Tshivenda 1998 (VEN98)
4

Saṱhane a tshi linga Yesu

(Mar. 1:12-13; Luk. 4:1-13)

41

4:1
Heb. 2:18
4:15
5:7-9
Ndi hone Muya a tshi isa Yesu phangani uri diabolo a mu linge. 2
4:2
Ek. 34:28
1 Mah. 19:8
Mat. 6:16-17
A fhedza maḓuvha a 40 na vhusiku hao a sa ḽi tshithu, a vhuya a pfa nḓala. 3
4:3
Mat. 3:17
27:40
Ndi hone mulingi a tshi ḓa a amba nae a ri, “Arali nangoho u Murwa wa Mudzimu, vhudza haya matombo a shanduke a vhe vhuswa.” 4
4:4
Dot. 8:3
Yesu a fhindula a ri, “Maṅwalo a ri, ‘Muthu ha tshili nga vhuswa fhedzi, u tshila na nga zwoṱhe zwi ambwaho nga Mudzimu.’ ”

5Ndi hone diabolo a tshi mu isa muḓini mukhethwa a mu imisa kha tshiuludza tsha thembele, 6

4:6
Ps. 91:11-12
a konou amba nae a ri, “Arali nangoho u Murwa wa Mudzimu, fhufhela fhasi. Hufha Maṅwalo a tshi ri,

“ ‘Mudzimu u ḓo ruma vharuṅwa vhawe

uri vha u londole,

vha ḓo u takula nga zwanḓa zwavho

u sa ḓo khukhulwa mulenzhe nga tombo.’ ”

7

4:7
Dot. 6:16
Yesu a fhindula a ri, “Ho ṅwalwa-vho ha pfi, ‘U songo linga Mudzimu Muṋe wau.’ ”

8Diabolo a dovha a mu isa thavhani ndapfu-ndapfu, a mu sumbedza mashango oṱhe a ḽifhasi na madzanga ao, 9

4:9
Luk. 4:6
2 Korint. 4:4
Ef. 2:2
6:12
a ri, “Ndi ḓo u ṋea hezwi zwoṱhe arali wa tou nngwadamela wa nnduvha.” 10
4:10
Dot. 6:13
5:9
Yesu a fhindula a ri, “Ṱuwa Saṱhane! Ho ṅwalwa ha pfi, ‘Gwadamela Muṋe wau Mudzimu u luvhe Ene fhedzi.’ ”

11

4:11
Joh. 1:51
Heb. 1:6,14
Ndi hone diabolo a tshi mu ṱutshela, ha ḓa vharuṅwa vha mu thakha vha mu shumela.

Yesu a tshi thoma u funza Galelia

(Mar. 1:14-15; Luk. 4:14-15)

12

4:12
Mat. 14:3,12-13
Yesu a tshi pfa uri Johanisi o farwa, a ṱuwa Judia a ya Galelia. 13
4:13
Mat. 2:23
A pfuluwa Nazaretha a ya Kapernaumi, tsini na dzivha, thungo dza Zebuloni na Nafuthali. 14
4:14-16
Yes. 9:1-2
Zwo itelwa uri hu khunyelele ḽo ambiwaho nga muporofita Yesaya a tshi ri,

15“Shango ḽa Zebuloni,

shango ḽa Nafuthali,

nḓila ya Dzivhani, seli ha Jorodani,

Galelia ḽa vhannḓa,

16

4:16
Luk. 1:79
vhathu vho dzulaho swiswini vho vhona tshedza tshihulu.

Vho dzulaho shangoni he vha tibwa nga gole ḽa lufu,

ḽo vha ṱavhela.”

17

4:17
Mat. 3:24:236:1010:7
U bva zwenezwo Yesu a thoma u ḓivhadza vhathu pfunzo ya uri, “Laṱani vhuvhi haṋu; tshifhinga tsho sendela tsha uri ni vhuswe nga Mudzimu.”

U vhidzwa ha vhafunziwa vha u thoma

(Mar. 1:16-20; Luk. 5:1-11)

18Huno Yesu a tshi khou tshimbila khunzikhunzini ya Dzivha ḽa Galelia a vhona vhanna vhavhili, Simoni ane ḽiṅwe a pfi Pitrosi na murathu wawe Andrisi, vha tshi khou rea khovhe dzivhani nga mambule, ngauri vho vha vhe vharei vha khovhe. 19

4:19
Mat. 13:47
A amba navho a ri, “Iḓani ni vhe vhafunziwa vhanga, ndi ni funzedze u fasha vhathu.” 20
4:20
Mat. 19:27-29
4:20,22
Mat. 8:21-22
Vhone vha ṱutshela mambule avho na zwenezwo, vha vha vhafunziwa vhawe.

21A tshi fhirela phanḓa a dovha a wana vhaṅwe vhavhili, Jakopo ṅwana wa Zebedia na murathu wawe Johanisi, vhe tshikepeni na khotsi avho Zebedia, vha tshi khou dzudzanya mambule avho. A vha vhidza, 22vha mbo ḓi sia tshikepe na khotsi avho vha vha vhafunziwa vhawe.

Lwendo lwa u funza Galelia

(Luk. 6:17-19)

23

4:23
Mat. 9:35
4:17
Yesu a enda a tshi funza sinagogoni shangoni ḽoṱhe ḽa Galelia, a tshi ḓivhadza mafhungo maḓifha a muvhuso wa Mudzimu, a tshi fhodza vhalwadze vhoṱhe na vhoṱhe vha sa ḓipfi zwavhuḓi. 24
4:24
Mat. 8:16,28
Bvumo ḽawe ḽa pfala na kha ḽoṱhe ḽa Siria, ha ḓiswa khae vha re na maṱungu a tshakha-tshakha, na vhalwadze vhoṱhe, na vha na thuṅwa dza Saṱhane na vha lwalaho tshifakhole na vho omaho miraḓo, a vha fhodza. 25Ha ḓa vhathu vhanzhi-vhanzhi vha tshi bva Galelia na shangoni ḽine ḽa pfi Miḓi-ya-fumi na Jerusalema na Judia na seli ha Jorodani, vha mu tevhela.