Tshivenda 1998 (VEN98)
7

Mukosi wa muporofita

71

7:1
Mat. 21:18-22
Ndi khomboni!

Ndi nga ane a ṱoḓa mitshelo

ya tshilimo,

kana a ṱala ṱhalane tsimuni ya minḓirivhe,

a si wane na tshiṱokola tsha nḓirivhe,

na fuyu ḽa tshiranzhe ḽine a ḽi tama a si ḽi wane.

2

7:2-3
Mika 3:9-11
Yes. 59:7-8
7:2
Ps. 14:3
Jer. 5:1
Khonani dza Mudzimu dzo fhela shangoni,

a hu tshee na a si na vhufhura.

Vhoṱhe vho lalelana,

vha ṱoḓa u shulula malofha;

vhoṱhe vha reana uri vha fhedzane.

3Muvhusi a tshi senga mafhungo

u itela u ḓiḓadza zwanḓa nga zwifhiwa;

muhaṱuli u ṱanganedza tshanḓanguvhoni,

muhulwane u haṱula nga hune a funa,

4

7:4
Esek. 3:16-19
onoyo ane a kha ḓi vha khwiṋe khavho

o navhisa vhuvhi unga luanakha,

ane a fulufhedzea u fhira vhoṱhe

u nga mupfunda wa mipfa.

Ḓuvha ḽa vhalaleli vhaṋu ḽo swika,

ndi ḓuvha ḽine Mudzimu a ni lifhedza ngaḽo;

ndi tshone tshifhinga tshine vha ḓo ni ofhisa.

5

7:5-6
Jer. 9:3-4
Mat. 10:21,35-36
U songo fulufhedza muhura wau,

khonani u songo i fulufhela.

Na musadzi ane wa eḓela wo kuvhatedzana nae,

u vhe na nzhele na zwine wa mu vhudza.

6Ndi uri ṅwana wa mutuka u ita khotsi awe ḓabaḓaba,

ṅwananyana u lwa na mme awe,

mazwale u lwa na mazwale,

maswina a muthu ndi vha muṱa wa hawe.

7

7:7
Yes. 8:17
Hab. 2:1
A vha nṋe ndi lavhelesa Muṋe washu,

ndo lavhelela Mudzimu Mutshidzi wanga;

Mudzimu wanga u ḓo mpfa.

U tshidzwa hu bva ha Muṋe washu

8

7:8
Obadia 12-13
Ps. 27:1
Iwe lushaka lu re swina ḽanga,

u songo nnzhongondedza!

Naho ndo wa, ndi ḓo vuwa.

Nangwe ndo dzula swiswini,

Muṋe washu u ḓo vha tshedza tshanga.

9Ndi ḓo konḓelela mbiti dza Muṋe washu

ngauri ndo mu khakhela,

a vhuya a ntsengela,

a nndwela he nda khakhelwa.

U ḓo mmvisela tshedzani,

nda vhona a tshi ntshidza.

10

7:10
Ps. 79:10
Ndi hone maswina anga a tshi ḓo zwi vhona,

a niwa nga ṱhoni,

vhenevho vhe vha mmbudza vha ri,

“Yahavee Mudzimu wau u ngafhi?”

Maṱo anga a ḓo vha vhona vha tshi wa,

na zwino vha ḓo kandekanywa nga milenzhe

unga matope mikotoni.

11

7:11-13
Mika 5:4-5
Yes. 10:5-6
Nah. 2 na 3
Ḓuvha ḽa u fhaṱa mitsheṱo ḽi ḓo swika.

Ndi ḓuvha ḽa u lovha,

na mulayo a u tsha ḓo vha hone.

12Musi wonoyo vhaṱanguli vhau vha ḓo swika

vha fhandula Ashuru na miḓi yaḽo ya mitsheṱo,

lukwara na miṱanga,

mashango a matavha a maḓi manzhi.

13Shango ḽau ḽi ḓo sala ḽi si na muthu

nga mulandu wa zwiito zwa vhathu vha dzulaho khaḽo.

Thabelo na thendo

14

7:14
Ps. 74:1Jer. 50:19
Muṋe washu, lisa vhathu vhau nga luḓo lwau,

ndi vhone sambi ḽa nngu ḽe wa ḓinangela.

Nga dzi dzule ho khudaho,

mafuloni a Kharamele;

nga dzi fule Bashani na Giliadi unga misi ya kale.

15

7:15
Ek. 14
Ita maḓembe ri vhone unga misi iḽa u tshi ri pfulusa Egipita.

16Dzitshakha dzi ḓo zwi vhona dza hanganea

naho dzi na maanḓa.

Vha ḓo tshenuwa vha farelela milomo

nḓevhe dzavho dza dzinga.

17

7:17
Gen. 3:14
Ps. 18:45
Yes. 2:19,21
Vha ḓo ṋanzwa buse unga ṋowa,

vha ḓo nga zwivhumbwa zwi kokovhaho mavuni.

Vha ḓo dzula mapakoni avho vha tshi tetemela

nga u ofha Muṋe washu Mudzimu washu.

Vha ḓo ni ofha.

18

7:18
Jer. 50:20
Ps. 103:8-12
Ek. 34:6
Mudzimu ane a nga Iwe ndi nnyi?

Vhathu vhau vho tinyaho lufu

u vha hangwela milandu yavho,

wa si tsha vha lifhedza zwe vha u shandukela.

A u sokou dzula wo sinyuwa,

u takalela u khathutshela muthu.

19U ḓo dovha wa ri khathutshela;

u ḓo kandekanya milandu yashu,

vhutshinyi hashu hoṱhe wa vhu posa lwanzheni.

20

7:20
Gen. 22:16-18
28:13-15
Luk. 1:73-74
Vhathu vha Jakopo nga vha vhone u tshi fulufhedzea,

u itele Abrahamu vhuthu,

sa zwe wa anela vhokhotsi ashu zwiḽa misi ya kale.