Tshivenda 1998 (VEN98)
6

Kuṋetshele kwa zwifhiwa

61

6:1
Mat. 23:5
“Ni vhone uri musi ni tshi bvisa zwifhiwa zwa vhashai ni si bvisele u vhonwa nga vhathu; arali ni tshi ita hezwo a ni tsha ḓo pfufhiwa nga Khotsi aṋu wa ṱaḓulu. 2Iwe-ha u tshi tonda vhashai u songo thoma nga u lidza lufhalafhala sa zwine vhahoi vha ita musi vha tshi tonda vhashai sinagogoni dzavho na mikotoni. U tonda havho vhashai ndi u sokou itela u khoḓwa nga vhathu fhedzi. Zwino ipfani-ha: malamba avho vho no ḓi a wana. 3
6:3
Mat. 25:37-40
Iwe-ha u tshi tonda vhashai, na tshanḓa tshau tshamonde tshi songo ḓivha zwi itwaho nga tshauḽa. 4U tonde vhashai zwi sa vhonwi nga muthu. Ndi hone Khotsi au a vhonaho zwo dzumbamaho a tshi ḓo u pfufha.

Kurabelele

5“Na musi ni tshi rabela ni songo ita sa vhahoi vhane musi vha tshi rabela vha funa u ima sinagogoni na mikotoni uri vha vhonwe nga vhathu. Zwino ipfani-ha: malamba avho vho no ḓi a wana. 6

6:6
Luk. 14:14
Iwe-ha u tshi rabela, dzhena nḓuni yau u vale muṋango u rabele Khotsi au a re ho dzumbamaho. Huno Khotsi au a vhonaho zwo dzumbamaho u ḓo u pfufha.

Thabelo ya Muṋe washu

(Luk. 11:2-4)

7

6:7
1 Mah. 18:26-29
“Ni tshi rabela ni songo sokou andisa maipfi sa vhannḓa; vhone vha ri vha ḓo pfiwa nga u lapfisa thabelo. 8
6:8
Mat. 6:32Luk. 12:30
Yes. 65:24
Dan. 9:20-23
Inwi-ha ni songo fana navho. Hufha Mudzimu Khotsi aṋu a tshi ḓivha zwine na lila ni sa athu na u mu humbela.

9

6:9
Yes. 63:16
“Inwi-ha ni tshi rabela ni ri:

“ ‘Khotsi ashu wa ṱaḓulu,

dzina ḽau kha ḽi vhe ḽikhethwa,

10

6:10
Mat. 3:2
hu vhuse Iwe,

hu itwe zwine wa funa fhano fhasi unga ngeo ṱaḓulu.

11

6:11
Mir. 30:8
Mat. 6:24-34
U ri fhe ṋamusi vhuswa hashu ho ri eḓanaho.Kana: “ha ṋamusi”, kana: “ha matshelo”.

12

6:12
Mat. 18:21-35
U ri hangwele milandu yashu,

unga na riṋe ri tshi hangwela vha ri khakhelaho.

13

6:13a
Yes. 63:17
Jak. 1:13
Mat. 26:4113:19
Joh. 17:15
6:13b
*1 Koron. 29:11
U si tende ri tshi ungwa nga Muvhi;

a tshi ri unga u ri lamulele.’

[Ngauri muvhuso ndi wau,

na maanḓa, na vhugala,

nga hu sa fheli.]Tshipiḓa itshi tshi re kha zwitangi a tshi wanali kha ṱhanzi dza kale-kale.

14

6:14
Ef. 4:32
6:14-15
Mar. 11:25-26
Mat. 5:24
“Ndi uri arali ni tshi hangwela vhathu zwe vha ni khakhela, na inwi Khotsi aṋu wa ṱaḓulu u ḓo ni hangwela. 15
6:15
Mat. 18:35
Hone arali ni sa hangweli vhaṅwe, Khotsi aṋu wa ṱaḓulu na Ene a nga si ni hangwele zwe na khakha.

U ḓidzima zwiḽiwa

16

6:16-17
Yes. 58:5-9Mat. 9:14-15
“Musi ni tshi ḓidzima zwiḽiwa ni songo futa sa vhahoi. Vhone vha a sinyalala uri vhathu vha zwi vhone uri vha khou ḓidzima. Thetshelesani ndi ni vhudze: malamba avho vho no ḓi a wana. 17Iwe-ha u tshi ḓidzima, ṱamba u ḓole 18uri vhathu vha si kone u vhona uri u khou ḓidzima, zwi vhonwe nga Khotsi au a re ho dzumbamaho. Tenda Khotsi au a vhonaho zwo dzumbamaho a tshi ḓo u pfufha.

Lupfumopfumo

(Luk. 12:33-34)

19

6:19
Joh. 6:27
Mir. 8:10-11
Jak. 5:2-3
“Ni songo ḓikuvhanganyela lupfumo fhano fhasi, hune lwa lovha nga tsole na vhulali, mbava dza pwasha dza tswa, 20
6:20
Mat. 19:21Luk. 12:33
ḓikuvhanganyeleni lupfumo ngei ṱaḓulu hune lu si lovhe nga tsole na vhulali, mbava dzi si pwashe dza tswa. 21Ndi uri hune lupfumo lwau lwa vha hone, ndi hune mbilu yau ya vha hone.

Luvhone lwa muvhili

(Luk. 11:34-36)

22“Maṱo ndi luvhone lwa muvhili woṱhe. Arali maṱo aṋu a sa lwali, na muvhili waṋu woṱhe u ḓo vha tshedzani. 23Hone arali maṱo e si avhuḓi, izwo na muvhili woṱhe u ḓo vha swiswini. Zwino arali tshedza tshaṋu tsho no shanduka swiswi, ḽi ḓo vha swiswi ḽingafhani!

U shumela vhaṋe vhavhili

(Luk. 16:13)

24

6:24-34
Mat. 6:11
“A hu na ane a nga shumela vhaṋe vhavhili. A nga ḓo vhenga muṅwe a funa muṅwe; a pfa muṅwe, muṅwe a mu nyadza. A zwi tendi muthu a tshi shumela Mudzimu e phuli ya lupfumo lwa ḽino shango.“Mamona” ndi ipfi ḽa Tshiaramu ḽi no amba thundu dza fhano shangoni.

U fulufhela Mudzimu

(Luk. 12:22-32)

25

6:25
Ps. 55:22
Filip. 4:6
Heb. 13:5
1 Pit. 5:7
Ps. 127:1-2
“Ndi zwone zwine nda ri ni songo ṱolou ḽa mbilu nga zwine na lila vhutshiloni haṋu na ri ni ḓo ḽani, ni ḓo nwani, ni ḓo ambarani? Kani vhutshilo a vhu fhiri zwiḽiwa? Muvhili a u fhiri zwiambaro kani? 26
6:26
Mat. 10:31Luk. 12:6-7
Edzonu vhona zwiṋoni: a zwi zwali mbeu, a zwi na tshine zwa kaṋa, a zwi kuvhanganyeli maḓuluni, hone Khotsi aṋu wa ṱaḓulu u ḓi zwi ṋea zwiḽiwa. Inwi a ni zwi fhiri kule naa? 27Ndi nnyi waṋu ane nga u ḽa mbilu hawe a nga lapfisa vhutshilo hawe na nga ḓuvha ḽithihi zwaḽo?Kana: “a nga lapfanyana”.

28“Ni kha ḓi ḽelani mbilu nga zwa zwiambaro? Sedzani kualutshele kwa maluvha a phendephende: Ha shumi, ha luki tshithu. 29

6:29
1 Mah. 10:4-7
Hone ndi a ni vhudza ndi ri: Solomoni na madzanga awe ho ngo vhuya a ḓiṱama u swika kha ḽiṅwe ḽao. 30
6:30
Mat. 14:31
Arali hatsi vhune ṋamusi ha titima mudavhini matshelo ha vha ho no kudzwa tshivhasoni Mudzimu a tshi vhu ṱama nga u rali, inwi a nga kundwa ngani u ni ṱama? Fulufhelo ḽaṋu ḽo ṱukufhala hani. 31Izwo ni songo tsha ṱolou ḽa mbilu na ri ri ḓo ḽani? ri ḓo nwani? ri ḓo ambarani? 32
6:32
Mat. 6:8
Hezwo zwoṱhe ndi zwine zwa vhilaelwa nga vhannḓa. Hufha Khotsi aṋu wa ṱaḓulu a tshi zwi ḓivha uri hezwo zwoṱhe ni a zwi lila. 33
6:33
1 Mah. 3:11-14
Ps. 37:4-5
Mar. 10:29-30
Rom. 14:17
Tsha u thoma lusani u vhuswa nga Mudzimu na u ita zwine a funa, hezwo zwiṅwe zwoṱhe ni ḓo tou ingwa. 34
6:34a
Mat. 6:11
6:34
Ek. 16:4,19-20
Izwo ni songo tsha ḽa mbilu nga zwa matshelo; ḽa matshelo ḽi ḓo ḓiḽela mbilu ḽone ḽiṋe; khombo yo livhana na musi wayo.

7

U haṱula vhaṅwe

(Luk. 6:37-42)

71

7:1
Rom. 2:1-3
14:1-4,10,13
Jak. 4:11-12
1 Korint. 4:5
“Ni songo haṱula vhaṅwe, ndi hone Mudzimu a sa nga ni haṱuli. 2
7:2
Mar. 4:24
Jak. 2:12-13
Khaṱhulo ine na haṱula vhaṅwe ngayo na inwi Mudzimu u ḓo ni haṱula ngayo; muelo une na elela vhaṅwe ngawo, na inwi Mudzimu u ḓo ni elela ngawo. 3Khezwi u tshi kona u vhona lufhanza lu re iṱoni ḽa muṅwe, ngeno danda ḽi re iṱoni ḽau u sa ḽi londi? 4Nṋa u nga amba hani na muṅwe wa ri, ‘Litshani ndi bvise lufhanza lu re iṱoni ḽaṋu,’ ngeno iwe u na danda iṱoni ḽau? 5Muhoi ndiwe! Thoma u bvisa danda ḽi re iṱoni ḽau, ndi hone u tshi ḓo kona u vhona zwavhuḓi u tshi bvisa lufhanza lu re iṱoni ḽa muṅwe.

6

7:6
Mat. 15:26
“Zwikhethwa ni songo zwi ṋea dzimmbwa, dzi sa ḓo ni vutshela dza ni huvhadza; na nungu dzaṋu ni songo dzi posa nguluvhe, dzi sa ḓo sokou dzi kandekanya.

Mudzimu u pfa thabelo dzashu

(Luk. 11:9-13)

7

7:7
Mir. 8:17
Mat. 21:22
18:19Mar. 11:24
Joh. 14:13
15:7
16:23-24
Jak. 1:5-6
1 Joh. 3:22
5:14-15
“Ni ḓi dzula ni tshi humbela, ni ḓo ṋewa; ṱoḓani, ni ḓo wana; khokhonyani, ni ḓo vulelwa vothi. 8Ane a dzula a tshi humbela, Mudzimu u ḓo vhuya a mu fha; ane a ṱoḓa u ḓo wana; ane a khokhonya u ḓo vhuya a vulelwa vothi. 9Ndi nnyi ane ṅwana wawe a tshi mu humbela vhurotho a mu fha tombo, 10kana a tshi mu humbela khovhe a mu fha ṋowa? 11
7:11
Jak. 1:17
Arali inwi na vhuvhi háṋu ni tshi kona u ṋea vhana vhaṋu zwivhuya, Khotsi aṋu wa ṱaḓulu a nga kundwa ngani u ṋea zwivhuya vha mu humbelaho?

Ndaela-ndaela

(Luk. 6:31)

12

7:12
Mat. 22:39-40
Rom. 13:8-10
Gal. 5:14
“Zwoṱhe zwine na funa vhaṅwe vha tshi ni ita, na inwi ni vha ite zwenezwo. Ndi hone no khunyeledza Mulayo na Maṅwalo a vhaporofita.

Nḓila mbili

(Luk. 13:23-24)

13

7:13
Mir. 14:12
“Dzhenani nga khoro tsekene; nḓila i yaho hune wa lovha yo aṱama, na khoro ya hone ndi khulwane, ndi vhanzhi vhane vha dzhena ngayo. 14
7:14
Mat. 19:24
Mish. 14:22
Nḓila i yaho vhutshiloni ndi tsekene-tsekene, na khoro yayo ndi ṱhukhu, vhane vha i wana a si vhanzhi.

Vhaporofita vha khole-khole na mitshelo yavho

(Luk. 6:43-45)

15

7:15a
Dot. 13:1-3
Jer. 23:9,14-17
Mat. 24:4-524:11,24
Mish. 20:29
2 Korint. 11:12-15
2 Pit. 2:1-3
1 Joh. 4:1
“Thanyelani vhaporofita vha khole-khole vhane vha ḓa kha inwi vho fuka mikumba ya nngu, ngeno nga ngomu havho vhe maṱalerwa a ni pondaho. 16
7:16
Mat. 12:33
Gal. 5:19-23
Jak. 3:12
Ni ḓo vha ḓivha nga mitshelo yavho. A ri fuli nḓirivhe kha muunga; mahuyu ri a wana kha mutshetshete na? 17Muri wavhuḓi u aṋwa mitshelotshelo, u vhavhaho wa aṋwa mitshelo i kalakataho. 18Muri wavhuḓi a u aṋwi mitshelo i kalakataho, zwi ḓi nga muri u vhavhaho u sa aṋwi mitshelo i ḓifhaho. 19
7:19
Mat. 3:10
Joh. 15:2,6Luk. 3:9
Muri muṅwe na muṅwe u sa aṋwi mitshelo i ḓifhaho u a remiwa wa kudzwa muliloni. 20Izwo-ha ni ḓo vha ḓivha nga mitshelo yavho.

Vhatendi vha khole-khole

(Luk. 13:25-27)

21

7:21
Rom. 2:13
Jak. 1:22,25
2:14
Mat. 6:107:24-27
21:28-31
“A si uri vhoṱhe vhane vha tshi nnyamba vha ri, ‘Muṋe washu! Muṋe washu!’ vha ḓo dzhena muvhusoni wa Mudzimu, hu ḓo dzhena vhane vha ita zwine Khotsi anga wa ṱaḓulu a zwi funa. 22
7:22
Mat. 25:12
Mish. 19:13
2 Tim. 2:19
Ndi vhanzhi vhane vha ḓo amba na Nṋe nga heḽo ḓuvha vha ri, ‘Muṋe washu! Muṋe washu! A ro ngo porofita nga dzina ḽau naa? A ro ngo pandela thuṅwa nga dzina ḽau naa? A ro ngo ita maḓembe mahulu nga dzina ḽau naa?’ 23
7:23
1 Korint. 13:1-2
Nda konou amba navho nda vha fhedzela nda ri, ‘A tho ngo vhuya nda ni ḓivha; ṱuwani afha phanḓa hanga inwi vhadziautshinya!’

Muteo kwawo na u si kwawo

(Luk. 6:47-49)

24

7:24-27
Mat. 7:21
7:24
Mat. 25:2
“Zwenezwo onoyo ane a pfa maipfi anga haya a ya a zwi ita, u fana na muthu wa vhuṱali ane a fhaṱa nnḓu yawe kha lutombo. 25Mvula ya na, milambo ya ḓala, maḓumbu a vhudzula, a thudza iḽa nnḓu i si we, ngauri yo vha yo tewa kha lutombo. 26Hone ane a pfa maipfi anga haya a si zwi ite, u fana na muthu wa tsilu we a fhaṱa nnḓu yawe muṱavhani; 27
7:27
Yes. 28:17
mvula ya na, milambo ya ḓala, maḓumbu a vhudzula a thudza iḽa nnḓu, ya mbo fhasi huru.”

U akhamala ha vhathu vho pfaho pfunzo ya Yesu

28

7:28
Mat. 13:54
22:33Mar. 1:22
Musi Yesu o fhedza u amba, vhathu vha kanuka pfunzo yawe, 29
7:29
Joh. 7:46
ngauri o vha a sa funzi sa vhaḓivhi vha Mulayo, o vha a a tshi pfala e Muṋe wa mafhungo.

8

U fhodzwa ha munna we a vha e na vhulwadze ha lukanda

(Mar. 1:40-45; Luk. 5:12-16)

81Yesu a tshi tsa thavha a tevhelwa nga vhathu vhanzhi-vhanzhi. 2

8:2a
Liv. 13, zwihulwane vese dza 45 – 46;
Ha ḓa munna a lwalaho vhulwadze ha lukanda vhu no kumadza muthu, a gwadamela Yesu a ri, “Muṋe wanga, hufha vhe na maanḓa a u mphodza; a thi fhodzwi-vho?” 3
8:3
Mat. 8:15
Yesu a isa tshanḓa tshawe a mu kwama a ri, “Nazwino fholani zwaṋu.” A mbo ḓi fhola na zwenezwo. 4
8:4
Mat. 9:30
12:16
16:20
17:9
Mar. 7:36
Yesu a amba nae a ri, “Ni songo vhuya na zwi vhudza muthu; ni mbo ḓi ya ha tshifhe uri a ni vhone, ni konou ṋekedza nduvho yo laedzwaho nga Mushe, uri vhu vhe vhuṱanzi ha u vha rovhedza.”

Gota ḽa Kapernaumi

(Luk. 7:1-10; 13:28-29)

5Musi Yesu a tshi swika Kapernaumi ha ḓa mulangagomane, onoyo a mu kwengweledza 6a ri, “Muṋe wanga, ndi na mushumi hayani a no khou lwala o no koḓea na miraḓo; u khou tou shengela.” 7Yesu a ri, “Ndi zwone, ndi ḓo ṱuwa na inwi nda mu fhodza.” 8Mulangagomane a fhindula a ri, “Muṋe wanga, a tho ngo vhuya nda fanela na u vha swielela nḓuni yanga; kha vha tou amba ipfi ḽithihi fhedzi mushumi wanga a konou fhola. 9Ndi amba ngauri na nṋe ndi fhano ndi muthu a langwaho, hone ndi ḓi vha-vho na maswole a re fhasi hanga ane nda a langa. Nda vhudza uno nda ri, ‘Ṱuwa!’ u a ṱuwa; nda vhudza uḽa nda ri, ‘Iḓa!’ u a ḓa; phuli yanga nda i vhudza nda ri, ‘Ita hetshi!’ i a tshi ita.” 10

8:10
Mat. 15:28
Yesu a tshi pfa zwenezwo a kanuka a amba na vhathu vha khou mu tevhelaho a ri, “Zwino ipfani-ha: na Muisraele a thi athu ṱangana nae a re na fulufhelo ḽingafha. 11
8:11
Mal. 1:11
Yes. 45:6
49:12
59:19
Luk. 2:29-32
Rom. 15:9-12
Ndi zwine nda ri hu ḓo ḓa vhanzhi vha tshi bva thungo dza vhubvaḓuvha na vhukovhela, vha dzula munyanyani muvhusoni wa Mudzimu na Abrahamu na Isaka na Jakopo, 12
8:12
*Mat. 13:42,50;
vhaḽa vhe muvhuso wa thoma u ḓela vhone, vha laṱwa nnḓa swiswini hune vha ḓo tshema vha ita na u shenganya maṋo nga u pfa vhuṱungu.”

13

8:13a
Mat. 9:2229
15:28
Ndi hone Yesu a tshi amba na uyo mulangagomane a ri, “Kha vha ṱuwe zwavho; nga zwi itee nga he vha fulufhela.” Mushumi a mbo ḓi fhola nga tshifhinga tshenetsho.

U fhodzwa ha makhulu wa Pitrosi

(Mar. 1:29-31; Luk. 4:38-39)

14

8:14
1 Korint. 9:5
Musi Yesu a tshi swika hayani ha Pitrosi a wana makhulutshisadzi wawe vhe thovhoni, muvhili u tshi tou duga woṱhe. 15A vha fara nga tshanḓa vha mbo ḓi fhola, vha konou vuwa vha mu bikela.

16Ḓuvha ḽi tshi vho kovhela vha mu ḓisela vhathu vhanzhi vhe vha vha vhe na thuṅwa dza Saṱhane, a dzi pandela nga u tou amba ipfi fhedzi, a fhodza na vhoṱhe vhe vha vha vha khou lwala. 17

8:17
Yes. 53:4
O zwi ita uri hu khunyelele ḽo ambiwaho nga muporofita Yesaya a tshi ri,

“Ene o ḓihwesa maṱungu ashu;

a hwala malwadze ashu.”

Vhane vha nga vha vhafunziwa vha Yesu

(Luk. 9:57-62)

18Yesu a tshi vhona mavhuthu o mu tangaho a vhudza vhafunziwa vhawe uri vha wetshele seli na luḽa lwa dzivha. 19Ndi hone muṅwe muḓivhi wa Mulayo a tshi ḓa khae a ri, “Vhafunzi, nṋe ndi ḓo vha tevhela hoṱhe hune vha ya.” 20

8:20
Dan. 7:13
Mat. 26:64
Yesu a mu fhindula a ri, “Phunguhwe dzi na milindi, na zwiṋoni zwi na zwiṱaha; a nga vha Mubebwa-nga-muthu ha na ha u siamedza ṱhoho a lala.”

21

8:21
1 Mah. 19:20
8:21-22
Mat. 4:20,22
9:9
19:21
Joh. 1:43
21:19,22
Muṅwe-vho we a vha e mufunziwa wawe a amba nae a ri, “Kha vha litshe ndi range u swiṱa khotsi anga.” 22Hone Yesu a mu fhindula a ri, “Inwi ni mbo ḓi ḓa zwino ni vhe mufunziwa wanga, ni litshe vhafu vha swiṱane nga tshavho.”

Yesu a tshi kaidza ḓumbu

(Mar. 4:35-41; Luk. 8:22-25)

23Yesu a dzhena tshikepeni, vhafunziwa vhawe vha mu tevhela. 24Ha mbo vuwa ḓumbu ḽihulu dzivhani, lwe tshikepe tsha ṱoḓou tibedzwa nga magabelo. Huno Yesu o vha o eḓela. 25Vhafunziwa vha ḓa khae vha mu vusa vha ri, “Muṋe washu, ndi hone ro lovha! Kha vha ri tshidze!” 26

8:26
Mat. 14:3116:8
17:17
Ene a vha fhindula a ri, “Ni khou ofhani, inwi ni re na fulufhelo ḽiṱuku?” Ndi hone a tshi vuwa, a kaidza maḓumbu na lwanzhe, zwa mbo ḓi dzika, ha tou dzokoto. 27Vhathu vha tshi zwi vhona vha kanuka vha ri, “Nṋa ndi muthu-ḓe uyu ane a ri u kaidza maḓumbu na magabelo zwa mu thetshelesa?”

Yesu a tshi pandela thuṅwa nnzhi dza Saṱhane

(Mar. 5:1-20; Luk. 8:26-39)

28Vha tshi dovha u wetshela seli, shangoni ḽa Vhagadara, Yesu a ṱangana na vhanna vhavhili vha na thuṅwa dza Saṱhane vha tshi khou bva zwaloni, vha tshi ofhisa lwe ha sa vhe na muthu ane a nga kona u fhira nga heyo nḓila. 29

8:29
Mar. 3:11Luk. 4:41
2 Pit. 2:4
1 Korint. 15:24
Vhenevho vha ṱavha mukosi vha ri, “Iwe Murwa wa Mudzimu, u ṱoḓani kha riṋe? Kani-ha wo ḓa fhano u ri shengedza tshifhinga tshi sa athu swika?” 30Zwino nga ngei thungo ho vha hu na sambi ḽihulu ḽa nguluvhe dzi tshi khou fundudza-fundudza. 31Thuṅwa dza humbela Yesu dza ri, “Arali u tshi ri thatha kha ri ruṅwe zwashu henefho sambini ḽa nguluvhe.” 32A dzi tendela a ri, “Iyani.” Dza mbo ḓi bva kha vhaḽa vhanna dza dzhena nguluvheni; zwi tshi ralo sambi ḽoṱhe ḽa mbo ḓi gidimela luwani dza wela dzivhani ha vha u nwela khothe. 33Vhalisa vhadzo vha shavhela muḓini, vha anḓadza zwoṱhe zwe zwa itea na zwa vhaḽa vhe vha vha vhe na thuṅwa. 34Ndi hone muḓi woṱhe u tshi bva vha ya ha Yesu, vha tshi ṱangana nae vha mu rabeledza uri a ṱuwe shangoni ḽavho.