Tshivenda 1998 (VEN98)
2

Thabelo ya Jonasi

21Jonasi e ngomu ha khovhe a rabela Muṋe washu Mudzimu wawe. A ri,

2

2:2
Ps. 120:1
Zwililo 3:55
“Muṋe washu,

ndo u vhidzelela ndi khomboni,

Iwe wa nnyaravha.

Ndo u vhidzelela ndi fhasi-fhasi vhudzulavhafu,

Iwe wa thetshelesa tshililo tshanga.

3

2:3
Ps. 42:7
Wo vha wo mposa fhasi-fhasi,

hone tshivhindini tsha lwanzhe,

nda tangwa nga maḓi,

magabelo au oṱhe a nkumba.

4

2:4
Ps. 31:22
Nṋe nda ri:

Ndo thathelwa kule na iwe,

naho zwo ralo ndi ḓo dovha nda sedza

thembele yau khethwa.

5

2:5
Ps. 18:4
69:1-2
Ndo vha ndo tangwa nga maḓi nda nga ndi sa fa,

lwanzhe lwa ntiba tshoṱhe,

ṱhoho yanga ya tandwa nga lukalwe lwa lwanzhe.

6

2:6
Ps. 40:2
Ndo vha ndo mbwandamela nda swika miteoni ya dzithavha,

nda tsela mashangoni a fhasi ha ḽifhasi,

nda hoṋelwa tshoṱhe uri ndi si tsha bva.

Hone Iwe Muṋe washu Mudzimu wanga,

wo nṋula dindini nda tshila.

7

2:7
Ps. 18:6
“Musi vhutshilo hanga vhu tshi khou ṱuwa,

nda elelwa Iwe Muṋe washu,

thabelo yanga ya swika phanḓa hau,

ya dzhena thembeleni yau khethwa.

8

2:8
Ps. 31:6
Vhane vha luvha midzimu i si tshithu,

vho shandukela Mudzimu wavho muthihi a fulufhedzeaho.

9

2:9
Ps. 22:25
Huno nṋe ndi ḓo u ṋekedza nduvho

ndi tshi khou u renda nga nyimbo.

Ndi ḓo khunyeledza zwe nda u anela.

U tshidzwa hu bva ha Muṋe washu!”

10Ndi hone Muṋe washu a tshi vhudza khovhe ya ṱanzela Jonasi khunzikhunzini.