Tshivenda 1998 (VEN98)
19

Lwendo lwa u fhedzisela lwa u ya Jerusalema

(Mar. 10:1; Luk. 9:51)

191Musi Yesu o fhedza u amba eneo a ṱuwa Galelia a ṱutshela thungo dza Judia seli ha Jorodani. 2A tevhelwa nga vhathu vhanzhi-vhanzhi, a vha fhodza malwadze avho henefho.

A u ṱalana

(Mar. 10:2-12)

3Vhaṅwe Vhafarisei vha ḓa ha Yesu vha tshi ri vha mu fashe vha ri, “Nṋa munna u a tendelwa u sokou ṱala musadzi wawe nga zwidandu zwi si na mushumo naa?” 4

19:4
Gen. 1:27
A vha fhindula a ri, “Nṋa a ni athu vhala uri o vha sikaho u thomani o vha sika vhe munna na musadzi? 5
19:5
Gen. 2:24
Ef. 5:31
1 Korint. 6:16
Ndi zwe a ri, ‘Munna u ḓo ṱutshela khotsi awe na mme awe a vhofhekana na musadzi wawe, vhuvhili havho vha vha ṋama nthihi.’ 6Ngauralo a vha tshee vhavhili, vho no vha ṋama nthihi. Zwino zwo vhofhekanywaho nga Mudzimu, muthu a songo zwi fhandekanya.” 7
19:7
Dot. 24:1
Mat. 5:31
Vha mu fhindula vha ri, “Khezwi Mushe o ri tendela uri munna a nga fha musadzi wawe luṅwalo lwa u ṱala a konou litshana nae a ṱuwa?” 8A vha fhindula a ri, “Mushe a tshi vhuya a ni tendela u ṱala vhasadzi ndi nge a vhona ni sa pfi, hone u rangani zwithu zwi tshi sikwa zwo vha zwi songo ralo. 9
19:9
*Luk. 16:18;
1 Korint. 7:10-11
A vha Nṋe ndi ri: arali musadzi a songo thoma u khakhela munna nga vhupombwe, munna a mu ṱala a dzea muṅwe, onoyo munna u ita vhupombwe.”

10

19:10
1 Korint. 7:1
Vhafunziwa vha tshi pfa a tshi ralo vha ri, “Arali zwa munna na musadzi zwo ralo ndi khwiṋe muthu a si na musadzi.” 11A vha fhindula a ri, “Hezwo a si vhoṱhe vhane vha zwi kona, zwi konwa nga vhe vha tou fhiwa nga Mudzimu. 12
19:12
1 Korint. 7:2,7,9
9:5,15
Hu na vhe vha tou bebwa vho luvhedzwa, ha vha na vho luvhedzwaho nga vhathu; ha dovha ha vha na vhaṅwe vhe vha tou ḓiilisa uri vha kone u shumela muvhuso wa Mudzimu vha sa thithisei. Ane a zwi kona kha a zwi ite.”

U shudufhadzwa ha vhana vhaṱuku

(Mar. 10:13-16; Luk. 18:15-17)

13Ndi hone vhaṅwe vha tshi ḓisa vhana vhaṱuku ha Yesu uri a vha vhee zwanḓa a vha rabelele, hone vhafunziwa vha vha kaidza.

14

19:14
Mat. 18:3
Hone Yesu a amba a ri, “Litshani vhana vha ḓe ha Nṋe. Ni songo vha dzivhisa; vhane vha ḓo dzhena muvhusoni wa Mudzimu ndi vha no nga vhenevha.” 15U ralo a vha vhea zwanḓa a konou fhirela phanḓa.

Munna wa mupfumi

(Mar. 10:17-31; Luk. 18:18-30)

16Ha ḓa muṅwe munna a amba na Yesu a ri, “Vhafunzi, ndi ite tshivhuya tshifhio uri ndi wane vhutshilo vhu sa gumi?” 17

19:17
Liv. 18:5
Yesu a fhindula a ri, “Ni mmbudziselani nga zwivhuya? Muvhuya ndi muthihi fhedzi. Hone arali ni tshi tama u dzhena vhutshiloni, tevhedzani ndaela dza Mudzimu.” 18
19:18-19
Ek. 20:12-16
Liv. 19:18
Mat. 22:39
A vhudzisa a ri, “Vha amba dzifhio?” Yesu a fhindula a ri, “Ndi amba dzine dza ri, ‘U songo vhulaha; u songo ita vhupombwe; u songo tswa; u songo zwifhelela muṅwe; 19u hulise khotsi au na mme au; funa vhaṅwe unga iwe muṋe.’ ” 20Muṱhannga uyo a fhindula a ri, “Hezwo zwoṱhe ndo zwi tevhedza. Zwino hu tshee ho ṱahela mini?” 21
19:21
Mish. 2:45
4:34-35
Mat. 6:20Luk. 12:33Mat. 8:21-22
Yesu a fhindula a ri, “Arali ni tshi funa u vha muvhuya o khunyelelaho, tshimbilani ni yo rengisa zwoṱhe zwine na vha nazwo, ni kovhele tshelede vhashai; lupfumo lwaṋu ni ḓo lu wana ṱaḓulu. No no ita zwenezwo ni ḓe ni vhe mufunziwa wanga.” 22
19:22
Ps. 62:10
Muṱhannga a tshi pfa ipfi heḽo a ṱuwa o ṱungufhala, ngauri o vha o pfuma nga maanḓa.

23

19:23
Mat. 13:221 Tim. 6:9-10
Ndi hone Yesu a tshi vhudza vhafunziwa vhawe a ri, “Thetshelesani ndi ni vhudze; mupfumi zwi ḓo mu konḓela u dzhena muvhusoni wa Mudzimu. 24Ndi khou dovha nda khwaṱhisa nda ri: u dzhena ha mupfumi muvhusoni wa Mudzimu zwi ḓo konḓa u fhira gamela i tshi edzisa u fhira nga buli ḽa ṋeleṱe.”

25Vhafunziwa vha tshi pfa heḽo vha kanuka nga maanḓa vha ri, “Arali zwo ralo hu nga tshidzwa nnyi-ha?” 26

19:26
Zak. 8:6
Luk. 1:37
Yesu a vha lavhelesa a fhindula a ri, “Hezwo vhathu a vha zwi koni, hone Mudzimu u kona zwoṱhe.”

27

19:27
Mat. 4:22
Ndi hone Pitrosi a tshi amba na Yesu a ri, “Kha vha dzou vhona riṋe: ro ṱutshela zwoṱhe ra vha vhafunziwa vhavho; ri ḓo wana mini-ha?” 28
19:28
Luk. 22:30
Nzumb. 2:26
3:21
20:4
1 Korint. 6:2
Yesu a vha vhudza a ri, “Zwino ipfani-ha: inwi vhe na ntevhela na vha vhafunziwa vhanga, musi zwoṱhe zwo no sikwa nga huswa, musi Mubebwa-nga-muthu a tshi dzula kha khuluṋoni yawe vhugalani hawe, na inwi ni ḓo dzula kha khuluṋoni dza 12 ni tshi vhusa matsinde a 12 a Israele. 29
19:29
Mat. 10:37
Nahone muṅwe na muṅwe ane a ṱutshela nnḓu yawe kana vharathu vhawe kana khaladzi dzawe kana khotsi awe kana mme awe kana vhana vhawe kana masimu awe hu u itela Nṋe, u ḓo wana zwi no fhira kule izwo zwe a ṱutshela, a dovha a wana na vhutshilo vhu sa gumi. 30
19:30
Mat. 20:16
Luk. 13:30
Hone vhanzhi vhane ṋamusi vha vha vhahulwane vha vho ḓo vha vhone vhaṱuku; vhane vha vha vhaṱuku vha vho ḓo vha vhone vhahulwane.