Tshivenda 1998 (VEN98)
34

Elihu: “Mudzimu ha khakhi.”

341-2Inwi vhaṱali,

ipfani zwine nda amba!

Inwi no funzeaho, nthetsheleseni!

3Hufha nḓevhe i tshi nanguludza maipfi

unga lulimi lu tshi thetshela zwiḽiwa.

4Riṋe kha ri khethe zwi re zwone,

ri gude roṱhe zwi re zwavhuḓi.

5

34:5
Jobo 27:1-2
31:6
Vho-Jobo vha ri,

“A thi na mulandu;

Mudzimu u khou tou nkundisa u wana zwo mpfanelaho!

6

34:6
Jobo 6:4
Naho ndi ngohoni,

ndi pfi ndi a zwifha;

nangwe ndi songo tshinya, musevhe wawe u mpfula mbonzhe i sa lafhei.”

7No no vhuya na vhona muthu a no nga Vho-Jobo,

ane a tshi tamba nga Mudzimu, zwa nga ndi u nwa maḓi?

8U konana na vhaitazwivhi,

u ḓowelana na vhavhi.

9Hufha a tshi ri,

“Muthu a tshi lingedza u takadza Mudzimu

ha wani tshithu.”

10

34:10-12
Jobo 8:327:1-2
Zwino nthetsheleseni, inwi ni re na ṱhalukanyo!

Mudzimu u a ita vhuvhi naa?

Ramaanḓaoṱhe u a khakha naa?

11

34:11
Mir. 24:12
Mat. 16:27
U pfufha muthu a tshi tevhedza mishumo yawe;

u mu ita zwo teaho zwiito zwawe.

12Vhukumakuma Mudzimu ha khakhi;

Ramaanḓaoṱhe ha haṱuleli muthu thungo.

13Ndi nnyi o mu vheaho uri a vhuse ḽifhasi?

Ndi nnyi we a ri a lange shango?

14

34:14-15
Jobo 12:10Ps. 104:29
Arali o vha a tshi tou zwi funa,

a humisa muya wawe na mufemo wawe,

15vhathu vhoṱhe vho vha vha tshi ḓo lovha kathihi,

muthu a humela buseni.

16Zwino arali vhe na ṱhalukanyo, nga vha pfe,

vha thetshelese zwine nda amba.

17

34:17
Gen. 18:25
A sa funi ḽi tshi lala a nga vhusa naa?

A no haṱula a sa ṱaluli,

Ene wa maanḓa,

ni nga mu vhea mulandu naa?

18Kani-ha a si Ene a no vhudza mahosi a ri,

“A ni tshithu!”

a amba na vhahulwane a ri,

“Ni vhavhi!”?

19

34:19
Dot. 10:17
Ene u na tshiṱalula naa?

Hu vhavhusi, hu vhapfumi, hu vhashai,

ha vhoni vha tshi fana naa?

Hufha o vha vhumba vhoṱhe.

20

34:20a
Ek. 12:29
Luk. 12:20
Muthu a nga ḓi fa kathihi fhedzi vhukati ha vhusiku;

Mudzimu u lozwa vhathu, vha lovha;

vha maanḓa u vha sudzulusa á songo vhuya a vusa nungo.

21

34:21
Jobo 31:4
Ps. 33:14-15
Jer. 32:19
U dzula o vhea iṱo kha zwoṱhe zwine vhathu vha ita;

u vhona hoṱhe hune vha kanda.

22

34:22
Ps. 139:11-12
A hu na swiswi, na u swifhala haḽo,

ḽine muitazwivhi a nga dzumbama khaḽo

a si vhonwe nga Mudzimu.

23Ha vhuyi a ṱwa a tshi sengisa muthu

a sa athu mu haṱula;

24

34:24
Jobo 12:16-21
Dan. 4
Luk. 1:52
vha maanḓa u vha tekula a songo ranga u vhudzisa,

vhudzuloni havho a vhea vhaṅwe;

25u sedza zwine vha ita,

a vha wisa vhusiku a vha kuyekanya:

26u vha rwela vhutshinyi havho,

zwa vhonwa nga vhathu vhoṱhe.

27Ndi nge vha mu furalela,

nḓila dzawe vha si dzi londe.

28

34:28
Ek. 2:23-24
Jak. 5:4
Vha kandeledza vhashai vha lilela Mudzimu,

Ene a pfa mukosi wa vhaheḓana.

29Huno naho a sokou fhumula,

ndi nnyi ane a mu vhea mulandu?

Arali a dzumba tshifhaṱuwo,

ndi nnyi ane a nga mu vhona?

Hu vhathu, hu dzitshakha, vha nga itani

30arali Ene a litsha muvhi a vhusa lushaka lwa tshipimbi?

31Arali muthu onoyo a vhudza Mudzimu, a ri,

“Ndi na mulandu, ndo laṱa!

32Mpfunze, ndi vhone vhukhakhi hanga

vhune nda si kone u vhu vhona;

arali ndo khakha,

ndi nga si tsha dovha” –

33zwino zwo ralo vhone vha kha ḓi funa Mudzimu a tshi mu rwa,

vhunga vhone vho dzula vho haṱula naa?

A hu khethi nṋe,

hu khetha vhone:

nga vha mmbudze zwine vha ḓivha.

34Vha re na ṱhalukanyo vha a tenda;

vha re vhaṱali vha tshi mpfa, vha ḓo ri,

35“Jobo u ambiswa nga u shaya nḓivho;

zwine a amba a zwi sumbi ṱhalukanyo.”

36Ngavhe Vho-Jobo vha tshi tou lingwa tshoṱhe

nge vha fhindula unga muthu muvhi!

37Vha engedzedza vhutshinyi havho nga u dovha vha vutshela Mudzimu,

vha ḓi tamba nga Mudzimu roṱhe ri tshi zwi pfa!