Tshivenda 1998 (VEN98)
3

Jobo a tshi teketela ḓuvha ḽe a bebwa ngaḽo

31

Ndima ya 3:
Jobo 10:18
Jer. 20:14-18
Ndi hone Jobo a tshi thoma u amba, a teketela ḓuvha ḽe a bebwa ngaḽo.

Jobo:

2-3Yawee Mudzimu,

teketela ḓuvha ḽe nda bebwa ngaḽo!

Teketela vhusiku he ha amba ha ri,

“Ho mela mutukana muvhilini wa musadzi.”

4Ḓuvha ḽeneḽo nga ḽi shanduke swiswi.

U songo tsha ḽi elelwa,

u songo tsha ḽi penyisela tshedza.

5Ngavhe ḽi tshi dovha ḽa milwa

nga swiswi ha tou bodo,

ḽa tibwa nga makole,

tshedza tshaḽo tsha dzima.

6Ngavhe vhusiku honoho vhu tshi milwa nga swiswi,

ha sudzuluswa kha maḓuvha a ṅwaha,

ha si tsha vhalwa kha maḓuvha a ṅwedzi.

7Vhusiku honoho hu songo tsha bebwa muthu,

hu songo pfala mifhululu.

8Vhaloi vhane vha kona u phuphudza na yone Liviathani

nga vha ḽi teketele,

9Masase yaḽo i si tsha penya,

ngavhe vhu tshi lindela mutsho ḽi si tshe,

vhu si vhone mapfuvhi!

10Ndi mini vhu songo shatela mulomo wa mbumbelo, ndi si bebwe,

maṱo anga a si vhone maṱungu mangafha?

11Ngavhe ndo fela thumbuni ya mme anga,

kana ndi ri u bebwa ndi mbo ḓi fa.

12Khefha mme anga vho vhuya vha ntakula marumbini avho?

Ndi mini vho vhuya vha mmamisa?

13Ngavhe ndi fe zwenezwiḽa,

ndo vha ndi tshi ḓo vha ndo awela zwino,

nda lala tshaloni, nde tshete,

14ndó fama na mahosi na magota

vhe vha ḓifhaṱela pfamo,

dza sala dzi matumba.

15Ndo vha ndi tshi ḓo vha ndo fama,

unga vhavhusi vhe vha ḓadza pfamo dzavho nga musuku na siliva.

16

3:16
Jobo 10:19
Mufunzi 6:3-5
Ndi mini ndi songo mbo ḓi swiṱwa unga mafhelelanḓuni,

nda nga ṅwana we a si vhuye a vhona tshedza.

17Tshaloni vhavhi a vha tsha luka vhunwa,

vhashumi vho netaho vha a awela,

18na zwivhotshwa a zwi tsha shuma,

a zwi tsha kaidzekanywa.

19

3:19
Jobo 21:26
Mufunzi 9:2-3
Vhoṱhe vhá henengei,

vha na bvumo na vha sa ḓihwi;

phuli dzi fhedza nga u vhofhololwa.

20Ndi mini Mudzimu a tshi litsha vha no tambula vha tshi ḓi tshila?

Ndi mini tshedza tshawe tshi tshi ḓi vhonetshela vha ḽaho mbilu?

21

3:21
Jobo 6:9
7:15
Vha lindela lufu lwa si ḓe,

vha funa tshalo u fhira lupfumo;

22vha tshi elekanya tshalo vha a takala;

vha tshi humbula thulwi ya mavu vha a fhululedza.

23

3:23
Jobo 19:8
Hufha muthu a tshi tshila a sa ḓivhi hune a ya,

Mudzimu ó mu vhetshela luhura.

24

3:24
Ps. 42:3
80:5
102:9
Tshigomelo ndi zwone zwiḽiwa zwanga,

tshinwiwa tshanga ndi miṱodzi.

25Zwoṱhe zwine nda zwi ofha zwi a nngwela;

tshine nda tshi tetemela a tshi litshi u ḓa.

26A thi na mulalo,

a thi rudzi mbilu,

a thi aweli, tshanga ndi nyofho.