Tshivenda 1998 (VEN98)
6

Mafhungo a Sabatha

(Mat. 12:1-8; Mar. 2:23-28)

61

6:1-5
Mar. 2:27-28
6:1
Dot. 23:25
Ḽiṅwe ḓuvha nga Sabatha Yesu o vha a tshi khou buḓekanya vhukati ha masimu a goroi. Vhafunziwa vhawe vha thoma u ṱhukhula-ṱhukhula ṱhotshe dza goroi vha tshi swoṱa nga zwanḓa vha tshi ḽa. 2
6:2
Ek. 20:10
23:12
Ndi hone vhaṅwe Vhafarisei vha tshi vhudzisa vha ri, “Khezwi ni tshi ita zwine zwa lwa na mulayo wa Sabatha?”

3

6:3-4
1 Sam. 21:2-6
Liv. 24:5-9
Yesu a tshi fhindula a ri, “Kani-ha a ni athu vhala zwiḽa zwa musi Dafita na khonani dzawe vho farwa nga nḓala? 4Ndi amba zwiḽa zwa musi a tshi dzhena nḓuni ya Mudzimu a dzhia vhurotho he ha vha ho no sumelwa Mudzimu, ngeno mulayo u sa tendi muthu a tshi ḽa musumo hoyo arali vhe si vhotshifhe fhedzi – hone vhonani zwe Dafita a ita: o ri u ḽa uho vhurotho a vhuya a ṋea na khonani dzawe.”

5U fhedza mafhungo Yesu a ri, “Mubebwa-nga-muthu na yone Sabatha ndi Ene Muṋe wayo.”

Munna o holefhalaho tshanḓa

(Mat. 12:9-14; Mar. 3:1-6)

6

6:6-11
Mar. 2:27-28
Ḽiṅwe ḓuvha nga Sabatha Yesu a dzhena sinagogoni, a funza. Henefho ho vha hu na munna o holefhalaho tshanḓa tshauḽa. 7Zwino ha vha hu na vhaṅwe vhaḓivhi vha Mulayo na Vhafarisei vhe vha vha vho dzula vho lalela Yesu uri vha vhone arali a tshi ḓo fhodza muthu nga Sabatha uri vha kone u mu hwelela. 8Hone Yesu o vha a tshi ḓivha zwe vha vha vha tshi khou zwi humbula, a mbo vhidza uyo munna o holefhalaho tshanḓa a ri, “Iḓani ni ime ngeno phanḓa ha vhathu.” Uyo munna a takuwa a yo ima phanḓa. 9Yesu a vha vhudzisa a ri, “Ndi zwifhio zwine mulayo wa tenda nga Sabatha? Ndi u tonda kana ndi u vhaisa naa? Ndi u tshidza muthu kana ndi u mu vhulaha?” 10A tshi ralo a vha lavhelesa vhoṱhe, a konou amba na uyo munnaDziṅwe ṱhanzi dza kale dzi ri, “a konou amba na uyo munna ó dinalea a ri,” a ri, “Onyolosani tshanḓa tshaṋu.” Ene a mbo tshi onyolosa, tsha vhuelela ngonani. 11
6:11
Joh. 5:16,18
Hone vhone vha sinyuwa lwe vha pfa na ṱhoho dzi tshi tou rema, vha thoma u luka maano a zwine vha nga ita Yesu.

Yesu a tshi ta vhafunziwa vha 12

(Mat. 10:1-4; Mar. 3:13-19)

12

6:12
Luk. 5:16
Misi iyo Yesu a yo rabela thavhani, a fhedza vhusiku hoṱhe a tshi khou rabela Mudzimu. 13
6:13
Mat. 10:2
Mar. 6:30
Luk. 9:10
11:49
17:5
22:14
24:10
Mish. 1:2,21-22,26
2:42
Ḽi tshi tsha a vhidza vhafunziwa vhawe, a konou ta vha 12 a ri vha pfi vhaapostola.Vhaapostola ndi vhaḓinḓa vha khosi. 14
6:14-16
Mish. 1:13
Joh. 1:40-44
Madzina a vhenevho vhaapostola vha 12 ngea: ndi Simoni (we Yesu a ri u pfi Pitrosi), na murathu wawe Andrisi, na Jakopo, na Johanisi, na Filipi, na Batholomio, 15na Matiosi, na Thomasi, na Jakopo ṅwana wa Alifiosi, na Simoni a no pfi Muhali-wa-Mudzimu, 16na Judasi ṅwana wa Jakopo, na Judasi Iskariote we a vho ḓo fheṱa Yesu.

Yesu a tshi funza na u fhodza vhathu

(Mat. 4:23-25)

17Musi Yesu a tshi tsa navho thavha, a ima fhethu ho itaho mudavhi. Henefho ho vha hu na vhafunziwa vhawe vha re na tshivhalo na gogo ḽihulu ḽa vhathu, vhaṅwe vhavho vha tshi bva hoṱhe kha ḽa Judia na Jerusalema, vhaṅwe vha tshi bva thungo dza Tiro na Sidoni tsini ha lwanzhe. 18Vhathu vhenevho vho vha vho ḓa u pfa Yesu a tshi funza khathihi na u fhodziwa malwadze avho. Na vhe vha vha vha tshi tambudzwa nga thuṅwa dza Saṱhane vha ḓa vha fhodzwa. 19

6:19
Mat. 9:20
Vhathu vhoṱhe vho vha vha tshi tama uri vha mu kwame, ngauri khae ho vha hu tshi bva maanḓa e a vha fhodza vhoṱhe.

Vha re na mashudu na vha na khombo

(Mat. 5:1-12)

20

6:20
Jak. 2:5
Yesu a lavhelesa vhafunziwa vhawe a ri,

“Mashudu inwi ni si na tshaṋu;

muvhuso wa Mudzimu ndi waṋu!

21

6:21
Nzumb. 7:16-17
Jer. 31:25
Mashudu inwi ni na nḓala;

ni ḓo fushwa!

Mashudu inwi ni lilaho zwino;

ni ḓo takala!

22

6:22
Joh. 16:2
15:18-20
Mat. 5:11
10:22
Mish. 5:41
Rom. 8:17
1 Pit. 4:13-14
Ni na mashudu arali

vhathu vha tshi ni vhenga,

vha tshi ni landula,

vha tshi ni sema,

vha tshi ni shata tshika

nge na vha vha Mubebwa-nga-muthu!

23
6:23
Mat. 5:12
“Zwi tshi ralo inwi ni takale ni pembele ngauri ngei ṱaḓulu ni ḓo wana pfufho khulu. Hufha na vhaporofita vhomakhulukuku wavho vho ḓi vha ita zwenezwo!

24

6:24
Mat. 19:23-24
Jak. 5:1Luk. 16:25
“Hone ni ḓo zwi vhona inwi no pfumaho zwino,

ngauri no no ḓi ḓiphiṋa kale!

25

6:25
1 Korint. 4:8
Ni ḓo zwi vhona inwi vhane zwino na ḽa na fura;

ni ḓo fa nga nḓala!

Ni ḓo zwi vhona inwi ni takalaho zwino;

ni ḓo lila na tou honḓa!

26

6:26
Jak. 4:4
Jer. 5:31
Ni ḓo zwi vhona inwi ni khoḓwaho nga vhathu vhoṱhe;

na vhomakhulukuku wavho vho ḓi khoḓa

vhaporofita vha khole-khole nga u ralo.”

U funa swina

(Mat. 5:38-48; 7:12)

27

6:27-30
Mat. 5:44Rom. 12:1712:17-20
“Ndi vhudza inwi vhathetshelesi ndi ri:

“Funani maswina aṋu,

tondani vha ni vhengaho,

28shudufhadzani vha ni teketelaho,

ni rabelele vha ni tambudzaho.

29

6:29
1 Korint. 6:7
“Arali muthu a ni rwa nga mpama, mu ṋekedzeni na luṅwe luṱaha; arali muthu a ni dzhiela badzhi yaṋu, mu litsheni a dzhie na hemmbe. 30Arali muthu a ni humbela tshithu ni mu ṋee, muthu a dzhia tshithu tshaṋu ni songo tsha tshi vhila. 31Zwine na funa vhaṅwe vha tshi ni ita, na inwi ni vha ite-vho zwenezwo. 32Arali ni tshi funa vha ni funaho fhedzi, ni tshee no fanela u pfufhiwa shuu? Hufha na vhatshinyi vha tshi ḓi funa vha vha funaho-vho! 33Arali na tevhedza ḽa uri mutondi u tonda mutondi ngae, ni tshee no fanela u pfufhiwa shuu? Hufha na vhatshinyi vha tshi ḓi ralo-vho? 34Arali ni tshi hadzima avho fhedzi vhane na ḓivha uri vha ḓo lifha, ni tshee no fanela u pfufhiwa shuu? Hufha na vhatshinyi vha tshi ḓi hadzimana nga u ḓivha uri vha ḓo ḓi dovha vha lifhelana! 35
6:35
Liv. 25:35-36
Inwi funani maswina aṋu. Musi ni tshi tonda vhathu kana ni tshi vha hadzima tshithu ni songo ima kha ḽa uri u fha ndi u fhahea; tenda Mudzimu a tshi ḓo ni ṋea pfufho khulu; ni ḓo tou vha vhana vha Waṱaḓuluṱaḓulu; hufha Ene a tshi ḓi tonda na vha sa livhuhi na vhavhi. 36Na inwi khathutshelanani unga Khotsi aṋu a tshi ni khathutshela.

U haṱula vhaṅwe

(Mat. 7:1-5)

37

6:37
Mat. 6:14-15
Mar. 11:25-26
“Ni songo haṱula vhaṅwe, ndi hone Mudzimu a sa nga ni haṱuli; ni songo laṱa vhaṅwe, ndi hone Mudzimu a sa nga ni laṱi; hangwelani vhaṅwe, ndi hone Mudzimu a tshi ḓo ni hangwela. 38
6:38
Mar. 4:24
Mish. 20:35
Ṋeani vhaṅwe, ndi hone Mudzimu a tshi ḓo ni ṋea-vho; u ḓo ni ṋea muelo wo ḓalaho, o u sungusedza a u gadela wa ita muṱumba a konou ni ṋea. Muelo une na elela vhaṅwe ngawo na inwi Mudzimu u ḓo ni elela ngawo.”

39

6:39
Mat. 15:14
Ndi hone Yesu a tshi vha fanyisedzela a ri, “Hu na bofu ḽine ḽa nga sumbedza ḽiṅwe nḓila vhuvhili havho vha sa wele dindini naa? 40
6:40
Mat. 10:24-25
Mufunziwa ha fhiri mufunzi wawe; a nga tou ri musi a tshi vuledza pfunzo dzawe, a lingana nae zwawe.

41“Khezwi ni tshi kona u sedza lufhanza lu re iṱoni ḽa murathu waṋu ngeno danda ḽi re iṱoni ḽaṋu ni sa ḽi londi? 42Nṋa u nga amba hani na murathu wau wa ri, ‘Murathu, litshani ndi ṱomole lufhanza lu re iṱoni ḽaṋu,’ ngeno danda ḽi re iṱoni ḽau u sa ḽi londi? Ṋowa ndi iwe! Thoma u bvisa danda ḽi re iṱoni ḽau, ndi hone u tshi ḓo kona u vhona zwavhuḓi u tshi ṱomola lufhanza lu re iṱoni ḽa murathu wau.

Muri na mitshelo yawo

(Mat. 7:16-20; 12:33-35)

43

6:43-45
Jak. 3:11-12
“Muri wavhuḓi a u aṋwi mitshelo i vhavhaho; zwi ḓi nga muri u vhavhaho u sa aṋwi mitshelo i ḓifhaho. 44Muri muṅwe na muṅwe ri u ḓivha nga mitshelo yawo; kani-ha mahuyu ni a fula kha muunga? Nḓirivhe dzi a fulwa kha luanakha kani? 45Muthu muvhuya u bvisa zwithu zwivhuya zwi re tshisikuni tsha mbilu yawe, na muthu muvhi u ḓi bvisa-vho zwithu zwivhi zwi re tshisikuni tsha mbilu yawe. Tshe mulomo wa amba ndi tshe mbilu ya amba.

Vhafhaṱi vho fhambanaho

(Mat. 7:24-27)

46

6:46-49
Mat. 7:21
6:46
Mal. 1:6
“Khezwi ni tshi ri ni tshi amba na Nṋe na sokou ri ‘Muṋe washu! Muṋe washu!’ ngeno ni sa iti zwine nda amba? 47
6:47-49
Jak. 1:22-25
Muṅwe na muṅwe ane a ri u ḓa kha Nṋe a pfa zwine nda amba, a ya a zwi ita, ndi ḓo ni vhudza uri u fana na nnyi: 48U fana na muthu we a ri a tshi fhaṱa nnḓu a tou bwa vhukuma a tea kha lutombo. Mulambo wa ḓa wo ḓala wo tou pha, wa thudza iḽa nnḓu, fhedzi i sa vhuye ya dzinginyea, vhunga yo fhaṱwa ya khwaṱha. 49Hone ane a ri u pfa zwine nda amba a si zwi ite, u fana na muthu ane a sokou fhaṱa nnḓu kha muṱavha a songo bwa na muteo; musi mulambo u tshi ḓa wo ḓala wa i thudza ya mbo ḓi fhasi huru.”