44a
Mar. 7:36
1:44b
Liv. 14:1-32
Luk. 17:14
“Ni a vhona, ni songo vhuya na zwi vhudza muthu, tshaṋu ni mbo ḓi ya ha tshifhe uri a ni vhone, ni konou ṋekedza tshipfumelo tshe ra laedzwa nga Mushe, tshi vhe hone vhuṱanzi kha nnyi na nnyi ha uri no fhola.” 45
1:45
Mar. 7:36
Hone uyo munna u ṱuwa henefho ha mbo ḓi vha u thoma u anḓadza ayo mafhungo, lwe Yesu zwa vho mu konḓela u tshimbila vhathuni; a vho tou dzula masogani; hone na henefho vhathu vha ḓi mu tevhela vha tshi bva thungo dzoṱhe.