Tshivenda 1998 (VEN98)
4

Phindulano ya u thoma

(4:1 – 14:22)

Maipfi a khonani ya u thoma: “Mudengu ḓidengule!”

41Ndi hone Elifasi wa Themana a tshi fhindula.

Elifasi:

2Jobo, arali nda amba zwi ḓo ni dina?

Hone ndi nnyi ane a nga sokou konḓelela a si ambe tshithu?

3

4:3
Yes. 35:3-4
Inwi no laya vhathu vhanzhi,

na khwaṱhisa vho kuleaho nungo.

4Maipfi aṋu o vha a tshi tika vha no wa,

na khwaṱhisa magona a tepaho.

5Zwino inwi nó welwa nga khombo a ni koni u konḓelela;

yo ni tsikeledza na hanganea.

6Hufha no vha ni tshi ofha Mudzimu ni sa solisei,

zwino ni kundwa ngani u fulufhela uri u ḓo ni lamulela?

Muvhuya a nga welwa nga khombo naa?

7

4:7
Ps. 34:19-22
Mir. 12:21
2 Pit. 2:9
Edzonou elekanya zwiṱuku:

Ho no vhuya ha lovha a si na mulandu naa?

A si na vhufhura o no vhuya a lozwiwa?

8

4:8
Mir. 22:8
Hos. 8:7
Nṋe ndi tshi sedza ndo vhona uri vhane vha lima vhuvhi, vha zwala khombo,

vha kaṋa zwenezwo.

9Mudzimu u vha lozwa o sinyuwa,

vha lovha nga mbiti dzawe.

10Vhavhi vha vhomba vha kuma unga dzindau,

hone Mudzimu a vha vunḓa maṋo,

11vha fa unga ndau i tshi shaya tshine ya ponda,

vhana vhavho vhoṱhe vha balangana.

Nzumbululo ya uri maṱoni a Mudzimu a hu na muvhuya

12

4:12-15
Jobo 33:15-18
Gen. 15:12
Ndo dzumbululelwa ipfi tshiphirini;

nḓevheni dzanga ho pfala tshihevhehevhe.

13Vhukati ha vhusiku,

vhathu vho ya nga khofhe vho tou mbwandaa,

nṋe nda tshenuswa nga mabono,

14nda farwa nga nyofho na u tetemela,

marambo anga oṱhe a dzinginyea.

15Khofheni hanga ha fhira muya,

mavhudzi anga a takuwa nga nyofho.

16Nda vhona tshiṅwe tshithu tsho ima henefho,

nda ṱalela nda si ḓivhe uri ndi mini.

Zwenezwo hu tshee he tshete, nda pfa ipfi ḽi tshi ri,

17

4:17
Jobo 9:1-2
14:4
15:14
25:4
32:2
35:1-2
40:8
1 Mah. 8:46
Ps. 14:3
143:2
Mir. 20:9Rom. 3:10-12
“Muthu a nga vha muvhuya maṱoni a Mudzimu naa?

U hone ane a nga vhonala o ṱamba maṱoni a Muvhumbi wawe naa?

18

4:18
Jobo 15:15-16
Hufha na vhalanda vhawe vha ṱaḓulu a sa vha fulufhedzi;

na vharuṅwa u vhona vha tshi ṱahedza.

19

4:19
Yes. 38:12
Gen. 2:7
3:19
Ni vhona unga a nga fulufhedza tshivhumbwa tsha vumba,

tshithu tshi no bva buseni,

tshine tsha pwaṱuwa unga tshisusu?

20

4:20
Ps. 90:5-6
103:15-16
Muthu a nga ḓi vuwa a tshi khou tshila nga matsheloni,

ḽi sa athu kovhela a mbo ḓi fa,

a hangwiwa a si tsha humbulwa,

21nnḓu yawe ya thuthwa,

a fa a songo guda tshithu.”