Tshivenda 1998 (VEN98)
4

Yesu a tshi lingwa nga Saṱhane

(Mat. 4:1-11; Mar. 1:12-13)

41

4:1-2
Dot. 9:9
1 Mah. 19:8
Mat. 6:16-17
Yesu a mbo ḓi ṱuwa mulamboni wa Jorodani o ḓala Muya Mukhethwa. Ene Muya a mu endedza sogani, 2Yesu a fhedza maḓuvha a 40 a sa ḽi tshithu a tshi khou lingwa nga diabolo. Musi ayo maḓuvha a tshi fhela a farwa nga nḓala. 3Ndi hone diabolo a tshi amba na Yesu a ri, “Arali nangoho u Murwa wa Mudzimu, vhudza heḽi tombo ḽi shanduke ḽi vhe vhuswa.” 4
4:4
Dot. 8:3
Yesu a fhindula a ri, “Maṅwalo a ri, ‘Muthu ha tshili nga vhuswa fhedzi.’ ”

5Ndi hone diabolo a tshi isa Yesu nṱha ha thavha, kathihi fhedzi a mu sumbedza mashango oṱhe a ḽifhasi a ri, 6

4:6
2 Korint. 4:4
1 Joh. 5:19
Joh. 12:31
Mat. 28:18
“Ndi ḓo u kumedza haya mashango oṱhe na madzanga ao; zwoṱhe zwi zwanḓani zwanga, ndi zwi ṋea ane nda funa. 7Zwino arali wa tou nngwadamela, hezwi zwithu zwoṱhe zwi ḓo vha zwau.” 8
4:8
Dot. 6:13
5:9
Yesu a fhindula a ri, “Ho ṅwaliwa upfi, ‘Gwadamela Muṋe wau Mudzimu u luvhe Ene fhedzi!’ ”

9Ndi hone diabolo a tshi mu isa Jerusalema a mu imisa kha tshiuludza tsha thembele a konou amba nae a ri, “Arali nangoho u Murwa wa Mudzimu fhufhela fhasi u henefha, 10

4:10-11
Ps. 91:11-12
hufha Maṅwalo a tshi ri,

“ ‘Mudzimu u ḓo vhudza vharuṅwa vhawe vha u tsireledza,

11a ri vha ḓo tou u takula nga zwanḓa uri u si khukhulwe nga tombo.’ ”

12

4:12
Dot. 6:16
Yesu a tshi mu fhindula a ri, “Mudzimu o amba a ri, ‘U songo linga Mudzimu Muṋe wau.’ ” 13
4:13
Luk. 22:28,31
Musi diabolo o no fhedza milingo yawe, a litsha Yesu a ri, “Ndi ḓo mu wana ngavhuya.”

Yesu a tshi thoma mushumo wawe Galelia

(Mat. 4:12-17; Mar. 1:14-15)

14

4:14
Luk. 4:18
Zwenezwo Yesu a humela Galelia e na maanḓa a Muya Mukhethwa. Thungo dzoṱhe ho vha hu tshi vho pfala dzina ḽawe fhedzi. 15O vha a tshi ya a tshi funza na sinagogoni dza Majuda, vhathu vhoṱhe vha tshi mu khoḓa.

Yesu a tshi landulwa Nazaretha

(Mat. 13:53-58; Mar. 6:1-6)

16

4:16
Mish. 13:14
14:1
Ndi hone Yesu a tshi ya Nazaretha fhaḽa he a alutshela hone. Nga Sabatha a ya sinagogoni sa misi. A takuwa uri a vhale Maṅwalo. 17Vha mu ṋekedza bugu ya muporofita Yesaya, a i petulula a wana fhaḽa ho ṅwaliwaho upfi,

18

4:18-21
Luk. 1:68
4:18-19
Yes. 61:1-2
Luk. 7:22
4:18
Luk. 1:35
3:16,22
4:1,14
10:21
24:49
Mish. 1:2,5,8
2:4,17,18
Mat. 1:18,20
3:11,16
4:1
12:18,28,31-32
28:19
“Muya wa Muṋe washu u kha Nṋe.

O nnḓodza uri ndi funze vha si na tshavho

mafhungo maḓifha,

ndi ḓivhadze uri mathubwa a ḓo vhofhololwa,

mabofu a swinguluswa,

uri ndi lamulele vho kandeledzwaho,

19

4:19
Liv. 25:10
ndi ḓivhadze u ḓa ha ṅwaha wa u tshidzwa nga Muṋe washu!”

20U ralo Yesu a peta iḽa bugu, a i ṋea mulavhelesi wa sinagogo, a dzula fhasi uri a funze. Vhathu vhoṱhe vhe vha vha vhe nḓuni vha mu lavhelesa. 21Yesu a thoma u vha funza a ri, “Ṋamusi haya mafhungo a ambwaho nga Maṅwalo o khunyelela zwenezwi ni tshi a pfa a tshi khou vhalwa.” 22

4:22
Joh. 6:42
7:15
Vhoṱhe vha takalela zwe a amba, vha kanuka na u ḓifha ha pfunzo yawe. Vha ri, “Nṋa a si ṅwana wa Josefa uyu naa?”

23

4:23
Mar. 1:21,27,34
Yesu a amba navho a ri, “Ndi a zwi ḓivha uri ni ḓo thoma u mmbudza uri, ‘Mudengu ḓidengule!’ na dovha na ri, ‘Zwe ra pfa hu tshi pfi wo ita ngei Kapernaumi zwi ite-vho na fhano ha hau.’ 24
4:24
Joh. 4:44
Zwino ipfani-ha, ndi ri muporofita ha huliswi ha hawe. 25
4:25
1 Mah. 17:1,8-16
Jak. 5:17-18
Ndi ngoho uri ho vha hu na tshilikadzi nnzhi misi ya muporofita Elia zwiḽa gole ḽi tshi tswuka ḽa fhedza miṅwaha miraru na hafu ha vhuya ha tou wa nḓala khulu shangoni ḽoṱhe. 26Hone Elia ho ngo vhuya a rumiwa na kha muthihi wavho, o rumiwa ngei kha uḽa wa Tsariphathi fhedzi, kha ḽa Sidoni. 27
4:27
2 Mah. 5:1-14
Na misi ya muporofita Elisha ho vha hu na vhanzhi vha lwalaho lukanda shangoni ḽa Israele, hone hu si fhodzwe na muthihi wavho, ha tou fhodzwa Naamani wa Musiria.”

28Vhathu vhoṱhe vhe vha vha vhe sinagogoni vha tshi pfa a tshi ralo vha sinyuwa nga maanḓa. 29

4:29
Num. 15:35
Mish. 7:58
Vha mbo ḓi takutshedza vha pandela Yesu muḓini vha mu isa muṱumbani wa tshikwara tshe muḓi wavho wa vha wo fhaṱwa khatsho, vha tshi ri vha mu khurumedzele luwani. 30
4:30
Joh. 8:59
10:39
Hone Ene a vhanyuludza nga vhukati a ḓiṱutshela.

Munna we a vha e na thuṅwa ya Saṱhane

(Mar. 1:21-28)

31Ndi hone Yesu a tshi tsela muḓini wa Kapernaumi shangoni ḽa Galelia, a ḓi funza vhathu nga Sabatha. 32

4:32
Mat. 7:28-29
13:54
22:33
Joh. 7:46
Luk. 4:14
Vhoṱhe vha kanuka kufunzele kwawe ngauri o vha a tshi pfala e Muṋe wa mafhungo. 33Henefho sinagogoni ho vha hu na muṅwe munna we a vha e na thuṅwa ya Saṱhane, onoyo a ṱavha mukosi a ri, 34
4:34
Mar. 3:11
“U ṱoḓani kha riṋe Iwe Yesu wa Nazaretha? Kani-ha wo ḓa u ri lozwa? Iwe ndi a u ḓivha: U muḓinḓa mukhethwa wa Mudzimu!”

35Yesu a i kaidza a ri, “Fhumula u bve kha hoyo muthu!” Iyo thuṅwa ya mbo ḓi wisela uḽa munna fhasi vhathu vha tshi zwi vhona, ya bva khae i songo vhuya ya mu ita tshithu. 36Vhoṱhe vha akhamala vha thoma u amba nga tshavho vha ri, “Nṋa ndi mini izwi? Onoyu muthu a re na maanḓa a u kaidza thuṅwa dza mu thetshelesa!” 37

4:37
Luk. 4:14
Bvumo ḽa Yesu ḽa thoma u pfala shangoni ḽeneḽo ḽoṱhe.

Yesu a tshi fhodza vhathu vhanzhi

(Mat. 8:14-17; Mar. 1:29-34)

38U bva henefho sinagogoni ha vha u livha hayani ha Simoni. Makhulutshisadzi wa Simoni vho vha vho farwa nga biso, muvhili u tshi tou duga woṱhe. Vha havho vha ḓa vha lilela Yesu. 39Ene a takuwa a yo ima tsini ha mmbete wavho, a kaidza biso ḽa mbo ḓi fhola na zwenezwo, vha mbo ḓi bikela vhaeni.

40Ḓuvha ḽi tshi vho kovhela, vhoṱhe vhe vha vha vhe na vhalwadze vha malwadze a tshakha-tshakha vha vha ḓisa ha Yesu; Ene a vha vhea zwanḓa vhoṱhe, a vha fhodza. 41

4:41a
Mar. 3:11
4:41b
Mar. 3:12
Na thuṅwa dza bva kha vhanzhi dzi tshi khou ṱavha mukosi dzi tshi ri, “Ndi Iwe Murwa wa Mudzimu!” Yesu a dzi kaidza, a sa dzi tendele dzi tshi bula uri ndi Ene nnyi ngauri iṱali dzo vha dzi tshi zwi ḓivha uri ndi Ene Mesia.

Yesu a tshi funza shangoni ḽa Judia

(Mar. 1:35-39)

42Nga matsheloni Yesu a bva a ya sogani. Hone vhathu vha thoma u mu ṱoḓa, musi vho mu wana vha si tsha tenda a tshi ṱuwa. 43

4:43
Luk. 11:2
Ene a vha vhudza a ri, “Ndo fanela u ya nda funza mafhungo maḓifha a muvhuso wa Mudzimu na kha miṅwe miḓi, vhunga zwi zwone zwe Mudzimu a nthumela zwone.” 44Ndi hone a tshi ya u funza sinagogoni dza Judia.