Tshivenda 1998 (VEN98)
12

Mafhungo a Sabatha

(Mar. 2:23-28; Luk. 6:1-5)

121

12:1
Dot. 23:25
Misi yeneyo Yesu a tshi khou fhira nga vhukati ha masimu a goroi nga Sabatha, vhafunziwa vhawe vha pfa nḓala vha thoma u ṱhukhula-ṱhukhula ṱhotshe dza goroi vha swoṱa vha ḽa. 2
12:2
Ek. 20:10
Vhafarisei vha tshi zwi vhona vha mu vhudza vha ri, “Kha vha vhone zwine vhafunziwa vhavho vha khou ita! Mulayo a u tendi zwi tshi itwa nga Sabatha.” 3
12:3
1 Sam. 21:6
Yesu a vha fhindula a ri, “Kani-ha a ni athu vhala a Dafita na khonani dzawe musi vho farwa nga nḓala, 4
12:4
Ek. 25:30
Liv. 24:5-9
a tshi dzhena nḓuni ya Mudzimu a ḽa vhurotho he ha vha ho sumelwa Mudzimu, ngeno Mulayo u sa tendi muthu a tshi ḽa musumo hoyo, na vhe vha vha vhe nae a u tendi vha tshi ḽa; hu ḽa vhotshifhe fhedzi? 5
12:5
Num. 28:9-10
Kani-ha a ni athu vhala Mulayoni uri nga Sabatha vhotshifhe vha a ḓi pfuka zwavho mulayo wa Sabatha thembeleni, zwi si vhe na mulandu? 6Fhedzi ndi khou ni vhudza ndi ri: tshi fhiraho thembele tshi fhano. 7
12:7
Mat. 9:13
Hone ngavhe ni vhe no ḓivha uri zwi amba mini hu tshi pfi, ‘Thi ṱoḓi nduvho, ndi ṱoḓa muthu a tshi vha na mbilutshilidzi,’ ndi musi ni songo sola vhathu vha si na mulandu. 8Mubebwa-nga-muthu na yone Sabatha ndi Ene Muṋe wayo.”

Munna o omaho tshanḓa

(Mar. 3:1-6; Luk. 6:6-11)

9

12:9-14
Mar. 2:27-28
Yesu a fhirela phanḓa a dzhena sinagogoni. 10
12:10
Luk. 13:14
14:3
Joh. 9:16
Henefho ho vha hu na munna o omaho tshanḓa. Vhafarisei vha tshi funa u hwelela Yesu vha mu vhudzisa vha ri, “Mulayo u a tenda muthu a tshi fhodzwa nga Sabatha naa?” 11
12:11
*Luk. 14:5
12:11-12
Luk. 13:15-16
Hone Ene a vha fhindula a ri, “Ndi nnyi waṋu ane a ri nngu yawe nthihi fhedzi yo wela bidzini nga Sabatha a sa i ṋule? 12Muthu ha fhiri nngu kani? Zwi amba uri Mulayo u a ri tendela u ita zwivhuya nga Sabatha.”

13Ndi hone Yesu a tshi amba na uyo munna o omaho tshanḓa a ri, “Onyolosani tshanḓa tshaṋu.” A mbo tshi onyolosa tsha vhuelela ngonani tsha fana na tshiṅwe.

14

12:14
Liv. 21:18
Joh. 5:16,18
Zwo no ralo Vhafarisei vha mbo ḓi bva afho sinagogoni, vha yo ṱangana khoroni vha thoma u ita tshimbevha tsha u vhulaha Yesu.

U fhodzwa ha mavhuthu Dzivhani ḽa Galelia

(Mar. 3:7-12; Luk. 6:17-19)

15Hone Yesu nga u ḓivha uri vha khou ṱoḓa u mu vhulaha a ṱuwa afho fhethu, a tevhelwa nga vhathu vhanzhi, a vha fhodza vhoṱhe, 16

12:16
Mat. 8:4
a vha kaidza uri vha si vhudze muthu uri ndi Ene nnyi. 17A tshi ralo ho vha hu u khunyeledza zwo ambiwaho nga muporofita Yesaya a tshi ri,

18

12:18
Mat. 3:17
12:18-21
Yes. 42:1-4
11:10
“Vhonani muḓinḓa wanga we nda mu nanga,

mufunwa wanga ane a ntakadza.

Ndi ḓo vhea Muya wanga khae,

a konou ḓivhadza tshakha khaṱhulo mbuya.

19Ha nga lwi, ha nga iti phosho;

a hu na ane a ḓo pfa ipfi ḽawe dzinḓilani.

20Luṱanga lwo piḓeaho ha nga lu vunḓi;

luvhone lu taidzaho ha nga lu dzimi,

a vhuye a ite uri vhathu vha tshile vha tshi londana.

21Vhannḓa vha ḓo lavhelela u ḓa hawe.”

Yesu na Belesebulu

(Mar. 3:22-27; Luk. 11:14-15,17-23)

22

12:22-24
Mat. 9:32-34
Zwenezwo vha mu ḓisela muthu wa bofu we a vha e tshimuma, e na thuṅwa ya Saṱhane. A mu fhodza, a vho kona u amba na u vhona. 23
12:23
Mat. 20:30-31
Vhathu vhoṱhe vha akhamala vha ri, “Nṋa uyu a si ene uḽa Murwa wa Dafita we a pfi u ḓo ḓa?” 24
12:24
Mat. 10:25
Hone Vhafarisei vha tshi zwi pfa vha ri, “Hoyu munna u pandela thuṅwa nga maanḓa a Belesebulu khosi yadzo, a hu na zwiṅwe.” 25
12:25
Mat. 9:4
Hone Yesu nga u ḓivha mihumbulo yavho a amba navho a ri, “Arali muvhuso wa ḓifhandekanya wa bva zwigwada zwivhili, zwa lwa nga tshazwo, tshawo ndi u wa. Arali muḓini kana nḓuni ha bva zwigwada zwivhili zwa lwa nga tshazwo, a zwi nga imi. 26Arali Saṱhane a tshi pandela Saṱhane zwi amba uri o no bva zwigwada zwivhili zwine zwa lwa nga tshazwo. Zwino muvhuso wawe u nga ima hani?

27“Arali Nṋe ndi tshi pandela thuṅwa nga maanḓa a Belesebulu, vhafunziwa vhaṋu vha dzi pandela nga maanḓa a nnyi? Ndi zwine vhenevho vha ḓo sumbedza uri zwine na amba a si zwone.

28

12:28
Luk. 17:21
1 Joh. 3:8
“Hone vhunga zwi khagala uri Nṋe ndi pandela thuṅwa nga maanḓa a Muya wa Mudzimu, ndi tshiga tsha uri muvhuso wa Mudzimu wo swika kha inwi.

29

12:29
Yes. 49:24-26
53:12
“Ndi nnyi ane a nga sokou dzhena nḓuni ya munna wa vhuhali a kumba thundu yawe? U fanela u thoma u vhofha uyo muhali, ndi hone a tshi ḓo kona u mu ṱangula.

30

12:30
Mar. 9:40
“Muthu ane a sa ime na Nṋe u lwa na Nṋe; a sa kuvhanganyiho sambi na Nṋe u a ḽi fhaḓa.

Vhutshinyi ha u khakhela Muya Mukhethwa

(Mar. 3:28-30; Luk. 12:10)

31

12:31-32
Mat. 12:24
Yes. 22:14
“Ndi zwine nda ni vhudza nda ri: muthu a nga hangwelwa vhutshinyi hoṱhe, naho a sasaladza Mudzimu. Hone ane a sasaladza Muya Mukhethwa a nga si hangwelwe. 32Na ane a amba Mubebwa-nga-muthu nga ḽivhi a nga kha ḓi hangwelwa. Hone ane a vhuya a nyefula Muya Mukhethwa, hu vhutshiloni vhuno, hu vhutshiloni vhu ḓaho, a nga si vhuye a hangwelwa.

Muri na mitshelo yawo

(Luk. 6:43-45)

33

12:33
Mat. 7:16-18
“Arali ni tshi ri muri ndi wavhuḓi, ni fanela u ḓi ralo na mitshelo yawo; arali ni tshi ri muri a si wavhuḓi, ni fanela u ḓi ralo-vho na mitshelo yawo. Hufha muri u tshi ḓivhiwa nga mitshelo yawo.

34

12:34
Mat. 3:7
23:33
“Dziṋowa ndinwi! Ni nga kona hani u amba zwivhuya ni vhavhi? Tshe mulomo wa amba ndi tshe mbilu ya amba. 35Muthu muvhuya u bvisa zwivhuya tshisikuni tsha mbilu yawe i re mbuya, muthu muvhi u ḓi bvisa-vho zwithu zwivhi tshisikuni tsha mbilu yawe mmbi. 36Ndi khou ni vhudza ndi ri: Nga ḓuvha ḽa khaṱhulo muthu u ḓo sengiselwa zwoṱhe zwe a sokou amba-amba. 37
12:37
Jak. 3:2-12
U ḓo vhofhololwa nga maipfi au, wa vhewa mulandu nga maipfi au.”

Musi hu tshi humbelwa maḓembe

(Mar. 8:11-12; Luk. 11:16,29-32)

38

12:38
Joh. 6:30
1 Korint. 1:22
12:38-39
Mat. 16:1-4
Ndi hone vhaṅwe vhaḓivhi vha Mulayo na Vhafarisei vha tshi amba nae vha ri, “Vhafunzi, kha vha ri itele maḓembe.” 39
12:39-40
Jonasi 1:17
Hone Ene a tshi vha fhindula a ri, “Vhane vha ṱoḓa maḓembe ndi vhathu vhavhi vho furalelaho Mudzimu. A vha tsha ḓo vhona maṅwe arali e si aḽa a muporofita Jonasi. 40
12:40
Mat. 27:63
Jonasi o fhedza maḓuvha mararu na vhusiku hao e thumbuni ya khovhe ya vhimbi, Mubebwa-nga-muthu u ḓo fhedza maḓuvha mararu na vhusiku hao e ngomu tshaloni nga u ralo. 41
12:41b
Jonasi 3:5-9
Nga ḓuvha ḽa khaṱhulo vhanna vha Ninive vha ḓo vuwa khathihi na vhathu vha musalauno vha vha rovhedza, ngauri vhone vho laṱa vhuvhi havho musi vho pfa Jonasi a tshi vha ḓivhadza mafhungo a Mudzimu, huno tshi fhiraho Jonasi tshi fhano. 42
12:42
1 Mah. 10:1-10
Nga ḓuvha ḽa khaṱhulo khosi ya musadzi i bvaho Tshipembe i ḓo ḓa khoroni u rovhedza vhathu vha musalauno, ngauri ene o tou tshimbila a zwi pfa a tshi bva vhusendekamisi a tshi yo pfa vhuṱali ha Solomoni. Zwino ipfani-ha: tshi fhiraho Solomoni tshi fhano.

Thuṅwa i tshi vhuelela muthuni

(Luk. 11:24-26)

43“Thuṅwa ya Saṱhane arali i tshi bva muthuni i buḓekanya masoga i tshi ṱoḓa ha u awela i si hu wane. 44Ya konou ri, ‘Ndi ḓo vhuelela nḓuni yanga ine nda bva khayo.’ I tshi swika ya wana uḽa muthu a tshi tou nga nnḓu i si na muthu, yo swielwa, na thundu dzo vhekanywa zwavhuḓi. 45

12:45
2 Pit. 2:20-22
Zwenezwo i mbo yo dzhia dziṅwe thuṅwa ṱhanu na mbili dza vhuhali u fhira yone, dza ḓa dza dzhena kha uyo muthu dza dzula khae, mafhungo a vho vhifha u fhira mulovha. Na kha vhathu vhavhi avha vha musalauno zwi ḓo ralo.”

Mme a Yesu na vharathu vhawe

(Mar. 3:31-35; Luk. 8:19-21)

46Yesu a tshi kha ḓi amba na vhathu ha swika mme awe na vharathu vhawe, vha ima nnḓa vha tshi ṱoḓa u amba nae. 47

12:47
Mat. 13:55
Joh. 7:3-5
Mish. 1:14
1 Korint. 9:5
Gal. 1:19
Muṅwe a mu vhudza a ri, “Mme avho na vharathu vhavho khevho afha nnḓa vha khou ṱoḓa u amba navho.”Dziṅwe ṱhanzi dza kale a dzi na vese iyi. 48Hone Yesu a fhindula muthu o mu vhudzaho hezwo a ri, “Mme anga ndi nnyi? Vharathu vhanga ndi vhonnyi?” 49A konou sumba vhafunziwa vhawe a ri, “Mme anga na vharathu vhanga ndi havha! 50
12:50
Joh. 15:14
Rom. 8:29
Heb. 2:11
Mat. 6:10
Ane a ita zwine Khotsi anga wa ṱaḓulu a zwi funa, ndi ene murathu wanga, ndi ene khaladzi anga, ndi ene mme anga.”