Tshivenda 1998 (VEN98)
3

Tshakha dzi tshi haṱulwa

31

3:1-17
Esek. 38 na 39
Zak. 12:1-9
14:1-3,12-13
“Misi yeneyo,

nga tshifhinga tshenetsho,

ndi ḓo dovha nda vhuedzedza mashudu

a Juda na Jerusalema.

2

3:2
2 Koron. 20
Ndi ḓo kuvhanganya dzitshakha

nda dzi isa govhani ḽine ḽa pfi Josafati,

‘Yahavee u a haṱula.’

Henefho ndi ḓo vha haṱula

ndi tshi vha haṱulela zwe vha ita vhathu vhanga

vha Israele, vhe nda ri ndi vhanga vhukuma,

vho vha balanganya na dzitshakha,

vha kovhekana shango ḽanga.

3

3:3
Nah. 3:10
Vho itela vhathu vhanga madeṅwa,

vha vhambadza mutukana vha tshi itela u renga phombwe ḓuvha ḽithihi,

musidzana vha renga ngae waini ya u nwa.

4“Zwino inwi vha Tiro na Sidoni

na inwi vha madzingu oṱhe a Filista,

ni khou linga u nnyitani?

Kani ni khou nndifhedza zwe nda ni rwa?

Arali ni tshi khou nndifhedza,

a thi nga lengi,

ndi ḓo ṱavhanya nda ni lifhisa nga ṱhoho dzaṋu.

5No dzhia siliva yanga na musuku wanga,

na hwala madzanga anga

na a isa thembeleni dzaṋu.

6Vhathu vha Juda na Jerusalema no vha rengisela Magiriki,

uri ni vha ise kule na shango ḽa havho.

7Vhonani, ndi ḓo vha bvisa fhethu he na vha rengisa hone,

zwe na ita ni ḓo lifha nga ṱhoho dzaṋu.

8Vhana vhaṋu vha vhatukana na vha vhasidzana

ndi ḓo vha rengisela vhathu vha Juda,

vhone vha ḓo vha rengisela Vhasaba,

lushaka lwa kule.

Ho amba Nṋe Yahavee.”

9Ḓivhadzani tshakha dzoṱhe ni ri,

“Ḓilugiseleni u bva pfumo!

Rambani tshira!

Kuvhanganyani vhadziammbi vhaṋu

vha kovhole.

10

3:10
Yes. 2:4
Kanḓani ṱhodzi dza malembe aṋu ni ite mapanga,

phanga dzaṋu dza u khwathela ni dzi ite mafumo.

Muhoṱa nga a ri, ‘Ndi na nungo!’

11Inwi dzitshakha ṱavhanyani ni ḓe ni tshi bva masia oṱhe,

ni kuvhangane henefhaḽa.”

Yawee Muṋe washu,

tsisa mmbi yau!

12

3:12
Ps. 96:13
Mat. 25:31-32
“Dzitshakha nga dzi rithiwe,

nga dzi ye Govhani ḽa KhaṱhuloKha hu sedzwe kha Juele 3:2. henefho ndi ḓo dzula

nda haṱula tshakha dzi bvaho masia oṱhe.

13

3:13
Yes. 63:1-6
Mat. 13:30,39
Nzumb. 14:14-20
“Dzungudzani segere,

khaṋo yo vhibva!

Vhuvhi havho ho andesa,

vha kaṋeni unga mavhele,

vha pwaṱuleni unga nḓirivhe

dzi tshi pwaṱulwa bonḓeloni ḽo ḓalaho,

i ḓale waini i tou fhalala!”

Vhugala ha Jerusalema ha misi i ḓaho

14

3:14-16
Yes. 13:6-16
Esek. 30:2-3Mal. 4:1-3
Yes. 2:11-21
3:14
Juele 3:2
Govhani ḽa KhaṱhuloKha hu sedzwe kha Juele 3:2. hu na magogo na magogo!

Ḓuvha ḽa Muṋe washu ḽi tsini henefho Govhani ḽa Tsengo.

15

3:15
Juele 2:10
Ḓuvha na ṅwedzi zwi ḓo swifhala,

ṋaledzi a dzi tsha ḓo penya.

16

3:16
Am. 1:2
Muṋe washu u ḓo vhomba e Tsioni,

a bvuma e Jerusalema,

ḽifhasi na lutombo zwi ḓo tetemela.

Hone Muṋe washu u ḓo vha dzhavhelo ḽa vhathu vhawe,

u ḓo vha thikho ya vhathu vhawe vha Israele.

17

3:17
Juele 2:27Ps. 76:2
“Ndi hone ni tshi ḓo zwi ḓivha

uri ndi Nṋe Yahavee Mudzimu waṋu,

ndi dzula Tsioni thavhani yanga khethwa.

Jerusalema u ḓo vha mukhethwa,

a u tsha ḓo dovha wa diwa nga vhatsinda.”

18Musi wonoyo dzithavha dzi ḓo rotha waini ya tuvhu,

mivhundu i ḓo ela mukhaha,

milambwana yoṱhe ya Juda i ḓo ela maḓi.

Hu ḓo phulea tshisima tsha gubunyea

tshi tshi bva nḓuni ya Muṋe washu,

tsha sheledza Govhani ḽa Miunga.

19Hone Egipita ḽi ḓo sala ḽi soga,

Edomo ḽi ḓo sala ḽi phanga,

nge vha huvhadza vhathu vha Juda,

mashangoni a vhenevho vho shulula malofha

a vha si na mulandu.

20Hone Juda ḽi ḓo dzulwa lini na lini,

Jerusalema ha dzulwa ha fhira mirafho na mirafho.

21Mulandu wavho wa u shulula malofha

ndi ḓo vha hangwela naa?

A thi nga hangweli, ngoho ndi ḓo lifhedza,

Nṋe muṋe Yahavee ndi no dzula Tsioni.