Tshivenda 1998 (VEN98)
38

Muṋe washu a tshi fhindula Jobo

(38:1 – 42:6)

381

38:1
Jobo 10:2
11:5
31:35
Ndi hone Muṋe washu a tshi fhindula Jobo e kha ḓumbu. 2Muṋe washu:

Ndi nnyi uyu ane a tsira nzudzanyo yanga nga maipfi a sa sumbi nḓivho?

3

38:3
Jobo 40:7
Edzou takuwa u ime wo khwaṱha sa munna:

Ndi ḓo u vhudzisa mbudziso,

iwe wa fhindula.

Tsiko i sumbedza maanḓa a Mudzimu

4

38:4
Jobo 15:7
Ndi tshi tea ḽifhasi,

wo vha u hone?

Arali u tshi zwi ṱalukanya, mmbudze.

5

38:5
Mir. 30:4
Ndi nnyi we a ela ḽifhasi?

Hufha u tshi zwi ḓivha.

Ndi nnyi we a ḽi ela nga ludzi a tshi ḽi tea?

6

38:6
Ps. 24:2
104:5
Tshi tikaho phuphu dzaḽo nga fhasi ndi mini?

Tombo ḽa muteo waḽo ḽo vhewa nga nnyi?

7

38:7
Ps. 19:1-4
Ḓuvha ḽeneḽo ho fhululedza ṋaledzi dzoṱhe dza mutsho,

vharuṅwa vhoṱhe vha pembela.

8We a hoṋela lwanzhe ndi nnyi,

zwiḽa lu tshi thuthuba lu tshi bva thumbuni ya shango?

9Ndi zwiḽa ndi tshi lu tiba nga makole,

nda lu putela nga swiswi,

unga mme a tshi putela lushie.

10Ndo lu vhetshela mukano

nda lu hoṋela thungo dzoṱhe,

11

38:11
Ps. 104:6-9
Mir. 8:29
Jer. 5:22
nda lu vhudza nda ri,

“U guma henefha, a u tsha pfuka!

Hafha ndi hone hune magabelo au a maanḓa

a ḓo guma hone!”

12Jobo, tshee wa bebwa,

wo no vhuya wa ri nga ḽi tshe,

ḽa tsha naa?

Wo no vhuya wa ri ḽi tshe,

13ḽi kwame vhusendekamisi,

vhavhi vha ukhuthwe he vha dzumbama hone naa?

14Ḽi ita uri mivhundu na magovha zwi vhonale zwavhuḓi,

unga mutalo wa makolo kha vumba,

zwa nga nguvho yo onyana.

15Vhavhi vhone vha dziṅwa tshedza,

vha kulwa nungo,

vha si tsha huvhadza vhaṅwe.

16Wo no vhuya wa tshimbila

wa swika zwisimani zwa lwanzhe?

Wo no vhuya wa tshimbila mativhani alwo?

17

38:17
Jobo 10:21-22
Wo no vhuya wa sumbedzwa khoro dza lufu?

Wo no vhuya wa vhona tshifhingo itsho tshitswu-tshitswu?

18U a vhuya wa ṱalukanya uri ḽifhasi ndi ḽingafhani?

Mmbudze arali hezwo zwoṱhe u tshi zwi ḓivha.

Tshedza na swiswi

19U a ḓivha hune tshedza tsha bva hone?

Swiswi ḽone ḽi dzulafhi?

20U nga zwi sumbedza hune zwa fanela u guma hone,

kana wa dovha

wa zwi humisela hune zwa dzula?

21

38:21
Jobo 15:7
Ndi vhona unga u a zwi ḓivha –

hufha wo vha wo no bebwa.

Wo tshila wa lalama.

Makole na mvula

22

38:22-38
Jobo 36:27 – 37:24
38:22
Ps. 33:7
135:7
Wo no vhuya wa dzhena tshisikuni tsha gabugu,

kana wa vhona ḓulu ḽa tshifhango?

23

38:23
Ek. 9:22
Josh. 10:11
Ps. 78:47-48
Yes. 30:30
Esek. 13:13
Nzumb. 16:21
Ndo zwi vhulungela musi wa khombo,

maḓuvha a govholano na nndwa.

24Wo no vhuya wa ya hune ḓuvha ḽa bva hone,

kana hune muya wa vhubvaḓuvha wa vhudzula

u tshi bva hone?

25

38:25
Jobo 28:26
Ndi nnyi we a phula milonga ya mvula ya mikumbela,

maḓumbu a mvula a a swielela nḓila?

26Ndi nnyi a no nisa mvula sogani,

ya na phangani hu sa dzuli muthu?

27Ndi nnyi a no sheledza shango ḽo omelelaho

ha mela hatsi vhutete?

28Mvula i na khotsi naa?

Ṅwando u bebwa nga nnyi?

29Tshifhango tshi bva thumbuni ya nnyi?

Ndi nnyi a bebaho mahaḓa?

30A no shandukisa maḓi a tou te unga tombo,

a khaṱhisa lwanzhe, ndi nnyi?

Ṋaledzi

31

38:31
Jobo 9:9
U ḓo kona u vhofhekanya Tshilimela,

kana wa vhofholola mbofho dza Maakhala?

32U nga endedza ṋaledzi dzi no kala ṅwaha,

wa tshimbidza Khohamutsho na vhana vhayo naa?

33

38:33
Jer. 33:25
U ḓivha milayo i no vhusa lutombo naa?

U nga ita uri na fhano fhasi zwi ralo naa?

Tshifhinga tsha mvula

34

38:34
1 Mah. 17:1
18:41-45
U nga ṱavhela makole mukosi

a nisa mvula ya u tiba naa?

35Nḓadzi i tshi yo rwa i ruṅwa nga iwe naa?

I nga ḓa phanḓa hau ya ri, “Ri fhano!”?

36Ndi nnyi a no sevha lufhoro

uri ḽi tshi tsha hu ḓo vha na mvula ya mibvumbi,

kana a ṋea mukuku ṱhalukanyo ya u imba mutsho?

37A re na vhuṱali ha u vhala makole ndi nnyi?

Ndi nnyi a no shulula mvuvhelo dza ṱaḓulu, ya na,

38buse ḽo omelelaho ḽa ṋukala ḽa vhumbana,

maḓinga a nambatelana?

Mavhanda na phukha dza ḓaka

39

38:39-41
Ps. 104:27-28
Ndau dza tsadzi u a dzi zwimela,

wa fusha ndau i na nḓala –

40ndi amba musi dzo dzumbama dzo lalela,

dzi tshi dodela maṱakani dzi tshi yo ponda?

41Ndi nnyi a no posela mahunguvhu tshidu

musi vhana vhao vha tshi lilela Mudzimu,

a tshi tendeleka nga u shaya zwiḽiwa?