Tshivenda 1998 (VEN98)
24

U vuwa ha Yesu

(Mat. 28:1-10; Mar. 16:1-8; Joh. 20:1-10)

241Nga matshelonitsheloni a Swondaha vhaḽa vhasadzi vha bubela tshaloni na iḽa mishonga ye vha lugisa. 2Vha wana tombo ḽe ḽa vha ḽo vala tshalo ḽo kunguluswa. 3Vha tshi dzhena vha wana tshitumbu tsha Muṋe washu Yesu tshi si tsheeho. 4Vha tshee vho hanganea, vha tshenuwa henefho tsini havho ho no ima vhanna vhavhili vho ambara zwiambaro zwi penyaho. 5Vha kotamisa zwifhaṱuwo nga nyofho, hone avho vhanna vha vha vhudza vha ri, “A tshilaho ni mu ṱoḓelani vhafuni? 6

24:6-7
Luk. 9:21-22
Haho fhano; o vuwa. Kani-ha no hangwa zwiḽa zwe a ni vhudza a tshee Galelia 7uri Mubebwa-nga-muthu o fanela u kumedzwa zwanḓani zwa vhatshinyi, a vhambiwa kha tshifhambano a konou vuwa nga ḓuvha ḽa vhuraru?” 8Ha vha hu hone vhasadzi vha tshi elelwa zwiḽa zwe a amba! 9
24:9-11
Mar. 16:10-11
Vha ṱuwa tshaloni, vha hanelela ayo mafhungo oṱhe vhafunziwa vha 11 na vhaṅwe ngavho vhoṱhe. 10
24:10
Luk. 8:2-3
Avho vhasadzi vho vha vhe Maria Magadalina na Johana na Maria mme a Jakopo. Na vhaṅwe vhe vha vha vhe navho vha vhudza vhaapostola eneo mafhungo. 11Vhaapostola vhone vha pfa zwine vhasadzi vha amba e mafhafhaḓo, vha si tende.

[ 12Pitrosi ene a takuwa a gidimela tshaloni a kotama a ṱolela, a vhona luḽa lukhaha fhedzi. A konou humela hayani a tshi kha ḓi kanuka zwo iteaho.]Dziṅwe ṱhanzi dza kale-kale a dzi na vese iyi.

Yesu a tshi ḓisumbedza nḓilani ya Emausi

(Mar. 16:12-13)

13

24:13-15
Mar. 16:12-13
Musi wonoyo vhavhili vhavho vho vha vhe nḓilani ya u ya muḓini wa Emausi, hu re khilomitha dza 11 u bva Jerusalema, 14vha tshi khou tshimbila vha tshi amba nga tshavho nga zwoṱhe zwe zwa itea. 15Vha tshi kha ḓi amba vhe kha mihani yeneyo, Yesu Ene muṋe a sendela a tshimbila navho, 16vhone vha si mu ḓivhe, ngauri maṱo avho o vha o tsirwa. 17Yesu a vha vhudza a ri, “Nṋa ndi afhio ane na khou enda ni tshi hanelelana one?” Vhone vha mbo ḓi ima vho tou ṱungufhala. 18Muṅwe wavho ane a pfi Kleopasi ndi hone a tshi mu vhudzisa a ri, “Nṋa vha tou vha vhone mueni vhe vhoṱhe fhano Jerusalema vha sa ḓivhi zwe zwa itea maḓuvha eneano?” 19
24:19
Luk. 7:16
Yesu a vhudzisa a ri, “Nṋa ndi zwifhio?” Vhone vha fhindula vha ri, “Ri khou amba zwe zwa itea kha Yesu wa Nazaretha, muporofita we a ḓisumbedza kha zwe a shuma na zwe a amba phanḓa ha Mudzimu na vhathu vhoṱhe e na maanḓa. 20Onoyo, vhotshifhe vhahulwane na vhahulwane vha lushaka lwa hashu vho mu kumedza uri a haṱulelwe lufu, vha mu vhamba kha tshifhambano. 21
24:21
Luk. 1:68
2:38
Riṋe ro vha ro fulufhela uri ndi Ene we a pfi u ḓo vhofholola Israele. Zwino khezwi, ḽo no ḓi vha ḓuvha ḽa vhuraru tshee zwa itea. 22Naho zwo ralo, vhaṅwe vhasadzi vha re vhaṅwe nga riṋe vho ri akhamadza. Vho bubela tshaloni 23vha wana tshitumbu tshawe tshi siho; vha vhuya vha tshi ri vhudza uri vho vhona bono ḽa vharuṅwa vhe vha ri u a tshila. 24
24:24
Luk. 24:12
Joh. 20:3-10
Vhaṅwe vhashu vha tshi ya tshaloni vha wana zwiḽa zwe vhasadzi vha amba zwo tou ralo, hone Ene vha si mu vhone.”

25

24:25-27
Luk. 24:45
Ndi hone Yesu a tshi vha kaidza a ri, “Nṋa ni tou vha matsilu-ḓe lune mbilu dzaṋu dza konḓa u tenda zwoṱhe zwe vhaporofita vha amba! 26Kani-ha a ho ngo pfi Mesia o fanela u ranga u tambula nga u ralo a konou dzhena vhugalani hawe?” 27
24:27
Luk. 24:44
Ndi hone a tshi vha ṱalutshedza zwi re Maṅwaloni oṱhe zwine zwa amba Ene, u ranga nga a Mushe u swika kha a vhaporofita vhoṱhe.

28Vhó no vha tsini ha muḓi we vha vha vha tshi khou ya khawo, Yesu a ita unga u a fhira. 29Vhone vha si fune na u zwi pfa, vha ri, “Hufha ḽi tshi vho kovhela, ḽa ṋamusi tshifa ḽo fhela; vhone vha tou eḓela fhano!” Nangoho a dzhena navho henefho. 30Musi o dzula navho zwiḽiwani, a dzhia vhurotho a livhuha; a konou vhu ṅwatekanya a vha kanzwa. 31Ha vha hu hone vha tshi bonyolowa vha vho mu ḓivha, hone Ene a mbo ḓi ri ṋeleṋele. 32

24:32
Luk. 24:45
Vha amba nga tshavho vha ri, “Ndi zwe ra pfa mbilu dzashu dzi tshi tou swa zwiḽa ri nḓilani a tshi khou ri ṱalutshedza Maṅwalo!”

33Vha mbo ḓi takuwa na zwenezwo vha humela Jerusalema. Henengei vha wana vhaḽa vha 11 vho kuvhangana na vhaṅwe ngavho, 34

24:34
1 Korint. 15:4-5
vha pfa vha tshi ri,

“Nangoho Muṋe washu o vuwa. O ḓisumbedza Simoni!”

35Ndi hone na avho vhavhili vha tshi vho vha anetshela zwe zwa itea vhe nḓilani na uri vho ḓo mu ḓivha musi a tshi khou ṅwatekanya vhurotho.

Yesu a tshi ḓisumbedza vhafunziwa vhawe

(Mat. 28:16-20; Mar. 16:14-18; Joh. 20:19-23; Mish. 1:6-8)

36

24:36
1 Korint. 15:5
24:36-49
Mar. 16:14-16
Vha tshi kha ḓi hanelela eneo, Muṋe washu nga eṱhe a vha o no ima vhukati havho,Kha dziṅwe ṱhanzi dza kale-kale vese iyi i guma henefha. a amba navho a ri, “Mulalo u vhe na inwi.”

37

24:37
Mar. 6:49-50
Vha tshenuwa vha tou tetemela vha tshi ri vha khou vhona tshirunzi. 38Ene a amba navho a ri, “Nṋa ni khou tshenuswa ngani? Khezwi ni tshi timatima mbiluni dzaṋu? 39Vhonani zwanḓa zwanga na milenzhe khezwi; ndi Nṋe vhukuma. Mphuphuledzeni ni pfe: Hufha ndi na muvhili wa ṋama na marambo; tshirunzi tshi nazwo naa?”

[ 40A tshi ralo a vha sumbedza zwanḓa na milenzhe yawe.]Ṱhanzi dziṅwe dza kale-kale a dzi na 40. 41

24:41-43
Joh. 21:5,10
Mish. 10:41
A tshi vhona vha sa athu tenda zwavhuḓi nge vha hulelwa nga dakalo na ganuko, a vha vhudzisa a ri, “Nṋa a ni na zwiḽiwanyana afha?” 42Vhone vha mu ṋea tshipiḓa tsha khovhe yo ṱhaṱhiwaho. 43A mbo ḓi tshi dzhia a ḽa vha tshi zwi vhona.

44

24:44
Luk. 24:27
Joh. 5:39
Mish. 28:23
1 Pit. 1:10-11
A dovha a amba navho a ri, “Izwi-ha ndi zwenezwiḽa zwe nda ni vhudza ndi tshee na inwi. Zwoṱhe zwo ṅwalwaho Mulayoni wa Mushe na Maṅwaloni a vhaporofita na kha Dziphisalema zwi tshi amba Nṋe zwo fanela u khunyelela.” 45
24:45
Luk. 24:25-27,32
Joh. 20:9
A konou vha dzivhulusa uri vha ṱalukanye Maṅwalo. 46
24:46
Luk. 9:21-22Mat. 26:56
1 Korint. 15:3-4Mish. 17:2-3
28:23
A vha vhudza a ri, “Ndi zwone zwe zwa ṅwaliwa upfi Mesia o fanela u tambudzwa a vuwa vhafuni nga ḓuvha ḽa vhuraru. 47
24:47a
Luk. 3:3Mish. 5:31
11:18
17:30-31
20:21
24:47b
Mish. 1:8
Rom. 15:19
A vha Ene ane a ni ruma u ḓivhadza tshakha dzoṱhe uri vha rembuluwe vha kone u hangwelwa vhutshinyi. Ni thome Jerusalema. 48
24:48-49
Mish. 5:32
Joh. 15:26-27
24:48
Mish. 1:8,21-22
2:32
3:15
4:33
10:39-41
13:31
Ndi inwi vhane na fanela u ṱanzilela hezwi zwithu. 49
24:49
Luk. 4:18
Huno Nṋe ndi ḓo ni rumela tshe Khotsi anga a ni fulufhedzisa. Zwino inwi ni dzule fhano Jerusalema ni vhuye ni ṋewe ayo maanḓa a bvaho ṱaḓulu.”

Yesu a tshi gonya ṱaḓulu

(Mar. 16:19-20; Mish. 1:9-11)

50

24:50-51
Luk. 9:51Mish. 1:9
3:21
Mar. 16:19
A bva navho o vha ranga phanḓa u vhuya u sendela tsini ha Bethania. Henefho a imisa zwanḓa zwawe a vha shudufhadza. 51A tshi khou vha shudufhadza a mbo ḓi ṱuwa khavho a takulelwa ṱaḓulu. 52
24:52
Joh. 14:28
16:22
Vhone vha mu gwadamela vha konou humela Jerusalema vhe na dakalo fulu. 53
24:53
Mish. 2:46
5:12
Vha ḓi ṱwa thembeleni vha tshi renda Mudzimu.