Jobo: “Mudzimu u nga si mu kone.”
91-2Ndi zwone, hezwo ndo no ḓi zwi pfa kale:
Muthu wa ṋama a nga kunda Mudzimu tsengoni naa?
3Naho a tshi funa u livhana na Mudzimu tsengoni,
arali Mudzimu a mu vhudzisa mbudziso dza tshigidi,
ene na nthihi a nga si i fhindule.
4Vhuṱali ha Mudzimu ndi vhuhulu,
maanḓa awe ha konadzei;
ndi nnyi we a vhuya a imedzana nae,
a vhuya a tshi tshila?
5
Yes. 13:13
U sudzulusa dzithavha dzi sa zwi ḓivhi,
a dzi phusukanya o sinyuwa.
6U vusa mudzinginyo wa ḽifhasi, ḽa tseka,
phuphu dzaḽo dza tetemela.
7
Juele 2:10
Am. 5:8
U kona u fara ḓuvha ḽi si bve,
a dzima tshedza tsha ṋaledzi vhusiku.
8
Yes. 40:22
U ṱharamudza ḽiṱaḓulu e eṱhe,
a tshimbila nṱha ha lwanzhe.
9
Am. 5:8
Ndi Ene we a sika Masase na Maakhala,
na Tshilimela na Ṱhuḓa.
10
Mishumo yawe mihulu ndi khundaṱhalukanyo,
maḓembe awe na one ha fheli.
11
Mudzimu u a fhira tsini hanga, nda si kone u mu vhona,
e fhiri, nda si mu ṱalukanye.
12
U dzhia tshine a funa, ha si vhe na ane a mu dzivhisa; a hu na na muthihi ane a nga vhudzisa a ri, “U itani?”
13
26:12
Ps. 89:10
Yes. 51:9
Mudzimu a sinyuwa, o sinyuwa,
maswina awe e a ima na Rahaba, buka ḽa lwanzheni,
o kokovha a luvha ṋayoni dzawe.
14Zwenezwo nṋe ndi nga mu hanedza hani?
Maipfi a u mu fhindula ndi ḓo a wanafhi?
15Naho ndi si na mulandu,
ndi nga si mu vhile pfanelo dzanga;
o dzula o nndaṱa,
tshanga ndi u mu luvhelela
uri a nkhathutshele.
16
Nangwe a tenda u ḓa tsengoni,
ndi vhona unga a nga si nthetshelese;
17u nnziamedza nga maḓumbu,
a mphula mbonzhe a dovha,
ndí songo tshinya tshithu;
18ha vhui a tenda ndi tshi femuluwa;
u ntiba nga maṱungu.
19Arali i nungo,
nṋe ndi nga si mu kone,
hufha e Ene Ramaanḓa.
Ndi nga mu hwelela khoroni?
Ndi nnyi ane a nga mu vhidza?
20A thi na mulandu, a thi solisei,
hone maipfi anga a ḓo nkhaṱhula, a nkhwesa mulandu.
21A thi solisei, a thi tsha ḓilonda,
vhutshilo hanga ndi a vhu nyadza.
22Zwi a fana; ndi zwine nda ri:
U lozwa vhoṱhe, a sa solisei khathihi na muvhi.
23Arali muthu a si na mulandu a sokou mbo ḓi welwa nga khombo a fa,
Mudzimu u a sea.
24
Shango o ḽi kumedza vhavhi;
o pofulisa vhahaṱuli vhoṱhe.
Arali zwi songo itwa nga Mudzimu,
zwo itwa nga nnyi-ha?
25
Maḓuvha anga a fhira nga luvhilo,
lu no fhira lwa mugidimi makone;
a hu na na ḓuvha ḽavhuḓi-vho.
26A fhira unga tshikepe tsha luvhilo;
a nga goni ḽi tshi doba muvhuḓa.
27Arali nda ri, “Kha ndi hangwe lugungulo,
ndi dovhe ndi see!”
28ndi pfa ndi tshi ḓi ofha vhuṱungu hanga;
ndi ḓivha uri Iwe Mudzimu u ḓo ḓi vhona ndi na mulandu.
29
Dot. 21:6-8
Vhunga ndi na mulandu,
ndi kha ḓi zwi londelani?
30Nangwe nda ṱamba nga maḓi-maḓi,
zwanḓa zwanga nda zwi ṱamba nga tshisibe,
31Iwe Mudzimu u ḓo mposa dindini ḽa tshika,
na zwiambaro zwanga zwa nnengwa.
32Ngavhe Mudzimu e muthu
ndo vha ndi tshi ḓo mu fhindula,
nda ri, “Kha ri livhane tsengoni!”
33
Jobo 16:21
Hone a ri na mupfumedzanyi;
ane a nga lamula nṋe na Mudzimu haho;
34
haho ane a nga humisa mbuno ya Mudzimu,
nda si tsha ḓo ofha vhuhali hawe.
35Ndo vha ndi tshi ḓo amba ndi sa mu ofhi.
Hone zwino a hu na tshine nda nga ita.Kana: “Hone zwino nṋe a tho ngo tou ralo.”