Tshivenda 1998 (VEN98)
20

Yesu maanḓa awe o a wanafhi?

(Mat. 21:23-27; Mar. 11:27-33)

201Ḽiṅwe ḓuvha Yesu a tshi khou funza vhathu thembeleni a tshi ḓivhadza mafhungo maḓifha, vhotshifhe vhahulwane na vhaḓivhi vha Mulayo khathihi na vhahulwane vha lushaka vha ḓa 2vha amba nae vha ri, “Edzonu ri vhudza: nṋa ni tshi ita nga u ralo zwi bva kha nnyi? Ndi nnyi o ni fhaho maanḓa a u zwi ita?”

3Yesu a fhindula a ri, “Imani ndi ni vhudzise-vho mbudziso asiyi: Edzonu mmbudza: 4Zwiḽa Johanisi a tshi lovhedza zwo vha zwi tshi bva kha nnyi? Kha vhathu kana kha Mudzimu?”

5Vhone vha thoma u amba nga tshavho vha ri, “Nṋa ri nga tou ri mini? Arali ra ri, ‘Kha Mudzimu,’ u ḓo ri, ‘Zwino-ha na kundwa ngani u tenda pfunzo yawe?’ 6

20:6
Mat. 14:5
Zwino-vho ra ri, ‘Kha vhathu,’ heḽi gogo ḽoṱhe ḽi ḓo ri kanḓa nga matombo, ngauri vha ḓivha Johanisi e muporofita.” 7Ndi hone vha tshi fhindula vha ri a vha ḓivhi.

8Yesu a amba navho a ri, “Izwo-ha na Nṋe a thi nga ni vhudzi uri ndi tshi ita hezwi zwithu zwo bva kha nnyi.”

Tshifanyiso tsha vhahiri vha tsimu ya minḓirivhe

(Mat. 21:33-46; Mar. 12:1-12)

9

20:9
Yes. 5:1-2
Ndi hone Yesu a tshi vha anetshela tshifanyiso hetshi a ri, “Muṅwe munna o vhuya a lima tsimu ya minḓirivhe, a konou i hirisa vhalimi, ene a pfulutshela shangoni ḽiṅwe a fhedza maḓuvha e henengei. 10
20:10
2 Koron. 36:15-16
Musi tshifhinga tsha u fula nḓirivhe tshi tshi swika a ruma mushumi wawe kha avho vhalimi uri a yo dzhia mukovhe wawe wa khaṋo. Vhalimi vhone vha likita uyo muḓinḓa vha fhedza nga u mu pandela a si na tshithu. 11A dovha a ruma muṅwe mushumi; na ene vha mu rwa vha tou tamba ngae vha mu pandela a si na tshithu. 12A dovha a ruma mushumi wa vhuraru; na ene vha mu huvhadza vha mu pandela. 13
20:13
Luk. 3:22
Ndi hone muṋe wa tsimu a tshi ri, ‘Nṋa ndi nga tou ita hani naa? Ndi ḓo ruma ṅwananga muthihi wa mutuka; ene khamusi vha ḓo mu teledza!’ 14Vhaḽa vhalimi vha tshi vhona uyo ṅwana vha amba nga tshavho vha ri, ‘Hoyu ndi ene muḽaifa. Kha ri mu vhulahe uri tsimu i mbo ḓi vha yashu!’ 15Nangoho vha mbo ḓi mu hwalela nnḓa ha tsimu vha mu vhulaha.”

Yesu a konou vhudzisa a ri, “Nṋa avho vhalimi muṋe wa tsimu u ḓo vha itani? 16

20:16
Luk. 21:20-24
Ha nga ḓo ḓa a vha vhulaha, iyo tsimu a i ṋea vhaṅwe naa?”

Vhathu vha tshi pfa ayo mafhungo vha amba vha ri, “Hezwo a zwi nga vhuyi zwa itea!”

17

20:17
Ps. 118:22
Yesu a vha lavhelesa a vha vhudzisa a ri, “Nṋa zwiḽa hu tshi ṅwalwa ha pfi,

“ ‘Tombo ḽe ḽa vha ḽo laṱwa nga vhafhaṱi

ḽa pfi a ḽi na mushumo,

ḽo vha ḽone thikho ya tshifhaṱo,’

“hu ambiwa mini naa? 18
20:18
1 Pit. 2:8
Ane a wela kha tombo iḽo u ḓo vunḓekana; hu ḓi nga ane ḽa mu wela, ḽi a mu pwaṱukanya.”

19

20:19
Luk. 19:48
Vhaḓivhi vha Mulayo na vhotshifhe vhahulwane vha zwi pfa uri tshifanyiso itsho tshi amba vhone, ndi zwe vha ṱoḓa u fara Yesu na zwenezwo, vha ro ofha vhathu.

U thela muthelo wa Khisara

(Mat. 22:15-22; Mar. 12:13-17)

20

20:20
Luk. 11:53-54
Ndi hone vha tshi vho tou dzula vho lindela uri tshifhinga tshi ḓo vhuya tsha swika. Vha ruma zwifheṱi ha Yesu zwa ya zwi tshi nga vhathu kwavho uri zwi mu fashe nga zwine a amba, uri vha kone u mu fara vha mu kumedze muvhusi. 21Zwifheṱi zwenezwo zwa amba nae zwa ri, “Vhafunzi, ri a zwi ḓivha uri zwine vhone vha amba na zwine vha funza ndi zwone. Ri ḓivha na uri a vha ṱaluli muthu, tshavho ndi u funza nḓila yone-yone ine Mudzimu a funa vhathu vha tshi tshila ngayo. 22Kha vha dzou ri vhudza-vho: Nṋa zwo tendelwa u thela muthelo wa Khisara“Khisara” a zwi ambi dzina ḽa muthu; zwi tou amba uri “Khosi khulu ya Vharoma.” kana a zwongo tendelwa?”

23Yesu Ene a tshi vhona vhukwila havho, a vha vhudza a ri, 24“Edzonu ntsumbedza sheleni“Sheleni”: Nga Tshigiriki hu pfi “denarion”. Ndi malamba a mushumi a ḓuvha ḽithihi. afho. Nṋa iyi ṱhoho na dzina ḽi re khayo ndi zwa nnyi?” Vha fhindula vha ri, “Ndi zwa Khisara.”

25

20:25
Rom. 13:7
Yesu a ri, “Ahaa, izwo Khisara mu fheni zwi re zwawe; Mudzimu ni mu fhe zwi re zwawe.”

26Ha vha u kundwa havho u mu fasha henefho vhukati ha vhathu, vha vho sokou fhumula vho akhamadzwa nga phindulo yawe.

Vhasadukei na zwa u vuwa ha vhafu

(Mat. 22:23-33; Mar. 12:18-27)

27

20:27
Mish. 4:1-2
23:6-8
Vhaṅwe Vhasadukei vha ḓa ha Yesu (ndi vhaḽa vha no ri u vuwa ha vhafu a huho) vha mu vhudzisa vha ri, 28
20:28
Dot. 25:5-6
Gen. 38:8
“Vhafunzi, Mushe o ri siela mulayo une wa ri, ‘Arali munna a fa a si na ṅwana a sia musadzi, musadzi uyo kha a sale na murathu wawe uri a bebele mukomana.’ 29Zwino ho vhuya ha vha na vhaṅwe vhaṱhannga vhaṱanu na vhavhili, vhana vha munna. Mukomana khavho a dzea musadzi, a fa a si na ṅwana. 30A mu tevhelaho a sala na iyo tshilikadzi, huno na kha ene zwa ḓi ralo, 31musadzi a sala na wa vhuraru. Zwa ḓi ralo kha vhoṱhe vhuṱanu na vhuvhili havho vha tshi ḓi fa vha si na ṅwana nae. 32Ha vhuya ha fa na ene musadzi. 33Zwino musi vhafu vha tshi vuwa musadzi uyo u ḓo vha wa nnyi? Hufha vhoṱhe vhuṱanu na vhuvhili havho o vha musadzi wavho!”

34Yesu a vha fhindula a ri, “Fhano shangoni vhathu vha a dzea, vha dzewa, 35hone vhane vha ḓo wanala vho fanelwa nga u vuwa vhafuni kha vhutshilo vhu ḓaho, a vha tsha ḓo dzea, a vha tsha ḓo dzewa, 36

20:36
1 Joh. 3:1-2
hufha vha tshi ḓo vha vha sa tsha fa, vha tshi vho nga vharuṅwa, vhe vhana vha Mudzimu nge a vha vusa vhafuni.

37

20:37
Ek. 3:2,6
“Zwino kha zwa u vuswa ha vhafu, na ene Mushe u a ri sumbedza uri vha a vuswa. Ndi fhaḽa hune a amba nga tshiṱaka tsha muunga tshi tshi duga a tshi ri, ‘Muṋe washu ndi Mudzimu wa Abrahamu, na wa Isaka, na wa Jakopo.’ 38Zwino-ha Mudzimu a si wa vho faho, ndi wa vha tshilaho, ngauri vha re nae, vhoṱhe vha a tshila.”

39Vhaṅwe vhaḓivhi vha Mulayo vha ri, “Vho amba zwone Vhafunzi!” 40Vhoṱhe vha vho tata u ḓi ṱolou mu vhudzisa dzimbudziso.

Mesia a nga vha muḓuhulu wa Dafita naa?

(Mat. 22:41-46; Mar. 12:35-37)

41

20:41-44
Mat. 20:30-31
Yesu a amba navho a ri, “Nṋa hu khou ambelwafhi hu tshi pfi Mesia u ḓo vha muḓuhulu wa Dafita? 42
20:42-43
Ps. 110:1
Mish. 2:332:34-35
Hufha Dafita ene muṋe a tshi amba Buguni ya Dziphisalema a tshi ri,

“ ‘Muṋe wa vhoṱhe o amba na Muṋe wanga a ri:

Dzula hafha thungo ya tshauḽa tshanga,

ri vhuse roṱhe,

43ndi vhuye ndi ite maswina au vhukando ha milenzhe yau.’

44“Asizwo-ha, zwi nga itea hani uri Mesia a vhe muḓuhulu wa Dafita? Hufha Dafita ene muṋe a tshi mu amba a tshi tou ri, ‘Muṋe wanga’?”

Yesu a tshi ri hu thanyelwe vhaḓivhi vha Mulayo

(Mat. 23:1-36; Mar. 12:38-40)

45Yesu a konou amba na vhafunziwa vhawe vhathu vhoṱhe vha tshi zwi pfa, a ri, 46

20:46
Luk. 11:43
14:7
“Ni thanyele vhaḓivhi vha Mulayo vhane vha funesa u tshimbila vho ambara phuraphura na u loshwa vanḓani, vhadzia-u-nanga-madzulo a phanḓa sinagogoni na zwimimani. 47Vha lapfisa thabelo dzavho vha tshi itela u vhonwa nga vhathu, ngeno vha tshi ḽa thundu dza tshilikadzi vha fhedza. Ṱhamu ine vha ḓo i wana i ḓo vhavhesa.”