Tshivenda 1998 (VEN98)
18

Tshifanyiso tsha muhaṱuli na tshilikadzi

181

18:1
Rom. 12:12Filip. 4:6
Kol. 4:2
1 Thes. 5:17
Yesu a tshi ṱoḓa u vha funza uri vha fanela u dzula vha tshi rabela vha sa kulei nungo, a vha vhudza tshifanyiso hetshi 2a ri, “Muḓini muṅwe ho vhuya ha vha na muṅwe muhaṱuli we a vha a sa ofhi Mudzimu, na muthu a sa londi. 3Zwino muḓini wonoyo ho vha hu na muṅwe musadzi wa tshilikadzi; onoyo o vha a tshi ḓi ya ha muhaṱuli a tshi ri, ‘Kha vha nndamulele-vho kha swina ḽanga.’ 4Ha fhela tshifhinga uyo muhaṱuli a sa zwi londi, hone a guma nga u elekanya a ri, ‘Nangwe ndi sa ofhi Mudzimu, na muthu ndi sa londi, 5
18:5
Luk. 11:7-8
hone vhunga hei tshilikadzi i tshi ṱolou nnzindela, ndi ḓo vhuya nda sokou i lamulela ngauri nda sa ralo i ḓo ḓi ṱolou nnzindela, ya ḓo vhuya ya nndina!’ ”Kana: “ya ntshinya dzina.” 6Muṋe washu a konou ri, “Edzonu pfa zwine muhaṱuli wa mbilu mmbi a amba! 7Zwino Mudzimu Ene vhanangiwa vhawe vhane vha mu ṱavhela mukosi vhusiku na masiari, a nga kundwa ngani u vha lamulela, naho a vha lengelela? 8Nṋe ndi ri u ḓo ṱavhanya u vha lamulela. Hone Mubebwa-nga-muthu a tshi vhuya u ḓo wana shangoni hu tshi kha ḓi vha na lutendo naa?”

Tshifanyiso tsha Mufarisei na muthelisi

9Na vha u ḓifhima uri vhone ndi vhavhuya, vha tshi nyadza vhaṅwe, Yesu a vha vhudza tshifanyiso hetshi a ri, 10“Vhaṅwe vhanna vhavhili, Mufarisei na muthelisi, vho vhuya vha gonya thembeleni u yo rabela. 11Mufarisei a ḓa a ima henefho, a rabelela mbiluniDziṅwe ṱhanzi dzi ri, “Mufarisei a ḓa a ima nga thungo, a rabela ...” a ri, ‘Ndi a u livhuha Mudzimu ngauri a thi fani na vhaṅwe vhathu: ho dzula mavemu, vha songo lugaho, dziphombwe, nangwe e hoyu muthelisi, a thi fani nae. 12

18:12
Luk. 11:42
Mat. 23:236:16-17
Ndi ḓidzima luvhili nga vhege, ndi bvisa tshafumi kha zwoṱhe zwine nda wana.’ 13
18:13
Luk. 5:8
Ps. 51:1-3
Muthelisi ene a ima nga kulenyana a tshi tou tata na u lilala, a sokou ḓirwa khana nga u ḓisola a tshi ri, ‘Yawee Mudzimu, a thi hangwelwi-vho na, nṋe mutshinyi!’ ” 14
18:14
Ps. 51:17
Mat. 23:12
Yesu a ri, “Ndi a ni vhudza ndi ri, we a ya hayani o hangwelwa ndi muthelisi, e si Mufarisei. Vhoṱhe vhane vha ḓihudza vha ḓo ṱukufhadzwa, vhane vha ḓiṱukufhadza vha ḓo huliswa.”

Yesu a tshi shudufhadza vhana vhaṱuku

(Mat. 19:13-15; Mar. 10:13-16)

15Vhaṅwe vhathu vha vho ita na u ḓisa vhana ha Yesu uri a vha vhee zwanḓa. Vhafunziwa vha tshi zwi vhona vha vha kaidza. 16Yesu Ene a vhidza avho vhana uri vha ḓe khae a ri, “Litshani vhana vha ḓe ha Nṋe; ni songo vha dzivhisa, ngauri muvhuso wa Mudzimu ndi wa vha no nga vhenevha. 17

18:17
Mat. 18:3
Zwino ipfani-ha: ane a si tende u vhusiwa nga Mudzimu unga ṅwana, ha nga dzheni muvhusoni wawe na kathihi.”

Mupfumi we a ḓa ha Yesu

(Mat. 19:16-30; Mar. 10:17-31)

18

18:18
Luk. 10:25
Muṅwe wa vhahulwane vha Majuda a mu vhudzisa a ri, “Nandi vhone mufunzi muvhuya, uri ndi wane vhutshilo vhu sa fheli ndi fanela u ita mini?” 19Yesu a mu fhindula a ri, “Khezwi ni tshi nnyita muvhuya? A hu na muthu a re muvhuya; muvhuya ndi Mudzimu e eṱhe. 20
18:20
Ek. 20:12-16
Zwino milayo ya uri, ‘U songo ita vhupombwe; u songo vhulaha muthu; u songo tswa; u songo zwifhelela muṅwe; u hulise khotsi au na mme au’ hufha ni tshi i ḓivha?” 21Munna uyo a fhindula a ri, “Heyo yoṱhe ndo i tevhedza u bva hanani.” 22
18:22
Luk. 12:33Mat. 8:21-22
Yesu a tshi pfa zwenezwo a ri, “Ho tou sala tshithihi fhedzi tshine na fanela u tshi ita: rengisani zwoṱhe zwine na vha nazwo, ni kovhele vhashai tshelede; lwaṋu lupfumo ni ḓo lu wana ṱaḓulu. No no ita zwenezwo, ni ḓe ni vhe mufunziwa wanga.” 23Munna uyo a tshi pfa izwo a ṱungufhala, ngauri o vha o pfuma zwihulu.

24Yesu a tshi vhona uri o ṱungufhala a ri, “Zwi konḓa hani uri vhapfumi vha dzhene muvhusoni wa Mudzimu! 25Muthu o pfumaho u dzhena muvhusoni wa Mudzimu zwi mu konḓela u fhira musi gamela i tshi edzisa u fhira nga buli ḽa ṋeleṱe.” 26Vhathu vhe vha pfa a tshi ralo vha ri, “Zwino hu kha ḓi ḓo tshidzwa nnyi-ha?” 27

18:27
Zak. 8:6
Luk. 1:37
Yesu a fhindula a ri, “Zwine vhathu zwa vha kunda, Mudzimu a zwi mu kundi.”

28Ndi hone Pitrosi a tshi ri, “Kha vha dzou vhona riṋe, ro ṱutshela zwoṱhe zwe ra vha ri nazwo ra vha vhafunziwa vhavho.” 29

18:29
Luk. 14:26
Mat. 10:37
Yesu a ri, “Zwino ipfani-ha: muthu ane a ṱutshela nnḓu yawe kana musadzi kana vharathu kana vhabebi kana vhana vhawe a tshi itela muvhuso wa Mudzimu, 30Mudzimu ha nga litshi u mu ṋea zwi no fhira kule zwiḽa zwe a ṱutshela. U ḓo mu ṋea musi a tshee fhano shangoni; huno musi ndi tshi vhuya u ḓo mu ṋea na vhutshilo vhu sa gumi.”

Yesu a tshi amba lwa vhuraru nga lufu lwawe na u vuwa hawe

(Mat. 20:17-19; Mar. 10:32-34)

31

18:31-34
Luk. 9:21-22
Yesu a vhidzela vha 12 thungo a amba navho a ri, “Ḓivhani uri ri khou gonya Jerusalema. Henengei hu ḓo itea zwoṱhe zwe vhaporofita vha ṅwala vha tshi amba Mubebwa-nga-muthu uri: 32U ḓo kumedzwa vhannḓa. Vhenevho vha ḓo tamba ngae vha mu tambudza, vha tshi mu pfela na mare. 33Vha ḓo mu rwa nga mboma, vha fhedza nga u mu vhulaha. Hone nga ḓuvha ḽa vhuraru u ḓo vuwa vhafuni.”

34

18:34
Luk. 9:45
Vhafunziwa ayo mafhungo a vho ngo kona u a ṱalukanya ngauri o vha a tshee o vha dzumbama, huno vha si ḓivhe uri Yesu a tshi ralo u amba mini.

Yesu a tshi fhodza bofu

(Mat. 20:29-34; Mar. 10:46-52)

35Musi Yesu a tshi vho sendela Jerikho, ha vha uri muṅwe munna wa bofu o dzula tsini ha nḓila a tshi khou humbela zwifhiwa. 36Onoyo a tshi pfa hu tshi khou fhira gogo ḽihulu a vhudzisa uri hu khou itea mini. 37Vha mu vhudza vha ri, “Hu khou fhira Yesu wa Nazaretha.” 38

18:38-39
Mat. 20:30-31
Ene a vhidzelela a ri, “Yesu Murwa wa Dafita, a thi khathutshelwi zwanga naa?” 39Vhathu vhe vha vha vhe phanḓa vha mu kaidza uri a fhumule, fhedzi ha tou vha hone a tshi ṋaṋa u ṱavha mukosi a tshi ri, “Murwa wa Dafita, a thi khathutshelwi zwanga naa?” 40Yesu a ima a ri uyo munna wa bofu a ḓiswe. A tshi swika Yesu a mu vhudzisa a ri, 41“Ni funa ndi tshi ni itela mini?” Ene a ri, “Muṋe wanga, ndi tama u vhona.” 42
18:42
Mat. 9:22
Ndi hone Yesu a tshi amba nae a ri, “Nazwino fholani ni vhone; lutendo lwaṋu lwo ni fhodza.” 43Kathihi fhedzi a mbo ḓi kona u vhona; a renda Mudzimu a tshi khou tevhela Yesu. Vhathu vhoṱhe vha tshi zwi vhona vha renda Mudzimu.