Tshivenda 1998 (VEN98)
1

11

1:1
Yes. 1:1Hos. 1:1
Jer. 26:18
Muṋe washu o amba na Mika wa Moreshethe misi ya Jothamu na Ahasi na Hiskia, mahosi a Juda. Ndi vhuporofita vhu no kwama Samaria na Jerusalema.

Hu tshi lilelwa Samaria na Jerusalema

2

1:2-4
Yes. 34:1-4
1:2-3
Yes. 26:21
Am. 4:13
Inwi dzitshakha,

noṱhe thetshelesani!

Thetshelesa iwe ḽifhasi,

na zwoṱhe zwi re kha iwe!

Muṋe wa zwoṱhe Muṋe washu u ḓo ni sengisa

e thembeleni yawe khethwa.

3Vhonani, Muṋe washu u khou ḓa a tshi bva vhudzuloni hawe,

u khou tsela fhasi,

u kanda miṱumbani ya ḽifhasi.

4

1:4
Ps. 97:5
Hune a kanda,

mativha a lwanzhe a xa,

thavha dzi a ṋoka

unga phula i muliloni,

unga maḓi a tshi ela na tshivhanga.

5

1:5
1 Mah. 16:24,26
2 Mah. 23:13
Zwoṱhe hezwo zwi itwa nga u shanduka

ha vhana vha Jakopo,

na nge vhathu vha Israele vha tshinya.

Mukhakhisi wa Jakopo ndi nnyi?

A si Samaria naa?

Tshikwara tsha midzimu tsha Juda ndi tshifhio?

A si Jerusalema naa?

6Muṋe washu u ri,

“Ndi zwine Samaria nda ḓo hu ita thulwi ya mathukhwi ḓakani,

hu ḓo limiwa minḓirivhe.

Matombo awo ndi a kungulusela govhani,

nda sia miteo yawo i khagala.

7

1:7
Hos. 8:4
13:2
4:14
Midzimu yawo yoṱhe ya zwifanyiso i ḓo pwashea,

zwifhiwa zwawo zwoṱhe zwi re thembeleni

zwi ḓo swa nga mulilo zwe lore,

zwitungulo zwawo zwoṱhe zwi ḓo pwashekana,

ngauri zwo rengwa nga miholo ya dziphombwe,

zwi ḓo dovha zwa vha miholo ya dziphombwe.”

8

1:8
Jobo 30:29
Ndi hone Mika a tshi ri,

“Ndi zwine nda ḓo vusa tshililo nda tou honḓa,

nda tshimbila ndi songo ambara navhula,

ndi songo fuka tshithu,

nda lila unga phunguhwe,

nda ṅuṅuna unga mphwe.

9Vhukuma hune Muṋe washu a rwa hone a hu lafhei;

zwi ḓo swika na Juda,

zwi khou khokhonya mahothi a vhathu vhanga,

zwo swika na Jerusalema.”

Maswina a tshi swika Jerusalema

10

1:10
2 Sam. 1:20
“Ni songo zwi amba Gathi,

ni songo vhuya na lila.

Vhathu vha Tshipuseni nga vha vhumbuluwe buseni!

11Inwi vhathu vha Phalalani,

lidzani phalaphala!

Vha no dzula Tsaanani vha songo tsha tsela fhasi.

Vhathu vha Bethe Tsele vha khou lila,

vha nga si tsele ngeno u ni phalala.

12

1:12
Am. 9:10Mika 3:11Jer. 5:12
23:17
Vhathu vha Maṱunguni vha khou pfa vhuṱungu

vhó lindela u lamulelwa,

ngauri ho bva khombo kha Muṋe washu,

ya vhuya ya swika Jerusalema khoroni ya Juda.

13

1:13
2 Koron. 9:25
Yes. 2:7
30:16
Inwi ni dzulaho Lakhishi,

panani bere ni shavhe nga gariki dza nndwa.

Ndi inwi no thomaho u xedza Israele;

no funzedza Tsioni u shandukela Mudzimu.

14Zwenezwo ni ḓo onesana na vha Moreshethe“Moreshethe” ḽi ṱoḓou fana na ipfi ḽa Tshiheberu ḽi no amba uri “muselwa”. Gathi

unga mme a muselwa a tshi onesana nae.

Vha Shonani vha ḓo shonisa mahosi a Israele.

15

1:15
1 Sam. 22:1
Inwi ni no dzula Muṱangula,

ndi ḓo dovha nda ni ḓisela muṱanguli

a no ḓo ni kunda.

Khosi ya Israele,

ene vhugala havho,

u ḓo dovha a dzumbama bakoni ḽa Adulamu.“Adulamu”: Kha hu sedzwe 1 Sam. 22:1-2

16

1:16
Jer. 7:29
Dot. 14:1-2
Vheulani ṱhoho dzaṋu dzi sale na phanḓa

unga ḽianga,

ni lilele vhana vhaṋu vhafuniwa,

ngauri vho ni ṱutshela vho iswa vhuthubwani.”

2

Zwo livhaho vha no kandeledza vhashai

21

2:1
Ps. 36:4
Vhane vha luka vhunwa

vha ḓo zwi vhona,

havho vha no lala vha tshi elekanya u ita zwo vhifhaho,

ḽi tshi tsha vha mbo zwi ita,

ngauri vha na nungo dza u zwi kona.

2

2:2
Yes. 5:8
Vha dzhia masimu ane vha a emula,

vha dzhia na nnḓu dzine vha emula;

vha dzhia zwoṱhe,

nnḓu na muṋe wayo,

muthu na ifa ḽawe.

3Zwenezwo Muṋe washu u ri,

“Inwi vha tshigwada hetsho,

ndi khou elekanya u ni ḓisela khombo

ine na nga si i ponyoke.

A ni tsha ḓo tshimbila ni na mutsindo,

ngauri zwi ḓo vha zwo vhifha.

4Musi wonoyo vhathu vha ḓo ni goḓa,

vha ḓo ni vhaisa nga luimbo lwa zwililo

vha ri, ‘Ro zwi pfa!

Ro ṱangulwa tshoṱhe!

Shango ḽa vhathu vhanga ḽo kovhekanywa!

Ro tshinyadzwa hani wee!

Shango ḽashu ḽo ṋewa mashandukwa.’ ”

5Shango ḽi tshi dovha u kovhekanywa

inwi a ni nga wani tsimu;

a ni tsha ḓo vha na mukovhe

tshivhidzoni tsha Muṋe washu.

6

2:6
Yes. 30:10
Am. 2:12
Vhaporofita vhavho vha fhafhaḓa vha ri, “U songo tsha fhafhaḓa. U songo fhafhaḓa zwi no nga hezwo zwithu. Zwine wa ri sema ngazwo a zwi nga vhi hone! 7
2:7
Mika 3:11Ek. 34:6
Vha muṱa wa Jakopo vha nga ambiwa navho nga u ralo naa? Muṋe washu u a fhela mbilu naa? A nga ita zwo raloho naa?”

Nṋe ndi tshi fhindula ndi ri:

Vha no tshimbila nga nḓila-tswititi

a thi vha fulufhedzisi zwivhuya naa?

8

2:8
Ek. 22:25-26
Ndi inwi ni re maswina a vhathu vhanga.

Muthu a si na mulandu ni imedzana nae khoroni,

a si na khakhathi a no ḓifhirela nga nḓila

ni mu ṱangula khanzu.

9

2:9
2 Mah. 4:1
Ni thatha vhasadzi vha vhathu vhanga

nḓuni dzavho dzi vha takadzaho,

khuliso ye nda ṋea vhana vhavho ni vha dzhiela tshoṱhe.

10Takuwani ni gode!

Shango heḽino a ḽi tsha vha vhuawelo haṋu.

Shango ḽo shatwa tshika,

ni ḓo lovha lu lidzaho.

11

2:11
Esek. 13:9-10
Jer. 6:13-14
Kani-ha muthu a no endedzwa nga Muya

a nga porofita mazwifhi?

Ndi hone-ha nṋe ndi tshi nga porofita

nda ni fulufhedzisa waini na thothotho.

Hone havha vhathu vha ḓi futelela u porofita vha ri,

“Mudzimu o ri fulufhedzisa a ri,

12

2:12
Esek. 34:15
36:37-38
‘Inwi vhaḓuhulu vha Jakopo,

vhukuma ndi ḓo ni kuvhanganya noṱhe.

Vhukuma ndi ḓo kuvhanganya tsalela dza Israele,

nda vha orosa unga nngu dzi dangani;

muḓi u ḓo tou bvuma nga u anda ha vhathu,

unga sambi pfuloni.

13

2:13
Yes. 42:13
Vha ḓo rangwa phanḓa nga muhali ane a ḓo balanganya maswina;

vha ḓo vha balanganya vha pwasha khoro vha bvela nnḓa.

Khosi yavho i ḓo vha endedza,

Yahavee u ḓo vha ranga phanḓa.’ ”

3

Mika a tshi kaidza vharangaphanḓa vha Israele

31

3:1-4
Mika 2:1-3,8-9
3:9-11
6:12
Yes. 1:17Am. 2:6-8Ps. 14:4
58:1-2
Nṋe ndi tshi fhindula ndi ri:

Thetshelesani,

inwi vhavhusi vha Jakopo,

vharangaphanḓa vha vhathu vha Israele.

A si inwi ni no fanela

u takalela khaṱhulo mbuya?

2Matsina ni vhenga zwivhuya na funa zwivhi!

Ni via vhathu vhanga,

na swotola ṋama yavho kha marambo.

3Ni ḽa ṋama ya vhathu vhanga,

na vha sutula lukanda lwavho,

na pwashekanya marambo avho,

na vha remelela unga ṋama i no poswa khalini.

4

3:4
Mir. 1:28
Zwenezwo na vhone vha ḓo vhidzelela Muṋe washu,

hone ha nga vha aravhi.

U ḓo vha furalela

nga mulandu wa vhuvhi hoṱhe he vha ita.

5

3:5
Am. 7:12
Mika 2:11
Muṋe washu u ri,

“Vhaporofita vha fhuraho vhathu vhanga vhone,

ane a vha ṋea zwiḽiwa vha mu fulufhedzisa mulalo,

hone a sa vha longi tshithu mulomoni

vha mu rambela pfumo ḽa Yahavee.

6

3:6-7
Am. 8:11-12
Zwenezwo vhusiku vhu ḓo ni tiba,

na si tsha vhona mabono,

ḽi ḓo ni kovhelela hu si tshee na wa u bvumba.

Vhaporofita vha ḓo kovhelelwa,

ḓuvha ḽi ḓo vha swifhalela.

7Vhabvumbi vha ḓo shona, mingome ya hanganea.

Vhoṱhe vha ḓo khurumela vha nga vha lilela mufu,

ngauri a hu na mudzimu a no aravha.”

8

3:8
Yes. 58:1
A vha nṋe, ndi na maanḓa mahulu,

ndi na Muya wa Muṋe washu,

ndi lwela zwi re zwone,

ndi na nungo,

a thi ofhi u kaidza vhaḓuhulu vha Jakopo

nge vha shandukela Muṋe washu,

Vhaisraele ndi vha ḓivhadza u tshinya havho.

9Zwino thetshelesani,

inwi vharangaphanḓa vha nnḓu ya Jakopo,

inwi vhavhusi vha nnḓu ya Israele,

inwi ni no nyadza khaṱhulo mbuya,

na shanda zwoṱhe zwi re zwone.

10

3:10
Am. 5:11-12
Yes. 1:21
Vha Tsioni vho ṱalifhela u shulula malofha,

vha Jerusalema vho ṱalifhela vhuvhi.

11

3:11
Ps. 132:13-14
Ek. 23:8Mika 2:6-7
Jer. 2:814:9
7:4,10
Am. 9:9-10
Vhavhusi vhawo vha haṱula

nga u ṱanganedza tshanḓanguvhoni,

vhotshifhe vhawo vha funzela u hola fhedzi,

vhaporofita vhawo vha bvumbela malamba.

Naho zwo ralo vha ḓitika nga Muṋe washu,

vha ri, “Hufha Yahavee ri nae,

ri nga welwa nga khombo-ḓe?”

12

3:12
Jer. 26:18
Matsina Tsioni u ḓo liṅwa unga tsimu nga mulandu waṋu,

Jerusalema ha vha thulwi ya matumba,

thavha ya thembele ya mela maṱaka.