Tshivenda 1998 (VEN98)
5

51Jobo, huwelelani,

ni pfe arali hu na ane a fhindula.

Kani hu na muruṅwa ane na ḓitika ngae?

2Ngoho mbilaelo dzi vhulaha a si na ṱhalukanyo;

mbiti dzi vhulaha a si na nzhele.

3

5:3-5
Jobo 20:10
Mir. 13:22
Nṋe ndo no vhona tsilu ḽi tshi ṱoka midzi,

hu si kale nnḓu yawe ya teketelwa.

4

5:4
Jobo 1:18-19
Vhana vhawe a vha wani vhushavhelo,

vha haṱulwa khoroni vha si vhe na mulamukisi.

5Vha shayaho zwiḽiwa vha ḓo ḽa zwe a kaṋa;

vha ḓo kaṋa na o tshotshelwaho nga mipfa;

vha re na ḓora vha ḓo emula lupfumo lwawe vha tou lu phaga.

“Rembulutshela ha Mudzimu!”

6Vhuvhi a vhu meli mavuni,

na khombo a i rungi i tshi bva muṱavhani na kathihi;

7

5:7a
Gen. 3:16-19
muthu ene muṋe u ḓiovhela khombo,

zwa nga ṱhase dzi tshi thamuwa dzi tshi bva muliloni.

8Ngavhe i vhe nṋe

ndi musi ndo rembulutshela ha Mudzimu,

nda mu suma mafhungo anga.

9

5:9
Jobo 9:10
Ps. 40:5
A ri koni u ṱalukanya mishumo yawe mihulu;

maḓembe awe ha fheli.

10Shango u ḽi nisela mvula,

a sheledza masimu.

11

5:11
1 Sam. 2:7-8Ps. 147:6
Luk. 1:51-53
Ee, ndi Ene a no hulisa vha no ḓiṱukufhadza,

vha lilaho a vha takadza.

12

5:12-13
1 Korint. 3:19
U piringanya maano a vha vhukwila,

uri zwe vha luka zwi si pfumbe;

13a fasha vhaṱali nga maano avho,

vhunwa havho ha kumbiwa.

14

5:14
Yes. 59:9-10
Gen. 19:11
2 Mah. 6:18
Vha welwa nga swiswi maṱavhelo,

masiari tshivhangalala vha phuphudzika ha nga ndi vhusiku.

15Mudzimu Ene u tinyisa vhaheḓana pfumo ḽa vhadziavhunwa,

u tsireledza vhashai vha si kandeledzwe;

16u ṋea vhatshinyali fulufhelo,

vhavhi a vha vala milomo.

17

5:17
Dot. 8:5
Ps. 94:12
119:71
Mir. 3:11-12
Heb. 12:5-6
Nzumb. 3:19
Wa mashudu ndi uyo ane a kaidzwa nga Mudzimu,

ni songo lamba Ramaanḓaoṱhe a tshi ni laya;

18

5:18
Dot. 32:39
Hos. 6:1
ndi Ene a no phula mbonzhe,

a dovha a dzi fhodza;

tshanḓa tshawe tshi a huvhadza, tsha dovha tsha rindidza.

19Naho khombo dza anda hani,

u ḓo u lamukisa wa si huvhale;Nga Tshiheberu hu pfi “Khombo ṱhanu na nthihi kana ṱhanu na mbili,” dza ambiwa kha vese dzi tevhelaho.

20

5:20
Ps. 33:19
ha wa nḓala u ḓo u tshidza wa si fe;

ha vuwa nndwa u ḓo u pilela pfumo.

21Naho vha u sasaladza nga ndimi dzi no nga ṱhamu,

u ḓo u tsireledza,

ndozwo i tshi ḓa wa si ofhe tshithu.

22Hú na ndozwo na nḓala, iwe u ḓo sokou sea,

wa si ofhe zwivhanda zwa ḓaka.

23

5:23
Esek. 34:25
U tshi lima, matombo a ḓo u sendelela,

wa tshila nga mulalo na zwivhanda zwa ḓaka.

24Ndi hone u tshi ḓo tshila nḓuni yau u sa ofhi tshithu,

u tshi vhala thakha yau wa wana hu si na yo xelaho.

25U ḓo vha na vhana vhanzhi;

vha ḓo anda unga hatsi mafuloni.

26

5:26
Liv. 26:3-13
Dot. 28:1-14
U ḓo dzhena tshaloni wo ranga u lalama wa shulwa muṱoḓo,

wa nga goroi ine ya kaṋiwa yo vhibva.

27Jobo, hezwo ro zwi ṱoḓesesa ra zwi ḓivha, ndi ngoho;

na inwi ni tshi zwi pfa ni zwi dzhiele nzhele.