Tshivenda 1998 (VEN98)
30

Jobo: “Hone zwino ndo ṱovhowa.”

301

30:1
Jobo 19:18
29:8
Liv. 19:32
30:1-8
Jobo 24:5-8
Hone zwino vhanna

vhane nda vha fhira

vha vho tamba nga nṋe!

Vhokhotsi avho vho vha vha si tshithu,

lwe nda vha ndi sa nga vha tendeli

u dzula na mmbwa dze dza vha dzi tshi lisa nngu dzanga.

2Nahone vho vha vha tshi ḓo kona u ntshumelani?

Hufha vho vha vho fhela nungo.

3Vho vha vhe vhashai vha tshi fa nga nḓala,

vha tshi ṱafuna midzi yo omaho vhusiku,

ngei sogani hu sa dzuli muthu,

4vha ṱunya maṱari a dungaho vha tshi ḽa,

vhuswa havho vhu midzi ya muṱhobi.

5Vho thathwa nga vha havho

vha tshi vha ṱavhela mukosi unga mafobvu,

6vha kombetshedzwa u yo dzula miedzini,

na milindini, na mapakoni,

7henengei ḓakani vha dziḓa unga donngi,

vha dzumba ṱhoho zwiṱakani.

8Ndi vhathu vha songo bebeaho, vha si na madzina;

vho thathwa shangoni.

9

30:9-14
Jobo 16:1117:6
Ps. 69:12
Zwililo 3:14
Zwino vhana vhavho vha vho nngoḓa nga zwiimbo;

ndi tou vha tshianeo.

10

30:10
Yes. 50:6
Mat. 26:67
Vha a nnyala, a vha funi u sendela tsini hanga,

vha ita na u mpfa mare.

11Vha vho ita nga u funa

nga u vhona Mudzimu o nṱangula a nṱungufhadza;

12zwikhokhonono hezwi zwi vho ḓiṋea maanḓa;

zwi a mpiringedza, zwi a nngovhela;

13vho nthivhela,

vha ṱoḓa u nndozwa,

a hu na ane a vha dzivhisa.

14Vho zhakekanya luhura lwanga, vha dzhena;

khombo yo nngwela,

vha dzhena vha tshi tou kunguluwa;

15ndo tsikeledzwa nga zwi ofhisaho;

vhugala hanga ho fhufha na muya;

mashudu anga o balangana unga gole.

16Zwino ndi ḓo ṱuwa ndi tshi fa;

ndo zhongondedzwa nga misi ya maṱungu;

17

30:17
Jobo 7:4
vhusiku marambo anga a lala a tshi rema;

vhuṱungu vhu nnduma vhu sa imi;

18Mudzimu o mpfara nga mikulo nga maanḓa awe mahulu,

a somba zwiambaro zwanga zwa onyana;

19u mposa fhasi matopeni;

ndi vho tou nga buse na milora.

20

30:20
Jobo 19:7
Ps. 22:2
Mudzimu, ndi tshi u vhidzelela a u aravhi;

ndi tshi rabela u sokou ṱanzwa maṱo

wa lavhelesa;

21u vho nnyitela tshiṱuhu;

wa ntovhola nga nungo dzau dzoṱhe;

22u a mphephera, muya wa mmbudzulela kule;

u nkhwala nga maḓumbu, wa mphufhisela nṱha na fhasi.

23Ndi a ḓivha uri u khou nnyisa lufuni,

henefho hune ha kuvhangana vhathu vhoṱhe.

24Ndó no vha shubi,

ndi kha ḓi ḓo vuswa nga nnyi?

Mudzimu ha mmvusi ndi sa athu wa tshoṱhe naa?

25

30:25
Ps. 35:13-14
Rom. 12:15
Vha lilaho a tho ngo lila navho naa?

Kani vha shayaho, a tho ngo vha pfela vhuṱungu?

26Ndo vha ndo lavhelela dakalo,

ha ḓa khombo,

nda lindela tshedza,

ha ḓa zwiswi ḽa tou bodo.

27Ndi lala ndi tshi ḽa mbilu;

ndi sokou dzula ndi maṱunguni;

28ndo swifhadzwa ndí songo swa nga ḓuvha.

Ndi ima vhukati haṋu nda ṱavha mukosi.

29

30:29
Ps. 102:6-7
Mika 1:8
Ndo no tou vha shaka ḽa phunguhwe;

khonani dzanga ndi mphwe.

30Lukanda lwanga lwo no swifhala; muvhili u khou swa nga dali.

31Mbila dzanga dzi vho imba dza maṱungu fhedzi;

tshiṱiringo tshi vho lidza dza zwililo.

31

Jobo: “Nṋe ndo amba, Ramaanḓaoṱhe nga a fhindule!”

311

31:1
Mat. 5:28
Ndo langana na maṱo anga,

nda ri a thi nga vhuyi

nda ri u sedza musidzana nda mu emula.

2Zwino Mudzimu e makoleni, u ḓo mpfufha nga mini?

Mukovhe wanga u no bva ha Ramaanḓaoṱhe ngei ṱaḓulu ndi ufhio?

3Khombo a yo ngo fanela u wela vhavhi naa?

Phanzi a i weli vhaitazwivhi kani?

4

31:4
Jobo 14:16
23:10
Mudzimu u vhona zwoṱhe zwine nṋe nda ita,

hufha maga anga oṱhe a tshi a vhala.

5Ndi a ana ndi ri,

a thi athu vhuya nda ita vhumbulu,

a thi athu vhuya nda fhura muthu.

6

31:6
Jobo 1:127:6Ps. 17:1-2
Mudzimu nga a mmbee tshikaloni tshi sa fhuri –

u ḓo wana ndi sa solisei.

7Arali nda pambuwa nḓilani ya ngoho,

mbilu yanga ya kungwa nga maṱo anga,

arali zwanḓa zwanga zwo ḓala tshika dza zwivhi,

8

31:8
Liv. 26:16
izwo mavhele anga nga a ḽiwe nga muṅwe,

zwe nda lima zwi tupulwe nga vhaṅwe.

9

31:9
Mir. 5:8
Arali mbilu yanga yo kungwa nga musadzi wa muṅwe,

nda mu lindela ndo vhandalala tsini ha vothi ḽawe,

10

31:10
2 Sam. 12:11
izwo musadzi wanga, nga a bikele muṅwe munna,

a mu dzhenise nḓuni.

11

31:11
Dot. 22:22
Mir. 6:32
Zwo vha zwi tshi ḓo shonisa hani!

Wo vha u tshi ḓo vha mulandu u iswaho tsengoni.

12

31:12
Mir. 6:26-29
Ndi mulilo u lozwaho hoyo;

wo vha u tshi ḓo vha wo fhisa zwoṱhe zwine nda vha nazwo.

13

31:13-14
Liv. 25:39-42
Arali ndi songo thetshelesa muṅwe wa vhashumi vhanga a tshi nngungulela,

14ndo vha ndi tshi ḓo livhana hani na Mudzimu?

A tshi ḓa u ntsengisa ndo vha ndi tshi ḓo ri mini?

15

31:15
Mir. 14:31
22:2
Onoyo Mudzimu o mmbumbaho muvhilini wa mme anga

a si Ene o sikaho na vhashumi vhanga naa?

16

31:16
Jobo 29:12
31:16-20
Yes. 58:6-7
Mat. 25:35-36
31:16-23
Jobo 22:6-11
Ndo no vhuya nda lamba u farisa vhadziili naa?

Ndo no vhuya nda thatha tshilikadzi

dza ṱuwa na nḓala naa?

17Ndo no vhuya nda litsha tsiwana dza ṱwa na nḓala nṋe ndó ḽa naa?

18Hufha u bva hanani hanga ndo ḓi dzi lela unga khotsi.

U bva tshee nda bebwa ndo ḓi endedza dzitshilikadzi.

19Ndo vha ndi tshi ri u wana mushai a sa koni u ḓishavhedza,

kana nda wana mutshinyali, a tshi tambula nga tsiku,

20nda mu fha zwiambaro zwo lukwaho nga vhukuse ha nngu dzanga,

a konou ntenda nga u pfa vhududo.

21Arali ndo vhuya nda khakhela tsiwana

nga u vhona vhahaṱuli vha tshi nnyofha,

22zwenezwo ngavhe zwanḓa zwanga zwi tshi vunḓwa,

ngavhe zwi tshi paḓulwa kha mahaḓa anga.

23

31:23
Ps. 119:120
Zwo raloho ndo vha ndi sa nga zwi iti,

hufha ndi tshi ofha ṱhamu ya Mudzimu na vhuhulu hawe.

24

31:24
Jobo 22:24-25
Mir. 11:28
Luk. 12:15,19-21
31:24-25
Jobo 22:24-27
Arali ndo vhuya nda fulufhela musuku,

kana nda u vhudza nda ri,

“Ndi iwe vhushavhelo hanga”;

25

31:25
Ps. 37:4
arali ndo vhuya nda takalela lupfumo lwanga luhulu

lwe nda lu wana nga ṋala dzanga;

26

31:26-28
Dot. 4:19
Jer. 8:2
2 Mah. 23:5
Dot. 17:2-7
arali ndo vhuya nda ri u vhona vhugala ha ḓuvha,

kana u naka ha ṅwedzi u tshi tshimbila,

27nda tenda zwi tshi kunga mbilu yanga,

nda zwi hulisa nga u khisa tshanḓa tshanga tshiphirini –

28vhuvhi ho raloho ndo vha ndi tshi ḓo vhu lifha nga u wana ṱhamu;

ho vha hu tshi ḓo vha u landula Mudzimu a re ṱaḓulu.

29

31:29
Mir. 24:17-18
Mat. 5:44
A thi athu vhuya nda takala swina ḽanga ḽi tshi tambula,

kana nda fhululedza o welwa nga khombo;

30

31:30
1 Mah. 3:11
1 Pit. 3:9
Ek. 23:4
Liv. 19:18
Mir. 20:22
25:21
a thi athu vhuya nda tshinya

nga u teketela swina ḽanga uri ḽi fe.

31

31:31
Yes. 58:10
Vhashumi vhanga vhoṱhe ndi ṱhanzi:

Ndi nnyi we a vhuya a ḽa ṋama ha Jobo a si fure?

32

31:32
Gen. 18:2-5
19:2-3
Rangap. 19:20-21
1 Pit. 4:9
Heb. 13:2
Vhatshimbili ndo vha ndi tshi vha vhidza

vha dzhena nḓuni yanga,

nda si vhuye nda litsha vha tshi lala nnḓa.

33A thi athu vhuya nda tshinya,

nda tiba vhutshinyi hanga,

nda dzumba mulandu wanga mbiluni sa vhaṅwe

34nga u ofha uri vhathu vha ḓo ri mini;

a thi athu vhuya nda fhumula kana nda dzumbama nḓuni

nga u ofha uri vha ḓo nnyadza.Afho ho shandiwa kutevhekanele kwa dzivese, vhunga zwi khagala uri maipfi a Jobo a guma nga 35 – 37.

38

31:38-39
1 Mah. 21
2 Koron. 36:21
Arali tsimu yanga ya nṱavhela mukosi

i tshi mpomoka, ya ri ndo i tswa,

maḓinga ayo oṱhe a ṋukala nga miṱodzi,

a ri ndo i dzhiela muṋe wayo;

39arali ndo ḽa zwiḽiwa zwe nda zwi kaṋa,

nda si lifhe tshithu,

vhe nda i wana khavho nda litsha vha tshi fa nga nḓala,

40a

31:40
Gen. 3:17
4:11
izwo-ha i songo mela mavhele, nga i mele mipfa;

i songo mela mufhoho, nga i mele tsheṋe.

35

31:35
Jobo 13:2223:3-7
A hu na a no thetshelesa zwine nda amba naa?

Ndi a ana, tshiga ngetshi:

Ramaanḓaoṱhe nga a fhindule!

Ngavhe mupomoki wanga a tshi tou ṅwala milandu yanga,

nda i vhona!

36Ndo vha ndi tshi ḓo i atha kha mahaḓa,

nda i ambara unga tshiala.

37Ndo vha

ndi tshi ḓo vhudza Mudzimu zwoṱhe zwe nda ita,

nda livhana nae ndi si na luvalo.

40bMaipfi a Jobo a fhelela henefha.
32

Maipfi a Elihu

(32:1 – 37:24)

321Vhunga Jobo o vha a tshi ḓipfa a si na mulandu, vhaḽa vhanna vhararu a vho ngo tsha kona u mu fhindula. 2

32:2
Jobo 19:6-7
27:5-6
Hone muṅwe we a vha o ima henefho, a no pfi Elihu, a si tsha kona u konḓelela nga mbiti, nge Jobo a vha a tshi vhona o khakhaho e Mudzimu, ene a si na mulandu. Onoyo Elihu o vha e ṅwana wa Barakhele, wa lutsinga lwa Busi, wa mutupo wa Ramu. 3A sinyutshela na khonani dza Jobo dziḽa tharu, nge vha kundwa ḽa u fhindula Jobo, ha vho nga ho khakha Mudzimu. 4Hezwi vha tshi khou amba na Jobo, Elihu a lindela vhoṱhe vha tshi fhedza u amba, nge a vha e muṱuku khavho. 5A tshi vhona uri vhaḽa vhanna vhararu a vha koni u fhindula Jobo, a sinyuwa, 6a thoma u amba – ene Elihu ṅwana wa Barakhele, wa lutsinga lwa Busi, wa mutupo wa Ramu – a ri,

Elihu: “Ṱhoho thema i laya ṱhoho tshena.”

Nṋe ndi muṱuku, inwi no tshena mmvi,

ndi zwe nda vha ndi tshi khou ofha

u ni vhudza zwi re mbiluni yanga,

7

32:7
Jobo 12:12
nda ri, nga hu ambe vha kale;

vho no vhaho vha maḓuvha nga vha funze a vhuṱali.

8

32:8
Gen. 41:38-39
Dan. 1:17
Mathina Muya wa Ramaanḓaoṱhe a re ngomu ha vhathu

ndi Ene a vha ṋeaho ṱhalukanyo.

9Vhulala a si u bebwa kale;

a si vha kale fhedzi vha no ṱalukanya zwi re zwone.

10Ndi zwine nda ri ni nthetshelese-vho;

litshani ndi ni vhudze zwi re mbiluni yanga.

11

32:11
Jak. 1:19
5:11
Ndo ni lindela ndi sa fheli mbilu ni tshi khou amba,

nda thetshelesa ndi tshi nanga maipfi a vhuṱali.

12

32:12
Jobo 35:4
Ndo tou kolongonya nḓevhe ni tshi amba –

a hu na na muthihi waṋu we a ladza Jobo na khani,

kana a kona u fhindula zwe a amba.

13Ni songo ri ndi hone no wana vhuṱali ni tshi fhedza nga ḽa u ri,

“Muthu a nga si mu kone,

u ḓo konwa nga Mudzimu fhedzi.”

14Vho-Jobo vho vha vha sa athu ṱaṱa khani na nṋe;

nṋe a thi nga mu fhinduli unga inwi.

15Vho-Jobo,

havha vhathu vho ḓaḓa,

a vha tsha kona u fhindula, a vha tshee na tshine vha amba;

16zwino vhó fhumula, na nṋe ndi fhumule naa,

vhó sokou tshenzhemala vha sa fhinduli tshithu?

17Zwino nṋe-vho ndi ḓo amba,

nda ni vhudza-vho zwi re mbiluni yanga.

18

32:18-19
Jer. 20:9
Zwino a thi tsha kona u fhumula;

mbiluni yanga ho ḓala maipfi.

19Mbilu yanga i nga waini yo shatelwa;

i nga mukumba wa waini muswa,

une wa ḓo ṱuwa u tshi thuthuba.

20A tshi tsha kona u konḓelela,

ndi fanela u amba;

ndo fanela u fhindula.

21

32:21-22
Jobo 13:7-10
Mir. 24:23
32:21b
Mir. 29:5
A thi nga imi na muthu,

a thi nga hoyi muthu;

22ngavhe ndi ite zwa muhoyo,

Muvhumbi wanga

o vha a sa nga lengi u nndozwa.