Tshivenda 1998 (VEN98)
8

Maipfi a khonani ya vhuvhili: “Ni vhone!”

81Bilidadi:

2Ni ḓo amba u swika lini,

na fhedza nyambo yaṋu i no nga muya u tshi vumuludza?

3

8:3
Jobo 34:10-12
Dot. 32:4
Mudzimu a nga rwa muthu

nga ṱhamu i songo mu teaho naa?

Ramaanḓaoṱhe a nga shanda zwi re zwone naa?

4

8:4
Jobo 1:4-5,18-19
Ngoho a hu shayi tshe vhana vhaṋu vha mu dina ngatsho,

o tou vha rwa a tshi tevhedza vhutshinyi havho.

5Zwino inwi ṱoḓani zwine Mudzimu Ramaanḓaoṱhe a zwi funa, ni mu luvhelele.

6

8:6-7
Jobo 42:10
Arali no kuna, ni si na vhufhura,

u ḓo takuwa a ni imelela,

a ni pfufha nga zwo ni teaho.

7Lupfumo lwaṋu lwe lwa fhalala

a lu nga vhuyi lwa vha tshithu lu tshi vhambedzwa na zwine Mudzimu a ḓo ni ṋea.

8

8:8-10
Jobo 15:18
Dot. 32:7
Edzonu vhudzisa vhuṱali ha vha kale,

ni pfe zwe vhokhotsi avho vha vhona.

9Riṋe vhana vha mulovha, a ri ḓivhi tshithu;

vhutshilo hashu fhano fhasi a vhu yi thambo,

vhu fhira unga murunzi.

10Litshani vhaṱali vha kale vha ni funze;

thetshelesani zwine vha amba, vha ri,

11“Ṱhanga dzi nga mela hu si na maḓi?

Madzhesi a nga wanala hu si na maṱafa?

12Maḓi a vhuya a xa,

ndi dzone dzi no thoma u puta,

dzi sa athu vhibva uri dzi hwivhiwe.”

13

8:13
Yes. 57:21
Vha no hangwa Mudzimu vha nga ṱhanga dzenedzo:

Vha no nyadza Mudzimu a vha wani zwe vha fulufhela.

14Zwine vha fulufhela ndi mahandana fhedzi;

zwi nga muḓali wa lubuvhi.

15Vha ḓitika nga lubuvhi – lu nga vha tika naa?

Vha farelela muḓali – vha nga gogoḓela ngawo naa?

16Vhavhi vha navha unga ṱhanga tshedzani,

minavhela ya ṱanganya tsimu,

17midzi yayo ya tanda matombo,

ya ṱoka lutomboni.

18Edzou tupula –

a hu na a no ḓo zwi ḓivha uri yo vhuya ya vha hone.

19Vhonani, hoyo ndi wone muḓifho wa vhavhi:

Hu ḓa vhaṅwe vha vha dzhiela vhudzulo.

20Hone vha sa solisei Mudzimu ha vha furaleli;

vhaitazwivhi na vhone ha vha tiki.

21U ḓo ita uri ni dovhe ni see,

ni ṱavhe mukosi nga dakalo.

22

8:22
Mir. 14:11
Vhane vha ni vhenga vha ḓo tou niwa nga ṱhoni;

mahaya a vhavhi a ḓo nyamalala.