Tshivenda 1998 (VEN98)
2

Vhutshifhe ha ngoho na ha khole-khole

21Muṋe washu Mulangazwoṱhe u ri,

“Inwi vhotshifhe, zwino ndi khou laya inwi.

2

2:2
Dot. 28:1,15,20,62
Zwe na pfi ni zwi thetshelese,

ni zwi sedze nga vhuronwane,

ndi u hulisa dzina ḽanga.

Zwino na sa zwi ita ndi ḓo ni teketela,

ndi ḓo shandukisa mashudu aṋu a vha u teketelwa.

Vhukuma ndo no ḓi ni teketela

ngauri a no ngo sedza nga vhuronwane

uri ni nkhulise.

3

2:3
Ek. 29:14
Ndi ḓo pfisa vhana vhaṋu vhuṱungu

nga mulandu waṋu;

ndi ḓo ni shata khofheni

nga muswane wa zwiṱhavhelo zwa vhuṱambo haṋu,

nahone ndi ḓo bvisa Livi tshiimoni tshawe.

4

2:4
Dot. 10:8-9
33:8-11
Neh. 13:29
Num. 25:12
Ndi hone ni tshi ḓo zwi ḓivha

uri o ni ṋeaho ndaela iyi ndi Nṋe,

nge nda vhofha mulanga na Livi.

Hu amba Nṋe Yahavee Mulangazwoṱhe.

5

2:5
Dot. 30:16,19
Esek. 34:25
37:26
Num. 25:10-13
Ndo vhofha mulanga nae:

ndo mu ṋea vhutshilo na mulalo,

o vha a tshi nkhulisa a nnyofha,

a dzula a tshi tetemela dzina ḽanga.

6

2:6
Mika 6:8
Gen. 5:22-24
6:9
Jer. 23:22
Mulomoni wawe ho vha hu na ndayo ya ngoho,

ho ngo vhuya a wanala a tshi amba zwa vhufhura.

O tshila a tshi konana na Nṋe nga mulalo, a si na vhufhura,

a rembulusa vhanzhi vha laṱa vhuvhi.

7

2:7
Liv. 10:11
Dot. 17:9
Jer. 18:18
Esek. 7:26
Hos. 4:1-6
Ndi uri mulomo wa tshifhe wo fanela u funza vhathu vha nnḓivhe,

a laya vhathu zwine nda funa,

ngauri ndi ene muḓinḓa wa Nṋe Yahavee Mulangazwoṱhe.

8

2:8
Num. 25:12
Hone inwi no pambuwa nḓilani,

na khukhula vhathu vhanzhi nga pfunzo yaṋu;

no pfuka mulanga we nda vhofha na Livi.

9

2:9
Mal. 2:3
Ndi zwe nda ita uri ni nyadziwe,

vhathu vhoṱhe vha vhone ni si tshithu,

nge na si tshimbile nḓilani dzanga tshaṋu ha vha u ita tshiṱalula

musi ni tshi ḓa kha zwa mulayo wanga.”

Mudzimu a tshi vhona vhathu vha sa fulufhedzei

10

2:10
Yes. 63:16
Mal. 1:6
Jobo 31:15
Ef. 4:6
Roṱhe a ri na Khotsi muthihi naa?

A ro ngo vhumbwa nga Mudzimu muthihi naa?

Ndi mini ri tshi shata mulanga wa vhokhotsi tshika

nga u shandukelana?

11

2:11
Esra 9:2
Neh. 13:23
Dot. 7:6
Yes. 62:12
Jer. 2:3
Ps. 114:2
Vhathu vha Juda vho shandukela Muṋe washu;

ho itwa zwi nengisaho kha ḽa Israele na Jerusalema:

Vhathu vha Juda vho kumadza hukhethwa

hune ha funwa nga Muṋe washu nga u funana na vhasadzi

vha no luvha midzimu isili,

vha ita na u vha vhinga.

12Munna ane a ita zwenezwo ngavhe Muṋe washu

a tshi mu bvisa kha vhathu vha Jakopo,

khathihi na vhana vhawe na vhaḓuhulu,

naho a tshi ṋekedza Muṋe washu Mulangazwoṱhe nduvho.

13

2:13-14
Gen. 2:18
Tshiṅwe tshine na ita ngetshi:

Ni ḓadza aḽiṱari ya Muṋe washu nga miṱodzi.

Ni tsengisa miṱodzi na honḓa

ngauri nduvho dzaṋu ha tsha dzi londa,

ha tsha dzi ṱanganedza kha inwi o takala.

14Zwino na vhudzisa na ri, “Ndi ngani?”

Ndi uri Muṋe washu u a u haṱulela zwe wa ita

musadzi we wa mu vhinga u tshi kha ḓi vha muṱhannga,

wa sala u tshi mu shandukela naho e mufarisi wau,

e musadzi we wa vhofha nae mulanga wa mbingano.

15Muṋe washu ho ngo ni ita muthihi

lwa muvhili na muya naa?

Ndi mini o ni ita muthihi?

Ndi uri u ṱoḓa ni tshi beba vhana vha re vhana vha Mudzimu.

Zwenezwo ḓilondole,

u songo shandukela musadzi we wa mu vhinga

u tshi kha ḓi vha muṱhannga.

16

2:16
Dot. 24:1
Mat. 19:3-9
Muṋe washu Mudzimu wa Israele u ri,

“U ṱalana ndi a hu vhenga,

ndi a zwi vhenga arali muṅwe waṋu

a tshi itela musadzi wawe tshiṱuhu tsho raloho.”

Hu amba Muṋe washu Mulangazwoṱhe.

Zwenezwo ḓilondole, ni songo shandukelana.

Ḓuvha ḽa khaṱhulo ḽi tsini

17

2:17
Mal. 3:13-14
Yes. 43:24
2 Pit. 3:4
2:17 – 3:5
Ps. 37
49
50
73
No dina Muṋe washu nga zwiambo zwaṋu.

Ni vhudzisa na ri,

“Ro mu dina nga zwifhio?”

No mu dina nga u ri,

“Vhane vha ita vhuvhi

Muṋe washu u ḓi vhona vhe vhavhuya,

u a vha takalela,”

kana na ri,

“Mudzimu a sa ṱaluli u ngafhi?”

3

31

3:1
Mal. 4:5
Mat. 11:10
Mar. 1:2
Luk. 7:27
Yes. 40:3
Luk. 1:17,76
Yes. 63:9
1 Pit. 4:17
Muṋe washu Mulangazwoṱhe u ri,

“Vhonani, ndi ḓo ruma muḓinḓa wanga

ane a ḓo nndugisela nḓila.

Zwenezwo Muṋe waṋu ane na mu lila

u ḓo ḓa thembeleni yawe kathihi fhedzi;

Ene Muruṅwa wa mulanga we na mu ṱulutshela.

U nḓilani.”

2Huno ane a nga kona

u konḓelela ḓuvha ḽa u ḓa hawe ndi nnyi?

Ndi nnyi ane a nga ima musi a tshi bvelela?

U ḓo nga mulilo wa u bvisa manyelo,

u ḓo nga tshisibe tsha u kuvha.

3

3:3
Yes. 1:25Mal. 1:6-7
2:7-9
U ḓo nga ane a bvisa manyelo a siliva a i kunisa;

u ḓo kunisa Vhalivi a vha bvisa manyelo

unga musuku na siliva.

Zwenezwo Muṋe washu ndi hone a tshi ḓo wana vhanna

vhane vha ḓo mu ṋekedza nduvho vha sa solei.

4Ndi hone nduvho dza vhathu vha Juda na Jerusalema

dzi tshi ḓo ṱanganedzwa nga Muṋe washu,

zwa nga sa misi iḽa ya kale,

sa miṅwaha iḽa ya u ranga.

5

3:5
Liv. 19:13
Dot. 24:17
Ek. 22:18
Dot. 18:10
Liv. 19:12
Muṋe washu Mulangazwoṱhe u ri,

“Ndi ḓo ḓa nda ni haṱula.

A thi nga lengi u sengisa mingome na dziphombwe

na vha anelaho mazwifhi

na vhane vha dzima vhashumi vhavho malamba avho

na vha no kandeledza tshilikadzi na vha si na vhokhotsi,

na vhatsinda,

Nṋe vha sa nnyofhi.”

U tswela Mudzimu

6

3:6
Ek. 3:14
3:6-7
Hos. 12:3
Zak. 1:2-3
Jak. 1:17
Gen. 27:36
Yes. 43:27
Muṋe washu Mulangazwoṱhe u ri,

“Ndi Nṋe Yahavee,

NDI ANE NDA VHA ENE, a thi shanduki.

Hone inwi-vho ni ḓi dzula ni vhana vha Jakopo,

mudziavhufhura muṋe wa dzina.

7

3:7
Mish. 7:51
U bva misi ya vhokhotsi aṋu

no ḓi furalela ndayo dzanga na si dzi tevhedze.

Humelani ha Nṋe, na Nṋe ndi ḓo konou humela ha inwi.

Hone ni vhudzisa na ri,

‘Ri ḓo huma hani?’

8

3:8
Num. 18:8-19,21-32
Neh. 13:10-12
Liv. 27:30-32
26:14Dot. 28:1526:12-15
Mal. 2:2
Ndi ri:

Muthu a nga fhura Mudzimu naa?

Hone inwi ni a mphura.

Na dovha na vhudzisa na ri, ‘Ri u fhura nga zwifhio?’

Ni mphura nga u sa bvisa tshafumi na mitendelo.

9

3:9-11
Hagai 1:5-8
No teketelwa tshoṱhe

ngauri ndi Nṋe ane na ḓi mphura, inwi noṱhe.

10

3:10
2 Korint. 9:6-8
Ḓisani tshafumi tshoṱhe nḓuni ya u vhulungela

uri nḓuni yanga hu vhe na zwiḽiwa.

Nṋe Yahavee Mulangazwoṱhe ndi ri:

Nndingeni nga zwenezwo;

ngoho ndi ḓo vula miṋango ya ṱaḓulu

nda tou ni nisela mashudu.

11Ndi ḓo kaidza nzie dzi si ḽe zwiliṅwa zwaṋu;

minḓirivhe masimuni aṋu a i nga moḓisi.

Hu amba Nṋe Yahavee Mulangazwoṱhe.

12

3:12
Yes. 61:9
62:4
Zak. 8:13,23
Zwenezwo tshakha dzoṱhe dzi ḓo ri ni na mashudu,

ngauri shango ḽaṋu ḽi ḓo vha ḽi tshi takadza.”

Ho amba Muṋe washu Mulangazwoṱhe.

Vha no fulufhedzea vha ḓo pfufhiwa

13Muṋe washu u ri,

“Ni vho tou ntswetha.

Hone inwi ni vhudzisa na ri,

‘Ro u swetha nga zwifhio?’

14

3:14
Jobo 21:7
Jer. 12:1
3:14-15
Mal. 2:17
Ps. 73:1-28
No ri, ‘U shumela Mudzimu a zwi farisi tshithu.

Ro wana mini nga u tevhedza ndayo dzawe,

ri tshi tshimbila ro ambara madzanganda

sa vha lilaho maṱoni a Yahavee Mulangazwoṱhe?

15Hone zwino vhane vha ḓihudza

ri ri vha na mashudu.

Vhukuma vhaitazwivhi zwi a vha nakela,

vhane vha levhela Mudzimu u a vha litsha.’ ”

16

3:16
Ek. 32:32Yes. 4:3
Dan. 7:10
12:1
Luk. 10:20
Vhane vha ofha Muṋe washu vha tshi amba nga tshavho,

Muṋe washu a thetshelesa a zwi pfa.

A ri hu ṅwalwe bugu ya tshihumbudzo,

ya avho vhane vha ofha Muṋe washu vha hulisa dzina ḽawe.

17

3:17
Ps. 103:13
Dot. 8:5
Muṋe washu Mulangazwoṱhe u ri,

“Nga ḓuvha heḽo ḽine nda khou ḽi ḓisa,

vha ḓo vha vhathu vhanga vhane nda vha takalela.

Ndi ḓo vha khathutshela unga khotsi

a tshi khathutshela ṅwana wawe ane a mu shumela.

18

3:18
Ps. 58:10-11
73:16-20
Ni ḓo dovha na vhona phambano vhukati ha vhavhuya na vhavhi,

vhukati ha vha no shumela Mudzimu

na vha sa mu shumeli.”

4

Ḓuvha ḽa Muṋe washu ḽi khou ḓa

41

4:1
Mal. 3:2
Ek. 15:7
Yes. 5:24
47:14
Obadia 18
Mat. 3:10
Luk. 3:9
Muṋe washu Mulangazwoṱhe u ri,

“Vhukuma ḓuvha ḽi khou ḓa;

ḽi ḓo fhisa unga ṋanḓo.

Vhoṱhe vhadzia-u-ḓihudza na vhaitazwivhi

vha ḓo nga maṱanga,

ḓuvha heḽo ḽi no khou ḓa ḽi ḓo vha fhisa nga mulilo.

A hu nga sali mudzi wavho kana davhi ḽavho.

2

4:2
Yes. 60:1
9:2
Ps. 36:9
Dot. 33:2
Luk. 1:78
Joh. 1:4,5,9
12:46
2 Pit. 1:19
Hone inwi vhane na ofha dzina ḽanga

ni ḓo penyelwa nga ḓuvha ḽi re u fulufhedzea,

ḽa ni fhodza nga maṱalazaza aḽo.

Ni ḓo khana unga ṋamana dzi tshi bva dangani.

3Ndi hone ni tshi ḓo kandekanya vhavhi,

vha ḓo nga milora ine na i kanda nga ṋayo

musi une nda ita zwithu hezwo.”

Mulayo na vhaporofita ndi zwithihi

4

4:4
Dot. 4:10-14
“Ni songo hangwa mulayo wa muḓinḓa wanga Mushe,

ndayo na milayo ye nda mu ṋea thavhani ya Horebe

uri i vhuse Vhaisraele vhoṱhe.

5

4:5
Mal. 3:1-2
4:1
Yes. 2:11-21Mat. 11:14
Juele 2:31
4:5-6
Luk. 1:17
Mat. 17:11-13
Vhonani,

ndi ḓo ruma muporofita Elia a ḓa ha inwi,

ḓuvha ḽanga iḽo ḽihulu ḽi ofhisaho ḽi sa athu ḓa.

6U ḓo dovha a pfumedzanya vhokhotsi na vhana vhavho,

mbilu dza vhana dza livha kha vhokhotsi avho,

vha sala vha tshi pfana

ndi sa ḓo ḓa nda lozwa shango ḽoṱhe.”