Tshivenda 1998 (VEN98)
1

Theshano

11

1:1-3
Mish. 1:1
Thifilosi muṋe wanga, Ho no ḓi vha na vhanzhi vhe vha edzisa u ṅwala dzibugu nga zwe zwa itea vhukati hashu. 2
1:2
1 Joh. 1:1
Mish. 1:21-22
Vho ṅwala eneaḽa e ra vhudzwa nga vhe vha tou zwi vhona u bva mathomoni azwo, vha vhuya vha vha vhaanḓadzi vha mafhungo maḓifha. 3Ndi hone muṋe wanga, nṋe-vho ndi tshi konou sedzulusa ayo mafhungo nga vhuronwane u bva he a thoma, nda zwi vhona uri zwo fanela ndi tshi vha ṅwalela bugu ine ya a hanelela yo tou dzudzanywaho zwavhuḓi. 4
1:4
Joh. 20:31
Hezwi ndi khou zwi itela uri na vhone vha kone u ḓivha uri mafhungo haya e vha funzwa ndi ngoho vhukuma.

U ḓivhadzwa ha u bebwa ha Johanisi Mulovhedzi

5

1:5
Mat. 2:1
Misi Herude e khosi shangoni ḽa Judia ho vha hu na muṅwe tshifhe wa tshigwada tsha Abia we a vha a tshi pfi Zakaria. Musadzi wawe na ene o vha e wa lutsinga lwa Aroni, a tshi pfi Elisabethe.

6Vhoṱhe vhuvhili havho vho vha vha tshi tshila vhutshilo vhu takadzaho Mudzimu, vha tshi tevhedza milayo yoṱhe na maipfi a Muṋe washu vha sa solisei. 7

1:7
Gen. 16:1
17:15-17
25:21
29:31
Hone vho vha vha si na ṅwana ngauri Elisabethe o vha e muumba, nahone vhuvhili havho vho vha vho no vha vhathu vha maḓuvha.

8Ḽiṅwe ḓuvha Zakaria o vha e ene tshifhe nḓuni ya Mudzimu nga tshifhinga tshe tsha vha tsho telwa tshigwada tshawe. 9

1:9
Ek. 30:7-8
Nzumb. 8:3-4
O vha o tou nangwa nga madeṅwa hu tshi tevhedzwa kuitele kwa vhotshifhe, uri a vhe ene ane a dubisela Mudzimu zwioro kha aḽiṱari. Ndi zwe a vha o dzhena nḓuni ya Mudzimu, 10vhathu vhoṱhe vho sala muṱani wa thembele vha tshi khou rabela nga tshifhinga tsha u dubisa zwioro. 11
1:11
Luk. 2:9
Mish. 5:19
Ha ḓa muruṅwa wa Muṋe washu a ḓisumbedza ene, a vhonala o ima thungo ya tshauḽa tsha aḽiṱari ya zwioro. 12Zakaria a tshi vhona uyo muruṅwa a tshenuwa o dzhenwa nga nyofho. 13
1:13
Luk. 1:60,63
Ndi hone uyo muruṅwa a tshi amba nae a ri, “U songo ofha Zakaria. Thabelo yau yo pfiwa. Nazwino Elisabethe musadzi wau u ḓo u bebela ṅwana wa mutukana; u mu rine dzina ḽi no pfi Johanisi. 14
1:14
Yes. 54:1
Iwe u ḓo takala lwa u takala; vhanzhi vha ḓo pembelela u bebwa hawe. 15
1:15
Mat. 11:11
U ḓo vha muthu muhulwane phanḓa ha Mudzimu. Ha nga nwi waini na zwi kambaho; u ḓo bebwa o ḓala Muya Mukhethwa. 16Vhanzhi vha lushaka lwa Israele u ḓo vha humisela ha Mudzimu Muṋe wavho. 17
1:17
Mal. 4:5-6
Mat. 11:14
17:10-13
U ḓo vha muḓinḓa wa Mudzimu, a re na Muya Mukhethwa na maanḓa a Muporofita Elia. U ḓo pfumedzanya vhabebi na vhana vhavho; vhadzia-u-sa-pfa u ḓo ita uri vha vhe vhavhuya, uri vhathu vha dzule vho lindela Muṋe wavho.”

18

1:18
Luk. 1:34
Gen. 15:8
Zakaria a vhudzisa uyo muruṅwa a ri, “Nṋa ndi ḓo zwi ḓivha hani uri zwine wa khou amba ndi zwone? Ndi amba ngauri nṋe ndo no ḓi vha mukalaha, na musadzi wanga o no vha mukegulu!” 19
1:19
Dan. 8:16
9:21
Luk. 1:26
Muruṅwa a fhindula a ri, “Ndi nṋe Gabriele mukoma a ṱwaho na Mudzimu; ndo rumiwa u ḓa u u vhudza mafhungo haya maḓifha. 20Zwino-ha ngauri a wo ngo tenda zwe nda u vhudza, a u tsha ḓo kona u amba hu vhuye hu itee zwe nda amba; u itea hone zwi ḓo itea nga tshifhinga tshazwo.”

21Zwi tshi khou ralo vhathu vho vha vho ḓi lindela Zakaria vha tshi vho kanuka uri u khou lengiswa nga mini nḓuni ya Mudzimu. 22Ene a tshi bvela nnḓa o vha a sa tsha kona u amba na vhathu, vhone vha zwi vhona uri o vhona bono musi e nḓuni ya Mudzimu. Zwino nge a kundwa u amba nga mulomo a vho tou amba navho nga zwanḓa.

23Musi tshifhinga tshawe tsha u shuma thembeleni tshi tshi fhela, Zakaria a humela hayani. 24Hú songo fhela tshifhinga tshingafhani Elisabethe musadzi wawe a vha muthu wa thovhela, a fhedza miṅwedzi miṱanu o ḓidzumba, 25

1:25
Gen. 30:23
21:6
a tshi ri, “Zwino ndi hone Mudzimu o nnyitela vhuthu; o fhedza huḽa u ṱolou sewa hanga.”

U ḓivhadzwa ha u bebiwa ha Yesu

26

1:26
Luk. 1:19
Musi zwi tshi vho ita miṅwedzi miṱanu na muthihi Elisabethe e muthu wa thovhela, Mudzimu a mbo ruma muruṅwa Gabriele kha muṅwe muḓi wa Galelia une wa pfi Nazaretha 27
1:27
Mat. 1:16
u isa fhungo kha muṅwe musidzana we a vha o fulufhedziswa munna a no pfi Josefa, muḓuhulu wa khosi Dafita. Onoyo musidzana o vha a tshi pfi Maria. 28Muruṅwa a ḓa khae a ri, “Mulalo Maria! Mashudu au ndi mahulu; Muṋe washu u na iwe.” 29Maria a tshi pfa ayo maipfi a akhamala, a ḓivhudzisa mbiluni uri zwi nga vha zwi tshi amba mini. 30
1:30
Luk. 1:13
2:10
Mat. 28:5
Ndi hone muruṅwa a tshi ri, “U songo ofha Maria; Mudzimu o u tonda zwihulu. 31U ḓo vha muthu wa thovhela wa beba ṅwana wa mutukana; u mu ire dzina ḽa Yesu. 32
1:32
Yes. 7:14
Mat. 1:21Luk. 2:21
Mish. 4:12
U ḓo vha muhulwane lune a ḓo tou pfi Murwa wa Waṱaḓuluṱaḓulu. Mudzimu Muṋe washu u ḓo mu ambadza vhuhosi ha Dafita makhulukuku wawe. 33
1:33
2 Sam. 7:16
Dan. 2:44
7:14
Mat. 28:18
U ḓo vha khosi ya zwiḓuhulu zwa Jakopo misi yoṱhe; muvhuso wawe a u nga gumi!”

34

1:34
Luk. 1:18
Ndi hone Maria a tshi amba na muruṅwa a ri, “Hufha nṋe ndi sa athu vhuya nda ḓivha muthu wa munna, zwino zwine vha khou amba zwi nga itea hani?”

35

1:35
Mat. 1:18
Luk. 4:18
Muruṅwa a tshi mu fhindula a ri, “Muya Mukhethwa u ḓo ḓa kha iwe; maanḓa a Waṱaḓuluṱaḓulu a ḓo kavha kha iwe. Ndi zwine uyo ṅwana a ḓo tou pfi Mukhethwa, Murwa wa Mudzimu. 36Vhona zwe zwa itea kha shaka ḽau Elisabethe. O vha a tshi pfi ndi muumba, hone zwino vhona, zwi vho ita miṅwedzi miṱanu na muthihi e muthu wa thovhela naho o no tou vha mukegulu wa maḓuvha, 37
1:37
Gen. 18:14
Mat. 19:26
ngauri a hu na tshithu tshine Mudzimu a sa tshi kone.”

38Maria a ri, “Ndi mulanda wa Muṋe washu! Zwine wa ri zwi ḓo itea kha nṋe kha zwi itee.” Ndi hone muruṅwa a tshi ṱuwa.

Maria a tshi dalela Elisabethe

39Hu sa athu vhuya ha fhela tshifhinga tshingafhani Maria a ṱuwa a livha muḓini muṅwe u re thavhani dza Judia. 40A tshi swika a dzhena nḓuni ya Zakaria, a vusa Elisabethe. 41Elisabethe a ri u pfa Maria a tshi mu vusa, ṅwana a re muvhilini wawe a thoma u tamba-tamba. Elisabethe a mbo ḓi ḓala Muya Mukhethwa, 42

1:42
Luk. 11:27-28
a fhululedza a ri,

“Mashudu aṋu a fhira a vhasadzi vhoṱhe!

Na ṅwana ane na ḓo mu beba o shudufhala!

43Nṋa zwi nga ḓa hani vha hashu ndi tshi tou vhuya nda dalelwa-vho

nga mme a Muṋe wanga?

44Ndi ralo nge ha ri zwenezwi ni tshi tou nthesha

nda sokou pfa zwenezwi zwe nda hwala

zwi tshi tamba nga dakalo.

45Ni na mashudu inwi nge na tenda uri ipfi ḽe Muṋe washu a ni vhudza

a ḽi nga weli fhasi!”

Luimbo lwa Maria lwa u renda Mudzimu

46

1:46-55
1 Sam. 2:1-10
Maria a ri,

“Mbilu yanga i khoḓa Muṋe wanga.

47

1:47
1 Tim. 2:3
Tit. 2:10
Judasi 25
Muya wanga u takalela Mudzimu Mutshidzi wanga.

48O humbula-vho nṋe mulanda wawe muṱukuṱuku!

U thoma ṋamusi ndi ḓo ḓi pfi wa mashudu

nga mirafho yoṱhe,

49ngauri Ramaanḓa o ntonda zwihulu.

Dzina ḽawe ndi ḽikhethwa;

50

1:50
Ps. 103:13,17
vhoṱhe vha mu ofhaho u vha itela tshilidzi

u bva kha murafho zwa ya kha murafho.

51

1:51
Dot. 5:15
26:8
O ri u angaladza tshanḓa tshawe tsha maanḓa,

a balanganya vhoṱhe vha mbilu dza u ḓihudza.

52

1:52
Ps. 75:7Mat. 23:12Jak. 4:6,10
U bvisa vha maanḓa vhuhosini hao,

a hulisa tsiwana.

53

1:53
Ps. 107:9
34:10
Vha re na nḓala u vha fusha nga zwavhuḓi,

vhapfumi u vha humisa vha si na tshithu.

54-55

1:54-55
Mika 7:20
Ps. 98:3
Gen. 17:7
18:18
22:17
Zwe a fulufhedzisa

vhomakhulukuku washu o zwi ita;

a ḓi ḓa a phalala muḓinḓa wawe Israele.

Ho ngo hangwa u lilisa Abrahamu,

na vhaḓuhulu wawe misi yoṱhe!”

56Maria a dzula na Elisabethe miṅwedzi ine ya ṱoḓou swika miraru, a konou humela hayani.

U bebwa ha Johanisi Mulovhedzi

57Musi tshifhinga tsha uri Elisabethe a vhofholowe tshi tshi swika, a beba ṅwana wa mutukana. 58Vhahura vhawe na mashaka awe vha tshi pfa uri Muṋe washu o mu tonda zwingafhani vha takala nae nga maanḓa.

59

1:59
Gen. 17:12-13
Liv. 12:3
Nga ḓuvha ḽa vhuṱanu-na-vhuraru ṅwana ó bebiwa, vha ḓa u mu fumbisa. Vha ri vha ṱoḓa u mu ira dzina ḽa khotsi awe Zakaria, 60
1:60
Luk. 1:13
hone mme awe a hanedza a ri, “Hai, hoyu u pfi Johanisi.” 61Vhone vha fhindula vha ri, “Hufha hu si na wa haṋu ane a vha na dzina iḽo!” 62Ndi hone vha tshi thoma u amba na khotsi awe nga zwanḓa vha tshi vhudzisa uri u funa ṅwana a tshi pfi nnyi. 63
1:63
Luk. 1:13
Zakaria a humbela baphathi ḽa u ṅwalela khaḽo, a ṅwala a ri, “U pfi Johanisi.” Vhoṱhe vha kanuka. 64A tshi kha ḓi tou ralo, Zakaria a mbo ḓi dovha a kona u amba, a thoma u renda Mudzimu. 65Vhahura vhawe vhoṱhe vha dzhenwa nga nyofho; haya mafhungo oṱhe a pfala hoṱhe thavhani dza Judia. 66Vhoṱhe vhe vha zwi pfa vha thoma u elekanya vha ḓivhudzisa vha ri, “Nṋa uyu ṅwana u ḓo tou vha mini?” Vha ralo nge zwa vha zwi tshi tou vhonala uri Mudzimu u nae.

Luimbo lwa Zakaria lwa u renda Mudzimu

67Khotsi awe Zakaria a ḓala Muya Mukhethwa a porofita a ri,

68

1:68
Ps. 41:13
72:18
111:9
Luk. 4:18-21
7:16
19:44
“Kha hu rendwe Muṋe washu,

Mudzimu wa Israele!

Ngauri o ḓa u tonda vhathu vhawe a vha rengulula,

69

1:69
Ps. 132:17
a ri vusela Mutshidzi wa maanḓa,

ane a vha muḓuhulu wa Dafita

mushumeli wawe.

70

1:70
Rom. 1:2
Yes. 9:1-6
Mika 5:2-4
Asia-ha e a a bula tsha kale na kale nga milomo ya vhaporofita

vhawe vhakhethwa:

71

1:71
Ps. 106:10
O fulufhedzisa uri u ḓo ri tshidza kha maswina ashu,

na kha vhoṱhe vha ri vhengaho.

72

1:72
Ps. 106:45
105:8-9
Liv. 26:42
O ri u ḓo khathutshela

vhomakhulukuku washu,

u ḓo dzula a tshi elelwa mulanga wawe mukhethwa.

73-74

1:73
Gen. 22:16-18
1:74-75
Tit. 2:12,14
O fulufhedzisa makhulukuku washu Abrahamu

ó khwaṱhisa,

a ana uri u ḓo ri lamukisa

kha maswina ashu,

uri ri kone u mu luvha

ri sa ofhi tshithu,

75rí vhakhethwa, ri tshi ita zwine Ene a zwi funa

maḓuvha oṱhe a vhutshilo hashu.

76

1:76
Luk. 7:27
Mal. 3:1
4:5-6
Mat. 11:10
Mar. 1:2
Inwi ṅwananga ni ḓo tou pfi

muporofita wa Waṱaḓuluṱaḓulu.

Ni ḓo fhira phanḓa ha Muṋe washu ni tshi mu lugisela nḓila,

77

1:77
Jer. 31:34
Mar. 1:4
ni tshi ḓivhadza vhathu vhawe

uri vha ḓo tshidzwa

nga u hangwelwa vhutshinyi havho;

78

1:78
Ek. 34:6
ngauri Mudzimu washu u na mbilutshilidzi,

u ḓo ri ṱavhisela ḓuvha

ḽi bvaho ṱaḓulu,

79

1:79
Yes. 9:2,6
42:6-7
ḽa vhonetshela vhoṱhe vhane vha dzula swiswini

na dunzini ḽa lufu,

ra endedzwa nḓilani ya mulalo.”

80

1:80
Luk. 2:40,52
Ṅwana uyo a aluwa, a khwaṱha na muyani, a dzula sogani u swika ḓuvha ḽe a bvela khagala vhukati ha lushaka lwa Israele.