Jobo a tshi teketela ḓuvha ḽe a bebwa ngaḽo

3¹

Jobo:

^2-3Yawee Mudzimu,

teketela ḓuvha ḽe nda bebwa ngaḽo!

Teketela vhusiku he ha amba ha ri,

“Ho mela mutukana muvhilini wa musadzi.”

⁴Ḓuvha ḽeneḽo nga ḽi shanduke swiswi.

U songo tsha ḽi elelwa,

u songo tsha ḽi penyisela tshedza.

⁵Ngavhe ḽi tshi dovha ḽa milwa

nga swiswi ha tou bodo,

ḽa tibwa nga makole,

tshedza tshaḽo tsha dzima.

⁶Ngavhe vhusiku honoho vhu tshi milwa nga swiswi,

ha sudzuluswa kha maḓuvha a ṅwaha,

ha si tsha vhalwa kha maḓuvha a ṅwedzi.

⁷Vhusiku honoho hu songo tsha bebwa muthu,

hu songo pfala mifhululu.

⁸Vhaloi vhane vha kona u phuphudza na yone Liviathani

nga vha ḽi teketele,

⁹Masase yaḽo i si tsha penya,

ngavhe vhu tshi lindela mutsho ḽi si tshe,

vhu si vhone mapfuvhi!

¹⁰Ndi mini vhu songo shatela mulomo wa mbumbelo, ndi si bebwe,

maṱo anga a si vhone maṱungu mangafha?

¹¹Ngavhe ndo fela thumbuni ya mme anga,

kana ndi ri u bebwa ndi mbo ḓi fa.

¹²Khefha mme anga vho vhuya vha ntakula marumbini avho?

Ndi mini vho vhuya vha mmamisa?

¹³Ngavhe ndi fe zwenezwiḽa,

ndo vha ndi tshi ḓo vha ndo awela zwino,

nda lala tshaloni, nde tshete,

¹⁴ndó fama na mahosi na magota

vhe vha ḓifhaṱela pfamo,

dza sala dzi matumba.

¹⁵Ndo vha ndi tshi ḓo vha ndo fama,

unga vhavhusi vhe vha ḓadza pfamo dzavho nga musuku na siliva.

¹⁶

nda nga ṅwana we a si vhuye a vhona tshedza.

¹⁷Tshaloni vhavhi a vha tsha luka vhunwa,

vhashumi vho netaho vha a awela,

¹⁸na zwivhotshwa a zwi tsha shuma,

a zwi tsha kaidzekanywa.

¹⁹

vha na bvumo na vha sa ḓihwi;

phuli dzi fhedza nga u vhofhololwa.

²⁰Ndi mini Mudzimu a tshi litsha vha no tambula vha tshi ḓi tshila?

Ndi mini tshedza tshawe tshi tshi ḓi vhonetshela vha ḽaho mbilu?

²¹

vha funa tshalo u fhira lupfumo;

²²vha tshi elekanya tshalo vha a takala;

vha tshi humbula thulwi ya mavu vha a fhululedza.

²³

Mudzimu ó mu vhetshela luhura.

²⁴

tshinwiwa tshanga ndi miṱodzi.

²⁵Zwoṱhe zwine nda zwi ofha zwi a nngwela;

tshine nda tshi tetemela a tshi litshi u ḓa.

²⁶A thi na mulalo,

a thi rudzi mbilu,

a thi aweli, tshanga ndi nyofho.

Phindulano ya u thoma

(4:1 – 14:22)

Maipfi a khonani ya u thoma: “Mudengu ḓidengule!”

4¹Ndi hone Elifasi wa Themana a tshi fhindula.

Elifasi:

²Jobo, arali nda amba zwi ḓo ni dina?

Hone ndi nnyi ane a nga sokou konḓelela a si ambe tshithu?

³

na khwaṱhisa vho kuleaho nungo.

⁴Maipfi aṋu o vha a tshi tika vha no wa,

na khwaṱhisa magona a tepaho.

⁵Zwino inwi nó welwa nga khombo a ni koni u konḓelela;

yo ni tsikeledza na hanganea.

⁶Hufha no vha ni tshi ofha Mudzimu ni sa solisei,

zwino ni kundwa ngani u fulufhela uri u ḓo ni lamulela?

Muvhuya a nga welwa nga khombo naa?

⁷

Ho no vhuya ha lovha a si na mulandu naa?

A si na vhufhura o no vhuya a lozwiwa?

⁸

vha kaṋa zwenezwo.

⁹Mudzimu u vha lozwa o sinyuwa,

vha lovha nga mbiti dzawe.

¹⁰Vhavhi vha vhomba vha kuma unga dzindau,

hone Mudzimu a vha vunḓa maṋo,

¹¹vha fa unga ndau i tshi shaya tshine ya ponda,

vhana vhavho vhoṱhe vha balangana.

Nzumbululo ya uri maṱoni a Mudzimu a hu na muvhuya

¹²

nḓevheni dzanga ho pfala tshihevhehevhe.

¹³Vhukati ha vhusiku,

vhathu vho ya nga khofhe vho tou mbwandaa,

nṋe nda tshenuswa nga mabono,

¹⁴nda farwa nga nyofho na u tetemela,

marambo anga oṱhe a dzinginyea.

¹⁵Khofheni hanga ha fhira muya,

mavhudzi anga a takuwa nga nyofho.

¹⁶Nda vhona tshiṅwe tshithu tsho ima henefho,

nda ṱalela nda si ḓivhe uri ndi mini.

Zwenezwo hu tshee he tshete, nda pfa ipfi ḽi tshi ri,

¹⁷

U hone ane a nga vhonala o ṱamba maṱoni a Muvhumbi wawe naa?

¹⁸

na vharuṅwa u vhona vha tshi ṱahedza.

¹⁹

tshithu tshi no bva buseni,

tshine tsha pwaṱuwa unga tshisusu?

²⁰

ḽi sa athu kovhela a mbo ḓi fa,

a hangwiwa a si tsha humbulwa,

²¹nnḓu yawe ya thuthwa,

a fa a songo guda tshithu.”

5¹Jobo, huwelelani,

ni pfe arali hu na ane a fhindula.

Kani hu na muruṅwa ane na ḓitika ngae?

²Ngoho mbilaelo dzi vhulaha a si na ṱhalukanyo;

mbiti dzi vhulaha a si na nzhele.

³

hu si kale nnḓu yawe ya teketelwa.

⁴

vha haṱulwa khoroni vha si vhe na mulamukisi.

⁵Vha shayaho zwiḽiwa vha ḓo ḽa zwe a kaṋa;

vha ḓo kaṋa na o tshotshelwaho nga mipfa;

vha re na ḓora vha ḓo emula lupfumo lwawe vha tou lu phaga.

“Rembulutshela ha Mudzimu!”

⁶Vhuvhi a vhu meli mavuni,

na khombo a i rungi i tshi bva muṱavhani na kathihi;

⁷

zwa nga ṱhase dzi tshi thamuwa dzi tshi bva muliloni.

⁸Ngavhe i vhe nṋe

ndi musi ndo rembulutshela ha Mudzimu,

nda mu suma mafhungo anga.

⁹

maḓembe awe ha fheli.

¹⁰Shango u ḽi nisela mvula,

a sheledza masimu.

¹¹

vha lilaho a vha takadza.

¹²

uri zwe vha luka zwi si pfumbe;

¹³a fasha vhaṱali nga maano avho,

vhunwa havho ha kumbiwa.

¹⁴

masiari tshivhangalala vha phuphudzika ha nga ndi vhusiku.

¹⁵Mudzimu Ene u tinyisa vhaheḓana pfumo ḽa vhadziavhunwa,

u tsireledza vhashai vha si kandeledzwe;

¹⁶u ṋea vhatshinyali fulufhelo,

vhavhi a vha vala milomo.

¹⁷

ni songo lamba Ramaanḓaoṱhe a tshi ni laya;

¹⁸

a dovha a dzi fhodza;

tshanḓa tshawe tshi a huvhadza, tsha dovha tsha rindidza.

¹⁹Naho khombo dza anda hani,

u ḓo u lamukisa wa si huvhale;Nga Tshiheberu hu pfi “Khombo ṱhanu na nthihi kana ṱhanu na mbili,” dza ambiwa kha vese dzi tevhelaho.

²⁰

ha vuwa nndwa u ḓo u pilela pfumo.

²¹Naho vha u sasaladza nga ndimi dzi no nga ṱhamu,

u ḓo u tsireledza,

ndozwo i tshi ḓa wa si ofhe tshithu.

²²Hú na ndozwo na nḓala, iwe u ḓo sokou sea,

wa si ofhe zwivhanda zwa ḓaka.

²³

wa tshila nga mulalo na zwivhanda zwa ḓaka.

²⁴Ndi hone u tshi ḓo tshila nḓuni yau u sa ofhi tshithu,

u tshi vhala thakha yau wa wana hu si na yo xelaho.

²⁵U ḓo vha na vhana vhanzhi;

vha ḓo anda unga hatsi mafuloni.

²⁶

wa nga goroi ine ya kaṋiwa yo vhibva.

²⁷Jobo, hezwo ro zwi ṱoḓesesa ra zwi ḓivha, ndi ngoho;

na inwi ni tshi zwi pfa ni zwi dzhiele nzhele.