Tshivenda 1998 (VEN98)
24

Yesu a tshi porofita u thuthwa ha thembele

(Mar. 13:1-2; Luk. 21:5-6)

241Yesu a tshi bva thembeleni vhafunziwa vhawe vha ḓa khae vha mu sumbedza zwifhaṱo zwa thembele. 2

24:2
Luk. 19:44
Hone Ene a vha vhudza a ri, “A thi ri izwi zwifhaṱo ni khou zwi vhona? Zwino ipfani-ha: fhano a hu na tombo na ḽithihi ḽine ḽa ḓo sala ḽo dzula kha ḽiṅwe; oṱhe a ḓo piḓimulwa.”

Misi ya madambudzo na u tovholwa

(Mar. 13:3-13; Luk. 21:7-19)

3Yesu a ya a dzula fhasi Thavhani ya Miolivi, vhafunziwa vha ḓa khae vhe vhoṱhe vha mu vhudzisa vha ri, “Nga vha dzou ri vhudza uri zwine vha amba zwi ḓo itea lini; vha ri vhudze na tshiga tshine ra ḓo vhona ngatsho uri u vhuya havho na vhufhelo ha shango zwo sendela.”

4Yesu a vha fhindula a ri, “Ni dzule no thanya uri ni si fhurwe; 5hu ḓo ḓa vhanzhi vha ri ndi vhone Nṋe, muṅwe na muṅwe wavho a tshi ri, ‘Ndi nṋe Mesia.’ Vha tshi ralo vha ḓo xedza vhathu vhanzhi. 6Ni ḓo pfa mikosi ya nndwa yo ṱangana, na mavharivhari a nndwa dzi no khou ḓa. Zwi tshi ralo ni songo tshenuwa. Ndi pfanelo uri zwi itee, hone zwi sa ambi uri vhufhelo ha shango ndi hone ho swika.

7

24:7
Yes. 19:2
2 Koron. 15:6
“Tshakha dzi ḓo shandukelana; mivhuso i ḓo vutshelana. Hu ḓo wa nḓala ha vha na midzinginyo ya shango hoṱhe-hoṱhe. 8Hezwi zwoṱhe ndi tshiga tsha uri Mesia u nḓilani, unga u ḓa ha muthu muswa hu tshi rangwa phanḓa nga vhuṱungu ha u beba.

9

24:9
Mat. 5:11
24:9-14
Mat. 10:17-22
Joh. 15:20
16:1-4
“Ndi hone vha tshi ḓo ni kumedza u tambudzwa, vha ita na u ni vhulaha. Tshakha dzoṱhe dzi ḓo ni vhenga nge na vha vhanga. 10
24:10
Mat. 10:35
Luk. 12:52-53
Ndi hone vhanzhi vha tshi ḓo gunea vha fheṱana vha vhengana; 11
24:11
Mat. 7:15
1 Tim. 4:1
ha ḓa na vhaporofita vhanzhi vha khole-khole vha xedza vhanzhi. 12
24:12
2 Tim. 3:1,3
Huno ngauri vhuvhi vhu ḓo ḓi ṋaṋa vhu tshi ya, lufuno lwa vhanzhi lu ḓo fhungudzea. 13
24:13
Nzumb. 13:10
Hone ane a ḓo konḓelela a sa litshi, ndi ene ane a ḓo tshidzwa. 14
24:14
Mat. 28:19-20
Mafhungo maḓifha haya a muvhuso wa Mudzimu a ḓo ranga u ḓivhadzwa mashangoni oṱhe uri tshakha dzoṱhe dzi pfe vhuṱanzi hawo, ha konou ḓa vhufhelo.”

Khaṱhulo ya Judia

(Mar. 13:14-23; Luk. 21:20-24)

15

24:15
Dan. 9:17,27
11:31
12:11
1 Mah. 11:5,7
2 Mah. 23:13
“Musi ni tshi vhona ‘Vhuṱudzi vhu ḓisaho mutshinyalo’ ho ambiwaho nga muporofita Daniele ho imiswa fhethu hukhethwa (muvhali nga a pfesese), 16vha re Judia vha shavhele zwikwarani. 17
24:17-18
Luk. 17:31
Muthu a re kha ṱhanga ya nnḓu yawe a songo ri u tsa a lenga-lenga nga u dzhena nḓuni uri a thome u goda thundu yawe. 18A re tsimuni a songo tsha lenga-lenga nga u humela hayani a yo dzhia nguvho yawe. 19Musi zwi tshi itea, vho vhifhaho mivhilini na vha mamisaho zwi ḓo vha konḓela. 20Itonu rabela uri hezwo zwithu zwi si itee vhuriha kana nga Sabatha.Ndi uri kha ḽa Israele vhuriha ndi tshifhinga tsha mvula na phepho. Nahone nga Sabatha Majuda vho vha vha songo tendelwa u fara lwendo lulapfu. 21
24:21
Dan. 12:1
Maṱhupho a misi iyo a ḓo fhira oṱhe o no vhuyaho a vha hone u bva tshee shango ḽa sikwa u swika zwino. Nahone zwine zwa nga zwone a zwi nga dovhi zwa vha hone. 22Mudzimu ayo maḓuvha o a fhungudza. Ngavhe a si tou ralo ndi musi hu si na na ane a ḓo tshidzwa; hone u ḓo a fhungudza a tshi itela vhanangiwa.

23

24:23-25
Mat. 24:5,112 Thes. 2:9-11
Luk. 17:23-24
Nzumb. 13:13-14
16:14
“Zwenezwo arali ni tshi pfa muthu a tshi ri, ‘Vhonani Mesia khoyu!’ kana a tshi ri, ‘Vhonani khouḽaa!’ ni songo tenda. 24Hu ḓo bvelela vhomesia vha khole-khole na vhaporofita vha khole-khole; vha ḓo ita maḓembe mahulu na zwimangadzo uri arali zwo vha zwi tshi konadzea vha xedze na vho nangwaho nga Mudzimu. 25Tenda ndo dzula ndo ni vhudza. 26Izwo arali vha ni vhudza vha ri, ‘Mesia u henengei sogani!’ ni songo vhuya na ya u vhona. Arali vha ri, ‘Asuyu, u fhano pfamoni!’ ni songo vhuya na tenda; 27
24:27
Mat. 24:30,37
25:311 Korint. 15:23
1 Thes. 3:13
4:15
2 Thes. 2:1,8
Jak. 5:7-8
Mubebwa-nga-muthu a tshi vhuya u ḓo tou nga lupenyo lwa mvula lune lu tshi vhenge, lwa vhonetshela u bva vhubvaḓuvha u swika vhukovhela.

28

24:28
Jobo 39:30
Nzumb. 19:17-18
“Hune ha vha na tshitumbu ndi hone hune maanga a kuvhangana hone.”

U vhuya ha Mubebwa-nga-muthu

(Mar. 13:24-27; Luk. 21:25-28)

29

24:29
Yes. 13:9-1034:4
Esek. 32:7
Hagai 2:6,21
Nzumb. 6:12-13
2 Pit. 3:10
“Hu ḓo ri ayo maḓuvha

a maṱhupho a tshi fhela,

ḓuvha ḽa dzima

na ṅwedzi wa swifhala,

nga ngeno ṋaledzi dzi tshi khou wa,

zwi re lutomboni zwa vilingana.

30

24:30
Mat. 24:3,2726:64
Dan. 7:13
Zak. 12:10,12
Nzumb. 1:7
“Ndi hone tshiga tsha Mubebwa-nga-muthu tshi tshi ḓo vhonala lutomboni, tshakha dzoṱhe dza ḽifhasi dzi ḓo ṱavha mukosi nga nyofho dzi tshi vhona Mubebwa-nga-muthu a tshi ḓa o namela makole e na maanḓa na vhugala vhuhulu. 31
24:31
Mat. 13:41
2 Thes. 1:7-8
U ḓo ruma vharuṅwa vhawe vha lidza phalaphala, vha kuvhanganya vhanangiwa vhawe vha tshi bva khuḓani nṋa dza shango u bva vhusendekamisi u swika vhusendekamisi.

Pfunzo ya muhuyu u tshi ṱuma lurere

(Mar. 13:28-31; Luk. 21:29-33)

32“Ḓifunzeni nga muhuyu: musi ni tshi vhona thavhi dzawo dzi tshi thoma u khuba maḓi dza ṱuma lurere, ni mbo ḓi ḓivha uri tsho limuwa. 33Na zwenezwo zwi ḓo ḓi tou ralo: zwithu izwo zwi tshi itea, ndi hone ni tshi ḓo ḓivha uri tshifhinga tsho swika.Kana: “Ndi hone ni tshi ḓo ḓivha uri Mubebwa-nga-muthu u tsini, o no ḓi swika”. 34

24:34
Mat. 16:28
Thetshelesani ndi ni vhudze: hezwi zwithu zwi ḓo itea vhathu vha no khou tshila zwino vha sa athu fhelela vhoṱhe u fa.

35

24:35
Mat. 5:18
1 Pit. 1:25
“Ḽiṱaḓulu na ḽifhasi zwi ḓo lovha, maipfi anga one ha nga weli fhasi.

Ḓuvha na tshifhinga tsha vhufhelo

(Mar. 13:32)

36

24:36
Mish. 1:7
“Hone a hu na a ḓivhaho uri iḽo ḓuvha kana tshifhinga tshazwo tshi ḓo swika lini. Hu vharuṅwa ngei ṱaḓulu, hu Murwa, a vha zwi ḓivhi, a zwi ḓivhaho ndi Khotsi e eṱhe.Dziṅwe ṱhanzi dza kale a dzi buli “Murwa” fhano.

Ngoma-madzula-wo-vhambwa

(Mar. 13:33-37; Luk. 17:26-36; 12:39-40)

37

24:37-39
Gen. 6:11-13
7:7-13,21
1 Thes. 5:1-2
2 Pit. 3:6
“Zwa musi Mubebwa-nga-muthu a tshi vhuya zwi ḓo tou fana na zwiḽa zwa misi ya Nua. 38Zwiḽa hu sa athu ḓa muḓalo wa maḓi vhathu vho vha vha tshi ḓiḽela vha tshi ḓinwela, hu tshi dzewa, ha vhuya ha swika ḓuvha ḽe Nua a dzhena tshikepeni, 39vha si zwi londe ha vhuya ha ḓa muḓalo wa maḓi wa vha kumba vhoṱhe. Musi Mubebwa-nga-muthu a tshi vhuya zwi ḓo ḓi tou ralo.

40“Nga heḽo ḓuvha vhavhili vha ḓo vha vha tshi khou shuma tsimuni nthihi; muṅwe wavho a dzhiwa, muṅwe a siwa. 41Vhasadzi vhavhili vha ḓo vha vha tshi khou sinḓisana mutulini muthihi; muṅwe wavho a dzhiwa, muṅwe a siwa. 42

24:42
Mat. 24:44,50
25:13
Luk. 18:8
1 Thes. 5:6
Nzumb. 3:2,3
16:15
Dzulani-ha no fhaṱuwa, ngauri a ni ḓivhi uri Muṋe waṋu u ḓo vhuya lini.

43

24:43-44
2 Pit. 3:10
Nzumb. 16:15
“Kani a ni ḓivhi uri arali muṋe wa nnḓu o dzula o zwi ḓivha uri fobvu ḽi ḓo thukhutha nḓuni yawe nga tshifhinga tsha uri, o vha a sa ḓo yo lala, o vha a tshi ḓo i linda uri i si vhuye ya thukhuthwa. 44Na inwi ni fanela u dzula no ḓilugisa nga u ralo; Mubebwa-nga-muthu u ḓo swika ni songo lavhelela.

Mukoma a fulufhedzeaho na a sa fulufhedzei

(Luk. 12:41-46)

45

24:45-47
Mat. 25:21-23
“Zwino mukoma wa vhuṱali a fulufhedzeaho ndi ḓo ri ndi nnyi? Ndi amba ane muṋe wawe a ḓo mu ita ene mulangi wa zwoṱhe zwa muṱani wawe, uri a ṋee vhathu zwiḽiwa nga tshifhinga tshazwo? 46U na mashudu mukoma ane muṋe wawe a tshi vhuya, a wana a tshee khazwo. 47Thetshelesani ndi ni vhudze: hoyo muthu muṋe wawe u ḓo mu ita mukoma kha zwoṱhe zwi re zwawe.

48

24:48
2 Pit. 3:4
“Hone arali uyo mushumi e muvhi, a ambela mbiluni yawe a ri, ‘Hufha muṋe wanga a tshi khou lenga u vhuya,’ 49a thoma u fara vhashumi ngae a tshi vha rwa, a tshi ḓiḽela a tshi kambiwa, 50u ḓo tshenuwa muṋe wawe o vhuya musi a songo lavhelela, nga tshifhinga tshine a si vhuye a tshi ḓivha, 51a mu fhandula nga vhukatiKana: “a mu posa nnḓa”. ha vha u mu baḓekanya na vhahoi. Henefho hu ḓo vha na zwililo, vhathu vha shenganya maṋo nga vhuṱungu.

25

Tshifanyiso tsha vhasidzana vha fumi

251

25:1
Mat. 22:2
Nzumb. 19:7
Luk. 12:35-36
“Zwenezwo muvhuso wa Mudzimu ri nga u fanyisa na vhasidzana vha fumi vhe vha dzhia mbone dzavho vha yo ṱanganedza mukwasha. 2Vhaṱanu vhavho vho vha vhe matsilu ngeno vhaṱanu vho vha vho ṱalifha. 3Musi vha matsilu vha tshi dzhia mbone dzavho a vho ngo tsha dzhia na mapfura, 4ngeno vho ṱalifhaho vho dzhia mbone dzavho khathihi na midzio ya mapfura. 5Mukwasha a lenga u swika, vhoṱhe vha vhuya vha kumedza vha eḓela.

6“Vhukati ha vhusiku ha ṱavhiwa mukosi ha pfi, ‘Mukwasha ngoyu o swika! Ibvani ni mu ṱanganedze!’ 7Vhaḽa vhasidzana vhoṱhe vha mbo ḓi vuwa vha funga mbone dzavho. 8Vhaḽa vha matsilu vha humbela vho ṱalifhaho vha ri, ‘Na ri fha-vho mapfura mbone dzashu dzi tshi khou dzima.’ 9Vho ṱalifhaho vha fhindula vha ri, ‘Aiwa, khamusi ri si vhe na mapfura o eḓanaho riṋe na inwi; ndi khwiṋe ni tshi ya ha vharengisi na yo ḓirengela.’

10“Musi vha tshee vho yo renga, mukwasha a mbo swika; zwenezwo vhaḽa vhe vha vha vho ḓilugisa vha dzhena nae munyanyani wa mbingano, vothi ḽa mbo hoṋwa.

11

25:11-13
Mat. 24:44
Luk. 13:25
Mat. 9:157:21-23
“Ngavhuya vhaḽa vhaṅwe vhasidzana vha swika-vho vha ri, ‘Muṋe washu, muṋe washu, nga vha ri vulele!’ 12Mukwasha a fhindula a ri, ‘Hee inwi, a thi ni ḓivhi!’ 13Zwino-ha, dzulani no fhaṱuwa, a ni ḓivhi ḓuvha na tshifhinga.

Tshifanyiso tsha dzithalennde(ṱhoho): “Thalennde” ndi tshelede nnzhi vhukuma. I lingana na malamba ane muthu wa mushumi a nga hola vhutshilo hawe hoṱhe.

(Mar. 13:34; Luk. 19:11-27)

14

25:14
Mat. 21:33
25:14-15
Mar. 13:34
“Muvhuso wa Mudzimu wa dovha wa fana na muthu we a fara lwendo. Musi a sa athu takuwa a vhidza vhashumi vhawe a vha kumedza thundu yawe; 15
25:15
Rom. 12:6
1 Korint. 12:7-11
Ef. 4:7
muṅwe a mu fha thalennde ṱhanu, muṅwe mbili, muṅwe nthihi, muṅwe na muṅwe a tshi fhiwa nga u kona hawe. Ndi hone a tshi takuwa. 16Uḽa mushumi we a kumedzwa thalennde ṱhanu a mbo ḓi ya a dzi shumisa a dzi bindulisa dziṅwe ṱhanu. 17Uḽa o kumedzwaho mbili a ita zwenezwo a dzi bindulisa dziṅwe mbili. 18Uḽa o wanaho nthihi a ya a bwa dindi a dzumba iyo tshelede ya muṋe wawe khaḽo.

19

25:19
Mat. 18:23
“Zwino ho no fhela maḓuvha manzhi muṋe wa vhaḽa vhashumi a vhuya, a thoma u vhalelana navho tshelede. 20Ha sendela uḽa o fhiwaho thalennde ṱhanu a dzi ḓisa khathihi na dziḽa dziṅwe ṱhanu a ri, ‘Muṋe wanga, vho nkumedza thalennde ṱhanu; zwino ndo vha bindulela dziṅwe ṱhanu asidzi.’ 21
25:21-23
Mat. 24:45-47
Luk. 16:10
Muṋe wawe a mu fhindula a ri, ‘A u vhoni-ha mushumi wanga wavhuḓi a fulufhedzeaho! Vhunga wo fulufhedzea kha hezwi zwiṱuku ndi ḓo u kumedza na zwiṅwe zwihulwane. Iḓa ri takale roṱhe!’ 22Ndi hone hu tshi sendela na uḽa o fhiwaho thalennde mbili a ri, ‘Muṋe wanga, vho nkumedza thalennde mbili, zwino ndo vha bindulela dziṅwe mbili asidzi.’ 23Muṋe wawe a mu fhindula a ri, ‘A u vhoni-ha mushumi wanga wavhuḓi a fulufhedzeaho! Vhunga wo fulufhedzea kha hezwi zwiṱuku ndi ḓo u kumedza na zwiṅwe zwihulwane. Iḓa ri takale roṱhe!’

24“Uḽa o fhiwaho thalennde nthihi na ene a sendela a ri, ‘Muṋe wanga, ndo zwi ḓivha uri vha na tshiṱuhu; vha kaṋa he vha si lime, vha ḓifulela mitshelo he vha si sime muri. 25Ndi zwe nda ofha ngazwo, nda sokou ya nda dzumba tshelede yavho mavuni. Thundu yavho asiyi.’ 26Muṋe wawe a fhindula a ri, ‘Mushumi a sa ḓivhalei! Mubva ndiwe! Hufha wo zwi ḓivha uri ndi kaṋa he ndi si lime, nda ḓifulela mitshelo he ndi si sime muri. 27Khezwi u songo vhea tshelede banngani zwayo, uri musi ndi tshi vhuya ndi wane i na nzwalelo. 28Mu dzhieleni-ha thalennde ni fhe hoyu a re na fumi. 29

25:29
Mat. 13:12
Ane a vha na zwawe u ḓo engedzwa uri a vhe na zwinzhi; hone a si na u ḓo dzhielwa na zwiṱukuṱuku zwine a vha nazwo. 30
25:30
Mat. 8:12
Mushumi hoyu a sa ḓivhalei ni mu pose ngei nnḓa swiswini. Henefho hu ḓo vha na zwililo, vha shenganya maṋo nga vhuṱungu.’

Ḓuvha ḽa khaṱhulo

31

25:31
Mat. 16:2724:31
Nzumb. 20:11-12
Dot. 33:2
Zak. 14:51 Thes. 3:13
Judasi 14
“Musi Mubebwa-nga-muthu a tshi vhuya e vhugalani hawe e na vharuṅwa vhoṱhe, ndi hone a tshi ḓo dzula kha khuluṋoni yawe ya vhugala. 32
25:32
2 Korint. 5:10
Rom. 14:10-12
Tshakha dzoṱhe dzi ḓo kuvhanganywa khoroni yawe. Ndi hone a tshi ḓo khethekanya vhathu sa mulisa a tshi khethekanya nngu na mbudzi. 33
25:33
Esek. 34:17
U ḓo khadela nngu thungo ya tshanḓa tshauḽa, mbudzi a dzi khadela thungo ya tshamonde. 34Ndi hone Khosi i tshi ḓo amba na vhaḽa vha re thungo ya tshanḓa tshauḽa ya ri, ‘Iḓani inwi no shudufhadzwaho nga Khotsi anga, ni dzhene muvhusoni we na lugiselwa wone u bva tshee shango ḽa tewa. 35
25:35-36
Yes. 58:7
Ndo vhuya nda pfa nḓala inwi na mpha zwiḽiwa; nda pfa ḓora na mpha maḓi; ndo vha ndo kovhelelwa inwi na ntswielela; 36ndo vha ndi na tsiku inwi na ntshavhedza; ndi tshi lwala na ḓa na nṱola; musi ndi dzhele na ḓi ḓa u mmbona.’

37

25:37
Mat. 6:3
“Ndi hone vhavhuya vhaḽa vha tshi ḓo mu fhindula vha ri, ‘Muṋe washu, ndi lini he ra wana vhe na nḓala ra vha ṋea zwiḽiwa kana vhe na ḓora ra vha ṋea maḓi? 38Ndi lini he ra wana vho kovhelelwa ra vha swielela, kana vhe na tsiku ra vha shavhedza? 39Ndi lini he ra wana vha tshi lwala kana vhe dzhele ra ḓa u vha ṱola?’

40

25:40
Mir. 19:17
Mat. 10:40,42
12:50
28:10
Heb. 2:11
“Ndi hone Khosi i tshi ḓo vha fhindula ya ri, ‘Thetshelesani ndi ni vhudze: ndi ri zwenezwiḽa zwe na zwi itela muṅwe wa havha vharathu vhanga vha nyadzeaho, no zwi itela Nṋe.’

41

25:41
Judasi 7
Nzumb. 20:10,15
“A konou ḓo amba-vho na vhaḽa vha thungo ya tshanḓa tshamonde a ri, ‘Nṱutsheleni inwi no teketelwaho nga Mudzimu ni ye muliloni wo vhaselwaho diabolo na vharuṅwa vhawe. 42Ndo vhuya nda pfa nḓala ni si mphe zwiḽiwa; nda pfa ḓora ni si mphe maḓi; 43ndo vha ndo kovhelelwa ni si ntswielele, ndi na tsiku ni si ntshavhedze, ndi tshi lwala na musi ndi dzhele ni si ḓe na nṱola.’

44“Ndi hone vha tshi ḓo mu fhindula-vho vha ri, ‘Muṋe washu, ndi lini he ra vha wana vhe na nḓala naho vhe na ḓora kana vho kovhelelwa kana vhe na tsiku kana vha tshi khou lwala naho vhe dzhele ri si vha londe?’

45

25:45
Mir. 19:17
Mat. 10:40,42
12:50
28:10
Heb. 2:11
“Ndi hone a tshi ḓo vha fhindula a ri, ‘Thetshelesani ndi ni vhudze: henefhaḽa he na litsha u zwi itela muṅwe wa havha vha nyadzeaho, ḓivhani uri na Nṋe a no ngo nnyitela.’ 46
25:46
Joh. 5:29
Dan. 12:2
Jak. 2:13
Zwenezwo ndi hone vha tshi ḓo ṱuwa vha ya tshengeloni i sa gumi, vhavhuya vha tshi ya vhutshiloni vhu sa gumi.”

26

Vhathu vha tshi langana u vhulaha Yesu

(Mar. 14:1-2; Luk. 22:1-2; Joh. 11:45-53)

261Musi Yesu o fhedza u amba maipfi ayo oṱhe a amba na vhafunziwa vhawe a ri, 2

26:2
Mat. 16:21
“Ḓivhani uri hu tshee ho sala maḓuvha mavhili hu tshi ḽiwa vhuṱambo ha Paseka. Ndi hone Mubebwa-nga-muthu a tshi ḓo kumedzwa uri a vhambiwe tshifhambanoni.”

3

26:3
Joh. 11:49
Zwenezwo vhotshifhe vhahulwane na vhahulwane vha lushaka vha kuvhangana khoroni ya tshifhe muhulu we a vha a tshi pfi Khayafasi, 4
26:4-5
Mat. 21:46
vha vhamba maano a u fara Yesu nga vhukwila uri vha mu vhulahe. 5Hone vha ri, “Ri songo mu fara vhuṱamboni; vhathu vha nga ḓo ri vutshela.”

Yesu a tshi ḓodzwa tshiḓolo tshi nukhelelaho muḓini wa Bethania

(Mar. 14:3-9; Joh. 12:1-8)

6

26:6-7
Luk. 7:37-38
Yesu o vha e Bethania nḓuni ya Simoni uḽa wa u lwala vhulwadze ha lukanda. 7Ha ḓa muṅwe musadzi o fara tshiḓolo tshi nukhelelaho nga khambana ya alibastere. Itsho tshiḓolo tsho vha tshi tsha mutengo muhulu. Uyo musadzi a mbo ḓi shululela tshiḓolo kha ṱhoho ya Yesu.

8Vhafunziwa vhawe vha tshi zwi vhona vha vhilaela vha ri, “Nṋa u itani a tshi tambisa itshi tshiḓolo? 9Khezwi tshi songo rengiswa nga tshelede nnzhi ya ṋewa zwayo vhashai?” 10Hone Yesu a ḓivha zwine vha amba. Ndi hone a tshi fhindula a ri, “Ni songo ṱolou dina hoyu musadzi. Kani ho ngo nnyitela zwavhuḓi? 11

26:11
Dot. 15:11
Vhashai ni ḓo ḓi dzula ni navho misi yoṱhe, hone Nṋe a ni nga vhi na Nṋe misi yoṱhe. 12
26:12
Joh. 19:40
Hoyu musadzi a tshi ḓodza muvhili wanga mapfura aya ho vha u nndugisela ḓuvha ḽa u swiṱwa hanga. 13Zwino ipfani-ha: zwe hoyu musadzi a nnyita a zwi nga hangwiwi; dzina ḽawe ḽi ḓo pfala-vho hoṱhe-hoṱhe hune mafhungo maḓifha aya a ḓo anḓadzwa hone shangoni ḽoṱhe.”

Judasi a tshi fheṱa Yesu

(Mar. 14:10-11; Luk. 22:3-6; Joh. 13:2,27; Mish. 1:16-19)

14Ndi hone hu tshi takuwa muṅwe wa vha 12 a no pfi Judasi Iskariote, a ya ha vhotshifhe vhahulwane 15

26:15
Ek. 21:32
Zak. 11:12-13
Joh. 11:57
13:2
a ri, “Ni ḓo mpha vhugai arali nda ni kumedza Ene?” Vha langana nae uri vha ḓo mu fha maseṱha a 30. 16
26:16
1 Tim. 6:9-10
U bva zwenezwo Judasi a mbo ḓi thoma u ṱoḓa tshifhinga tsha u vha sumbedza hune vha nga wana Yesu.

Yesu a tshi lugiselwa Paseka

(Mar. 14:12-17; Luk. 22:7-14)

17

26:17-29
Ek. 12:1-14
26:17
Ek. 12:15-20
Nga ḓuvha ḽa u thoma ḽa vhuṱambo ha Vhurotho vhu si na mbilisa vhafunziwa vha ḓa ha Yesu vha mu vhudzisa vha ri, “Vhafunzi, vha funa ri tshi yo vha lugisela ngafhi tshilalelo tsha Paseka?” 18
26:18
Joh. 7:6,8
Mat. 21:3
Yesu a fhindula a ri, “Dzhenani muḓini ni ye ha mukene ni mu vhudze ni ri, ‘Vhafunzi vha ri: Tshifhinga tshanga tsho sendela; ndi khou ṱoḓa u ḽa Paseka na vhafunziwa vhanga nḓuni yavho.’ ”

19Vhafunziwa vha mbo ya vha ita zwenezwo zwe Yesu a vha laedza, vha konou lugisa tshilalelo tsha Paseka.

Yesu a tshi amba uri Judasi u ḓo mu fheṱa

(Mar. 14:17-21; Luk. 22:21-23; Joh. 13:21-30)

20Nga madekwana Yesu a dzula zwiḽiwani na vha 12. 21Musi vha tshi khou ḽa, Yesu a ri, “Zwino ipfani-ha: muṅwe waṋu henefha u ḓo mpheṱa.” 22Zwa vha dina, vha thoma u mu vhudzisa nga muthihi nga muthihi vha ri, “Kani Muṋe wanga vha khou amba nṋe?”

23

26:23
Ps. 41:9
A fhindula a ri, “Ane a ḓo mpheṱa ndi a thothaho na Nṋe fhano. 24
26:24
Ps. 22:6-7,15-18
Yes. 53:3-9
Zwe Maṅwalo a tela Mubebwa-nga-muthu zwi ḓo ṱuwa zwi tshi itea, hone hoyo ane a ḓo mu fheṱa u ḓo zwi vhona. Onoyo u ḓo ita na u ḓisola zwe a vhuya a bebwa.”

25Judasi, we a sala a tshi mu fheṱa a mbo vhudzisa a ri, “Kani a nga vha e nṋe Vhafunzi?” Yesu a fhindula a ri, “Ndi zwenezwo.”

Yesu a tshi ḽa Tshilalelo na vhafunziwa vhawe

(Mar. 14:22-26; Luk. 22:15-20; 1 Korint. 11:23-25)

26

26:26-28
1 Korint. 10:16
11:23-25
Musi vha tshi khou lalela, Yesu a dzhia vhurotho, a livhuha Mudzimu a konou vhu ṅwatekanya a ṋea vhafunziwa vhawe a tshi ri, “Ṱanganedzani ni ḽe; hoyu ndi muvhili wanga.”

27O no ralo a dzhia tshinwelo, a livhuha Mudzimu a vha ṋea a ri, “Inwani ngatsho noṱhe. 28

26:28
Ek. 24:8Zak. 9:11
Liv. 17:11
Mat. 20:28Jer. 31:31
Heb. 7:22
9:15-20
13:20
Haya ndi malofha anga ane a shululelwa vhathu vhanzhi uri vha hangwelwe vhutshinyi; malofha anga haya ndi a u khwaṱhisa mulanga wa Mudzimu. 29
26:29
Nzumb. 19:7,9
Zwino ipfani-ha: u bva ṋamusi a thi tsha ḓo dovha nda nwa waini ndi vhuye ndi i nwe na inwi nga huswa nga heḽo ḓuvha muvhusoni wa Khotsi anga.” 30Ndi hone vha tshi imba luimboNdi Ps. 115 – 118, dze vha vha vha tshi ḓi dzi imba vha tshi vuledza Paseka. vha konou ya Thavhani ya Miolivi.

Yesu a tshi porofita uri Pitrosi u ḓo mu landula

(Mar. 14:27-31; Luk. 22:31-34; Joh. 13:36-38)

31

26:31
Zak. 13:7
Joh. 16:32
Mat. 26:56
Ndi hone Yesu a tshi vha vhudza a ri, “Vhusiku honovhu noṱhe ni ḓo nndaṱa, ngauri ho ṅwalwa ha pfi,

“ ‘Ndi ḓo vhulaha mulisa,

nngu dza sambi dza balangana.’

32

26:32
Mat. 28:7,16
“Hone musi ndo no vuswa vhafuni hu ḓo ranga Nṋe u ya Galelia, inwi na konou tevhela.”

33Ndi hone Pitrosi a tshi amba na Yesu a ri, “Naho vhoṱhe vha tshi nga vha laṱa, nṋe ndi nga si vhuye nda vha laṱa.” 34

26:34
Mat. 26:69-75
Yesu a mu fhindula a ri, “Litshani ndi ni vhudze: hu ḓo ri vhusiku ha ṋamusi mukukulume u sa athu lila, na vha no no landula kararu na ri a ni nnḓivhi.” 35
26:35
Mat. 26:56
Pitrosi a dovha a khwaṱhisa a ri, “Nangwe nda tou pfi ndi fe navho, ndi nga si vhuye nda ri a thi vha ḓivhi!” Na vhaḽa vhaṅwe vhafunziwa vhoṱhe vha ḓi ralo-vho.

Yesu a tshi rabela tsimuni ya Getsemani

(Mar. 14:32-42; Luk. 22:39-46)

36

26:36-46
Luk. 5:16
Ndi hone Yesu a tshi ṱuwa na vhafunziwa vha ya fhethu hu no pfi Getsemani. Vha tshi swika a vha vhudza a ri, “Salani henefha, Nṋe ndi kha ḓi ya fhaḽa u rabela.” 37
26:37
Mat. 4:21
A ṱuwa na Pitrosi na vhana vhavhili vha Zebedia, a ṱungufhala o tou hanganea. 38A amba navho a ri, “Mbilu yanga i vhavha lune nda tou nga ndi sa fa. Dzulani henefha ri tshesisane.” 39
26:39
Mat. 20:22
Joh. 18:11
Heb. 4:15
5:7-8
10:9
A fhirela phanḓanyana a ḓiposa fhasi a wa nga tshifhaṱuwo a rabela a ri, “Khotsi anga, arali zwi tshi konadzea itshi tshinwelo a tshi mpfuki zwanga naa? Naho ndi tshi ralo hu songo itwa zwine Nṋe nda zwi funa, nga hu itwe zwi funwaho nga Iwe.”

40A tshi vhuya, a wana vhaḽa vhafunziwa vho eḓela, a amba na Pitrosi a ri, “Ni tou kundwa na u pandela khofhe na Nṋe awara nthihi zwayo na? 41

26:41a
Ef. 6:18
Fhaṱuwani ni rabele uri ni si ungwe. Mbiluni ni a zwi funa; ni ro kundwa nge na vha vhathu vha ṋama.”

42

26:42
Mat. 6:10Mat. 20:22
A dovha a yo rabela a ri, “Khotsi anga, arali zwi sa konei uri tshinwelo itshi tshi mpfuke, nga hu itwe zwine Iwe wa funa.” 43A tshi vhuya a ḓi wana vho dovha vha eḓela, ngauri maṱo avho o vha a tshi khou lemela nga khofhe.

44

26:44
2 Korint. 12:8
A vha sia henefho a dovha a yo rabela lwa vhuraru, a ḓi amba maipfi eneaḽa. 45A tshi vhuya kha vhafunziwa a vha vhudza a ri, “Nṋa ni tshee no eḓela zwaṋu no ḓiawetshela? Tshikhathi tshazwo tsho swika. Zwino Mubebwa-nga-muthu ndi hone o kumedzwa zwanḓani zwa vhatshinyi. 46Takuwani ri ṱuwe; uḽa muthu we a mpheṱa asuyu o swika.”

Yesu a tshi farwa

(Mar. 14:43-52; Luk. 22:47-53; Joh. 18:3-12)

47

26:47
Mat. 26:14,25
Musi a tshi kha ḓi amba ha mbo bvelela Judasi, we a vha e muṅwe wa vha 12, e na tshigwada tshihulwane tsho hwala mapanga na dzithonga, tsho rumiwa nga vhotshifhe vhahulwane na vhahulwane vha lushaka. 48Tshiḽa tshifheṱi tsho vha tsho dzula tsho vha vhudza tsha ri, “Ane nda ḓo mu resha nga u tou mu kuvhatedza, ndi ene. Ni mu fare.” 49Judasi e u swika a mbo ḓi ya ha Yesu a ri, “Ri a vusa Vhafunzi!” a tshi ralo a mu kuvhatedza. 50Hone Yesu a mu fhindula a ri, “Hee khonani, itani tshe na ḓela tshone!”Kana: “no ḓelani?” Vhaḽa vha mbo ḓi sendela vha fara Yesu. 51Muṅwe wa vhaḽa vhe vha vha vhe na Yesu a mbo ḓi ṱomola banga ḽawe a tshi ri a reme phuli ya tshifhe muhulu, a i tumula nḓevhe. 52
26:52
Gen. 9:6
Yesu a amba nae a ri, “Vhuedzedzani banga ḽaṋu tshilandani tshaḽo; vhoṱhe vhane vha rema vhaṅwe nga banga vha ḓo vhulawa-vho ngaḽo. 53
26:53
2 Mah. 6:17
Kani ni vhona unga zwi a nkunda u humbela Khotsi anga a mbo ḓi nthumela mmbi dza vharuṅwa dzi fhiraho 12? 54
26:54
Yes. 53:7-10
Mat. 26:24
Hone arali nda ralo Maṅwalo a nga khunyeledzwa hani a tshi ri ndi fanela u itwa zwenezwi?”

55Zwenezwo Yesu a amba na tshigwada tshiḽa tsha vhathu a ri, “No tou vhuya na bva no hwala mapanga na dzithonga ni tshi ḓa u fara Nṋe nda nga ndi ḽivemu naa? Hufha ḓuvha ḽiṅwe na ḽiṅwe ndo vha ndi tshi ṱwa thembeleni ndi tshi funza vhathu; no kundwa ngani u mpfara? 56

26:56
Luk. 24:44-46
Hone izwi zwoṱhe zwo itea uri hu khunyelele Maṅwalo a vhaporofita.”

Zwi tshi ralo vhafunziwa vhawe vhoṱhe vha mu ṱutshela vha shavha.

Yesu a tshi sengiswa khoroni ya Majuda

(Mar. 14:53-65; Luk. 22:54-71; Joh. 18:13-14,19-24)

57Vhe vha vha vho fara Yesu vha mbo ṱuwa nae vha mu isa ha Khayafasi tshifhe muhulu. Henefho ho vha ho no kuvhangana vhaḓivhi vha Mulayo na vhahulwane vha lushaka. 58Pitrosi a tevhela Yesu nga kule vha vhuya vha swika khoroni ya tshifhe muhulu, a dzhena-vho, a dzula fhasi na vhalindi uri a vhone uri zwi ḓo gumafhi.

59

26:59-60
Ps. 27:12
35:11
Vhotshifhe vhahulwane na vhanna vha khoro vha ṱoḓa vhuṱanzi ha u zwifha ha u hwesa Yesu mulandu uri a vhulawe, 60hone ha si wanale, naho ho ḓa ṱhanzi nnzhi dza u zwifha. Ha vhuya ha ḓa ṱhanzi mbili 61
26:61
Joh. 2:19-20
Mish. 6:14
dza ṱanzilela dza ri, “Hoyu muthu o amba a ri u ḓo thutha nnḓu ya Mudzimu a dovha a i fhaṱa ya fhela nga maḓuvha mararu.”

62

26:62
Yes. 53:7
Mat. 27:12-14
Ha vhuya ha takuwa tshifhe muhulu a vhudzisa Yesu a ri, “Nṋa a hu na ḽine na ḓifhindulela-vho? A ni khou pfa zwine havha vha khou ni hwelela ngazwo?” 63
26:63
Mat. 14:3327:40,43
Yesu a si fhindule tshithu.

Ndi hone tshifhe muhulu a tshi mu anisa a ri, “Ndi ni anisa nga Mudzimu a tshilaho ndi ri ni ri vhudze arali e inwi Mesia, Murwa wa Mudzimu.” 64

26:64
Ps. 110:1
Dan. 7:13
Mat. 22:4424:30
Yesu a mu fhindula a ri, “Ndi zwenezwo. Nazwino ndi ni vhudza ndi ri: Noṱhe ni ḓo vhona ‘Mubebwa-nga-muthu a tshi ḓa e kha gole o dzula thungo ya tshauḽa tsha Ramaanḓaoṱhe vha tshi vhusa vhoṱhe.’ ”

65

26:65
Num. 14:6
Esra 9:3
Tshifhe muhulu a mbo kherukanya zwiambaro zwawe a ri, “Asuyu u khou tamba nga Mudzimu! Ri kha ḓi ṱoḓa dziṅwe ṱhanzi dza mini? Hufha no tou mu pfa nga nḓevhe dzaṋu a tshi khou tamba nga Mudzimu! 66Vha hashu, ni ri mini?” Vha fhindula vha ri, “U na mulandu, nga a vhulawe!” 67
26:67
Yes. 50:6
Ndi hone vha tshi mu pfela mare khofheni vha mu sinḓa nga mavili 68
26:68
Mat. 21:11
vha ri, “Hee Mesia, ri porofitele uri ndi nnyi o u rwaho!”

Pitrosi a tshi landula Yesu

(Mar. 14:66-72; Luk. 22:56-62; Joh. 18:15-18,25-27)

69Zwino Pitrosi o vha a tshee o dzula ngei nnḓa khoroni. Muṅwe mushumi wa musidzana a ḓa khae a ri, “Na vhone vho vha vhe na hoyu Yesu wa Galelia.” 70Pitrosi a hanedza vhoṱhe vha tshi khou mu pfa a ri, “Ayo thi a ḓivhi!” 71Pitrosi a takuwa o livha getheni, a dovha a vhonwa nga muṅwe musidzana, uyo a vhudza vho imaho henefho a ri, “Na onoyu munna o vha e na Yesu wa Nazaretha.” 72Pitrosi a dovha a hanedza a tou ana a ri, “Uyo munna thi mu ḓivhi!” 73Hu si kale vha ḓa vha vhudza Pitrosi vha ri, “Ni songo hanedza uri ni muṅwe ngavho, hufha na kuambele kwaṋu ku tshi ni dzumbulula.” 74Pitrosi a vhuya a tou ana a ri, “Arali ndi tshi khou zwifha Mudzimu kha a nthwe. Hoyu munna ndi ri a thi mu ḓivhi!” A tshi tou ralo mukukulume wa vha u a lila. 75

26:75
Mat. 26:34
Pitrosi a mbo elelwa zwiḽa zwe Yesu a amba a tshi ri, “Hu ḓo ri mukukulume u sa athu lila na vha no no nndandula kararu.” A mbo ḓi bva, a thoma u lila lu ṱungufhadzaho.