Tshivenda 1998 (VEN98)
22

Tshifanyiso tsha munyanya muhulu

(Mir. 9:1-6; Luk. 14:16-24)

221Yesu a dovha a amba na vhathu nga zwifanyiso, a vha hanelela a ri, 2

22:2
Nzumb. 19:7-9
“Muvhuso wa Mudzimu u fana na muthu wa khosi o itelaho ṅwana wawe wa mutuka munyanya wa mbingano. 3A ruma vhaḓinḓa vhawe u yo vhidza vho vhidzwaho, vhone vha landula. 4
22:4
Mat. 21:36
A dovha a ruma vhaṅwe vhaḓinḓa a ri, ‘Vhudzani vho vhidzwaho ni ri: Ndo no lugisa munyanya wanga, na dziphulu na mbohwana dzo nonaho ndo no ṱhavha; zwoṱhe zwo dzula zwo luga. Iḓani-ha munyanyani!’ 5Hone vho vhidzwaho vha si ḓe, muṅwe a ya tsimuni yawe, muṅwe a ya mushumoni wawe. 6
22:6
Mat. 21:35
Vhaṅwe vha levhela vhaḓinḓa vhawe vha vha fara vha vha vhulaha. 7
22:7
Mat. 21:41
24:2
Khosi ya sinyuwa nga maanḓa, ya ruma mmbi dzayo u yo vhulaha dziḽa phondi na u fhisa muḓi wadzo.

8

22:8
Mat. 8:12
“Ndi hone khosi i tshi vhudza vhaḓinḓa vhayo ya ri, ‘Munyanya ndo lugisa, vho vhidzwaho vha ro vha vha songo fanelwa. 9Iyani-ha magondoni ni sokou vhidza muṅwe na muṅwe ane na tshenuwa no ṱangana nae.’ 10Nangoho vhaḽa vhaḓinḓa vha ya dzinḓilani vha vhidza vhoṱhe vhe vha ṱangana navho, vhavhi na vhavhuya, vhoṱhe. Nnḓu ya ḓala vho vhidzwaho munyanyani.

11

22:11
Nzumb. 19:8
“Musi khosi i tshi ḓa u sedza vho dzulaho zwiḽiwani a vhona muṅwe munna henefho a songo ambaraho zwiambaro zwa munyanya. 12A mu vhudzisa a ri, ‘Hee, khonani, nṋa zwo ḓa hani ni tshi sokou ḓa fhano munyanyani ni songo ambara zwiambaro zwa munyanya?’ Uḽa a kundwa ḽa u fhindula. 13
22:13c
Mat. 8:12
Ndi hone khosi i tshi vhudza vhashumi vhayo ya ri, ‘Mu vhofheni milenzhe na zwanḓa ni mu pose ngei nnḓa swiswini. Henefho vha ḓo lila, vha ita na u shenganya maṋo nga vhuṱungu.’

14“Ho vhidzwa vhanzhi; ho ro nangiwa vha si gathi.”

U thela muthelo wa Khisara

(Mar. 12:13-17; Luk. 20:20-26)

15Ndi hone Vhafarisei vha tshi yo ita vhukwila ha u mu fasha arali a tshi nga amba ipfi ḽi songo ḓaho. 16Vha ruma vhaṅwe vha vhafunziwa vhavho khathihi na vhaṅwe vha ḽihoro ḽa Herude. Vhenevho vha mu vhudzisa vha ri, “Vhafunzi, ri a zwi ḓivha uri vhone vha munna a fulufhedzeaho, tshavho ndi u funza nḓila yone-yone ine Mudzimu a funa vhathu vha tshi tshila ngayo; vha tshi amba a vha thomi u sedza uri ndi nnyi, ngauri a vha ṱaluli muthu. 17Zwino vhone vha zwi vhona hani? Nga vha dzou ri vhudza: Nṋa Mulayo washu u a ri tendela ri tshi thela muthelo wa Khisara“Khisara” a si dzina ḽa muthu, ndi khosi khulu ya Vharoma. kana a u ri tendeli?”

18Hone Yesu nga u ḓivha vhukwila havho a amba navho a ri, “Vhadziamuhoyo ndinwi, ni nndingelani? 19Ntsumbedzeni tshelede ine na thela ngayo ndi i vhone.” Ndi hone vha tshi mu sumbedza sheleni. 20A vha vhudzisa a ri, “Nṋa iyi ṱhoho na dzina iḽi ndi zwa nnyi?” 21

22:21
Rom. 13:7
Vha fhindula vha ri, “Ndi zwa Khisara.” Yesu a ri, “Ahaa, izwo Khisara mu fheni zwi re zwawe; Mudzimu ni mu fhe-vho zwi re zwawe.”

22Vha tshi pfa phindulo yawe vha kanuka, vha mu litsha vha ṱuwa.

Vhasadukei na zwa u vuswa ha vhafu

(Mar. 12:18-27; Luk. 20:27-40)

23

22:23
Mish. 4:1-2
23:6-8
Ḽeneḽo ḓuvha vhaṅwe Vhasadukei vha ḓa ha Yesu (ndi vhaḽa vha no ri u vuwa ha vhafu a huho), vha mu vhudzisa 24
22:24
Dot. 25:5-6
Gen. 38:8
vha ri, “Vhafunzi, Mushe o ri arali muthu a tshi fa a si na ṅwana, murathu wawe u fanela a dzhia musadzi wawe uri a bebele mukomana vhana. 25Zwino, hafhano ha hashu ho vha hu na vhaṱhannga vhaṱanu na vhavhili, vhana vha munna. Wa tanzhe a dzea, a vhuya a fa a sa athu vha na ṅwana, a siela murathu musadzi wawe. 26Na onoyo a fa nga u ralo a si na ṅwana, na wa vhuraru zwa ḓi ralo, na a tevhelaho, zwa vhuya zwa ṱanganya vhoṱhe vhuṱanu na vhuvhili havho. 27Ha fhedza nga u fa na uḽa musadzi. 28Zwino musi vhafu vha tshi vuswa, musadzi uyo u ḓo vha wa nnyi kha havha vhaṱanu na vhavhili? Hufha vhoṱhe o vha musadzi wavho?”

29Yesu a vha fhindula a ri, “Nṋa no tou xela tshingafhani, ngauri hu Maṅwalo, hu maanḓa a Mudzimu, a ni a ḓivhi. 30

22:30
1 Joh. 3:2
Musi vhafu vha tshi vuswa vha ḓo nga vharuṅwa vha ngei ṱaḓulu; zwa u dzea na u dzewa a zwi nga vhi hone.

31“Kha a u vuswa ha vhafu ndi ri: Nṋa a ni athu vhala fhaḽa hune Mudzimu a ri, 32

22:32
Ek. 3:6
‘Ndi Nṋe Mudzimu wa Abrahamu, na wa Isaka, na wa Jakopo’? Zwino hufha Mudzimu e si Mudzimu wa vho faho, e Mudzimu wa vha tshilaho.”

33Magogo a tshi pfa pfunzo yawe a akhamala.

Mulayo muhulwane kha yoṱhe

(Mar. 12:28-34; Luk. 10:25-28)

34Vhafarisei vha tshi pfa uri Yesu o kunda Vhasadukei, na vhone vha kuvhangana vha mu langana; 35muṅwe wavho we a vha e muḓivhi wa Mulayo a mu vhudzisa mbudziso ya u mu fasha a ri, 36“Yone ndaela khulwane ya Mulayo woṱhe ndi ifhio?”

37

22:37
Dot. 6:5
Yesu a mu fhindula a ri, “ ‘Funa Muṋe wau Mudzimu nga mbilu yoṱhe, nga zwoṱhe zwine wa vha zwone, nga ṱhalukanyo yau yoṱhe.’ 38Ndi yone ndaela khulwane ya u ranga. 39
22:39
Liv. 19:18
Mat. 5:44
19:19Rom. 13:9
Gal. 5:14
Jak. 2:8
I tevhelaho ine ya fana nayo khei: ‘Funa muṅwe unga iwe muṋe.’ 40
22:40
Mat. 5:17
Rom. 13:10
Ndaela idzi mbili dzi katela Mulayo woṱhe na Maṅwalo a vhaporofita.”

Mesia a nga vha muḓuhulu wa Dafita naa?

(Mar. 12:35-37; Luk. 20:14-44)

41Musi Vhafarisei vho no kuvhangana Yesu a vha vhudzisa mbudziso 42

22:42
Mat. 1:1
a ri, “Zwa Mesia inwi ni ri mini ngazwo? Ni vhona unga ndi Murwa wa nnyi?” Vha mu fhindula vha ri, “Ndi wa Dafita.” 43
22:43-44
Ps. 110:1
Mish. 2:33
Yesu a konou ri, “Hufha Dafita o amba ó ḓala Muya Mukhethwa a ri Mesia ndi Muṋe wawe, zwiḽa a tshi ri,

44

22:44
Mish. 2:34-35
1 Korint. 15:27
Heb. 1:13
8:1
“ ‘Muṋe washu

o amba na Muṋe wanga a ri:

Dzula hafha thungo ya tshauḽa tshanga,

ri vhuse roṱhe,

ndi vhuye ndi ite maswina au vhukando ha milenzhe yau.’

45“Asizwo-ha: arali Dafita ene muṋe a tshi mu ita Muṋe wawe zwi nga ḓa hani uri Mesia a vhe murwa wawe?”

46A hu na na muthihi we a kona u fhindula Yesu na ipfi na ḽithihi, nahone u bva heḽo ḓuvha a hu tshee na we a edzisa u mu vhudzisa mbudziso.

23

Yesu a tshi kaidza Vhafarisei na vhaḓivhi vha Maṅwalo

(Mar. 12:37b-40; Luk. 11:43-46; 12:45-47; 20:45-46)

231Ndi hone Yesu a tshi amba na magogo khathihi na vhafunziwa vhawe 2

23:2
Esra 7:10
a ri, “Vhaḓivhi vha Maṅwalo na Vhafarisei vho ima vhuimoni ha Mushe. 3
23:3
Rom. 2:21-23
Itani-ha zwoṱhe zwine vha ni vhudza, ni zwi tevhedze, hone vhone vhaṋe ni songo vha edzisa; vha vhea milayo ine vhone vhaṋe vha si tevhedze. 4
23:4
Mat. 11:28-30
Vha vhofha maputo a lemelaho vha hwesa vhathu, ngeno vhone vhaṋe vha sa a kwami na nga munwe zwawo. 5
23:5
Mat. 6:1
Ek. 13:9,16
Dot. 6:8
Num. 15:38
Zwoṱhe zwine vha ita vha itela u vhonwa nga vhathu fhedzi: ṱhohoni dzavho na zwanḓani vha vhofha mabannda mahulwane ane khao vha ṅwala vese dza Bivhili, kha badzhi dzavho vha rungelela mashaphu malapfulapfu.Ndi uri Vhafarisei vho tevhedza Dot. 6:8 nga nḓila hei: Vho dzhia zwimbambiri vha ṅwala khazwo vese dzi no nga Ek. 13:1-16 na Dot. 6:4-9; 11:13-21. Kha Num. 15:37-41 hu ambiwa na mashaphu a re na mushumo wonoyo. 6Vha nanga madzulo a phanḓa minyanyani na sinagogoni. 7Vha funa u loshwa khoroni na u pfi ‘Vhafunzi!’ 8
23:8
Joh. 13:13
Fhedzi inwi ni songo tenda u pfi ‘Vhafunzi’; mufunzi waṋu ndi muthihi, inwi noṱhe ni tou vha vharathu na vhakomana. 9
23:9
Mat. 6:9
7:11
Na u ita muthu, ‘Khotsi’Ndi uri mufunzi a huliseaho nga maanḓa kha Majuda o vha a tshi itwa “Khotsi”. fhano shangoni ni songo zwi ita; Khotsi aṋu ndi muthihi, ndi wa ṱaḓulu. 10Ni songo tenda u pfi ‘Vharangaphanḓa’; murangaphanḓa waṋu ndi muthihi, ndi Mesia. 11
23:11
Mat. 20:26Mar. 9:35
Luk. 9:48
Ane a vha muhulwane waṋu nga a vhe ene mushumeli waṋu; 12
23:12
Luk. 14:11
18:14
1:52
Ps. 75:7147:6
138:6
1 Sam. 2:7-8
Mat. 18:4
ngauri ane a ḓihudza u ḓo ṱukufhadzwa; ane a ḓiṱukufhadza u ḓo huliswa.

13“Ni ḓo zwi vhona inwi vhaḓivhi vha Maṅwalo na Vhafarisei; vhahoi ndinwi! Ni khielela vhathu nnḓa ha muvhuso wa Mudzimu. Inwi vhaṋe a ni dzheni, na dovha na dzivhisa vhane vha funa u dzhena.Vese 14 a i wanali kha ṱhanzi dza kale-kale. I fana na Mar. 12:40.

15“Ni ḓo zwi vhona inwi vhaḓivhi vha Maṅwalo na Vhafarisei; vhahoi ndinwi! Ni wela lwanzhe na buḓekanya mashango ni tshi ṱoḓa muthu muthihi ane na nga mu rembulusela kha lutendo lwaṋu; matsiko u ralo ha vha u mu ita muthu o fanelaho hele u fhira inwi kavhili.

16

23:16
Mat. 15:14
“Ni ḓo zwi vhona inwi vhane ngeno ni mabofu na endedza vhaṅwe; ni ri arali muthu a tshi ana nga nnḓu ya Mudzimu a zwi na mushumo, hone arali a tshi ana nga musuku u re nḓuni ya Mudzimu ndi hone o ḓivhofha. 17Matsilu o pofulaho ndinwi. Matsina tshihulwane ndi tshifhio? Ndi musuku kana ndi nnḓu ya Mudzimu ine ya ita na musuku uri u vhe mukhethwa? 18Na dovha na ri arali muthu a tshi ana nga aḽiṱari a zwi na mushumo, fhedzi arali a tshi ana nga nduvho i re khayo, ndi hone o ḓivhofha. 19
23:19
Ek. 29:37
Mabofu ndinwi! Matsina tshihulwane ndi tshifhio? Ndi nduvho kana ndi aḽiṱari ine ya ita na nduvho uri i vhe khethwa? 20Ngauralo ane a ana nga aḽiṱari u ana ngayo na nga tshiṅwe na tshiṅwe tshi re khayo. 21
23:21
1 Mah. 8:11-13
Zwi ḓi nga ane a ana nga nnḓu ya Mudzimu u ana ngayo na nga Mudzimu ane a dzula khayo. 22Zwi ḓi nga ane a ana nga ḽiṱaḓulu u ana nga khuluṋoni ya Mudzimu a dovha a ana na nga Ene Mudzimu o dzulaho khayo.

23

23:23
Liv. 27:30
Luk. 18:12
“Ni ḓo zwi vhona, inwi vhaḓivhi vha Mulayo na Vhafarisei; vhahoi ndinwi! Ni bvisa tsha fumi tsha miroho ya nngu na muxe na luṋonya,Ndi uri miroho hei ya Tshijuda a i na madzina a Tshivenḓa; hu ambiwa miroho ya u ḓifhisa zwiḽiwa. na litsha u khunyeledza tshihulwane tsha Mulayo: a ni tsha londana, a ni na mbilutshilidzi, a ni fulufhedzei. Matsina ndi zwone zwe na vha no fanela u zwi ita, na zwiḽa zwiṅwe ni si zwi litshe. 24Ni endedza vhaṅwe ngeno inwi ni mabofu, inwi vhane na miṋa vhunyunyu ngeno gamela ni tshi mila nayo.

25

23:25
Mat. 15:1-10
Mar. 7:4
“Ni ḓo zwi vhona inwi vhaḓivhi vha Maṅwalo na Vhafarisei; vhahoi ndinwi! Ni ṱanzwa khavho na ndilo nga nnḓa, ngeno ngomu zwo fara zwe na zwi wana nga vhuvemu na tseḓa. 26
23:26
Joh. 9:40
Vhafarisei, mabofu ndinwi, thomani u ṱanzwa khavho ngomu hayo, ndi hone na nnḓa i sa ḓo vha na tshika.

27

23:27
Mish. 23:3
Num. 19:16
“Ni ḓo zwi vhona inwi vhaḓivhi vha Maṅwalo na Vhafarisei; vhahoi ndinwi! Ni fana na zwalo zwo nakiswaho: zwi naka nga nnḓa, ngeno ngomu zwo ḓala marambo a vho faho na tshika. 28
23:28
*Luk. 16:15
Na inwi no ralo: vhathu vha tshi ni vhona ni nga ni vhavhuya, ngeno ngomu haṋu vhu vhufhura fhedzi na vhuvhi.

29

23:29
Mish. 2:29
“Ni ḓo zwi vhona inwi vhaḓivhi vha Maṅwalo na Vhafarisei; vhahoi ndinwi! Ni vusa matombo a zwalo zwa vhaporofita, na ṱama zwalo zwa vhavhuya, 30na ri, ‘Ngavhe hu vhe riṋe vhe ra tshila misi ya vhomakhulukuku ndi musi ri songo shulula-vho malofha a vhaporofita sa vhone.’ 31
23:31
Mish. 7:51-52
Ni tshi ralo ha vha u ḓiambulula uri ni vhana vha vho vhulahaho vhaporofita. 32Ndi zwone, ṱhaphudzani-ha zwe vhokhotsi aṋu vha siedza. 33
23:33
Gen. 3:15
Mat. 3:7
12:34
Dziṋowa ndinwi, ni maḓana a mavuluvulu, khaṱhulo ya u poswa heleni ni ḓo i ponyoka hani-ha? 34
23:34
Luk. 11:49-51
Mat. 10:17
2 Korint. 11:24
1 Thes. 2:15
Ndi zwine nda ri ndi ḓo ni rumela vhaporofita na vhaṱali na vhaḓivhi vha Maṅwalo. Vhaṅwe vhavho ni ḓo vha vhulaha, vhaṅwe na vha vhamba zwifhambanoni, vhaṅwe na vha rwa nga nnzi sinagogoni dzaṋu na vha tovhola vha bva kha uno muḓi vha shavhela kha uḽa, 35
23:35
Gen. 4:8-10
2 Koron. 24:20-21
Nzumb. 18:24
hu u itela uri malofha oṱhe a vhavhuya o shululwaho fhano fhasi a vhilwe kha inwi, u bva kha Abele we a vha a si na mulandu, u swika kha Zakaria ṅwana wa Berekia we na mu vhulaha vhukati ha nnḓu ya Mudzimu na aḽiṱari. 36Zwino ipfani-ha: oṱhe a ḓo vhiliwa kha vhathu vha musalauno.

Yesu a tshi lilela Jerusalema

(Luk. 13:34-35)

37“Hee iwe Jerusalema! Ndi amba Jerusalema, hewe une we u vhulaha vhaporofita, vhaḓinḓa vha Mudzimu vho rumiwaho kha inwi na vha kanḓa nga matombo! Nṋa ndi kangana ndi tshi ri ndi kuvhatedze vhana vhau vhoṱhe sa khuhu i tshi kuvhatedza khukhwana dzayo nga phapha, hone iwe u si tende! 38

23:38
Jer. 12:7
22:5
26:18
Esek. 10:18-19
1 Mah. 9:7-8
Zwino ndi hone-ha no ṅaledzelwa nnḓu yaṋu; Mudzimu o i ṱutshela. 39
23:39
Ps. 118:26
Filip. 2:10-11
Ndi a ni vhudza ndi ri, a ni tsha ḓo mmbona hu vhuye hu ḓe musi une na ḓo ri, ‘Nga hu rendwe a ḓaho nga dzina ḽa Muṋe washu!’ ”

24

Yesu a tshi porofita u thuthwa ha thembele

(Mar. 13:1-2; Luk. 21:5-6)

241Yesu a tshi bva thembeleni vhafunziwa vhawe vha ḓa khae vha mu sumbedza zwifhaṱo zwa thembele. 2

24:2
Luk. 19:44
Hone Ene a vha vhudza a ri, “A thi ri izwi zwifhaṱo ni khou zwi vhona? Zwino ipfani-ha: fhano a hu na tombo na ḽithihi ḽine ḽa ḓo sala ḽo dzula kha ḽiṅwe; oṱhe a ḓo piḓimulwa.”

Misi ya madambudzo na u tovholwa

(Mar. 13:3-13; Luk. 21:7-19)

3Yesu a ya a dzula fhasi Thavhani ya Miolivi, vhafunziwa vha ḓa khae vhe vhoṱhe vha mu vhudzisa vha ri, “Nga vha dzou ri vhudza uri zwine vha amba zwi ḓo itea lini; vha ri vhudze na tshiga tshine ra ḓo vhona ngatsho uri u vhuya havho na vhufhelo ha shango zwo sendela.”

4Yesu a vha fhindula a ri, “Ni dzule no thanya uri ni si fhurwe; 5hu ḓo ḓa vhanzhi vha ri ndi vhone Nṋe, muṅwe na muṅwe wavho a tshi ri, ‘Ndi nṋe Mesia.’ Vha tshi ralo vha ḓo xedza vhathu vhanzhi. 6Ni ḓo pfa mikosi ya nndwa yo ṱangana, na mavharivhari a nndwa dzi no khou ḓa. Zwi tshi ralo ni songo tshenuwa. Ndi pfanelo uri zwi itee, hone zwi sa ambi uri vhufhelo ha shango ndi hone ho swika.

7

24:7
Yes. 19:2
2 Koron. 15:6
“Tshakha dzi ḓo shandukelana; mivhuso i ḓo vutshelana. Hu ḓo wa nḓala ha vha na midzinginyo ya shango hoṱhe-hoṱhe. 8Hezwi zwoṱhe ndi tshiga tsha uri Mesia u nḓilani, unga u ḓa ha muthu muswa hu tshi rangwa phanḓa nga vhuṱungu ha u beba.

9

24:9
Mat. 5:11
24:9-14
Mat. 10:17-22
Joh. 15:20
16:1-4
“Ndi hone vha tshi ḓo ni kumedza u tambudzwa, vha ita na u ni vhulaha. Tshakha dzoṱhe dzi ḓo ni vhenga nge na vha vhanga. 10
24:10
Mat. 10:35
Luk. 12:52-53
Ndi hone vhanzhi vha tshi ḓo gunea vha fheṱana vha vhengana; 11
24:11
Mat. 7:15
1 Tim. 4:1
ha ḓa na vhaporofita vhanzhi vha khole-khole vha xedza vhanzhi. 12
24:12
2 Tim. 3:1,3
Huno ngauri vhuvhi vhu ḓo ḓi ṋaṋa vhu tshi ya, lufuno lwa vhanzhi lu ḓo fhungudzea. 13
24:13
Nzumb. 13:10
Hone ane a ḓo konḓelela a sa litshi, ndi ene ane a ḓo tshidzwa. 14
24:14
Mat. 28:19-20
Mafhungo maḓifha haya a muvhuso wa Mudzimu a ḓo ranga u ḓivhadzwa mashangoni oṱhe uri tshakha dzoṱhe dzi pfe vhuṱanzi hawo, ha konou ḓa vhufhelo.”

Khaṱhulo ya Judia

(Mar. 13:14-23; Luk. 21:20-24)

15

24:15
Dan. 9:17,27
11:31
12:11
1 Mah. 11:5,7
2 Mah. 23:13
“Musi ni tshi vhona ‘Vhuṱudzi vhu ḓisaho mutshinyalo’ ho ambiwaho nga muporofita Daniele ho imiswa fhethu hukhethwa (muvhali nga a pfesese), 16vha re Judia vha shavhele zwikwarani. 17
24:17-18
Luk. 17:31
Muthu a re kha ṱhanga ya nnḓu yawe a songo ri u tsa a lenga-lenga nga u dzhena nḓuni uri a thome u goda thundu yawe. 18A re tsimuni a songo tsha lenga-lenga nga u humela hayani a yo dzhia nguvho yawe. 19Musi zwi tshi itea, vho vhifhaho mivhilini na vha mamisaho zwi ḓo vha konḓela. 20Itonu rabela uri hezwo zwithu zwi si itee vhuriha kana nga Sabatha.Ndi uri kha ḽa Israele vhuriha ndi tshifhinga tsha mvula na phepho. Nahone nga Sabatha Majuda vho vha vha songo tendelwa u fara lwendo lulapfu. 21
24:21
Dan. 12:1
Maṱhupho a misi iyo a ḓo fhira oṱhe o no vhuyaho a vha hone u bva tshee shango ḽa sikwa u swika zwino. Nahone zwine zwa nga zwone a zwi nga dovhi zwa vha hone. 22Mudzimu ayo maḓuvha o a fhungudza. Ngavhe a si tou ralo ndi musi hu si na na ane a ḓo tshidzwa; hone u ḓo a fhungudza a tshi itela vhanangiwa.

23

24:23-25
Mat. 24:5,112 Thes. 2:9-11
Luk. 17:23-24
Nzumb. 13:13-14
16:14
“Zwenezwo arali ni tshi pfa muthu a tshi ri, ‘Vhonani Mesia khoyu!’ kana a tshi ri, ‘Vhonani khouḽaa!’ ni songo tenda. 24Hu ḓo bvelela vhomesia vha khole-khole na vhaporofita vha khole-khole; vha ḓo ita maḓembe mahulu na zwimangadzo uri arali zwo vha zwi tshi konadzea vha xedze na vho nangwaho nga Mudzimu. 25Tenda ndo dzula ndo ni vhudza. 26Izwo arali vha ni vhudza vha ri, ‘Mesia u henengei sogani!’ ni songo vhuya na ya u vhona. Arali vha ri, ‘Asuyu, u fhano pfamoni!’ ni songo vhuya na tenda; 27
24:27
Mat. 24:30,37
25:311 Korint. 15:23
1 Thes. 3:13
4:15
2 Thes. 2:1,8
Jak. 5:7-8
Mubebwa-nga-muthu a tshi vhuya u ḓo tou nga lupenyo lwa mvula lune lu tshi vhenge, lwa vhonetshela u bva vhubvaḓuvha u swika vhukovhela.

28

24:28
Jobo 39:30
Nzumb. 19:17-18
“Hune ha vha na tshitumbu ndi hone hune maanga a kuvhangana hone.”

U vhuya ha Mubebwa-nga-muthu

(Mar. 13:24-27; Luk. 21:25-28)

29

24:29
Yes. 13:9-1034:4
Esek. 32:7
Hagai 2:6,21
Nzumb. 6:12-13
2 Pit. 3:10
“Hu ḓo ri ayo maḓuvha

a maṱhupho a tshi fhela,

ḓuvha ḽa dzima

na ṅwedzi wa swifhala,

nga ngeno ṋaledzi dzi tshi khou wa,

zwi re lutomboni zwa vilingana.

30

24:30
Mat. 24:3,2726:64
Dan. 7:13
Zak. 12:10,12
Nzumb. 1:7
“Ndi hone tshiga tsha Mubebwa-nga-muthu tshi tshi ḓo vhonala lutomboni, tshakha dzoṱhe dza ḽifhasi dzi ḓo ṱavha mukosi nga nyofho dzi tshi vhona Mubebwa-nga-muthu a tshi ḓa o namela makole e na maanḓa na vhugala vhuhulu. 31
24:31
Mat. 13:41
2 Thes. 1:7-8
U ḓo ruma vharuṅwa vhawe vha lidza phalaphala, vha kuvhanganya vhanangiwa vhawe vha tshi bva khuḓani nṋa dza shango u bva vhusendekamisi u swika vhusendekamisi.

Pfunzo ya muhuyu u tshi ṱuma lurere

(Mar. 13:28-31; Luk. 21:29-33)

32“Ḓifunzeni nga muhuyu: musi ni tshi vhona thavhi dzawo dzi tshi thoma u khuba maḓi dza ṱuma lurere, ni mbo ḓi ḓivha uri tsho limuwa. 33Na zwenezwo zwi ḓo ḓi tou ralo: zwithu izwo zwi tshi itea, ndi hone ni tshi ḓo ḓivha uri tshifhinga tsho swika.Kana: “Ndi hone ni tshi ḓo ḓivha uri Mubebwa-nga-muthu u tsini, o no ḓi swika”. 34

24:34
Mat. 16:28
Thetshelesani ndi ni vhudze: hezwi zwithu zwi ḓo itea vhathu vha no khou tshila zwino vha sa athu fhelela vhoṱhe u fa.

35

24:35
Mat. 5:18
1 Pit. 1:25
“Ḽiṱaḓulu na ḽifhasi zwi ḓo lovha, maipfi anga one ha nga weli fhasi.

Ḓuvha na tshifhinga tsha vhufhelo

(Mar. 13:32)

36

24:36
Mish. 1:7
“Hone a hu na a ḓivhaho uri iḽo ḓuvha kana tshifhinga tshazwo tshi ḓo swika lini. Hu vharuṅwa ngei ṱaḓulu, hu Murwa, a vha zwi ḓivhi, a zwi ḓivhaho ndi Khotsi e eṱhe.Dziṅwe ṱhanzi dza kale a dzi buli “Murwa” fhano.

Ngoma-madzula-wo-vhambwa

(Mar. 13:33-37; Luk. 17:26-36; 12:39-40)

37

24:37-39
Gen. 6:11-13
7:7-13,21
1 Thes. 5:1-2
2 Pit. 3:6
“Zwa musi Mubebwa-nga-muthu a tshi vhuya zwi ḓo tou fana na zwiḽa zwa misi ya Nua. 38Zwiḽa hu sa athu ḓa muḓalo wa maḓi vhathu vho vha vha tshi ḓiḽela vha tshi ḓinwela, hu tshi dzewa, ha vhuya ha swika ḓuvha ḽe Nua a dzhena tshikepeni, 39vha si zwi londe ha vhuya ha ḓa muḓalo wa maḓi wa vha kumba vhoṱhe. Musi Mubebwa-nga-muthu a tshi vhuya zwi ḓo ḓi tou ralo.

40“Nga heḽo ḓuvha vhavhili vha ḓo vha vha tshi khou shuma tsimuni nthihi; muṅwe wavho a dzhiwa, muṅwe a siwa. 41Vhasadzi vhavhili vha ḓo vha vha tshi khou sinḓisana mutulini muthihi; muṅwe wavho a dzhiwa, muṅwe a siwa. 42

24:42
Mat. 24:44,50
25:13
Luk. 18:8
1 Thes. 5:6
Nzumb. 3:2,3
16:15
Dzulani-ha no fhaṱuwa, ngauri a ni ḓivhi uri Muṋe waṋu u ḓo vhuya lini.

43

24:43-44
2 Pit. 3:10
Nzumb. 16:15
“Kani a ni ḓivhi uri arali muṋe wa nnḓu o dzula o zwi ḓivha uri fobvu ḽi ḓo thukhutha nḓuni yawe nga tshifhinga tsha uri, o vha a sa ḓo yo lala, o vha a tshi ḓo i linda uri i si vhuye ya thukhuthwa. 44Na inwi ni fanela u dzula no ḓilugisa nga u ralo; Mubebwa-nga-muthu u ḓo swika ni songo lavhelela.

Mukoma a fulufhedzeaho na a sa fulufhedzei

(Luk. 12:41-46)

45

24:45-47
Mat. 25:21-23
“Zwino mukoma wa vhuṱali a fulufhedzeaho ndi ḓo ri ndi nnyi? Ndi amba ane muṋe wawe a ḓo mu ita ene mulangi wa zwoṱhe zwa muṱani wawe, uri a ṋee vhathu zwiḽiwa nga tshifhinga tshazwo? 46U na mashudu mukoma ane muṋe wawe a tshi vhuya, a wana a tshee khazwo. 47Thetshelesani ndi ni vhudze: hoyo muthu muṋe wawe u ḓo mu ita mukoma kha zwoṱhe zwi re zwawe.

48

24:48
2 Pit. 3:4
“Hone arali uyo mushumi e muvhi, a ambela mbiluni yawe a ri, ‘Hufha muṋe wanga a tshi khou lenga u vhuya,’ 49a thoma u fara vhashumi ngae a tshi vha rwa, a tshi ḓiḽela a tshi kambiwa, 50u ḓo tshenuwa muṋe wawe o vhuya musi a songo lavhelela, nga tshifhinga tshine a si vhuye a tshi ḓivha, 51a mu fhandula nga vhukatiKana: “a mu posa nnḓa”. ha vha u mu baḓekanya na vhahoi. Henefho hu ḓo vha na zwililo, vhathu vha shenganya maṋo nga vhuṱungu.